طقة الدريكسيون الينترا 2008

**Waleed_aboammar** · 20-05-2014 04:35 PM

يا جماعة انا عملت شبه عفشة كاملة (4 مساعدين و بارات الطرف و مسامير الميزان) بالإضافة لجوز وش كبالن خارجى بس ما غيرتش المقصات و لا جلبهم لانهم كانوا يمشوا شوية و فعلا أصوات الطقطقة راحت من المشى تماما الا لما امشى على حصى و دبش بيجى صوت الطقطقة في الدريكسيون لو ماشى عليهم بسرعة و خفيف لو ماشى بالراحة
المهم صاحب المركز اللى غيرلى الحاجات دى قالى ان ده عيب في الينترا 2008 بس مش مؤثر و بتمشى بيها عادى لغاية لما تجيب اخرها و يتغير استيراد عادى
سؤالى لانى كان معايا لانسر كريستالة و كان فيها نفس الصوت بس راح لما مدفع الدريكسيون اتزيت في التوكيل يا ترى ده هينفع مع الينترا و لا لأ؟ و هل فيه حل تانى غير اللى انا قولته و يتعمل ازاى و فين

**shiko85** · 20-05-2014 05:03 PM

المشاركة الأصلية كتبت بواسطة Waleed_aboammar

المهم صاحب المركز اللى غيرلى الحاجات دى قالى ان ده عيب في الينترا 2008 بس مش مؤثر و بتمشى بيها عادى لغاية لما تجيب اخرها و يتغير استيراد عادى

يعنى هو قالك ايه اللى هيتغير ؟؟
الموضوع ده هتلاقى فيه معلومات مفيده و حلول لمعظم المشاكل
http://www.nilemotors.net/Nile/27273...07-2011-a.html

**haysam2000** · 21-05-2014 10:18 AM

على حسب ما سمعت هو فعلا عيب شائع و مشكلته علبه الدركسيون بس تغييرها برقم هلامى ان شاء الله شباب الألنترا يفيدك اكتر

**Ahmed_Eldesoke** · 21-05-2014 11:36 AM

دا عليه الدريكسيون وعندى نفس المشكلة فى النترا 2013 ومظهرتش على طول ظهرت بعد فترة من الاستخدام وكل ما كنت اروح بيها يقولى سليمه مفيش مشاكل ودا طبيعي
لحد ما ربنا كرمني فى مرة وانا فى صيانة ال 20 ( صيانة سريعة ) بواد فني فليبينى فهمته المشكلة وبالفعل حلها وأختفت تمااااااااااااااماً بس ما اعرفش عمل اية بدأت المشكلة ترجع تانى دلوقتى بس خفيف جدااااااا والواضح ان العيب دا ما اتحلش فى الشكل الجديد كمان

**Waleed_aboammar** · 21-05-2014 12:20 PM

المشاركة الأصلية كتبت بواسطة shiko85

يعنى هو قالك ايه اللى هيتغير ؟؟
الموضوع ده هتلاقى فيه معلومات مفيده و حلول لمعظم المشاكل
http://www.nilemotors.net/nile/27273...07-2011-a.html

يا باشا تسلم ده طلع موضوع كبير و لامم حاجات كتير عن الموديل ده و ياريت لو حد برضه يقولى المفيد عن خبرة لانى بثق في رأى الناس هنا جدا و احب قبل ما اعمل حاجة تانى في العربية أكون درستها كويس و عارف ايه اللى هيتم فيها

**Waleed_aboammar** · 21-05-2014 12:55 PM

المشاركة الأصلية كتبت بواسطة Waleed_aboammar

يا باشا تسلم ده طلع موضوع كبير و لامم حاجات كتير عن الموديل ده و ياريت لو حد برضه يقولى المفيد عن خبرة لانى بثق في رأى الناس هنا جدا و احب قبل ما اعمل حاجة تانى في العربية أكون درستها كويس و عارف ايه اللى هيتم فيها

فعلا يا جماعة الموضوع اللى معمول للالينترا مخصوص لقيت فيه كلام عن طقة الدريكسيون زى ما طلبت
http://www.nilemotors.net/Nile/27273...2011-a-24.html
في الصفحة 24 :

بالنسبة لموضوع القطمة اللى حضرتك بتتكلم عليها دى اللى هى البارة الحديد اللى بين علبة الدركسيون و بين الطارة و الطقه دى معناها ان حصل فيها بوش وفى اسواء الاحوال لو غيرت البارة كلها دى تمنها 1100 جنية بدون مصنعية ودة تمنها فى التوكيل
حضرتك دي اسمها صليبه الدركسيون وفعلا بالتمن ده وهي اللي بيحصل ليها بوش
اما بقة لو حبيت تغير علبة الدركسيون نفسها كاملة فا تمنها 2850 جنية من غير مصنعيات برضة
انا ماعرفش علبه الدركسيون بكام بس علبه الدركسيون ( الاسكترا) دي في الحوض بتاع العربيه ومالهاش دعوه بالقطمه بس هي متصله بالصليبه
يعنى موضوع ال 15 الف و الكلام دة معلش يعنى هبل ما تصدقوش
القطمه هي الجزء اللي بيبقي فيه الموتور الكهربا وهوا اللي بيبقي معقد جدا..وفعلا تمنه كان جديد ب 15 الف (كان عيب واتصلح في موديل 2007) وبتتباع استيراد ب 2000 جنيه
اما بقة موضوع لمبة ال eps ربع ساعة فى التوكيل و هيظبطولك الموضوع بتاعها
ممكن العربيه محتاجه كاليبريشن ..دي بتتعمل وبسيطه خالص ومش مكلفه وعملتها في عربيتي قبل كده
وخد راى بقية الاعضاء برضة زيادة تاكيد على كلامى

بس الرد كان مرة عن علبة الدريكسيون و مرة عن البارة أو الصليبة و التكلفة مختلفة في كل رد
انا مابحبش اجيب الاستيراد الا لو فعلا الجديد هيكون غالى جدا و في الاخر دى مسألة تقدير
ما زلت في انتظار حد يكون غير البارة دى و يقولنا عمل ايه و هل تغيير البارة كافى أم لابد من تغيير علبة الدريكسيون كمان
و يا ترى ينفع تغييرها بقطعة من موديل أعلى مايكونش فيها العيب ده؟
مشكورين

**Waleed_aboammar** · 21-05-2014 01:21 PM

و أدى كمان موضوع بيتكلم على نفس المشكلة اللى عندى
http://www.nilemotors.net/Nile/367757-2008.html

الجميل بقى ان الموضوع ده فيه لينك لشركة هيونداى فيه ازاى حل المشكلة دى بتغيير جزء صغير في الوصلة المعيوبة

السلام عليكم

و انا بدور على المشكلة لقيت منشور فنى من هيونداى فية تفاصيل حل المشلكة دى موجه للمراكز الفنية Technical Service Bulletin (TSB) برقم 08-ST-002 يعنى المشكلة معروفة و ليها حل بتغير جزء داخل القطمة مش تغيرها كلها

دا شرح المشكلة المكتوب
If a vehicle exhibits a rattle noise in the steering column while driving at low speed
(under 40 mph) over rough roads, replacing the flexible coupling should correct this
condition.

لقيتها على https://www.hyundaitechinfo.com/
و دى لينك للملف نفسة 08-ST-002PDF - Download - 4shared

فى حد عندة فكرة نعمل اية عشان يصلحوا المشكلة ؟ّ!!
انا بعت شكوى لغبور من على الموقع
و ياريت اللى عندهم نفس المشكلة نقدر نتفق كلنا و نكلم غبور نعمل شكوة جماعية