الموضوع: ابدل e36 ب civic 6th

السلام عليكم
معايا bmw e36 العربية فابريكة برة وجوة بالكامل هايلاين مانيوال 1600 وبحالة ممتازة ,
بفكر اغيرها ب سيفيك بس تكون كاملة واتوماتك
الفكرة اني اغير لعربية يكون تكيفها احسن من المكيف الالماني وتكون اوتوماتك عشان دي عربية الاستخدام اليومي ومشاوير الشغل
ايه رايكم في الكلام ده ؟؟؟؟

لو عربيتك مبسوط منها يبقى خليها وممكن تشترى كمبروسر جديد يابانى تقريبا بألف جنبة او اكنر شوية وتركبة فيها حتلاقى التكيف دا ثلاجة

المشاركة الأصلية كتبت بواسطة sameh_fouad

هو طبعا فرق كبير مابين السيفيك والبى ام

من حيث التقفيل والراحة والمساحة والاوبشن والتكييف , والنعومة والارتفاع , واستهلاك البنزين كل دة فى صالح الهوندا الجيل السادس بس انصحك بموديل 2004-2005 ودة ال facelift

لكن البى ام اللى معاك هتتفوق فى الثبات , وشكلها رياضى اكتر , واى حاجة بتعملها فى العربية بيبقى شكلها جامد ماشاء الله

وبالنسبة للمحرك لو ماتور 1600 سى سى الاصلى بتاعها يبقى الافضلية هتكون للسيفيك بفرق مش كبير

لان الجيل دة من السيفيك نازل عائلى اكتر مش رياضى

وبالنسبة لقطع الغيار فانت قطع الغيار بتاعتك منتشرة اكتر سواء جديد او استيراد , لكن الهوندا الموديل دة موجود جديد لكن استيراد قليل شوية

الراجل بيسال عن الجيل السادس, من 96 ل 2000, و ده زى ما حضرتك عارف رياضى و قطع غياره متوفرة, حضرتك بتتكلم عن السابع, :)

شكرا على اهتمامكم وردودكم القيمة وده عشمي فيكم
انا فعلا بتكلم عن الجيل السادس 1996-2000 وبالذات 2000 vti
عربيتي كويسة جدا ومش مضايقني منها غير انها 1600 وانتو طبعا عارفين ان ال e36ثقيلة شوية فبتكون رخمة شوية جوا البلد على الموتور ده
وعشان العربية فبريكة بالكامل وستوك بالكامل وانا المالك االتاني فصعبان عليا اعدل فيها اي حاجة ومحافظ عليها ستوك
وكمان موضوع المانيوال ده صعب اوي اليومين دول
بس الغريبة انكم بتقولولي تكيف السيفيك برضه مش قد كدة انا كنت فاكرها زي الياباني عموما

المشاركة الأصلية كتبت بواسطة dr_omzy

السلام عليكم
معايا bmw e36 العربية فابريكة برة وجوة بالكامل هايلاين مانيوال 1600 وبحالة ممتازة ,
بفكر اغيرها ب سيفيك بس تكون كاملة واتوماتك
الفكرة اني اغير لعربية يكون تكيفها احسن من المكيف الالماني وتكون اوتوماتك عشان دي عربية الاستخدام اليومي ومشاوير الشغل
ايه رايكم في الكلام ده ؟؟؟؟

دى طعم و دى طعم تانى , الهوندا حتستمتع بالنعومة و اداء رياضى كويس, التكييف فى الهوندا كويس بس مش زى ما انت متخيل, السربنتينة صغيرة فى الحجم (نص السربنتينة اللى فى اى عربية تانيه) , بالنسبة للأستخدام اليومى و الاعتمادية و الاقتصادية اكيد الهوندا حتبقى افضل, حاول تجيبها فى تى اى 1600 و تكون حالتها ممتازة, مع انه صعب تلاقيها اليومين دول :)

هو تكيفها مش وحش, انا كان معايا 93 و بعده 97 فى تى اى ( نفس السربنتينة و نفس دايرة التكييف) و دلوقتى معايا صنى 2004, الصراحة تكيفها اقوى بكتير من الهوندا الموديل ده, بس برده الهوندا ليها مميزات تانية مش موجوده فى اى عربية يابانى

المشاركة الأصلية كتبت بواسطة sameh_fouad

على فكرة ياخالد انا الحمد صاحبى معاة صنى 2005 وانا بالهوندا بتاعتى , ومافيش اى فرق فى التكييف والاتنين الحمد لله تلاجة

هية بس مشكلة التكييف بتاع السيفيك , ان فية ناس مش بتصينة بقالها كتير وعايزاة بردة يديها نفس الاداء " طيب ازاى "

يا باشا انا كنت مغير كل حاجة فى التكييف, تلاجة و كمبرسور بتوع موديل امريكى اللى نازلين بفلتر, و مش بقول انه ضعيف, بس الايام الحر اوى اللى بنشوفها كان بيخسع شوية, فى الجو العادى كان بيتلج و بالتالى مش ححس بأى فرق, الفرق بيبان لما العربية تبقى مولعة و مش عارف تمسك الدركسيون, مع ان الصنى انا مبعتبرهاش عربية بالمقارنة بالفى تى اى, بس التكييف افضل بكتير من الهوندا ( حجم السربنتينة لوحده كفاية )