سؤال عاجل: هل تم إصلاح عيب تيل الفرامل في النيسان صني
أعزائي لو سمحتم
أنا مقبل على شراء سيارة جديدة خلال أسبوعين أو ثلاثة
كنت بفكر في النيسان صني الجديدة ، لكن الشكاوى المتكررة من سوء خامة تيل الفرامل (وما يسببه من مشاكل) جعلتني أصرف نظر عنها وأنا مستغرب جداً ، إزاي شركة نيسان مش قادرة تجيب تيل فرامل محترم (في رأيي فضيحة)
ولكن قلت أسأل مرة أخرى قبل الشراء ، لأن السيارة بها مميزات أخرى هايلة
لو سمحتو : هل مازالت مشكلة تيل الفرامل ذو الخامة السيئة ؟؟ هل مازال نفس نوع التيل السيء مستخدم ؟!
ملاحظة:
عارف إن فيه ناس هتقول ، وإيه يعني مشكلة في التيل ، وكل العربيات فيها مشاكل
ولكن أعتذر جداً ، لأنها بالنسبة لي مشكلة مؤرقة و رخمة أولاً
وثانياً ، لأن مش المفروض إننا نبرر لشركة عارفة مشكلة في منتجها ومصممة عليها ، وتقول لنا "إن كان عاجبكو "!!! يعني لو الشركة هتصدر العربية للخليج مثلاً ولا لأي بلد تاني ، كانت هتعمل كده ؟! ولا هو عشان الجمارك عاملة لها حماية هنا ومخلياها أرخص من المنافسين ، تقوم تعامل المستهلك المصري بهذا الاستهتار ؟!
ولو كل شركة مصرية عملت كده ، عمرنا ما هنصدر قشاية ... أرجو أن تكون المشكلة تم إصلاحها