الموضوع: زينة السيارات المخزلة

السلام عليكم ورحمة الله وبركاته

اولا انا لا شيخ ولا عالم ولا فقيه ولا اي حاجة من ده

ثانيا فيه موضوع بيضايقني من كترته وبكره نفسي لما اشوفة

فيه ناس كتير بتحط (مصحف: قران رب العباد ) في العربية قدام على التابلوه او ورا

المصحف ده اول حاجة اعظم حاجة احنا بنملكها واطهر حاجة على الارض

بيتعرض لحرارة واشعة شمس ودخان السجاير غير ان محدش بيراعيه محطوط زينة ؟

من الامثلة الي بشوفها

بنات مش محجبة ولبس عاري وحاطة مصحف ورا العربية (دليل انها عادة) (والله العظيم المصحف مقسوم نصين ومفتوح وشبه متقطع )

واحد حاطط المصحف وبيشرب سجاير هو والي قاعد جمبة

المصاحف الي في العربيات متهربدة ومتربه وورقها تحس انه محروق

الخلاصة القران ده عمره مكان زينة ولا كان وجهه ولا عشان حضرتك بتحط مصحف في العربية يبقى هتمنعك من الحوادث او تتحرق جوه العربية

والكارثة ان المصحف ده مبيستخدمش غير انه محطوط زينة

حتى لو حضرتك بتقراء قران حطه على الكرسي جمبك حطة او حطة على التابلوه وخدو معاك لما تخرج من العربية
انت لو ابنك تقدر تخليه معرض لاشاعة الشمس والدخان والهباب ده طول اليوم



عايز بجد تكون محفوظ (احفظ الله يحفظك ) خلي القران جوه قلبك حتى لو باّية واحده

سورة الفلق والناس والاخلاص تغنيك اصلا عن كل ده وتغنيك انك تحط مصحف ربك وكلام ربك ودستور الارض والسموات في مكان رث بزيئ ناس داخلة وناس طالعه في العربية معرض لمطر لهوا لميه لدخان سجاير عوادم اشعة شمس حرام حرام حرام

للأسف الحياة كلها أصبحت مظاهر فقط ، أيام النبي - صلى الله عليه وسلم - لم تكن هناك مصاحف ، ولكن النبي والصحابة من بعده كانوا قرآنا يمشي على الأرض ، أما الآن فنحن عكس ذلك تماما ، فتوجد المصاحف ولكنها عند الكثيرين نصوص لا يطبقونها ، ولا أبرئ نفسي من ذلك ، فاللهم أحسن خاتمتنا ، اللهم آمين .