محتاج حد فاهم كويس في Octavia A5 2007

دلوقتي أنا عندي كذا مشكلة في العربية Octavia A5 STATION 2007 بتاعت اخويا وهو مسافر وأنا اللي بصلحها دلوقتي وهقولكم الناس قالت لي إيه من غير ماكشف لسه , ومحتاج أعرف إيه العيوب بالضبط وأروح لمين , مع العلم إني ساكن في كوبري القبة والعربية ماشية 128 ألف كيلو ومعنديش تاريخ دقيق لتصليح العربية أو السيرفيس اتعمل امتى قبل كده

1- عندي لمبة AIR BAG منورة وهي مفتحتش ( اتقالي شريطه هي السبب )

2- الكلاكس بيعلق كتير جدا ومش شغال إلا لو كسرت الدركسيون آخر اليمين ساعتها بس يشتغل ( اتقالي برضه الشريطه هي السبب )

3- كهربة العربية مش مظبوطة , اعلي الكاسيت يقوم موطي الاول بعدين يعلى , آجي اقفل التكيف بسرعه يقوم معلي الهوا مش هيتقفل لازم أقفله شرطة شرطة , الإزاز اللي ناحية التانية من السواق يطلع للنص وبعدين ينزل تاني لوحده ( كل ده اتقالي عليه فولتات العربية مش مظبوطة )

4- مؤشر البنزين مش قاري حاجة ( اتقالي عوامة البنزين بايظة مع إنها متغيرة قبل كده )

5- أول مابحت المفتاح في الكونتاكت بينورلي مفتاح انجليزي ( كده محتاجة سيرفيس )

الله يكرمكم ساعدوني بمعرفة الاعطال واصلاحها فين وبكام الاسعار والسيرفيس ده اجيبله إيه بالضبط

وليكم الشكر مسبقا

ياباشا فيه المهندس خالد في مدينه نصر واي حاجه هاتها من الهاشميه

اقتباس:

---

المشاركة الأصلية كتبت بواسطة mido102

ياباشا فيه المهندس خالد في مدينه نصر واي حاجه هاتها من الهاشميه

---

اتعاملت معاه بردو قمه فالاحترام والمهنيه واسعاره مناسبه وفاهم جدا جدا

اقتباس:

---

المشاركة الأصلية كتبت بواسطة mido102

ياباشا فيه المهندس خالد في مدينه نصر واي حاجه هاتها من الهاشميه

---

ده مركز صيانة ولا ورشة وعنوانه إيه ؟

الناس بتقولي حاجات الهاشمية سعرها مبالغ فيها

ورشه بس المهندس خالد كان شغال ف ارتوك و حد ثقه جدا
هو فالحي العاشر عند دخله بنزينه موبيل عماره 10 بلوك 22 امام ابراج الواحه

اقتباس:

---

المشاركة الأصلية كتبت بواسطة rebelzor

ده مركز صيانة ولا ورشة وعنوانه إيه ؟

الناس بتقولي حاجات الهاشمية سعرها مبالغ فيها

---

و قوله من طرف دكتور عدنان من الأقصر

اقتباس:

---

المشاركة الأصلية كتبت بواسطة adnfalcon

و قوله من طرف دكتور عدنان من الأقصر

---

أنا متشكر جدا و ياريت لو حضرتك معاك نمرته

من عنيا

01002970564
بس كلمه بكره بالنهار بلاش بالليل و ربنا معاك

اقتباس:

---

المشاركة الأصلية كتبت بواسطة rebelzor

دلوقتي أنا عندي كذا مشكلة في العربية octavia a5 station 2007 بتاعت اخويا وهو مسافر وأنا اللي بصلحها دلوقتي وهقولكم الناس قالت لي إيه من غير ماكشف لسه , ومحتاج أعرف إيه العيوب بالضبط وأروح لمين , مع العلم إني ساكن في كوبري القبة والعربية ماشية 128 ألف كيلو ومعنديش تاريخ دقيق لتصليح العربية أو السيرفيس اتعمل امتى قبل كده

1- عندي لمبة air bag منورة وهي مفتحتش ( اتقالي شريطه هي السبب )

ج 1 - عادي بتتشال من علي الكمبيوتر تهنيجة او كانت العربية مرفوعة علي كوريك و نزلت

2- الكلاكس بيعلق كتير جدا ومش شغال إلا لو كسرت الدركسيون آخر اليمين ساعتها بس يشتغل ( اتقالي برضه الشريطه هي السبب )

ج 2 - ممكن تكون كارت الكلاكس اليي في التارة

3- كهربة العربية مش مظبوطة , اعلي الكاسيت يقوم موطي الاول بعدين يعلى , آجي اقفل التكيف بسرعه يقوم معلي الهوا مش هيتقفل لازم أقفله شرطة شرطة , الإزاز اللي ناحية التانية من السواق يطلع للنص وبعدين ينزل تاني لوحده ( كل ده اتقالي عليه فولتات العربية مش مظبوطة )

ج 3 - بالنسبة للكاسيت تهنيجة و يتشال الخطاء من علي الكمبيوتر الا لو فية اي سي معلق

- بالنسبة للتكيف برضو تهنيجة و تتظبط من علي الكمبيوتر

- و بالنسبة للزاز . ماتور رفع الزجاج و سعرها استيراد 450

4- مؤشر البنزين مش قاري حاجة ( اتقالي عوامة البنزين بايظة مع إنها متغيرة قبل كده )

ج 4- عادي ممكن تكون العوامة اليي اتجابت مش اصلي او مثلا بعد تفويلة العوامة علقت عادي بتتفك و بتتصنفر

5- أول مابحت المفتاح في الكونتاكت بينورلي مفتاح انجليزي ( كده محتاجة سيرفيس )

ج 5- ايوة ميعاد السيرفس و بتتشال من علي الكومبيوتر
-------------------
الله يكرمكم ساعدوني بمعرفة الاعطال واصلاحها فين وبكام الاسعار والسيرفيس ده اجيبله إيه بالضبط

وليكم الشكر مسبقا

---

الجواب تحت كل سوال

تحياتي لك و لاي استفصار ممكن المراسلة علي الانبوكس

م . طارق العدوي

اقتباس:

---

المشاركة الأصلية كتبت بواسطة skoda service

الجواب تحت كل سوال

تحياتي لك و لاي استفصار ممكن المراسلة علي الانبوكس

م . طارق العدوي

---

متشكر جدا على ردك وعندي كام استفسار , اكتبلك هنا ولا ابعتلك رسالة ؟

الأيرباج والكلاكس فعلا ساعات بيبقوا مرتبطين ببعض حاجة زي حساس الأيرباج
علامة المفتاح واليرفيس خلاص معاد السرفيس وتغيير زيت الموتور لازم يتغير وبتتشال بعد الصيانة.
التكيف لازم تقفل البكرة براحة وشويه شويه حاول تتعامل معاها كدة لأن البكرة بتبقي فوتت شويه ولازم الوحدة بتاعتها كلها يعني ممكن تتعامل كدة وأغلب ال a5 كدة
الكاسيت معرفش
العوامة ممكن تتصنفر تاني او يتم تغيرها مرة أخري
الزجاج اليمين بيعلق وساعات بينزل الترس الخاص به معلق وبتم تغير الترس بحوالي 100 جم وعندنا صديق لنا بالمنتدي الأستاذ أحمد مجدي قد اوصي بهذا الرجل قبل ذلك

عماد في العمرانيه لأصلاح ترس الزجاج01227120598

اقتباس:

---

المشاركة الأصلية كتبت بواسطة Moratoz

الأيرباج والكلاكس فعلا ساعات بيبقوا مرتبطين ببعض حاجة زي حساس الأيرباج
علامة المفتاح واليرفيس خلاص معاد السرفيس وتغيير زيت الموتور لازم يتغير وبتتشال بعد الصيانة.
التكيف لازم تقفل البكرة براحة وشويه شويه حاول تتعامل معاها كدة لأن البكرة بتبقي فوتت شويه ولازم الوحدة بتاعتها كلها يعني ممكن تتعامل كدة وأغلب ال a5 كدة
الكاسيت معرفش
العوامة ممكن تتصنفر تاني او يتم تغيرها مرة أخري
الزجاج اليمين بيعلق وساعات بينزل الترس الخاص به معلق وبتم تغير الترس بحوالي 100 جم وعندنا صديق لنا بالمنتدي الأستاذ أحمد مجدي قد اوصي بهذا الرجل قبل ذلك

عماد في العمرانيه لأصلاح ترس الزجاج01227120598

---

متشكر جدا

المهندس خالد في الحي العاشر

حاجه الهاشميه هيا الاصليه اللي بيتعاملبيها االتوكيل نفسه