الموضوع: استغاثة الى الكياوية والكارينزاوية بصفة خاصة .......... الحقونى

الحكم الفيصل هل فى مشكله بتحصل معاك وانت ماشى بالعربيه بخصوص الباور ......... ولما بتيجى تاخد ملف المفروض ان الدركسون بيتعدل لوحده بنسبه 90% هل دا بيحصل معاك ولا انت بترجعه بايدك

المشاركة الأصلية كتبت بواسطة eslamsubaru

!!!!!!
طبيعى جدا لما تعمل كده و العربية مطفية لأن الباور مش شغال ... الصوت ده نتيجة عدم قدرة العلبة على تدوير العجل بالاتجاه لأن الطرمبة بتاعة الباور مش شغالة و العربية مطفية .. و انت بتعمل الدركسيون بطريقة لازم تعمل صوت .. الصوت ده طبيعى ,, مدام مفيش اى مشكلة بتحصل لما العربية تدور و الباور بيشتغل : يبقى علبة الدركسيون سليمة .

متوهمش نفسك عربيتك سليمة.

ربنا يطمئن قلبك ويبارك فيك وشكراً لمرورك الكريم والمشاركة

المشاركة الأصلية كتبت بواسطة andrew uwj

حضرتك زى اللى بيكسر فى علبه الدركسيون

ههههههههههههه انت خليتنى أحس ان أنا مفترى على العربية ......
هو اللى انا عملته ده بيكسر علبة الدركسيون فعلاً ؟؟
وأشكر حضرتك على الإهتمام والرد

المشاركة الأصلية كتبت بواسطة enghany

اخي الفاضل
لا طبعا مش طبيعي انك تسمع الصوت ده سواء العربيه مطفيه او شغاله و ياريت لو حد لسه مستلم العربيه زيرو ايا كان نوعها يجرب طبعا مش هيلاقي حاجه
الصوت الي حضرتك بتسمعه يا اما في العلبه او وصله الصلايب اكشف و شوف

انا أميل للإعتقاد ان فيه مشكلة لإنى باكون حاسس إن فيه بوش فى الدركسيون ...... وفى أنتظار تجارب الإخوة الأعضاء فى المنتدى
وشكراً لحضرتك على الإفادة بالرأى

المشاركة الأصلية كتبت بواسطة احمد المصرى

الحكم الفيصل هل فى مشكله بتحصل معاك وانت ماشى بالعربيه بخصوص الباور ......... ولما بتيجى تاخد ملف المفروض ان الدركسون بيتعدل لوحده بنسبه 90% هل دا بيحصل معاك ولا انت بترجعه بايدك

الدركسيون عادى جداً وبيرد لوحده فى الملفات والحمد لله
شكراً لحضرتك على المشاركة القيمة

المشاركة الأصلية كتبت بواسطة ehab_osman

يا خالد لا تشغل بالك طالما العربية وهي دايرة والعربية وهي ماشية لا توجد بها اي صوت ................ جمد قلبك ومفيش فيها حاجة .

لان الاساس ان الاصوت الخطيرة او اصوات المشكلة والعربية بتمشي .
والصوت ده عادى جدا .................. بس للامانة انا حركز مع العربية قبل الدوارة وحقولك.

تحياتي

الله يبارك فيك يا ايهاب باشا، أنا طالب رأيك مخصوص عشان انت عديت ال 100 ألف - وفى انتظار نتيجة تجربتك وشكرا


أشكركم جميعا على الإهتمام والرد
أنا النهاردة جربت على عربية صديق لى موديل 2011 وعامل 72 ألف كيلو
نفس الصوت بيطلع عنده برضه

بس للأمانة هو بيهربد العربية فى المطبات زى حالاتى كده !!!!

وفعلاً زى ما قال الأخ الفاضل المهندس هانى لازم نجرب الموضوع ده على عربية زيــرو