الموضوع: معاناتى فى تظبيط لادا سمارا بالورقه والقلم

الاخوه الافاضل..
السلام عليكم..
دى قصتى مع لادا سمارا 2108 موديل 88
دى صورتها لما كانت معروضه للبيع على دوبيزل من قبل البائع..


واللى حصل كالتالى..
1- ظبط فرامل وتغيير مكبس (25 جنيه) وزيت فرامل (15 جنيه) ومصنوعيه (30 جنيه).
2- تغيير كلاكس (15 جنيه) وحجر ريموت (10 جنيه) مصنوعيه 15 جنيه.
3- تغيير زيت وفلتر (85) ومصنوعيه (10) واكراميه لصبى (5).
4- مرايه (45).
5- غطاء قماش للعربيه (85).
6- فردة كاوتش اندونيسى (290 ) ومصنوعيه تغيير وتركيب (7).
7- تصليح أكرة باب (10 ).
8- تغيير اسبراتير (220) وطمبوره خلفيه استيراد (50 ) ومصنوعيه (20).
9-كشاف اشاره (35).
10 - تظبيط كلاكس واشارات (15).
11- تظبيط فرامل وملو تيل وخراطة طنابير كله (180)
12- ترصيص الكاوتش الامامى (10).
13- تغيير لمبه اماميه (35)
14- طقم شمبر وفلتر وتغيير زيت مرتين وجوانات - نص عمره - كله بالمصنوعيه حوالى 500 جنيه.
15- وش فانوس امامى (25).
16- لمبة شبورة وتظبيط فيوزات كله بالمصنوعيه (30 ).
17- جلدة رداخ طلمبة بنزين بالزغاد (25) وتركيبها (10)
18- تغيير قاعدة شاربون للمارش (100) ومصنوعيه (25)
19- تغيير طقم بوجيهات (55)وتنظيف كربراتير ومصنوعيه الكل (20 )
20- تغيير قلب مساعد (175) وبيضتين مقصات (100) و2 كوبلن (300) ومصنوعيه (80).
21- بودره لكاوتش كان بيسرب (40).
22- فلاشه كاسيت (40).
23- تغيير استبن بايظ بواحد تيوبلس مستعمل والفرق (50)
24- كوريك تمساحه مستعمل 1 طن (75).
25- سمكره كامله (700).
26- دهان (بره كامل فرن وتلقيط دواخل وارضيه ودواخل عجل اندر كوت) الاتفاق على (1500)..

والسنيوره حاليا خرجت من السمكره ودخلت الدهان ودا شكلها بعد ما فضيتها كلها من الداخل بنفسى عشان اى حاجه فيها تتعمل ..






هذا وسنوافيكم بالاخبار تباعا وبالتكاليف والصور الجديده..
بس نصيحه من أخ.. تجنب شراء عربيه محتاجه تظبيط عشان هتزهق من الصنايعيه..
ويارب يكون فى الموضوع افاده لاى اخ فى المنتدى..

متشكر على مروركم العطر..
نكمل بقا..
27- 2 غماز اشاره 10 جنيه
28- 2 جلده مصافى مياه فى اسفل العربيه 4 ج
29- دفيكون شفاف 5 ج
30- تلبيسة كراسى تفصيل شمواه 100 ج (5 متر فى 20 ج)
31- مزيل صدأ 27 ج
32- مفصلات شنطه 120ج
33- الشفه اللى بيقفل عليها كالون الشنطه (مش عارف اسمها الدارج ايه) 30 ج