مشكله عاطفية

**eng.salama93** · 21-05-2014 05:56 AM

هي الكليه بتاعتك عيب ولامؤاخذه ؟ يعني انتا مثلا ف المعهد القومي لدودة القز ولا حاجة ؟
بص يابيه هقولك حاجة
انا راجل ف كلية هندسة اهو و الحمد لله العملية كويسه و اصلي من بلد زيك كدا جنب القناطر ب 3 دقايق و عندنا بيت هناك
و انا ساكن ف القناطر نفسها .. بس كيفي بقي اقعد ف البيت اللي ف البلد و اللي مش عاجبها تغور بقي
طالما بقت بالكلية
خلاص يبقي اتنطط بقي علي احسن واحده ؟
سبحان الله

**alavokatooo_o** · 21-05-2014 05:57 AM

المشاركة الأصلية كتبت بواسطة الاستاذ

هى ليها حل
انك تشوف شقة فى المدينة وتقفل شقتك الى فى القرية وتنزل فيها فى الاجازات
وانت اهو بتقول قدامك سنتين يعنى فى وقت

دي شقتي في بيت اهلي حضرتك وانا اخواتي متجوزين في البيت ده واولادهم فيه وانا عايز اولادي ميكونوش غرب ويتربوا مع ولاد عمامهم انا غلطان في حلمي ده وحاسس اني لو اتنازلت في دي هخسر نفسي وكرامتي

**alavokatooo_o** · 21-05-2014 06:01 AM

المشاركة الأصلية كتبت بواسطة eng.salama93

هي الكليه بتاعتك عيب ولامؤاخذه ؟ يعني انتا مثلا ف المعهد القومي لدودة القز ولا حاجة ؟
بص يابيه هقولك حاجة
انا راجل ف كلية هندسة اهو و الحمد لله العملية كويسه و اصلي من بلد زيك كدا جنب القناطر ب 3 دقايق و عندنا بيت هناك
و انا ساكن ف القناطر نفسها .. بس كيفي بقي اقعد ف البيت اللي ف البلد و اللي مش عاجبها تغور بقي
طالما بقت بالكلية
خلاص يبقي اتنطط بقي علي احسن واحده ؟
سبحان الله

حضرتك انا والله في كلام كتير مقلتوش بتقولي انا اختارت اكون معاك واحقق حلمي مع اني ممكن احققه مع حد تاني وكان هيحصل بس اختارتك شوف انت معني الكلام ده ايه

**eng.salama93** · 21-05-2014 06:05 AM

المشاركة الأصلية كتبت بواسطة alavokatooo_o

حضرتك انا والله في كلام كتير مقلتوش بتقولي انا اختارت اكون معاك واحقق حلمي مع اني ممكن احققه مع حد تاني وكان هيحصل بس اختارتك شوف انت معني الكلام ده ايه

لو بتحبك كانت هتشوف ان حلمها عمره ما هيتحقق الا معاك انتا
انما لو ممكن يتحقق مع غيرك يبقي انتا زيك زي غيرك
و افهمها انتا بقي

**4fun14** · 21-05-2014 06:16 AM

هو انا قادر اتفهم انها مش حابه تعيش ف القريه..
بس باقي الكلام مستفز شويه.. انا اتنازلت عن الكليه-انا بيتقدملي ناس واخترتك انت
بص متنشفش دماغك ف موضوع بيت القريه ده لان معاها حق.. ومحدش عارف شغلك هيكون فين اصلا بس اتاكد الاول انها شخصيه كويسه لاني حاسسها انانيه شويه
وبتقول كلام ميتقالش

**M!SHO** · 21-05-2014 06:22 AM

انا حاسس انك واخد قرارك ومش محتاج رأي حد هنا انت محتاج سبورت لقرارك

انا دايماً ماشي بمبدأ " لو قلبي هيدوس على كرامتي هفعصه تحت رجلي "

مكدبش عليك خسرني كتير سواء بنات او ولاد...بس كفايه اوي عندي اني لما بتجمعني الظروف بيهم تاني ابقى رافع راسي لفوق

اعذرني في الكلمتين دول خليك راجل وانشف اللي زي دي مينفعش تبقى مراتك ولا اي واحده تقولك انا اتنازلت او حتى تفكر من جواها في كده

من الاخر خليك برنس :)

**KemozTanta** · 21-05-2014 06:47 AM

المشاركة الأصلية كتبت بواسطة alavokatooo_o

تعتقد حضرتك في حاجه تتقال بعد ما قالت ده قرار مش هتراجع فيه وهتنازل والكلام ده دا غير كلام اهلها الي دايما كانت تقولي هما في البيت مش هيجوزوني غير لواحد مستواه عالي انا مش بقول الكلام ده علشان في مشكله فانا بقول الوحش بس هي فيها حاجات كتير حلوه بس تبقي ايه جنب الكلام الي انا كاتبه فوق ده

كلمة واحدة ، شوف غيرها لان انتم كدا شخصيتين مختلفتين ودي مشكلة كبيرة
انت عايز تعيش في جو البيت والعيلة وهي عايزة تعيش في جو المدينة وكل واحد في حاله ! متخيل زي واحد اجتماعي وبتاع خروج وسفر اتجوز واحدة انطوائية قاعدة في البيت مش عايزة تنزل منه ، اكيد هيزهق منها ومن حياته كلها بسبب اختلافهم الشديد دا..
هي قررت وانت عليك تقرر ، هتقدر تنفذ رغبتها ولا لاء ، انت لازم تحسبها كويس هل بيت العيلة متماسك ويستحق انك تقرر متسيبوش ولا فيه مشاكل وخناقات والي اخره ، خللي بالك برضة اصلها مش بالشكليات انك تقعد بيت عيلة وخلاص وبيت العيلة دا يكون مولع نار ومحدش طايق التاني ..
اعتقد هي واضحة معاك في شكل حياتها اللي عايزاه وبتقولك " قررت " وانت للاسف مش مناسبك الوضع دا .وبعدين هي شكلها بتفكر بعقلها وانت بقلبك ، اصل ايه عايزاك وتتكلم في التعليم والمستوي عالي ولا واطي و بعدين بتحبك بس مش هتجوزك غير لو عيشت في المدينة !
فكر انت كمان بنفس الاسلوب ، هل هي تستحق انك تسيب بيت العائلة و تعيش في المدينة وتتنازل عشانها ! هل هي مادية وبتصرف كتير ولا انسانة متواضعة.. هل متدينة ولا في الباي باي...
ماهو انت اللي تقرر التفاصيل دي كلها .. هل مشكلتكم الوحيدة السكن فين !
رأي المتواضع انك لا تتهاون وتقيم طبقاً لظروفك انت الحقيقية ، اصل انت اللي هتبقي راجل البيت ويوم ماتقصر هتلاقيها هي واهلها بالمرصاد ، لو يناسبها اهلا وسهلا مش مناسب ليها خلاص شكراً.. عشان متتعبش وتكره نفسك وظروفك بسبب واحدة باصة للمكان اهم من الانسان ومش عاجبها حالك كدا.. لا في غيرها اللي يرضي بيك وبحالك ويبقي مبسوط كمان

**mustafavet** · 21-05-2014 07:16 AM

اتنازلت عن الكلية؟!!!!

**A.Saad** · 21-05-2014 07:22 AM

الشباب قالوا احلى كلام
وياريت تعرف منها بشويش هما ليه سابوا القرية وراحوا المركز ؟ فكرتها ولا فكرة مين ؟؟
وهل بينزلوا للقرية ولا لا ؟ وليهم مصالح فيها ولا مطنشينها ؟
لانى خايف انها تقالك فى يوم اهل البلد ومش هاروح لهم والاسطوانة دى

وعلى فكرة الجواز مش بالشهادات

العريس الكويس المحترم البنات بتتمسك بيه لو عاقلة
وكلام البنات عن عريس بييجى كل 10 دقايق ده اعرف انه خيال غير علمى

**احمد المصرى** · 21-05-2014 07:33 AM

البنت مش غلطانه بالعكس دى واضحه جداااااااااااااااا هيا لاى سبب مش عايزه تعيش هناك ودا حقها بدون اسباب وانت برضوا من حقك تقبل او تقلها مع السلامه بدون اسباب ...... برضوا البنت ممكن تكون بتفكر فى اولادها وعايزه تهرب من مشاكل بيت العائله ال هيا بتسمع عنها عموما دا احتمال وانت من حقك ترفض او توافق

الموضوع: مشكله عاطفية

LinkBack

أدوات الموضوع

عرض

-

-

-

-

-

-

-

المواضيع المتشابهه

مشكلة عاطفية

مشكلة عاطفية...........ومحتشاج مشورة

اكبر صدمة عاطفية في العالم

عندى مشكله تأخر الدواره صباحا و مشكله تانيه فى السخونيه

مشكله فى اضاءه فوانيس السيراتو واظن انها مشكله عامه

الكلمات الدلالية لهذا الموضوع

المفضلات

المفضلات

ضوابط المشاركة