المشاركة الأصلية كتبت بواسطة m!sho
انا حاسس انك واخد قرارك ومش محتاج رأي حد هنا انت محتاج سبورت لقرارك
انا دايماً ماشي بمبدأ " لو قلبي هيدوس على كرامتي هفعصه تحت رجلي "
مكدبش عليك خسرني كتير سواء بنات او ولاد...بس كفايه اوي عندي اني لما بتجمعني الظروف بيهم تاني ابقى رافع راسي لفوق
اعذرني في الكلمتين دول خليك راجل وانشف اللي زي دي مينفعش تبقى مراتك ولا اي واحده تقولك انا اتنازلت او حتى تفكر من جواها في كده
من الاخر خليك برنس :)
انا بحبها والله بس هي مصعباها علي جدا مش مخلياني اخد قرار في صالحنا مفيش مرونه منها مفيش حاجه اسمها اخدت قرار في الجواز لازم يكون في تشاور
المشاركة الأصلية كتبت بواسطة kemoztanta
كلمة واحدة ، شوف غيرها لان انتم كدا شخصيتين مختلفتين ودي مشكلة كبيرة
انت عايز تعيش في جو البيت والعيلة وهي عايزة تعيش في جو المدينة وكل واحد في حاله ! متخيل زي واحد اجتماعي وبتاع خروج وسفر اتجوز واحدة انطوائية قاعدة في البيت مش عايزة تنزل منه ، اكيد هيزهق منها ومن حياته كلها بسبب اختلافهم الشديد دا..
هي قررت وانت عليك تقرر ، هتقدر تنفذ رغبتها ولا لاء ، انت لازم تحسبها كويس هل بيت العيلة متماسك ويستحق انك تقرر متسيبوش ولا فيه مشاكل وخناقات والي اخره ، خللي بالك برضة اصلها مش بالشكليات انك تقعد بيت عيلة وخلاص وبيت العيلة دا يكون مولع نار ومحدش طايق التاني ..
اعتقد هي واضحة معاك في شكل حياتها اللي عايزاه وبتقولك " قررت " وانت للاسف مش مناسبك الوضع دا .وبعدين هي شكلها بتفكر بعقلها وانت بقلبك ، اصل ايه عايزاك وتتكلم في التعليم والمستوي عالي ولا واطي و بعدين بتحبك بس مش هتجوزك غير لو عيشت في المدينة !
فكر انت كمان بنفس الاسلوب ، هل هي تستحق انك تسيب بيت العائلة و تعيش في المدينة وتتنازل عشانها ! هل هي مادية وبتصرف كتير ولا انسانة متواضعة.. هل متدينة ولا في الباي باي...
ماهو انت اللي تقرر التفاصيل دي كلها .. هل مشكلتكم الوحيدة السكن فين !
رأي المتواضع انك لا تتهاون وتقيم طبقاً لظروفك انت الحقيقية ، اصل انت اللي هتبقي راجل البيت ويوم ماتقصر هتلاقيها هي واهلها بالمرصاد ، لو يناسبها اهلا وسهلا مش مناسب ليها خلاص شكراً.. عشان متتعبش وتكره نفسك وظروفك بسبب واحدة باصة للمكان اهم من الانسان ومش عاجبها حالك كدا.. لا في غيرها اللي يرضي بيك وبحالك ويبقي مبسوط كمان
انا اسف في الي هقوله ده بس في غيرها لو دخلت حياتي وشافت الي هي هتبقي فيه هتكون طايره من الفرح لكن هي دايما شايفه ان ده اقل حاجه حصلت ليها يعني هديك مثال مره بقولها علي ان لو في حاجه العربيه مووده نجبها بالعربيه فبتقولي متفرقش معايا قولت عادي يعني مش لازم ترقص ان في عربيه بس انها تبقي حاجه ان في حد تاني كان ممكن يكون زي وهيخليها تعيش في مستوي احسن مني مخليني حاسس اني كنت اختيار مؤقت لو نفذت الي عيزاه كان بها لو محصلش في غيرك هيعمله
المشاركة الأصلية كتبت بواسطة a.saad
الشباب قالوا احلى كلام
وياريت تعرف منها بشويش هما ليه سابوا القرية وراحوا المركز ؟ فكرتها ولا فكرة مين ؟؟
وهل بينزلوا للقرية ولا لا ؟ وليهم مصالح فيها ولا مطنشينها ؟
لانى خايف انها تقالك فى يوم اهل البلد ومش هاروح لهم والاسطوانة دى
وعلى فكرة الجواز مش بالشهادات
العريس الكويس المحترم البنات بتتمسك بيه لو عاقلة
وكلام البنات عن عريس بييجى كل 10 دقايق ده اعرف انه خيال غير علمى
هما سابوها زي أي حد بيسيب مكان لانه لقي مكان افضل والعيله كلها مشيت من فتره مش كبيره اوي بس حوالي 9 سنين مثلا وينزلوا القريه كتير لان اهل ابوها وممامتها من هنا مفيش حد في المدينه خالص
المشاركة الأصلية كتبت بواسطة احمد المصرى
البنت مش غلطانه بالعكس دى واضحه جداااااااااااااااا هيا لاى سبب مش عايزه تعيش هناك ودا حقها بدون اسباب وانت برضوا من حقك تقبل او تقلها مع السلامه بدون اسباب ...... برضوا البنت ممكن تكون بتفكر فى اولادها وعايزه تهرب من مشاكل بيت العائله ال هيا بتسمع عنها عموما دا احتمال وانت من حقك ترفض او توافق
حضرتك انا لو عارف ان البيت فيه مشاكل مكنتش انا نفسي هقعد فيه المشكله في تنشيف الدماغ وكلمات التنازل الي بتتقال انا بحبها بس مش عايز ابداء حياتي باني رضيت بحقوق واتنازلت ومش هتنازل في المكان الي هعيش فيه كمان فاهمني حضرتك
المفضلات