ايه رايكم في معرض المصرية للسيارات

**khedr_81** · 11-10-2008 03:51 PM

سمعت انه بيغلي علي الناس اللي بتشتري
و سمعت انه مابيديش المخالصة لما بتخلص القسط
لكن يما رحت لقيته شغال و كويس
ارجو الأفادة (من واقع التعامل)

**gade2** · 11-10-2008 04:03 PM

الناس راحت فين دا نص مصر مقسطه عربيتها

**ahmad7610** · 11-10-2008 07:32 PM

أنا خفت أشترى منها ...سعر الجرنال والعروض حاجة والواقع انهم نفس سعر الوكيل حتى لو كاش

**abdelaziz-waleed** · 11-10-2008 07:43 PM

ممكن تراجع الموضوع ده وان شاء الله هايفيدك

مسخرة المصرية

**sasatony** · 11-10-2008 08:16 PM

انا مردتش اشتري منهم لانهم زي ماسمعمت واتاكدت بنفسي ان معاملتهم مش كويسة خالص وهمهم الاول ياخدو الفلوس الي مع العميل
وفي هنا اكتر من عضو شافو عربيات المصرية وهي بتتسمكر بسبب الحوادث وبتتباع علي انها جديدة

**mohaismail** · 11-10-2008 09:35 PM

نصابين جدا انا كان هينضحك عليا بس كشفتهم والحمد لله اشتريت من الوكيل

**Amrrr** · 12-10-2008 12:59 PM

انا أختي اشترت منهم افيو من شهر مارس اللي فات وبعد ماحجزناها 86000جم بكام يوم كدة لقيناها نزلت ألف ونص وخدناها فعلا من المصرية ب 84500 جم من غير مانتكلم وهما اللي قالوا ونزلوا الفلوس & وبيدوا فعلا الهدايا اللي بيقولوا عليها
وبعد حوالي تلات شهور وانا بعمل صيانة الخمسة آلاف اكتشفت ان البطارية اللي في العربية مش بتاعتها وبطارية فيها مياه مش جافة ولقيت كل العربيات اللي في التوكيل فيها البطارية الجافة بتاعة الأفيو والبطارية اللي عندي مبهدلة ومتخربشة وشكلها مبهدل اوي فقالولي في التوكيل ارجع للمعرض اللي شاري منه & ورحت فعلا ودخلت عند مدير المعرض طبعا هما في الأول قعدوا( يشقطوني ) لبعض لحد مادخلت لمدير المعرض وتاني يوم رحتلهم غيروا البطارية من غير اي مشاكل ولا حرقة دم على عكس ماكنت متوقع مع ان مدير المعرض قاللي انت اتأخرت اوي كدا انت جاي بعد كام شهر تقول البطارية مش بتاعة العربية ؟ طبعا الواحد بيروح يدفع التمانين ألف في زيرو عشان مش بفتح الكبوت كذا سنة وانا فعلا مفتحتوش غير يوم صيانة الخمسة آلاف والحمد لله موقفي معاهم عدا على خير ومن غير مشاكل
وسعرهم زي سعر التوكيل يعني أرخص من بقية المعارض بحوالي تلات آلاف جنيه في معظم العربيات

وياريت لو حد بيقول رأيه يكون من واقع تجربة ويحكي اللي حصل

**Fadi Ezzat** · 18-01-2009 02:21 PM

انا بقول انة احسن معرض موجود فى مصر

**hhmg2009** · 18-01-2009 03:30 PM

يا اخواننا اكيد فيه حاجه غلط ، شوية بيقولوا عليهم حاجات لو في بلد تانية كانوا اتحبسوا و ناس بتقول عليهم احسن ناس
يا ريت اللي يعلقوا يبقي من واقع خبرة و تعامل معاهم مش مجرد اقاويل

-

الموضوع: ايه رايكم في معرض المصرية للسيارات

LinkBack

أدوات الموضوع

عرض

-

-

-

-

-

المواضيع المتشابهه

المصرية للسيارات

زيارتى لسوق المصرية للسيارات للسيارات المستعملة

معرض المصرية للسيارات لتقسيط المستعمل

المصرية للسيارات

الكلمات الدلالية لهذا الموضوع

المفضلات

المفضلات

ضوابط المشاركة