انا محتار مابين الاتنين دول جدا بس حتبقا الفئه الاول بيجو والفئه التانيه فلوانس انا عاوز عربيه عائليه وشيك شكلها حلو وتكون مفهاش مشاكل كتير يعنى العمر الافتراضى بتاع قطع الغير يكون معمر ولما احب ابيع امسك فيها سعر مع العلم انا فى العشرينات ومتجوز
عرض للطباعة
انا محتار مابين الاتنين دول جدا بس حتبقا الفئه الاول بيجو والفئه التانيه فلوانس انا عاوز عربيه عائليه وشيك شكلها حلو وتكون مفهاش مشاكل كتير يعنى العمر الافتراضى بتاع قطع الغير يكون معمر ولما احب ابيع امسك فيها سعر مع العلم انا فى العشرينات ومتجوز
طب ليه مفكرتش فالكورولا مع الرينو
او مثلا السيفيك
بس الفلوينس سيدان و البيجو مش باعرف اصنفها بالظبط هل هيه suv ولا هتشباك ؟
مش فرقه معايا كتير انا مشاوير مفهاش مطبات كتير وشغلى بروح بعربية الشغل ومعايا عربية تانيه صغيره بتاعة مراتى يعنى العربيه مش حتتحرك كتير يدوب سفر مشاوير مهم بس وانا معيش غير مراتى وبنتى صغيره وانا معايا دلوقتى مرسيدس c240 موديل 2003 عربية تحفه طبعا بس مشكلتها انها 6 سلندر و2600 سى سى يعنى بنزين كتير اوى وكمان قطع غياره غاليه اوووى وكبيره عليه بحس نفسى صغير اوى جوه
و الله لو هاتدور على برستيج و عربيه مريحه فى السفر و استهلاك بنزين ممتاز هاقول لك الفلوينس بس هيه كبيره حجما نسبيا مش زى ال c240 بس بالنسبه لفئتها , 2008 مش عارف باحس انها صغيره و سعرها عالى على الحجم ده , بس انا ما اعرفش حاجه عنها , اقدر افيدك فى الفلوينس بس , روح اتفرج على الاتنين و خد الانطباع الاول و الراحه النفسيه
بص هو سعر الرينو فى الفلوينس اتحسن كتير عن الميجان بسبب اعتمادية موديلات الفلوينس و عدم ظهور مشاكل السنين اللى فاتت زى الميجان و اعتقد انه الموديل الجديد هايكون سعر اعادة بيعه احسن بسبب الموتور و الفتيس و التكييف اليابانى بتاع نيسان . رينو و نيسان شركه واحده . و انت عارف عشق المصريين لاى حاجه فيها من ريحة اليابانى و كده كده هايكون احسن من ال 2008 . بس انت عارف طالما اخترت تشترى ماركه اوروبى يبقا انت اخترت الرفاهيه و التكنولوجيا يبقا ما تحطش سعر البيع فى دماغك دلوقتى خليها بوقتها . انا لما كنت باشترى الاوبترا النلناس كانت مخوفانى من سعر البيع وقتها و بعد 5 سنين اتغير الحال و ما شاء الله بعتها فى ساعتين بس من ساعة ما خدت قرار البيع و بالسعر اللى انا عايزه و بتسبق الصنى فى سرعة اعادة البيع . انا عن نفسي باغير كل 5 سنين . فخليها بوقتها الدنيا بتتغير . انت شايف الاوروبى هاجم السنتين اللى فاتوا بطريقه غير مسبوقه مع تراجع اليابانى نسبيا
انا معاك 2008 اكتر شبابيه و فعلا حتى الفئه الاولى اتوماتيك فى الفلوينس ما فيش زيها نسبيا . بس 2008 مش بياعه قوى برضه . طالما عايزها شبابيه و انت معاك المرسيدس و اكيد مش عايز تغير لفئه كبيره حجما خصوصا انه الفلوينس المفروض انها تكون c segment . بس هيه ما بين ال c segment و ال d segment . يبقا خليك فى ال 2008 . طلعة الفلوينس الاولى فى السحب مش شبابيه . زيها زى الاسترا و الاوكتافيا نسبيا