ارجو الافاده فى Bmw 318i

**M.Mokhtar** · 22-09-2008 01:35 AM

اهلا بكل عصابة البيمر
كل سنه وانتوا طيبين

انا ان شاء الله ناوى ابيع حبيبة قلبى veccy وانضم للعصابة القويه
وكنت ناوى على 318i موديلات 2003-2005
بس سمعت ان الموديل ده فى مشاكل وناس اشتكت منه
وموضوع العفشه الالومنيوم دى وحاجات غريبه كده مش مصدق انها فى بى ام
وناس قالتلى ماتخليك فى الفئة الخامسه هتبقى فى نفس السعر تقريبا

انا عايز حد خبير فى البى ام يفيدنى فى فعلا مشاكل فى الموديل ده خصوصا انى عايزها استبترونك كامله (هاى لاين)

ولو فعلا الفئة الخامسه بنفس السعر هتبقى احسن ولا ايه مشاكلها
يعنى ياريت مقارنه سريعه لمميزات وعيوب الموديلات دى للفئة التالته والخامسه

**Ibtal** · 22-09-2008 04:03 PM

أنا بسوق BMW 318 من سنة 1995 . كان عندي 2004 و 1995 بس diesel
لا أعرف عن أي عيوب واضحة و لكن العربية متعة في السواقة
.

**M.Mokhtar** · 22-09-2008 04:09 PM

المشاركة الأصلية كتبت بواسطة Ibtal

أنا بسوق BMW 318 من سنة 1995 . كان عندي 2004 و 1995 بس diesel
لا أعرف عن أي عيوب واضحة و لكن العربية متعة في السواقة
.

يعنى حضرتك رأيك ال 318 ولا الفئة الخامسه احسن؟
انا عارف ان الفئة الخامسه اكبر بس فى فرق فى الكماليات والقوة والثبات ولا مش هتحسب بفرق جامد ما بينهم؟

**Ibtal** · 22-09-2008 04:34 PM

إنت إلي بتطلب الكماليات. ممكن تحط أي حاجة عايزها . إسأل عايز أنه كماليات و حاقول لك موجودة ولا لا.
318 sporty أكتر من 500

**Ahmad Allawy** · 22-09-2008 10:12 PM

شوف يا حماده..
ده ميل بيشو.. اكسبرت..
trinitytuning@hotmail.com
ضسفه و اسأله هيفيدك ان شاء الله..

**M.Mokhtar** · 23-09-2008 01:41 AM

المشاركة الأصلية كتبت بواسطة Ibtal

إنت إلي بتطلب الكماليات. ممكن تحط أي حاجة عايزها . إسأل عايز أنه كماليات و حاقول لك موجودة ولا لا.
318 sporty أكتر من 500

طيب دى كماليات الفكترا من موديلات 2000 زى اللى معايا
ياترى ايه منها موجود وايه لأ وايه زياده عنها
مستعد؟؟!!!
يلا بينا :)

تكييف تاتش
باور - سنتر
فرامل ديسكات امامى وخلفى + ABS
مانع انزلاق العجلات (Traction Control)
4 زجاج كهربا اوتوماتك (يفتح او يقفل بلمسه وحده) بخاصيه التوقف لو اعترضه اى شئ
وحده رفع زجاج مع السنتر للاربع ابواب
مرايات كهربا وضم كهربا مع السنتر بها سخانات لازاله الشبورة
ساخان للزجاج الخلفى
فوانيس شابورة امامى وخلفى
كراسى جلد طبيعى بساخانات للكراسى الاماميه
امكانية التحكم فى ارتفاع النور الامامى ب5 مستويات من الداخل وكذلك قوة اضاءة التبلوه
كرسى السائق يمكن تحريكه فى 6 اتجاهات مع التحكم فى درجة انحناء منتصف الظهر
مفتاح مشفر بريموت - deadlock يمنع فتح السياره حتى من الداخل الا بمفتاحها الاصلى او الريموت
شاشة اعطال لاى عطل فى الماتور او كهرباء السيارة او نقص الزيت او المياة
كمبيوتر رحلات يعرض استهلاك البنزين الحالى وكم تقريبا المسافه اللى ممكن تمشيها بكمية البنزين الحالى ومواعيد تغير الزيت والسرعه المتوسطه ومتوسط استهلاك البنزين واشياء اخرى
طارة متحركة( ترتفع وتنخفض) بها تحكم فى الكاسيت وفى ال CD Changer
كاسيت باناسونك أصلى شريط الصوت بيرتفع مع زياده السرعة
CD changer اوديو 6 اسطوانات
مثبت سرعة مع امكانية زياده وخفض السرعه بالزراير(كورزر كنترول)
مخدع امامى للسائق
عازل حرارى (لباد) تحت غطاء الكابوت
فرش جلد وارضية جلد
انذار داخلى وخارجى (يعمل الانذار الداخلى لو اتحركت اى حاجة بداخل العربيه ولو الازاز مفتوح بيقفل لوحده مع تحكم فى تشغيل او ابطال الانذار الدخالى)

ده اللى فاكره حاليا :)

المشاركة الأصلية كتبت بواسطة Ahmad Allawy

شوف يا حماده..
ده ميل بيشو.. اكسبرت..
trinitytuning@hotmail.com
ضسفه و اسأله هيفيدك ان شاء الله..

شكرا يا باشا
ديما كده بتساعدنا فى كل حته :)

**Ahmad Allawy** · 23-09-2008 05:25 AM

علي ايه بس سا حماده..
والله لو كانت الميزانية تسمح..
مكانتش العربية دي خرجت من ايدي..
بس هنقول ايه بقي..
طل شيء نصيب.. ربنا يزفقك في حاجة كويسة ان شاء الله..

**Ibtal** · 23-09-2008 10:55 AM

أنا عندى كل الحاجات دي معاد الجلد بس ذي ما قلت أي حاجة إنت عايزها ممكن تطحت . يعني أنا عندي مثلاً باركينغ سنسور هيد لايت سنسور مطر سنسور جهاز للمساعدة عند الغرز و حاجات تانية كتير بس طبعا مش بإستخدم كل حاجة

**M.Mokhtar** · 23-09-2008 02:15 PM

المشاركة الأصلية كتبت بواسطة Ahmad Allawy

علي ايه بس سا حماده..
والله لو كانت الميزانية تسمح..
مكانتش العربية دي خرجت من ايدي..
بس هنقول ايه بقي..
طل شيء نصيب.. ربنا يزفقك في حاجة كويسة ان شاء الله..

ربنا يخليك يا ابو حميد
ربنا يرزقنا واياكم :)

المشاركة الأصلية كتبت بواسطة Ibtal

أنا عندى كل الحاجات دي معاد الجلد بس ذي ما قلت أي حاجة إنت عايزها ممكن تطحت . يعني أنا عندي مثلاً باركينغ سنسور هيد لايت سنسور مطر سنسور جهاز للمساعدة عند الغرز و حاجات تانية كتير بس طبعا مش بإستخدم كل حاجة

يا سعاده حضرة القبطان انا مش عايز اشيل واحط
انا عايز العربيه فابريكه
وفى مودلين منها بيزلاين وهاى لاين
الهاى لاين بتنزل بكل الكماليات دى ولا انت بتزود؟