السلام عليكم،
أنا كنت عايز اسأل ايه الضامن لمشروع سكني تحت الإنشاء ؟
يعني ايه اللي يخليني أدفع مقدم وأفضل أدفع أقساط ولسه الاستلام قدامه 3 سنوات ؟
هل في اجارأت معينة علشان اضمن حقي ؟ أو ورق معين أطلبه
أو عقد بصيغة معينة ؟؟
شكرا
عرض للطباعة
السلام عليكم،
أنا كنت عايز اسأل ايه الضامن لمشروع سكني تحت الإنشاء ؟
يعني ايه اللي يخليني أدفع مقدم وأفضل أدفع أقساط ولسه الاستلام قدامه 3 سنوات ؟
هل في اجارأت معينة علشان اضمن حقي ؟ أو ورق معين أطلبه
أو عقد بصيغة معينة ؟؟
شكرا
لسه من كام يوم فاتح موضوع هنا بنفس المشكلة. والاقوال ما بين صح وغلط لانها ببساطه حسب تجربه كل واحد ومفيش اى ضمانات...اللى يفرق اللى بيبنى فرد ولا شركة وهل لو شركه سمعتها ايه وهل لها سابقه اعمال ...كده يعنى
بص انا قسمهمولك اربعة اقسام
القسم الاول شركات مشهورة عقارية خاصة او عامة فى مناطق راقية دول عقودهم عقود اذعان بتدفع المقدم و تمضى على شيكات كمان بقيمة الاقساط و لو حبيت ترجع غالبا هتخسر من ٧-١٠٪ من قيمة الوحدة و ترجعلك فلوسك بالقسط كمان و متقدرش تطلب من الشركة الا عقد التخصيص و رخصة البناء لو كانت الشركة خاصة. بس عامة الشركات دى بتبقى مضمونة بس اسعارها غالية جدا
القسم الثانى. افراد مالكين فى المناطق القديمة و الجديدة طبعا انت بتسفيد من التقسيط و بتعمل عقد مع المالك مع شرط جزائى و بيكتب فى العقد رقم القطعة و الترخيص و فى الحالة دى تتاكد ان عقد الارض مسجل و الرخصة سليمة او الارض مباعة من هيئة المجتمعات العمرانية و ممكن تاخد على العقد صحة توقيع لو كنت مقلق
القسم الثالث المناطق السياحية او الشاطئية و دى لازم تتاكد ان الشركة المالكة محترمة و برضة هتبص على الملكية المسجلة او التخصيص و الترخيص و خلى بالك اوى لان فيه شركات كتير اوى بتلم مقدمات و مبتكملش لان غالبا بتبقى الارض وافقة عليهم رخيصة جدا فبياخد المقدمات و خلاص على كدة و المشكلة دى منتشرة فى الساحل الشمالى و راس سدر و برضة تتاكد من ملكية الارض
القسم الرابع هو الخاص بالفهلوة الى هو عمارة ٢٠ دور على شارع ١٠ متر مثلا و ادفع ١٠ الاف و الباقى على ١٠٠ سنة و الكلام ده نصيحتى انسى الكلام ده خالص حتى لو هو مالك الارض لان الناس دى بتستغل غياب القانون و غفلة البعض او طمعهم و طبعا فى الاخر ممكن فى لحظة تلاقى نفسك فى الهوا للبناء بدون ترخيص او مخالف او البناء على ارض الدولة او تزوير عقود الى اخره
نصيحه لوجه الله
فى بلدك الضمان لله ... لان مفيش فى بلدك حاجه اسمها قانون .... خد ورق كراتين و فى الاخر لما الفاس المتوقعه تقع فى الراس حتبص تلاقى الورق دة مش عارف تعمل بيه ايه
لو حبيت تاخد شقه فى مشروع ... اذا ما كانتش الشقه موجودة على الاقل على الطوب الاحمر يبقى يفتح الله
اوعى تضعف
و لو ضعفت و مشيت ورا الاحلام حتفتكر كلامى دة كويس
فى بلدك مفيش احلام ... فى كوابيس بس لان الضمير مات
متشكر لرد حضرتك، معلهش كنت عايز افهم شوية عن عقد الاذعان ده،
افهم من كده ان المطلوب فقط عقد التخصيص و رخصة البناء والمفروض اروح اسأل في جهة حكومية عن صحة الورق ده ؟
بالنسبة للقسم التاني، ده المفروض المدن الجديدة زي اكتوبر والشروق والعبور ؟ ولا أي منطقة
المشروع اللي أنا عايز أحجز فيه في المقطم.
للأسف حضرتك ده الحل الوحيد اللي قدامي، كل ما حاستني احوش شوية .. الأسعار بتعلي بطريقة جنونية.
متشكر، لقيته وحقراه وهو هنا لو حد يحب يقرا الموضوع