مؤشر حرارة بيجو ٣٠٠٨ موديل ٢٠١٤ بينزل للصفر

مؤشر حرارة بيجو ٣٠٠٨ موديل ٢٠١٤
مؤشر الحرارة وانا ماشى بالعربية ويكون على تسعين فجأة ينزل على الصفر وفجأة تانى يطلع لتسعين ، وفي بعض الأحيان يعمل بشكل طبيعي ، والعربية بوجه عام تعمل بشكل طبيعي .
العربية ماشية ١١٥٠٠ ك .
اتأكدت ان مروحة الردياتير تعمل بشكل منتظم حتي لو المؤشر نزل علي الصفر .
أنا قريت ان في حد قبلته نفس المشكلة من قبل ، يا ريت لو تساعدوني اعرف حلها قبل ما اروح التوكيل و يجربوا ، وهل في الخطورة المشي بالسيارة مسافة كبيرة لآني في الغردقة ومفيش حد هنا بيفهم في البيجو والمسافة لأقرب مركز صيانة ٥٠٠ ك
وده فيديو اثناء حدوث المشكلة
‫مؤشر الحرارة بيجو ٣٠٠٨ عطل‬‎ - YouTube
تحياتي .

مش بيردوا على الأعضاء الجدد :)

اقتباس:

---

المشاركة الأصلية كتبت بواسطة ammpage

مؤشر حرارة بيجو ٣٠٠٨ موديل ٢٠١٤
مؤشر الحرارة وانا ماشى بالعربية ويكون على تسعين فجأة ينزل على الصفر وفجأة تانى يطلع لتسعين ، وفي بعض الأحيان يعمل بشكل طبيعي ، والعربية بوجه عام تعمل بشكل طبيعي .
العربية ماشية ١١٥٠٠ ك .
اتأكدت ان مروحة الردياتير تعمل بشكل منتظم حتي لو المؤشر نزل علي الصفر .
أنا قريت ان في حد قبلته نفس المشكلة من قبل ، يا ريت لو تساعدوني اعرف حلها قبل ما اروح التوكيل و يجربوا ، وهل في الخطورة المشي بالسيارة مسافة كبيرة لآني في الغردقة ومفيش حد هنا بيفهم في البيجو والمسافة لأقرب مركز صيانة ٥٠٠ ك
وده فيديو اثناء حدوث المشكلة
‫مؤشر الحرارة بيجو ٣٠٠٨ عطل‬‎ - youtube
تحياتي .

---

في الغالب حيطلع العيب من حساس الحرارة هو اللي بيعمل كدة طالما حضرتك معندكش مشكلة في دورة التبريد و المراوح شغالة تمام و حيتغيرلك في الضمان لان عربية حضرتك لسي زيرو
و ممكن حضرتك تتصل بالتوكيل تسأل اذا كان ينفع تمشي بالعربية المسافة دي لغاية مركز الصيانة
و انتظر بردو اراء باقي الاعضاء ان شاء الله يفيدوك اكتر مني :)
و خير ان شاء الله و ابقي طمنا عملت اية :)

اقتباس:

---

المشاركة الأصلية كتبت بواسطة ahmedalian

مش بيردوا على الأعضاء الجدد :)

---

أهلا بيك,
المشكلة اللي عندك زي دي بالظبط.
http://www.nilemotors.net/Nile/340825-3008.html


وحلها في الموضوع دا,
راجعه كدا وقولي رأيك
http://www.nilemotors.net/Nile/38917...post3875282529

اقتباس:

---

المشاركة الأصلية كتبت بواسطة ahmed amin

أهلا بيك,
المشكلة اللي عندك زي دي بالظبط.
http://www.nilemotors.net/nile/340825-3008.html


وحلها في الموضوع دا,
راجعه كدا وقولي رأيك
http://www.nilemotors.net/nile/38917...post3875282529

---

استاذ احمد أمين ، جزيل الشكر لك علي اهتمامك ومساعدتك في حل المشكلة
بصراحة انا ملاحظ انك دائماً مداخلاتك مفيدة ومختصرة ولا تبخل علي اي عضو بأي معلومة

انا راجعت البوستات السابقة اللحضرتك كتبتها ، واتصلت بالمهندس مصطفي في توكيل ابو رواش وهو طمني ان المؤشر طالما لا يزيد عن ٩٠ مفيش خطورة وطبعا طلب يبص عليها في التوكيل وقال في الغالب حساس وأي مشكلة هتبقي في الضمان، وأكد علي قبل السفر أراجع مستوي المياه .
المهم انا فتحت الكبوات وحاولت أراجع علي مستوي المياه في القربة ، مكنش ظاهر اي مياه ، فتحت القربة لقيت صوت هواء بيطلع ، ولقيت القربة اتملت فوق النص ، وقفلتها كويس .
مش عارف هل ده معناه انها محتاجة ازود مياه ؟
المهم جربت العربية ومن ساعتها المؤشر مظبوط وثابت وجربتها علي كذا سرعة والحمدالله كله تمام .
رأي حضرتك إيه سبب حدوث المشكلة من الأساس ؟
وهل كده مش محتاج أسافر للتوكيل واكشف عليها ؟

تحياتي لك .

خارج الموضوع
انا مش ناسي انك طلبت مني تقرير عن العربية ، وفضلت ان اجرب العربية كويس علي الأقل امشي بيها ١٠٠٠٠ ك علشان اقدر أقييم العربية عن تجربة وأقدر أفيد باقي الأعضاء .

غير صباع الحراره في الضمان

اقتباس:

---

المشاركة الأصلية كتبت بواسطة lth586

غير صباع الحراره في الضمان

---

هل حضرتك تقصد ان العيب في صباع الحرارة واطلب منهم في التوكيل يغيروه، لان حتي الان مؤشر الحرارة مضبوط ويعمل بشكل طبيعي بعد فتح قربة المياه ؟

اتصلت بالتوكيل وحكتلهم موضوع قربة المياه ، المهندس قلي كده كانت الدورة واخدة هواء وطالما العربية تعمل بشكل طبيعي خلال يومين يبقي مش لازم يبصوا عليها بالتوكيل .
وغالبا ده حصل اثناء صيانة ١٠٠٠٠ من مركز صيانة غمرة لأني مقربتش من الردياتير وهما غالبا فتحوه ، وطبعا خدت هواء .
مش مفروض البيجو الهواء بيتاخد من ثلاث أماكن كما قرأت سابقا ؟؟
هل امشي بالعربية عادي
رأي حضرتكم آيه ؟

اقتباس:

---

المشاركة الأصلية كتبت بواسطة Ammpage

استاذ احمد أمين ، جزيل الشكر لك علي اهتمامك ومساعدتك في حل المشكلة
بصراحة انا ملاحظ انك دائماً مداخلاتك مفيدة ومختصرة ولا تبخل علي اي عضو بأي معلومة

انا راجعت البوستات السابقة اللحضرتك كتبتها ، واتصلت بالمهندس مصطفي في توكيل ابو رواش وهو طمني ان المؤشر طالما لا يزيد عن ٩٠ مفيش خطورة وطبعا طلب يبص عليها في التوكيل وقال في الغالب حساس وأي مشكلة هتبقي في الضمان، وأكد علي قبل السفر أراجع مستوي المياه .
المهم انا فتحت الكبوات وحاولت أراجع علي مستوي المياه في القربة ، مكنش ظاهر اي مياه ، فتحت القربة لقيت صوت هواء بيطلع ، ولقيت القربة اتملت فوق النص ، وقفلتها كويس .
مش عارف هل ده معناه انها محتاجة ازود مياه ؟
المهم جربت العربية ومن ساعتها المؤشر مظبوط وثابت وجربتها علي كذا سرعة والحمدالله كله تمام .
رأي حضرتك إيه سبب حدوث المشكلة من الأساس ؟
وهل كده مش محتاج أسافر للتوكيل واكشف عليها ؟

تحياتي لك .

خارج الموضوع
انا مش ناسي انك طلبت مني تقرير عن العربية ، وفضلت ان اجرب العربية كويس علي الأقل امشي بيها ١٠٠٠٠ ك علشان اقدر أقييم العربية عن تجربة وأقدر أفيد باقي الأعضاء .

---

الشكر لله يا باشا.
وربنا يخليك علي زوقك. :original:

وفعلاً طالما إن المؤشر مش بيزيد عن 90 فأنت معندكش مشكلة.
ولو العداد بيلعب يبقي فيه مشكلة حساس الحرارة أو في طلمبة المية زي ما حصل بالموضوع اللي بعتهولك تقرأه.

دلوقتي لما أنت فتحت الكبوت ومكنتش شايف المية دا عشان المية لونها بيبقي قريب من لون القربة, فالازم تبص عليها بتركيز شوية وهتلاقيها ما بين ال min وال Max

الهواء اللي طلع لك كان عشان العربية كانت سخنة, وكان غلط أنك تفتح غطاء القربة بعد مشوار وهيا سخنة أو حتي وهيا دايرة لأن دورة المية بتكون مضغوطة وبتوصل ل 15 بار يعني ودا اللي بيخلي المية متغليش وتوصل لدرجة حرارة أعلي من غير ما تغلي,
فعشان كدا لما تحب تفتح القربة يفضل يكون بدري الصبح قبل ما تدور,
يا أما لما العربية تهدي درجة حرارتها خااالص وتفتح الغطاء واحدة واحدة عشان تهرب الضغط بشويش بدل ما المية تفور وتعملك حروق لقدر الله.
أمسك دايماً فوطة في أيديك وأنت بتفتح القربة في أي وقت.


طالما المية بقت فوق النص فأنت الوضع عندك ممكن يكون طبيعي وكانت فوق النص من الأساس.
لكن لما العربية تبرد لو لاقيت إن المية بقت تحت النص هتبقي الدورة أخدت هواء ودا بسبب فتح القربة والعربية سخنة وهتضطر تسحب الهواء منها عشان العربية تبقي مظبوطة.


الخلاصة لو أنت دلوقتي روحت في يوم بليل وركنت العربية وصحيت الصبح لاقيت المية بالنص أو فوق النص حاجة بسيطة سيبها كدا شوية ولو تحت النص حاجة بيسطة زودها مية مقطرة ودا طبيعي جداً وطالما المية مش بتقل تحت ال min يبقي معندكش هوا ولا مشاكل. عشان متقلقش نفسك :original:

بس لو حصلت المشكلة تاني لازم تروح التووكيل عشان تشوف المشكلة فين وتتغير لك بالضمان.

والتقرير ياباشا خد وقتك فيه, أنا منتظرة منك فعلاً بس ش عايز أنك تعطل نفسك عشان تعمله.
ياريت تعمله أول ما تكون فاضي. :tumb:

مؤشر الحراره هيقعد يلعب ويسليك والعربيه بارده لحد ما فجاه تلاقيه دخل علي اللون الاحمر وانذار من كمبيوتر السياره stop engine ولازم توقفها اوعي تمشي بيها لحد ما يسكت
وطبعا لا الميه قليله ولا الموتور سخن ولا اي حاجه بس بيديك انذار ارتفاع الحراره

غير صباع الحراره في الضمان
المشكله ان لازم الحدوته دي تحصل وانت في التوكيل علشا نيركب الكومبيوتر بتاعه ويطلع ريبورت بالكلام ده
وتتغير مع الضمان

اقتباس:

---

المشاركة الأصلية كتبت بواسطة lth586

مؤشر الحراره هيقعد يلعب ويسليك والعربيه بارده لحد ما فجاه تلاقيه دخل علي اللون الاحمر وانذار من كمبيوتر السياره stop engine ولازم توقفها اوعي تمشي بيها لحد ما يسكت
وطبعا لا الميه قليله ولا الموتور سخن ولا اي حاجه بس بيديك انذار ارتفاع الحراره

غير صباع الحراره في الضمان
المشكله ان لازم الحدوته دي تحصل وانت في التوكيل علشا نيركب الكومبيوتر بتاعه ويطلع ريبورت بالكلام ده
وتتغير مع الضمان

---

انتي كده قلقتني ، انا لغاية دلوقتي العربية ماشية تمام وقرست عليها اكتر من مرة علشان لو في مشكلة تظهر والعربية لغاية دلوقتي كله طبيعي ومنسوب المياه لا يقل ، رأي حضرتك اروح التوكيل وأولهم العيب في صباع الحرارة ؟؟؟
الكمبيوتر مفيش ارور ،
علي العموم ان سعيد أني لاقيت حد معاه ٣٠٠٨ وفعلا بشكرك علي اهتمامك ومتابعتك للمشكلة من البداية ،
هل حضرتك حصلت معاك قبل كده مشكلة مشابهه ؟؟
ويا ريت تعرفنا العربية عملة معاك إيه بشكل عام ؟؟ وعملت بيها كام الف كيلو ؟
ورأيك أحسن مركز صيانة في توكيل بيجو عن تجربة ؟؟
تحياتي ..

المشكلة كان موجودة بالظبط معايا فى ال 406 و السبب طلع ثقوب غاية فى الدقة فى المبرد كان بينتج عنها الدورة تاخد هوا

الاقى مؤشر المياه فجأة نزل للصفر و لمبة stop تنور فى التابلوه

انزل ازود ميه ...مرةنصف لتر .....مرة فنجان قهوة صغير....و ارجع ادور تانى و العربية تمشى بس عمر ما الحرارةزادت عن المعدل الطبيعى

انصك تزود عبوة كانز ABRO الخضرا و تعمل كبس لدورة الهواء و ان شاء الله التسريب هيبان وممكن يكون غطا قربه بايظ برضه

واقرا ان شئت الموضوع دا
http://www.nilemotors.net/Nile/40476...post3875418689

ايوه انا العربيه اتسلت عليا شهرين في الموضوع ده

[QUOTE=lth586;3875605341]ايوه انا العربيه اتسلت عليا شهرين في الموضوع
معا أني سافرت بيها مرسي علم ٥٠٠ كيلو بدون مشاكل ، ًانهاردة مؤشر الحرارة رجع يلعب تاني ، هاروح التوكيل في القاهرة وأقولهم علي صباع الحرارة .
الف شكر علي المعلومة و هاتابع معاكم .

اقتباس:

---

المشاركة الأصلية كتبت بواسطة lth586

مؤشر الحراره هيقعد يلعب ويسليك والعربيه بارده لحد ما فجاه تلاقيه دخل علي اللون الاحمر وانذار من كمبيوتر السياره stop engine ولازم توقفها اوعي تمشي بيها لحد ما يسكت
وطبعا لا الميه قليله ولا الموتور سخن ولا اي حاجه بس بيديك انذار ارتفاع الحراره

غير صباع الحراره في الضمان
المشكله ان لازم الحدوته دي تحصل وانت في التوكيل علشا نيركب الكومبيوتر بتاعه ويطلع ريبورت بالكلام ده
وتتغير مع الضمان

---

زي ما حضرتك قلت حصل معايا بالظبط .
العربية ركنتها بالجراج أسبوع جيت أدورها يدوبك مشيت ٣ متر حتي من غير مساخنها ولقيت رسالة ان درجة حرارة الماتور عالية و ستوب انجين ، وعلي طول المؤشر الحرارة يرتفع علي الاحمر علي الاخر وإنذار صوتي ًعلامة ستوب .
اتصلت بالتوكيل ابو رواش والمهندس مصطفي قالي مينفعش تيجي بيها من الغردقة خطر علي العربية .
كلمت وينش بيجو وبعتولي تاني يوم وينش علي حساب التوكيل من الغردقة ل ابو رواش .
في ابورواش غيروا حساس او صباع الحرارة في الضمان ، وكانت الفرامل عند الاستخدام بتعمل رعشة خفيفة آوي فكشفت علي تيل الفرامل ولقيت مؤثر علي الطنابير عالي وواطي ، المهندس نصحني ان أغير الطنابير بالضمان قبل ٢٠٠٠٠ مع العلم ان حالتها مش سيئة ، فغيرت الطنابير في الضمان واشتريت تيل أمامي علي حسابي رغم أني مش مستوعب ازاي عربية عاملة ١٣٥٠٠ ك زيروا تحتاج تغير طنابير .
جربت العربية مع مهندس ماهر في الصيانة ، الحقيقة الراجل محترم جدا وفاهم شغله كويس ، وعدني ان يساعدني في عمل صيانة لسيارات بيجو بالغردقة ، بس محتاج نجمعلوا عدد من ملاك سيارات بيجو بالغردقة وينسق معانا في إرسال ٢ فنيين لعمل صيانة .

في النهاية كل الشكر للمهندس مصطفي مجاهد والمهندس ماهر الحقيقة معاملة محترمة جداً - فاهمين شغلهم وناس عايزة تساعد العميل بجد مش تضحك عليه زي مركز غمرة .

[QUOTE=Ammpage;3875655009]زي ما حضرتك قلت حصل معايا بالظبط .
العربية ركنتها بالجراج أسبوع جيت أدورها يدوبك مشيت ٣ متر حتي من غير مساخنها ولقيت رسالة ان درجة حرارة الماتور عالية و ستوب انجين ، وعلي طول المؤشر الحرارة يرتفع علي الاحمر علي الاخر وإنذار صوتي ًعلامة ستوب ........................


اولا الحمد لله علي السلامه

ثانيا نفس اللي حصل معايا بس مرضتش اقولك عليه لانك هتقول اني مجنون العربيه نورت ستوب انجن وانا في اسكندريه وبصيت علي الموتور والميه مع العلم ان معلوماتي عن العربيات زي اللغه الصيني كده
قولتلها انت هتستهبلي دانا من شبرا سبتها 15 دقيقه ودورت المحرك اشتغلت عادي روحت مروح القاهره علي نفس واحد من غير توقف وبعدين انت عارف روحت التوكيل وكده

ثالثا ماشاء الله حضرتك دخلت في المستوي التالت بتاع الطنابير انا لسه داخله من 15 يوم وهغير الطنابير مع الصيانه ان شاء الله

علي فكره العربيه اصيله مسليه جدا مش بتخليك تزهق وغير كده حنيينه لازم تروح التوكيل كل 3 الي 5 الاف كيلو علشان اهلها بيحبوا يطمنوا عليا

اقتباس:

---

المشاركة الأصلية كتبت بواسطة lth586

انا سجلت في السيرفس بوكس ودخلت رقم الشاسيه
ملحوظه عربيتي موديل 2012 وانا شاريها علي اساس انها 156 حصان
المهم ده اللي طلع
3008 5-door cross over 1.6 thp 16v 163 (ep6cdt m) 6-speed automatic gearbox
حد عنده فكره ازاي بقت 163 حصان
الضمان متسجل صح في الصفحه يبقي الكلام ايه ؟ برجاء الافاده

---

الله يسلمك .
متشكر علي اهتمامك ومتابعتك لموضوع حساس الحرارة ، الحقيقي اكتر من مشاركة ليك فادتني في التعرف علي ٣٠٠٨ .

بخصوص السيرفيس بوكس دا معناه ان عربيتك بتقبل ٩٢ بدون مشاكل للماتور ، وغالبا عربيتك من أواخر دفعات ٢٠١٢ بعد ما عملوا تعديل للماتور ، علشان تحسم الموضوع ده ، اتصل بمركز ابو رواش بالمهندس مصطفي وحضرله رقم السيريال بتاع العربية اللي علي الزجاج الأمامي ، وهو معاه كتيب بيوضح العربيات اللي بتقبل ٩٢ .
الفرق الزيادة في الأحصنة علشان يعوض استخدامك بنزين ٩٢ .
بخصوص ٣٠٠٨ عاملة معاك ايه ؟ وعملت بيها كام الف كيلو ؟ وتقييمك ليها دلوقتي بعد استخدام تقريبا سنتين ؟
وهل موضوع تغيير الطنابير يعتبر عيب في العربية ؟ علي الرغم أني قبلت ناس غيرتهم في التوكيل مرتين علي حساب الضمان ، اللي فهمتوا ان استخدام ايه بي آس كتير بيبوظ الطنابير ، وفعلا انا استخدمتها كتير وبصراحة الفرامل ادائها في وقت الجد فوق الممتاز .

بص يافندم لو العربيه واخده هواء يبقى العربيه هاتسخن معاك والميه هاتنقص جامد
اما بالنسبه لعربيتك لما فتحت القربه طلعت صوت جامد وده كان ضغط مكتوم فى جزء فى القربه صغير بيخرج هواء ده ممكن يكون اتسد مع تنظيف الموتور ابقى بص على الجزء ده فى القربه
وهى مش هاتعمل الحركه دى غير بعد فتره لما الضغط يتكون تانى ده لو كان مخرج التنفيث مسدود

العربيه 3008 كويسه انا(عامل 60 الف) بس موضوع اني خلال سنه غيرت طرمبه الميه والبنزين وصباع الحراره في الضمان مع صدمه البنزين 95 دا غير ان الاربع فرد ميشلان اللي جم معاها اتقطعوا في مطبات مصر الجميله قبل ما يكملوا 30 الف

السحب بتاعها كويس الجوده الداخلي مقارنه بالهيونداي اي اكس 35 واضحه ( دي اكتر عربيه بتتباع اليومين دول

نيجي بقي للكماليات 245 الف تجيب احسن هيونداي اي اكس 35 كل الاوبشن

سعر اعاده البيع صدمه حضاريه يعني البيجو اللي 230 الف ما تجيبش 160 الف بعد سنه

الوكيل فعلا عنده مشاكل كتيره ومش دايما عارفين المشكله لكن عندهم موظفين استقبال كويسين يعني انت بتبقي مبسوط هناك لحد ما تخرج من الصيانه بكام يوم تكتشف مشكله تانيه

المهم السؤال الجوهري لو في اختيار للاسف هقولك هشتري هيونداي اي اكس 35 علي الاقل لما احب ابيعها الاقي فلوس في جيبي غيران غبور صيانه جيده