ياعمالقه الاوبل الحقونى

**helmy537** · 11-10-2008 04:28 PM

ياجماعه انا عربيتى المروحه وقفت منى فى المحله وماخدتش بالى من امبير الحراره وفجأه لقيت دخان طالع من كبوت العربيه نزلت جرى وبطلت قلت هتنفجر فيا وفتحت الكبوت لقيت المياه طالعه من القربه وبتتبخر بعد ماكنت هموت من الرعب الى شوفته انا قولت هتنفجر المهم دورت وجبت مياه وحطتلها ومشيت وعملتها تانى بعد فتره المروحه كانت بتركن المهم الحراره اخرها 92 عندى جوه الزحمه وفى السفر 85 علما بان المروحه تدور سرعتين عند وصول الحراره 80 تدور المروحه بتاع الردتير بالراحه وجوه البلد لما توصل 90 تشتغل اوى المهم واحد مهندس ميكانيكى روحتله اول مافتح الكبوت قلى يانهااااار ده مولعه قلى الحراره دى اكتر من 100 يجى يفتح غطا القربه بالراحه طبعا المكنه سخنه جدا يقوم يحصل تفريغ هوا يبان ان المياه كانها بتغلى المهم قلى العربيه دى فى جوان ووش سليندر وبيهرب كبس المكنه على الرديتير بس انا ماشى بها من يومها وسافرت عليها كتير والزيت لا طحينه ولا حاجه زيت عادى وغير 5 تغيره زيت وبجرى بالعربيه موت على الطريق 140 بس انا حاسس ان الكبس مش مظبوط خصوصا ان العربيه 2000 سىسى موديل 98 ايه رايكم ابدأ اكشف على ايه انا عندى بليه شداد السير عاوزه تتغير بتعمل صوت لما تكون العربيه بارده الصبح خصوصا وانا برجع لورا ايه رايكم اكشف رديتير ووش سلندر ولا اعمل ايه افيدونى ارجو رد منكم قبل المحفظه ماتتفتح

**abdelaziz-waleed** · 11-10-2008 06:47 PM

اهلا بيك معانا يا استاذ حلمي
هو درجة الحرارة عند حضرتك في التابلو بتوصل كام
ممكن حضرتك تروح التوكيل وتقولم على المشكلة وهما هايكشفولك على الكبس والمروحة ودورة التبريد
بس حضرتك بتقول ان المروحة بتركن. يبقى اكيد من المروحة. بس ربنا يستر وماتحتاجشي تغيير لأنها غالية قوي

ما تخليش اي ميكانيكي يلعب لحرتك في العربية علشان ما تكترشي فيها المشاكل
اللي يحط ايده في العربية لازم يكون فاهم كويس جدا في الاوبل

بالتوفيق ان شاء الله يا باشمهندس

**M.Osama** · 11-10-2008 07:30 PM

انا نفس الحوار دا حصل معايا بس مكنش من المروحه... العربيه وانا ماشي فضت الميه اللي فيها خالص ومبقاش فيها نقطة ميه.. المهم زودتها ميه بس خدت معاها هوا وضربتلي قربة الميه ورحت لميكانيكي حمار قاللي جوان وش سلندر مع ان الزيت مطحنش ولا حاجه رحت لواحد تاني خدلي الهوا الزياده واضطريت اغير القربه وبعد كدا كل حاجه اتظبطت

**abouzahra** · 12-10-2008 01:08 AM

تم حذف المشاركة لعدم الإتفاق مع الإدارة على الإعلان

الإدارة - 3

**KHALED AYMAN** · 12-10-2008 01:21 AM

انا رايى ان اللى يشتغل فى الاوبل هو التوكيل لان العربيات الاوبل مختلفه شويه عن باقى العربيات و التوكيل على فكره مش غالى اوى

**KHALED AYMAN** · 12-10-2008 01:22 AM

بس اوعى تروح فرع طنطا روح اى فرع تانى لان طنطا انا بحس انها ورشه مش توكيل و محدش هناك فاهم حااااااااااجه

**helmy537** · 12-10-2008 06:02 AM

والله انا خايف حد يلعب فيها يدمرها احسن حاجه التوكيل بس هو فرع طنطا تعبان ولا ايه طيب انا من المنصوره اوديها على اى فرع قريب منى ويكون كويس علشان انا عاوز اظبطها مايكونش فيها رفه علشان ابقى ماشى مطمن

**helmy537** · 12-10-2008 06:05 AM

ياستاز عبد العزيز انا كنت قست الكبس عند واحد مهندس ميكانيكى مره وقلى 200- سىسى لازم الكبس يبقى 13 هى جابت 9 مش عار هو صح ولا ايه النظام انا لازم اروح التوكيل مره هى غاليه شويه بس اطمن

**M.Mokhtar** · 12-10-2008 01:09 PM

طيب وحده وحده عشان نوصل لحل
اولا لازم تتأكد ان المروحه بتشتغل مع درجات الحراره المختلفه
يعنى المفروض لما بتعدى ال 90 المورحه بتشتغل بسرعه اكبر
اتاكد ان المروحه شغاله وان سرعتها بتزيد مع درجه الحراره العاليه

ثانيا دوره التبريد لازم تبقى محكمه الغلق
عشان اى هوا فى الدوره بتسخن العربيه
لازم تفرغ دوره التبريد من الهواء ودى بطريقه من دول
http://www.nilemotors.net/Nile/showp...3&postcount=17

http://www.nilemotors.net/Nile/showp...1&postcount=20

وده الموضوع كله عن درجه الحراره هيفيدك
اسوأ ما فى الاوبل فيكترا

ثالثا لو الكبس مش مظبوط معاك وحاسس ان فى تهريب لكبس الموتور افتح غطا قربه المايه وشوف المايه
لو مطحنه او المايه شكلها بيغلى(فقاعات هواء والعربيه مش سخنه اوى) يبقى كده فى تسريب ولازم تكشف على وش السلندر او جوان وش سلندر

**helmy537** · 12-10-2008 04:01 PM

طيب ياستاز محمد انا بره الوقتى ولما ارجع الشهر الجاى عاوز اوديها توكيل بس اى فرع احسن انا من المنصوره

الموضوع: ياعمالقه الاوبل الحقونى

LinkBack

أدوات الموضوع

عرض

-

-

المواضيع المتشابهه

الحقونى يا خبراء الاوبل هولع فى العربية بجد

سؤال غريب شوية . مش برضوا الاوبل الاتوماتيك المفروض انها تسخن عن الاوبل المانيوال ؟

العربية الاوبل دي تسوا كام نرجو الرد من خبراء الاوبل ولكم جزيل الشكر ؟؟؟

ارجوكم الحقونى العربيه بترعش وبتقطع الحقونى

الحقنى يا باشمهندس طارق.....الحقونى يا لانسروية....الحقونى يا خبرا

الكلمات الدلالية لهذا الموضوع

المفضلات

المفضلات

ضوابط المشاركة