عاوز نصيحه لتعويض الاهلاك الكلي
عندي عربيه كيا سيراتو موديل 2010 هاي لاين خليجي شاريها من الزيرو وانا محافظ عاليها جدا فحالتها زي الجديده ماشيه 46000 كم
المهم من شهرين عاملت حادثه مش جامده اوي بس للاسف الاتنين ايرباج فتاحو الحمد لله جت سليمه. انا مامن مع بيت التامين المصري السعودي ، عملت محضر ورحت عملت اخطار في شركه التامين وطلبت الصلاح في التوكيل. بعد يومين التوكيل الي ان مهندس التامين جه عاين وال مش حانصلح حانكهن العربيه ، شركه التامين معندهاش اي رد ، بعد اسبوعين ومليون تليفون طلبو مني محضر نيابه ، جبته تاني يوم وفضلت مستني شهر ونص لحد ماطلع جواب فيه القيمه التعويضيه وهي 85000 انا مش عارف القيمه ديه مناسبه ولا لا، انا حاسس انها اقل من قيمه العربيه السوقيه ياريت تفيدوني.
بالمناسبة القيمه التامينيه للعربيه 93000 ودية اول مطالبه ليه.
التوكيل اخد مني 2000 للمعاينه وطلع مؤيسه ب 106000