تقرير مصور عن فك وتغيير لمض لفانوس الاشارة الجانبي على الرفرف بدون فك العجل

السلام عليكم ورحمة الله وبركاته
شباب ونسور المنتدى الكرام كل عام وانتم بخير ...

اولا .. حبيت انقل لكم تجرتي عن فك فانوس الاشارة الجانبي اللي على الرفر او ما يسمى بالغمازة بدون فك العجلة او الكرتيرة

من فترة كنت عامل موضوع بسأل في كام سؤال كده ، وكنت كاتب من ضمن الاسئلة ازاي اركب الفانوس ده !!! .. وكل الشكر والتقدير للاعضاء اللي حاوبوني على سؤالي ، لاكن حلها اللي اتكتب خلاها عملية صعبة نوعا ما ..

المهم انا قلت اجرب واشوف اعملها من بره كده على خفيف ..
نزلت التوفيقية جبت اللمض الصغيرة ، وجبت كمان تقم الغمازات احتياطي عشان لو حاجة اتكسرت مني اقدر احط مكانها الجديد ..

اولا روحت للعربية وحاولت افك الباغة براعة باستخدام الاظافر .. وبحز اي حد انه يستعمل مفك عشان مايخربش عربيته .. اداوتك هي ضوافرك وبس
بدأت اسحب براااحة جداا من الجنب اللي فوق بس .. مش الجنبين ، من النواحي اللي موجودة في الصورة

http://nileup.com/up/uploads/nilemotors_14006806531.jpg

طبعا قاوحت شوية معاها وعافرت سنة سنة لحد ما تفكت في ايدي من الناحية اللي فوق راحت فكت اوتوماتك من تحت ..

وباعد كده ركبت اللمبة وجربت .. مافيش حاجة اشتغلت !!! ركبت واحدة تانية مافيش حاجة اشتغلت برضو ..
توقعت ان الفيش ممكن تكون وقعت منها ولا حاجة ...

ومن هنا قلت افك البلاستيكة اللي بتركب في الرفر بالراحة بالضغط لجووه على المكانين اللي في الصورة ، مع السحب ...

http://nileup.com/up/uploads/nilemotors_14006806542.jpg

بدون معافرة لاقيتها فكت على طول .. وفعلا لاقيت الفيشة مش راكبه فيها ... روحت مادد ايدي وفضلت احسس على مكان الفيشة لحد ما مسكتها ورحت مطلعا بره شوية ومركب في الفانوس .. بجرب لاقيتها الحمد لله اشتغلت .. زي ما في الصورة كده

http://nileup.com/up/uploads/nilemotors_14006806543.jpg

في النهاية روحت كابسها تاني لجوه وروحت مركب اللمبة الاصلية والباغة الاصلية ، وكله تمام والحمد لله

http://nileup.com/up/uploads/nilemotors_14006806544.jpg

وبكده ابقى فكيت الفانوس من غير ما فاك عجل او كرتيرة الرفرف ... ودمتم

جميل
عملت الشغل ببساطة بدون فك او تصعب الامر علي نفسك

رائع، عارف لو كل واحد عمل حاجة في عربيته (ولو بسيطة، ولو حتى لزق لزقه) قام صور صورتين (والموضوع بقا سهل بالموبايلات) زيك كده، وكتب جملتين، المنتدى هيبقى ثري جدا جدا، وهيبقى مفيد جدا جدا، شكرا ليك.

اقتباس:

المشاركة الأصلية كتبت بواسطة أبو بلال

رائع، عارف لو كل واحد عمل حاجة في عربيته (ولو بسيطة، ولو حتى لزق لزقه) قام صور صورتين (والموضوع بقا سهل بالموبايلات) زيك كده، وكتب جملتين، المنتدى هيبقى ثري جدا جدا، وهيبقى مفيد جدا جدا، شكرا ليك.

شكرا لردك .... انا كمان بصراحة اتمنى انه كله يعمل كده .. اي حاجة ولو بسيطة .. لان هي لو بالنسبة لناس كتيير بسيطة او حاجة معرفة ، ممكن يبقى في واحد ولا اتنين على الاقل مش عارفينها ..

ياريت الكل يعمل كده بصراحة ، حتى لو شايفها تافهه

تحياتي ليك وللزملا الاعضاء