عرض للطباعة
السلام عليكم ورحمة الله
عندي مشكلة متخلفة قرفاني جداًاًاًاًاًاًاًاًاًاًاًا ًاً
السلانسية مش بيظبط كل ما اروح للميكانيكي يتظبط ويبقى على 8 مثلا امشي يومين زي الفل وبعدين ارجع تاني العربية الماتور في رجه لما اسيب البنزين ولمبة البطارية تنور مع التهدية والفرامل والعربية تبطل كتييييير وافضل ساند رجلي على البنزين عشان ما تبطلش
ارجع للميكانيكي يلعب في مسمار الهوا ويظبط العربية ويومين ونرجع تاني لنفس الحكاية
اعمل ايه بقى يارجاله
لو المسمار ممكن يبوظ
يبق العيب منه مش ممكن يبوظ راجع الاسبراتير والربط عليه لانه ممكن يكون بيتهز سنه يمين او شمال بيعملك الدركبه دي كلها "دي وجهة نظري " انتظر رد باقي الاعضاء
نضف الكربراتير من الداخل
الميكانيكى يفك الكربراتير و يطلع البكات يسلكها بشعرة سلك كهربا
و يغسل الكربراتير بالبنزين و الهوا المضغوط
و يرجع يقفلة حلو (علشان ميبقاش فيه تنفيس هوا من عند الجوان)
و يفك مسمار السلانسية و يسلكة برضه (ده أهم حاجه)
المشكلة كده غالباً من كلامك بتقول ان مسمار السلانسية مسدود جزئياً
أو: مسمار الهوا بيتحرك لوحده, و ده بيكون له أستك (حلقة كاوتش صغيرة) بيركب عليه علشان يحكمه فى العين بتاعته جوه الكربراتير
لو حضرتك عارف مسمار السلانسية (اللى فى وش الكربراتير , أكبر مسمار, و ممكن يكون داخل علية سلك كهربا)
تفكه بالراحه و تنفخ فيه و تسلكه و تربطه تانى للآخر و تجرب.
- لا أعتقد المشكلة من الكهربا لأن حضرتك بتقول بيتضبط من لعب الميكانيكى فى الكربراتير, بس الميكانيكى عاجبه أنك كل شوية تروحلة تصبح عليه
المشكلة عندك فى مجموعة الكهرباء والاسبراتير لو مش مظبوط يعمل كده
جزاكم الله خيراً
انا لسه جاي تاني من عند الميكانيكي
وظبط الكربيراتير للمرة المليون
بالنسبة لاقتراح تنظيف الكربيراتير فده حصل وبعمله بشكل دوري كل فترة بروح لمتخصص كربيراتير وبيفكه وينضفه
وبعدين انا سالت الميكانيكي اكتر من مره لو فيه مشكلة في اي جزء اغيره واريح دماغي من وجع القلب ده
على العموم انهارده الميكانيكي رش رشتين اسبراي في الكربيراتير وظبط هوا وربنا يسهل وهتابع واشوف الدنيا فيها ايه لان الموضوع ده مقرف جداً وبيخلي السواقه زفت وماشي بعربية مبرجلة ما بتصدق تنزل منها
أحتمال يكون مسمار الهوا نفسه فيه مشكلة
هقولك على فكرة فك مسمار الهوا للاخر وخرجة من مكانة هتلاقي جاي بشكل مسلوب لف على اخر المسمار من تحت فتلة كتان صغيرة وركب وجرب تاني
لان والله اعلم مع عامل التقادم والزمن مكان المسمار فى الكاربيراتير بيوسع شوية فبيدخل هوا زائد عن اللازم وممكن يعمل المشكلة دي
وحاجة تانية لو الطريقة دي محلتش المشكلة
هتراجع على منظومة الكهربا ( اسبراتير - موبينة - مشط - بوجيهات - اسلاك بوجيهات ) وتتاكد ان الحاجات دي تمام
وتبتدي تظبط كهربا من الاول وهقولك طريقة سريعة
هتربط مسمار الهوا للاخر وبعدين تفكة بمقدار لفتين ونص وتسمي الله وتدور العربية بعد ماتهوي صامولة الاسبراتير واظبط كهربا من الاول
دي كانت وجهه نظري تحتمل الخطأ والصواب
ده اغلب الظن عيب فى دورة الكهرباء بالاخص الأسبراتير او المشط الألكترونى مهيس وبيغير ظبط الموتور !!!
انا شاكك في المشط لاني غيرت المشط قبل كده لان جيه عليه مايه وباظ وانا بغسل العربية واضطريت اجيب مشط صيني ب 75 جنيه
طيب سؤال هل من الممكن اني اصلح المشط القديم ولا لازم اشتري جديد اصلي
وهل ممكن اجيبه استيراد ويبقى سعره في حدود كام ؟؟
المشط اشتريه جديد لو معاك فلوس هات الاصلى هيعمل حوالى 250 لو مكنش هات التركى بحوالى 160 او 170 ومش عايز اقولك ان اى حاجة فى مجموعة الكهرباء هاتها جديدة مش استيراد ... بالتوفيقاقتباس:
المشاركة الأصلية كتبت بواسطة ayman20100
يبقى اكيد المشط السبب فى التهييس طالما صينى مضروب !!!
صينى و ب 75 جنيه فيه كدة شك فيه بنسبة عالية
انا كان عندي مشكله شبه دي
وطلع العيب في الاخر ام مسمار البطارية الارضى اللي بيبقى في جسم العربية مش مربوط كويس