المشاركة الأصلية كتبت بواسطة ahmedalian
أقل من الميتسوبيشي ده أكيد
لكن من النيسان.....مظنش الفرق كبير
2. فيه مشكلة قطع غيار لأن التوكيل متحكم فيها، نفس قصة أوتوموتيف. وانا زهقت من أوتوموتيف من سنين.
حلها توفيق قطع غيار موديلات أخرى من بيجو..لكن العائق الوحيد هو الضمان (فزاعة التوكيل للملاك)
3. من ملاحظة خارج المنتدى، صديق ليا أفاد إن صاجها مش بالقوة اللي تحميه، وإنه بيتأثر بسرعة، وشاهد بنفسه حادثة بسيطة لكن نتج عنها أضرار بليغة.
موضوع الصاج ده غير صحيح بالمرة و هي أفضل صاج في فئتها عن تجربة
لكن الإكصدام الأمامي لا يحمي الكبوت زي الشارك بالضبط
4. تكاليف الصيانة أيضا، وليس قطع الغيار فقط عالية.
مضبوط
الحقيقة انا بقالي فترة عاوز اغير العربية وفكرت لما جبت جاز حرفيا، وتايه بين البيجو والنيسان السوبر صالون والميتسوبيشي وحتى الجيلي الصيني فكرت فيها لكن مشكلتها الفتيس العادة اللي غبور واخده مسألة حياة أو موت.
قعدة البيجو كويسة و مريحة (بالنسبة لي)...جربها عشان تحكم بنفسك
وسبب البوست ده اساسا إني كنت استبعدت الميتسوبيشي لأسباب منها سعر العربية اللي هو سرقة عيني عينك، يعني البوما ب 131 وصلت ل 148 للون النبيتي في المعارض والابيض خالص ب 140، برضه قطع الغيار، وحقيقة ان عفشتها 1300 مش 1600، الشارك برضه جربتها لقيت نفسي متكربس على بعضي والعربيتين ماحسيتش إني مبسوط فيهم. وبرغم ان النيسان ضيقة عليا شويتين من ناحية العرض لأني مليان، وبرغم ان شكلها مش عاطفي وبرغم إنها بلاستيك في بلاستيك لكن الحقيقة الأخ الكريم احد المعلقين اتكلم عن الاعتمادية، وانا في حياتي مشفتش حد اشتكى من النيسان شكوى معقولة ليها اساس يقلق، زيها زي الفيرنا مع الفارق طبعا.
أنا دايما لما بتكلم عن الميتسوبيشي بقصد الشارك
لكن البومة خلاص راحت عليها
و مستحيل أنصح حد بعربية من عبق التاريخ..إلا لو لإستخدام تجاري
انا برضه بقول رأيي بمنتهى التواضع -وقد يكون غلط - ومنتهى الشكر والامتنان لكل من شارك في البوست ده وأفادني وجزاكم الله جميعا خير الجزاء.