وصول السيارة الجديدة نيو اوبترا وخلال يومين سوف تنتشر بمعارض المنصور
عرض للطباعة
وصول السيارة الجديدة نيو اوبترا وخلال يومين سوف تنتشر بمعارض المنصور
وصول السيارة المعدلة بالكامل للسيارة الشعبية الاولى فى مصر الاوبترا بجد حاتبقى السيارة رقم واحد فى فئتها بعد ادخال وسائل الامان للسيارة وبعد التعديل الكبير فى الشكل والحجم واضفاء السمة الرياضية على السيارة من حيث اللمسات الساحرة على الهيكل الخارجى وزيادة صلابة وقوة الصاج الخارجى للسيارة انتظرو القنبلة لهذا العام نيو اوبترا 2014
قنبله ايه دى عربيه صينى وحاطين عليها باج شفروليه ! بسعرها دى البيجو 301 او كيا ريو او نيسان صنى افضل منها
قنبله ايه بس ..
هى نعم تقفيل صينى بس موتور جنرال موتورز والفتيس زى بتاع الكروز
ماحدش يتكلم قبل مايشوف العربية ويجربها علشان يبقى الكلام صح ان شوفتها وجربتها بس مش على سرعات عالية عايزة طريق بجد العربية بداية طلعتها سلسة وقوية
العربية بجد انسيابية جدا وشكلها انيق وصالونها يعتبر كويس وخاماته جيدة الموتور بجد قوى انطلاقتها قوية واستجابتها سريعة بس طبعا لسه عايز اجربها على طريق سريع بس تعتبر بداية مباشرة للعربية وبصراحة الصاج بتاعه حلو وكمان وجود كافرات خلفية والتكييف قوى جدا والعربية ثابتة فى الملفات بس لسه تجربة على سرعات بطيئة
حضرتك جربتها فين ...يعني المعلومات دي محتاجه ساعه ولا اتنين سواقه
الاعتماديه هي اهم مميزات الاوبترا و جوده التقفيل و الخامات فهل الجديده كذلك .....انا لا عترض علي الصيني بالعكس في عربيات صيني ممتازه واثبتت كفائه زي ال بي واي دي .....بس النيو اوبترا عايزه سنه علي ااقل عشان نحكم عليها ....واخيرا السعر ضايع طبعا
والله انا جربتها عندى فى المخازن وهى لسه نازلة من الحملات جربتها فى ارض واسعة على تراب وعلى اسفلت العربية طلعة البدايو بتاعتها جميلة وتدوس على دواسة البنزين العربية بتستجيب زى ما انت عايز وجربتها على ملفات بين عربيات هى مباشرة فى البداية تقفليها ممتاز وخامات الصالون جيدة الفرش الداخلى قماش والتابلوه فيه منه اسود على بيج واسود وفضى العربية واسعة من جوه وبصراحة الدرمسيون جميل شبه دركسيون الكروز والفتيس على فكرة فتيس الكروز كان فيه فنيين قالو كده انا سوقتها فعلا الفتيس استجابته حلوة بس طبعا عايزة تجربة على طريق سريع علشان معرفة الثبات وتتجرب لمدة علشان نعرف هل هى بنفس اعتمادية الاوبترا القديمة ولالا بس هى بصراحة مباشرة من حيث الشكل وباذن الله الجودة والاعتمادية
طب وحال العربية الي انت عملت فيها كدة هتتباع عادي حرام عليك
لازم الفنيين بيعملو اختبار للعربية ومش بهدلة للعربية طبعا لسه عربية جديدة يعن تجربة محترمة مش بهدلة للعربية وعلى فكرة العربيات الجديدة بتبقى متلينة على البارد من المصنع بس يفضل يعنى زيادة حرص الف كيلو الاولى ماتزودش السرعة عن 100 وانا ماجربتش الا على 50 او 60 كيلو كسرعة بالكثير اوى
وانت عارف كمان ان بيبقى فيه تجربة للعربية الجديدة فى المصنع قبل ماتتشحن بيبقى فيه ارض مخصصة للتجربة العربية بتدعك من اخد مطبات ومرتفاعات ومنحنيات وتجربة على سرعات عالية ده على الاقل لمسافة من 5كيلو ل7 كيلو كل عربية جديدة ايا كان نوعيتها بيجى العداد بتاعها عامل الكيلوات ديه تجربةمن الشركة المصنعة
وملاحظتش فيها عيوب خالص .. ؟
لغاية دلوقتى مش باين عيوب الفرامل جميلة وتسارع الموتور حلو والفتيس استجابته حلوة طبعا لاحظت ان العجل نوعيته لونج ليك ماركة غير معروفة مافيش لامبة الصالون اللى فى وسط الصالون اللى موجودة فى الاوبترا القديمة -مساحة الصندوق اكبر من القديمة-اه لاحظت ان مقاس العجل الاستبن صغير عن المقاس الاصلى- مساحة الموتور اكبر من القديمة طبعا العفشة الخلفية اللى هى عامود واصل بين العجلتين مش نظام وصلات زى الاول طبعا اعتمادية العربية حا تبان بعد ماتنزل السوق وتتجرب لمدة حوالى سنة علشان يبان لو فيه عيوب ولالا
الله يرحم الاوبترا كانت بنت حلال ديما الاحدث بيبقا اوحش بجد
المشكلة ان الجميع رفع المشانق للعربية من قبل مايشوفها
والكل فضل يقول صيني وبتنزل بعلامة ايه انا مش بدافع عنها بس محكمش عليها غير لما نشوفها طيب ما كل العربيات الي دخلة البلد كلها دخلة بي اسامي غريبة عن بلد المنشاء بتعتها علي سبيل المثال الفيرنا برة هيا الاكسنت الار بي ومافيش فيرنا خالص الشكل الي بتنزل لنه دي برة وكمان الانسر علي ما اعتقد اتوقف تصنعها الشكل البومة 2007 او اقل ولغاية الان بيصنعوها لينه والنيسان الصني الشكل القديم يمكن مافيش لعب غير في البي ام والمرسيدس والالماني رغم ان بي ام بقت بتتقفل في الصين وفولفو شركة صينية اشترتها وهيا صناعة صينية بمكونات صينية بي اشراف الماني من الاخر كلامي مش دفاع عن نيو اوبترا بس منحكمش عليها غير لما نشوفها علي الطبيعه وشركة جي ام برضة ممتلكة السيارة الصيني بمسما اخر في الصين وهيا حرة توزع في الخارج بي اسامي اخري وهيا ليه الحق مدام هيا الصانعه لي السيارة