عرض للطباعة
بعد ما استقريت علي الاوبل فبيكترا بي
لقيت دايو ليجانزا حالتها تحفه قدامي موديل 2001 اوتوماتيك صاحبها محافظه عليها اوووووووووي تحفه بكل معني الكلمه وطالعه من عيني
فعاوز رايكم ومشورتكم يا عباقره المنتدي اعمل ايه اشتريها وطب وانا من الصعيد وقطع الغيار وكده بس
عموما انا بسافر كل شهر تقريبا القاهره بس انا عاوز مشورتكم وعاوز اي حد يعرف عنها اي حاجه يقولي
الليجنزا عربية ممتازة
leganza is better than vectra
اليجانزا روكوبة ملهاش حل بس المشكلة من وجهة نظرى قطع الغيار قليلة شوية لو تعرف حد يظبطلك قطع الغيار توكل على الله من غبر تفكير
الى انتا شايفها مناسبة ليك اتكل على اللة فيها و متحرمش نفسك من حاجة العمر بنعيشو مرة واحدة و على العموم اليجنزا عربية ممتازة يعيبها بس قطع الغيار
شكرا لكم علي رودكم المشجعه دلوقتي عاوز كتالوجها والمواصفات الفنيه بتاعتها يلا كل اللي عنده معلومه يقولي
متبخلوش عليا والنبي
خد لفة الاول على محلات قطع الغيار عندك و شوف مدى توافر قطع غيارها ايه
العربية دي بعتبرها مرسيدس
لو نضيفة ما تفرطش فيها لأن ال ليجانزا ركوبة حكاية و عفشة و ثبات و فرامل. المهم الحاجة اللي بقولها لأي حد يجي يقول علي عربية حالتها شاذة أنك لو سمحت خد سمكري (صايع) يبص عليها لأن العربيات النضيفة قوي كده ساعات بتبقي نصين و شوفت كتير من ده. أنا مش بخوفك لكن وجب النصيحة.
خلاص هتوكل علي الله اجهز الفلوس واخلص فيها بس عاوز دعواتكم يا جماعه