الموضوع: سيات توليدو Vs تويوتا كورولا

المشاركة الأصلية كتبت بواسطة Karim Ibiza

والله زى مابقول لحضرتك كده, انا نفسى اتفاجئت زيك بالظبط
حضرتك انا بقارن الـ 98 بالـ 2013 لأنى هما دوول اللى انا امتلكتهم والمقارنة واقعية 100%.... يعنى قصدى المقارنة ناتجة عن تجربة شخصية

بالنسبة للمياه اللى دخلت هى مش عيب فردى فى عربيتى وانا بصراحة كنت هبقى مبسوط لو كانت مشكلة فردية, لكن المشكلة زى ما انا وضحت طلعت بسبب الفبرة اللى راكبة على العتب اللى فى الباب الخلفى, يعنى اكيد مش عربيتى انا بس اللى فيها الفبرة دى,لأن الفبرة دى موجودة فى كل الكرولات وده انا اتأكدت منه من عربيات زملائى فى الشغل لأن فيه كذا واحد معاه كرولا نفس الموديل ونفس الفبرة موجودة عنده

وبعدين حضرتك انا معممتش الكلام ده على التويوتا, انا قولت كل الكورولات مش كل التويوتات وبالتالى عربية حضرتك الايكو ربنا يحفظهالك أكيد تصميمها مختلف عن الكورولا ومينطبقش عليها الكلام اللى انا قولته
ولو حضرتك مش مصدقنى انا ممكن افك الفبرة دى واصورلك الفصل اللى فى كاوتش الباب اللى هو سبب دخول المياه

وفعلا انا كمان طول عمرى بسمع عن اعتمادية اليابانى بس ده كان زمان ايام الكريسيدا والكورولا القديم لكن دلوقتى الدنيا اختلفت أكيد

بالنسبة للتكييف, برده حضرتك دخلت عربيتك فى المقارنة اللى انا عاملها مع انى مجبتش سيرة الايكو خالص

انا بتكلم عن الكورولا خصوصا وليس التويوتا عموما

لو حضرتك شايف ان الكورولا تكسب مفيش مشكلة لأن اكيد دى وجهة نظرك رغم ان كلامك كله كان عن الايكو, لكن انا بتكلم عن عربية عملت بيها 30.000 كيلو على كل انواع الطرق وعلى كل السرعات وكل الاجواء

1-لا يا فندم مش فى كل الكورولا علشان معا اصحابى العربيه دى ومفيش اى كلام منهم وكان فيه سيول ومشيو ومفيش مياه دخلت

2-كلامك على كورولا يعنى تويوتا علشان هيا الاساس فا مينفعش تكول كلامى على كرورولا بس

3-اعتمادية تويوتا لسه لحد اللحظه دى ولو مكنتش اعتماديه كان الناس مركبتاهش وبقت رقم 1 فى مصر

4- بلنسبه للتكيف عمر ابدا مينفع نقارن اساسن بموديل 1998 با 2013

5-كلامى على الايكو يعنى اقل من كورولا يعنى كورولا هتبقى افضل

انا بس عايز اعرف حاجه ازاى نقارن دى



با دى من اى منطق

المشاركة الأصلية كتبت بواسطة karim ibiza

انا ملومتش الراجل عشان جاب سيرة الايكو, انا بتكلم فى مشكلة دخول المياه فى عربية كورولا 2013 هو دخل قال الايكو بيغوص بيها فى المياه ومش بتتبل

ولو انا جبت سيرة ابيزا 98 وكورولا 2013 ده عشان انا معايا العربيتين والكورولا الـ 2013 ليها علاقة كبيرة جدا بالكورولا 2014 وبحكى المواقف اللى حصلت معايا عشان اللى معاه العربية يخلى باله من النقط دى

شكرا ياباشا انكم سايبنى اتكلم براحتى ومعلقتوش على كلامى وده العشم برده من قسم تويوتا

موضوع افضل تكييف دى سمعة واخداها الكورولا على حس التكييفات اليابانى لأن انا ركبت نيسان صنى 2008 وصنى 2010 وتيدا 2007 وكانوا افضل من الكورولا 2013 بكتيييير
ومش معنى ان العربيات الاوروبى بقوا بيجيبوا تكييفات يابانى انهم بيجيبوا تكييفات كورولا, هى مش النيسان والهوندا والميتسوبيشى والمازدا برده يابانى

بالنسبة للسحب انا مش بقنعك انه افضل او لأ, انا بحكى تجربة شخصية, العربية الوحيدة اليابانى من نفس الفئة اللى فاجئتنى كانت التيدا, عربية تحفة فى كل حاجة بمعنى الكلمة

وبالنسبة لمقارنة الهاى لاين التوليدو بالهاى لاين الكورولا, اكيد الكورولا هتسافر بس فرق السعر الكبير فى حين انك ممكن تدفع اقل وتاخد تقريبا نفس التجهيزات + 2 اير باج زيادة عن الكورولا

ولما حضرتك بتقول انها نازلة للكروز والالنترا والرابيد, طيب الكورولا نازلة بتنافس ايه؟؟؟

اولا انا مقولتش بغوص يا استاذ لو سمعت عن السيول الى حصلت فى شرم الشيخ مكنتش تقول ان انا بغوض

ثانيا هيا مبتتبلبلش علشان لابسه بامبرز لا هيا فيها حمايه

وعلى فكرا انتا منتقد كورولا بشكل ملفت

المشاركة الأصلية كتبت بواسطة syd

انا مكنتش راضي ادخل في مقارنات بين الأوروبي عموماً والأسيوي عموماً وعامل مقارنة بين توليدو وكورولا
بس معلش مضطر أدخل
ومكنتش راضي اتكلم او ارد بأسلوبكم بس مضطر اتكلم
لأن يبدو ان هو دة اسلوبكم في الحديث وفي المقارنات

نبرة التعالي والفخر الشديد بالتويوتا

حضرتك متضايق ومستغرب انه بيقارن ابيزا 98 بكورولا 2013
طب خلينا نقارن ابيزا 98 بكورولا 98

قبل ماتكلم عايز اقولك ان الصانع الأوروبي لما بيعمل عربية بيراعي الدقة في كل فتفوتة فيها وبالتالي بتلاقي اختراع وانفراد في كل جزئية وكل فتفوتة منها

تعال نفصص العربية فتفوتة فتفوتة وواحدة واحدة من اول لما تمسك مفتاحها وتفتح لحد لما تنتطلق بالسيارة

1- المفتاح
المفتاح دة لوحده اختراع في الأبيزا 98 واعجاز علمي مقارنة بمفتاح كورولا 98
اولا المفتاح خريطة - مفتاح الكورولا مفتاح كالون اهرام
ثانياً المفتاح فيه ريموت فتح وقفل للسنتر والأنذار وشكله شيك - مفتاح التويوتا شكله جربان وماكنتش تويوتا لسة سمعت عن الريموت او الأنذار
ثالثاً المفتاح مشفر ----->
يعني ايه مشفر
تعال في جزئية تانية

2- الإيموبلايزر
ابيزا 98 فيها نظام مانع السرقة إيموبلايزر - كورولا ماسمعتش عنه غير باين في 2008 والهاي لاين كمان

3- اول لما تفتح بالريموت الصالون ينور - طبعا بما ان الكورولا مافيهاش ريموت يبقي لا ينطبق عليها الكلام دة

4- الأنذار - ابيزا كانت بتنزل بانذار فبريكة وبسرينة منفصلة - كورولا مافيهاش انذار واكيد مافيهاش سرينة

5- السنتر
في الأبيزا 98 سنتر هوا اخر شياكة بيفتح ويقفل في صمت تام - الكورولا نظام ترزيع سنتر كهرباء من ابو 35 جنيه
السنتر بيقفل معاه شنطة وتانك
وبترتيب اخر اتقان

6- نور الصالون
قولنا بينور اول لما تفتح السنتر بالريموت كونترول اللي في المفتاح الخريطة المشفر الفبريكة الجميل
لما تقفل الباب بيديلك وقت 5 ثواني لحد لما تحط المفتاح في الكونتاكت وتدور
ودة بيسموه ديلاي
كورولا 98 اول لما تقفل الباب النور يقطع

7- لوحة العدادات
بعد ما تركب عربيتك وتفتح النور الصغير تقدر تتحكم في شدة اضاءة لوحة العدادات
ابيزا 98 فيها ار بي ام جميع الفئات - كورولا 98 ار بي ام للأوتوماتيك فقط
ابيزا 98 الكيلو متر ديجيتال - الكورولا عداد انالوج بتاع الكاسيت الناشونال (ياباني بردو)
ابيزا 98 التريب ديجيتال - الكورولا انالوج
ابيزا 98 بتقلب في العداد الديجيتال في 6 قوائم من ضمنهم الأر بي ام ديجيتال وشوية قوائم اخري عايزة موضوع منفصل للحديث عنها

8- الكشافات الأمامية
ابيزا 98 الكشاف الأمامي بموتور كهرباء للتحكم في مستوي شعاع النور - الكورولا اعتقد مانيوال

9- المحرك ونظام التغذية
ابيزا 98 انجيكشن - الكورولا 98 كاربراتير بتفكرني بالعربيات موديلات السبعينيات

10- فرش الأبواب والكراسي
الأبيزا 98 فرش قطيفة - الكورولا 98 فرش قماش

11- المرايات
الأبيزا 98 مرايات كهرباء - الكورولا 98 اشك انها مرايات كهرباء وكفاية انها بقت بلون الهيكل ابتداء من 96

12- العزل
لا شك ان الأبيزا 98 عزل افضل من الكورولا 98

13- ماتكلمناش عن احزمة الأمان الخلفية ولا مساند الرأس للكنبة الخلفية

اكمل ؟؟ ولا كفاية

الكورولا 98 نفس محرك الجيل السابق وهي هي من 93 لحد ال limited edition بتاع 98
الأبيزا 93 كانت كاربراتير 1300 وفي 95 بقت spi 1400 وفي 98 بقت mpi 1000
ودة دليل علي انهم ناس بتطور وبتقدم جديد للعميل اللي بيشتري عربية موديل السنة
هاتلي سبب مقنع اني اجيب كورولا 98 وهي بنفس المحرك والكماليات بتاعة 94 و89
لكن طبعا الكورولا الناس بتجيبها عشان الكماليات المحدودة اللي هي معروفة بيها (التكييف الثلاجة وكأني بشتري عربية ايديال - السنتر والباور والزجاج الكهربائي) وشكراً ودمتم للتحية

علي فكرة انا بكلمك علي ابيزا 98 اللي نزلت مصر
اللي نزلت برة فيها 2 ايرباج وفرامل abs اللي بردو كورولا ماسمعتش عنهم غير في اواخر 2006

تحياتي للجميع

سيدى ليس بنا اى نبرة تعالى او فشخرا المقارنه ظالمه

كالامنا فى منتها العقل والاحترام وليس بها اى نبرا التعالى

وكلامنا حيادى ومفهوش اى هجوم لما اتقارن ابيزا 1998 با كورولا 2013 وابيزا هيا الاحسن الراجل

محدش هاجمو من المقيمين فى المنتدا

المشاركة الأصلية كتبت بواسطة syd

انا متأكد والله انكوا ماتعرفوش يعني ايه توليدو
وانكم اما ماقرتوش المقدمة اللي انا كاتبها عنها او قرتوها ونسيتو اللي فيها
التوليدو طوول عمرها فئة البورا والأوكتافيا والجولف 4 والأودي a3 والأودي tt والفولكس نيو بيتل
وانت عارف ومتأكد ان العربيات دي مع كامل احترامي للتويوتا - تمسحها في اي مقارنة

ولما حضرتك انتقدت كريم علي مقارنته بين ابيزا 98 وكورولا 2013 - انا قارنت ابيزا 98 بكورولا 98
ومحدش منكم اتكلم او رد عليها - لأنها بجد منطقية ومافيهاش حرف واحد زيادة عن الحقيقة
وحقيقة ان ابيزا سنة 98 قدمت اللي الكورولا ماعرفتش تقدمه غير في اواخر 2006
ولو قارنت بين الليون 2014 والكورولا 2014 كنت هتعلموا نفس الحوار - لا دي هاتشباك - لا دي محرك تربو - لا دي اوروبي
وهتطلعوا الف سبب يبطل المقارنة
زي لما مسكتو في كلمة كريم علي التكييف والتجميع والأعتمادية
زي لما بتناقضوا الحقيقة رغم انه جايبها بالصور مش كلام مرسل

وفي النهاية

الأبيزا والتوليدو وسيات عاماً هتفضل اوروبي - والكورولا والأيكو وتويوتا عاماً هتفضل اسيوي
الأوروبي اوروبي والأسيوي اسيوي

لا معرفهاش علشان لو سبتت نفسها كنا عرفناها واشتريناها

وهوا ينفع نقارن تكنولوجيا 1998 با 2013

احنا مبنعملش حوارات كاذبه

هوا مش ده كلام حضرتك عن الابيزا ولا ايه

والأن تعالو معاً نتعرض لبعض من هذه العيوب الشائعة

1- كسر حشوعصاية الفتيس
2- كسر كالون درج التابلوه
3- رنة في سقف العربية
4- خطأ قراءة مؤشر البنزين خصوصاً في التفويل
5- تسريب مياة علي دواسة المقعد اليمين بعد غسيل السيارة
6- كسر فريم التابلوه
7- زنة من طرمبة الباور
8- اصوات تزييق وطقطقة عند السير في شوارع غير ممهدة
9- هزة في الكرسيين الأماميين
10- قطع حامل الرف الخلفي
11- قطع شداد فتح الكنبة الخلفية
12- كسر هوايات التكييف
13- كسر سقاطات قفل الأبواب
14- كسر التوربيدو اسفل المساحات

اذا وجد اي من هذه العيوب او المشاكل او الملاحظات في سيارتك او عند شرائك سيارة سيات ابيزا الجيل الثاني فلا تنزعج فنسبة 90% من الأبيزا بها علي الأقل 10 عيوب من تلك المذكورة سالفاً

اتمني ان اكون وفقت في عرض اغلب العيوب الشائعة في الأبيزا