أهلا بيك يافندم
-انا عربيتى فعلا خليجى ولكن للأسف يابانى 100%
-بغض النظر عن الاحصائية اللى حضرتك ذكرتها عن حجم المصنع والمبيعات واللى انا معرفش مصدرها ايه (بس أكيد مصدقك) لكن كده حضرتك عممت الكلام ودخلت فى تويوتا ومجموعة فولكس عموما وانا كنت بتكلم عن موديلين محددين بس
-هى فعلا حضرتك تويوتا كورولا لا تقارن لامؤاخذة فى اللفظ مع شركات الفرز الثالث الاوروبى (حسستنى انى نازل اشترى سيراميك لمطبخ بيتنا) وعشان كده انا قولت فى اول مشاركة ليا ان مقارنتها مع التوليدو مقارنة ظالمة وعشان كده قارنتها بعربيتى الابيزا الـ 98 عشان يكون فيه تكافوء
+ ان كلامى كان على الكورولا الـ 2013 اليابانى مش الـ 2014 التايوانى او التركى
-فعلا سحب الابيزا بتاعتى كان افضل من الكورولا بس انا ذكرت فى الاول انى كنت معدل فى الابيزا وامكانيات الموتور أقل من الكورولا ورغم كده كنت بحس بالعزم فى الابيزا اكتر من الكورولا, ودى طبعا حاجة معظم الناس عرفاها وهى ان طريقة قياس قوة المواتير الاسيوى مختلفة عن طرقة قياس المواتير الاوروبى وعشان اثبتلك الكلام ده, مش هنروح بعيد, روح للصفحة الاولى فى الموضوع ده وشوف مواصفات الموتور بين العربيتين هتلاقى ان موتور الكورولا متفوق تماما على التوليدو
كورولا: 16 صباب 2 كامة 122 حصان وvvti
توليدو: 8 صباب واحد كامة 105 حصان
ورغم كده شوف عزم الكورولا 154 نيوتن @ 5200 rpm
وعزم التوليدو 153 نيوتن @ 3800 rpm
معنى كده ان الـ 122 حصان دوول مش صافى
او بمعنى اصح, لو جيت شوفت موتور 122 حصان فى مجموعة فولكس اللى هى فرز ثالث الاوروبى هتلاقى ان العزم بتاعه 170 نيوتن @ 4200 rpm
يبقى مفيش حاجة تستدعى الاستغراب لما اقول ان الموتور الـ 101 حصان اللى كان فى الابيزا سحبه أفضل من الموتور الـ 122 حصان اللى فى الكورولا (طبعا مع مراعاة فرق الوزن والانسيابية والفتيس)
المفضلات