| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 8 من 12 الأولىالأولى ... 3 4 5 6 7 8 9 10 11 12 الأخيرةالأخيرة
النتائج 71 إلى 80 من 117

  1. #71

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة iUsef مشاهدة المشاركة
    طالما الاخوه من قسم سيات عايزين يقارنو بين التوليدو و الكورولا
    يبقي نجيب تاريخ العربيتين من الاول زي ما الاستاذ سيد شرح الاجيال كلها من وجهة نظري المتواضعه تحتمل الصواب او الخطأ مش قرآن يعني......
    تمام
    بس ان شاء الله تحتمل الصواب في جزئية التوليدو
    لأني حافظ تاريخها عن ظهر قلب بالأضافة إلي انه تاريخ وليس تقييم شخصي فأكيد ان شاء الله صواب

    اول توليدو الواحد يفتكرها هيا موديل اواحر التسعينات اول سنه 2000
    للأمانة كان في موديل قبلها بس كان لسة في أول سيات مع فولكس وفيما بعد أتاخد واتعمل منه نسخة صيني (شيري A11)
    أنا ذاكر الكلام دة كله في رأس الموضوع


    ودي الصورتها



    وكانت ايامها فعلاً ممتازه كتصميم و فئه علي شويه من الكورولا وكانت فعلاً شبه البورا و الاوكتافيا A4 بس محدش يقولي اودي A3 ولا جولف لان دي فئه ودي فئه تانيه
    يا فندم
    يا استاذي
    يا سيدي الفاضل
    احنا مش بنقول كلام مرسل
    في أسس بنتكلم من خلالها وليس اي كلام
    التوليدو مبنية علي منصة Platform A4
    الجولف مبنية علي منصة Platform A4
    البورا مبنية علي منصة Platform A4
    الأوكتافيا مبنية علي منصة Platform A4
    الأودي مبنية علي منصة Platform A4
    A4 (PQ34)
    نظرة عن كثب: كل ما تريد معرفته عن منصات مجموعة فولكسفاجن

    طب يعني ايه منصة ؟؟؟؟ او بلاتفورم Platform
    المنصة هي مجموعة اجزاء ومكونات للسيارة تشمل الشاسيه ووضعية تركيب المحرك وآلات الجر ونظم التعليق والفرامل وبيت المحرك (الحوض) والهيكل العام للسيارة

    عارف يعني ايه منصة ؟؟؟
    يعني لو فكيت المحرك من العربية دي تركبه في العربية دي علي نفس القواعد بدون تعديل
    يعني تفك الكرسي وتركبه في عربية من نفس المنصة
    يعن تفك باب وتركبه في عربية تانية من نفس المنصة
    يعني تفك تابلوه

    يعني من الأخر كل العربيات المبنية علي نفس المنصة هي عربيات متطابقة وليست حتي متشابهة
    جميع قطع غيار جولف 4 سواء في المحرك او الفرامل او العفشة تركب دون ادني مشكلة في التوليدو Mk2 والأوكتافيا A4 والأودي A3 والعكس بالعكس في جميع السيارات المذكورة

    طب ليه فولكس عملت كدة ؟؟؟
    اولا فولكس صارفة كتير علي التصميم والتطوير
    لما تعمم نفس المنصة (المصروف عليها كتير) علي عدد كبير من السيارات يبقي كأنها قسطت التكلفة علي عدد كبير من العربيات وماحملتوش كله عربية واحدة (وليكن الجولف 4) وبالتالي
    هتلاقي انتاج ضخم (وفيه تنوع ما بين أودي وسيات وسكودا وفولكس) قصاده مبيعات ضخمة قصاده سعر منافس لأني ماحملتش مصاريف تصميم وتطوير علي سيارة واحدة
    ثانياً تضمن انتشار وتوافر قطع غيار

    فاكر فيلم احمد حلمي بتاع كل نفسك قبل ما حد يجي ياكلك Eat your Self
    دة مبدأ تسويقي مهم جداً وهو الأستحواذ علي حصة سوقية كبيرة وفي النهاية كل المشاركين في السوق تحت مظلتك وبيصبوا العائد عندك
    يعني انا عملت مقارنة بين توليدو ورابيد
    ناس حبت التوليدو وناس حبت الرابيد وفي الأخر الأتنين واحد والأتنين عند فولكس سواء
    تشتري رابيد تشتري توليدو الأثنين بتوعي والأثنين هيشتروا قطع الغيار بتاعتي اللي عليها علامة فولكس


    بعد كده مش فاهم ايه اللي حصل دخلوها فئه تانيه خالص MPV زي الكيا الكارينز و الماتريكس و مرسيدس B مع ان كان عندهم التيا العاديه و XL وكانت ممتازه
    انا كمان والله مستغرب نفس استغرابك
    بس عموماً هي من وجهة نظري كان ليها هدف
    اولا معروف ان النسخة الهاتشباك من التوليدو تطرح في الأسواق تحت اسم ليون - زي بالظبط الi30 الهاتشباك بتاعة الألنترا
    اعتقد انه كان تمهيد للأستقلال بالليون كمنتج وحيد لا علاقة له بالتوليدو
    لأن هتكتشف ان الليون من نفس الجيل دة كانت انجح ليون وتشبه التوليدو جداً حتي في المظهر الخارجي كسيارتين هاتشباك


    هوبا رجعو تاني رجعوها فئه السيدان عندنا اللي هيا في الاصل بيعتبروها بره هاتش باك عشان الازاز بيفتح مع الشنطه مكان من الاول ليه بس الشقلبه دي
    لا
    هنا اسمحلي اعدل علي كلام حضرتك
    توليدو لما رجعت مارجعتش مكانها الطبيعي اللي كانت فيه
    للأسف الشديد سيات كان عندها موديل اسمه قرطبة ودة كان النسخة السيدان من الأبيزا
    لسبب ما لا اعرفه توقف هذا الموديل منذ 2009 وسبب فراغ في فئة السيدان الصغيرة او الsubcompact - فلما رجعت التوليدو رجعت عشان تسد هذا الفراغ ونزلت التوليدو من فئة الcompact إلي فئة الsubcompact
    وفي المقابل اكتفت شركة سيات بتقديم الليون هاتشباك والليون استيشن واجن كبدائل في فئة الكومباكت compact
    وعموماً التوليدو والرابيد والاوكتافيا بيعتبروا ليفت باك وليس هاتشباك لكونهم يجمعوا بين الشكلين شكل الهاتشباك والزجاج الخلفي بيرتفع مع باب الشنطة وشكل السديان في كون ليها شنطة حتي لو صغيرة.

    بس للاسف اول ما شوفت العربيه حسيت انها نازله سيدان صغيره يعني تقارن بالبولو السيدان و الاسكودا الرابيد
    دي حقيقة كما ذكرت سالفاً
    فعلا التوليدو فئة الرابيد بالظبط وحتي مبنية معاها علي نفس المنصة
    وفئة البولو السيدان (النسخة السيدان من البولو الهاتشباك) وكما ذكرنا فهي تحل محل القرطبة اللي كانت النسخة السيدان من الأبيزا



    نيجي بقي للكورولا في نفس الفتره تقريباً
    كانت كده

    وبعدين كده

    وبعدين كده

    واخيراً


    طبعاً الشركه ماشيه في طريق تطوير للعربيه مبني علي نفس الفئه المستهدفه... عارفه طريقها مش زي سيات
    هي ماشية في طريقها دي صح
    لكن مالها سيات ؟؟؟
    بتقدم سيارات في كل فئة من اول الميني والسيتي كار لحد اكبر شريحة والفارهة
    بس للأسف الشديد مش بتنزل مصر

    نيجي دلوقتي للشركتين
    تويوتا الشركه الاولي علي العالم في المبيعات
    فولكس فاجن التالت علي العالم بعد جينرال موتورز

    في ناس كتير مش فهمه يعني ايه الاولي علي العالم دي و في عربيات كتير احسن منها في العالم سواء اوروبي او امريكي او حتي اسيوي

    الاولي علي العالم في حجم المبيعات السنوي لمجموع العربيات للشركات المالكه لها

    تويوتا جروب
    1- تويوتا
    2- ليكزيس
    3- ديهاتسو
    4- هينو
    5- جزء من سوبارو


    فولكس فاجن جروب
    1-فولكس فاجن
    2- اودي
    3- سيات
    4- سكودا
    5- بورش
    6- بنتلي
    7- بوجاتي
    8- لامبورجيني
    9- فولكس فاجن للشواحن التجاريه
    10- سكانيا
    11- مان
    12- دوكاتي

    ودي المبيعات في 2012

    Group Units
    Toyota 10,104,424
    G.M. 9,285,425
    Volkswagen 9,254,742
    Top 3 automakers 2012 by global volume, based on OICA data.

    طبعاً يعني فولكس فاجن جروب اكيد المفروض انه اقوي بكتيييييييييير من جروب تويوتا بس ليه بقي تويوتا الاولي عالمياً اكيد مش كوسه ولا عشان العشره مليون وكسور اللي بيشترو عربيتها كل سنه هبل ولا مش فارقه معهام الفلوس بس كل الحكايه ان العربيه فعلاً اعلي عربيه اعتماديه علي مستوي العالم ودي بالارقام فياريت يا شباب نبقي حياديين ومحدش يقول ان العربيه مش اعتماديه او سيات اكثر اعتماديه منها
    طبعاً الأرقام دي صحيحة لأنها اكيد منقولة
    وانا مش بشكك فيها
    بس يا باشا المبيعات مش هي مربط الفرس
    لو بتتكلم في مبيعات يبقي تقارن الكورولا بالفيرنا
    لو المبيعات القليلة ليها سبب خفي زي المبيعات الكبيرة ماليها سبب خفي (كا اوضحته حضرتك يكمن في الأعتمادية)
    يبقي اكيد الفولفو مخبيين علينا حاجة احنا مانعرفهاش - او عربياتهم معيوبة وعشان كدة مبيعاتها قليلة
    ارقام المبيعات مؤشر والجودة مؤشر تاني خالص - الأتنين لا علاقة لهم ببعض تماماً
    كأنك بتتكلم في المقارنة بين الوزن والسرعة دة معيار يتقارن بيه ودة معيار اخر للمقارنة
    هتقارن مبيعات تويوتا يبقي نقارنها بمبيعات فولكس
    هتقارن جودة تويوتا واعتماديتها نقارنها بجودة واعتمادية فولكس
    لكن تويوتا احسن عشان مبيعات - يبقي فولفو اسوء عشان مبيعات 1+1=2

    نرجع بقي للتصميمات
    اكيد اكيد سيات تصميمتها احلي من تويوتا داخلياً وخارجياً وحتي الخامات اعلي وده لا غبار عليها لانها هيا هيا تصميمات فولكس و سكودا و اودي مع اختلافات قليله
    كل شركة من شركات المجموعة بتصنع حاجتها لنفسها فيما عدا ما يخص المنصة كما ذكرت من قبل
    يعني مثلا الصاج والخوارج من تصميم كل شركة لنفسها
    التصميم الداخلي ممكن كل شركة تصنع لنفسها او ممكن احد الشركات تصمم حاجة وتديها لباقي الشركات في المجموعة
    يعني وارد جداً تلاقي قطعة في الجولف وعليها علامة سيات بدل علامة فولكس وبالتالي نفس القطعة في سكودا هتلاقي عليها علامة سيات وكذلك في أودي
    والقطعة اللي بتتركب في كل الموديلات بتلاقي عليها علامات المجموعة كلها
    الخلاصة انك ممكن تلاقي علامة فولكس وعلامات المجموعة ودي هتلاقيها Made in Germany وممكن تلاقي علامة سيات والعلامات ودي هتلاقيها Made in Spain

    الموتور و الفتيس
    موتور تويوتا 1600 DUAL VVTI و الفتيس ال CVT اكيد اكيد احلي من موتور فولكس 1600 MPI و الفتيس التيب ترونيك
    لا معلش
    مفيش حاجة اسمها اكيد
    قولي طب حتي ارقام وبعدها قولي اكيد
    دة الراجل لسة كان مشير فيديو لتسارع الكورولا وتسارع الأوكتافيا (نفس المحرك اللي في التوليدو)
    يبقي ماتقوليش اكيد
    اه انا معاك ان تكنولوجيا Dual vvti حلوة مفيش كلام - بس علي فكرة فولكس كانت نزلتها مرة في الجولف بس كانت من غير dual كانت vvt
    بس ماهي عملت ايه بالdual vvti؟؟ بردو مطلعة ارقام تقترب جداً جداً جداً من محرك التوليدو الMPI ال8 صباب SOHC
    يعني تويوتا ماعملتش حاجة بال16 ولا بالdual vvti ومحرك سينجل 8 صباب متعدد النقاط جاب نفس ارقامه تقريباً وهتلاقيه اخف وبيوفر اكتر كمان

    بلاش الله يخليك تتكلم بجد في الحاجات اللي المانيا متميزة بيها
    المحركات والماكينات والكلام دة
    سيب الشحم والزيت لأصحابه
    كلمني في كاسيت صوته عالي - كلمني في تكييف - كلمني في اي حاجة اليابان تقدر تلعب او تنافس فيها وبلاش المحركات عشان دي لعبة الألمان

    نيجي بقي للتوكيل سواء SMG او المصريه اوتوموتيف حدث ولا حرج

    وللعلم SMG كان احسن مع عدم انتشاره
    نيجي بقي لنقطه التكييف
    انا ممكن اصدق ان تصميم تويوتا مايعجبكش او ان الخامات مش احلي حاجه في الدنيا بس في حاجات في اليباني عموماً مش التويوتا بس.... بدون تحيز مهما تقول محدش هيقتنع
    1- التكييف
    2- استهلاك البنزين
    3- الاعتماديه
    بص يا باشا
    معروف دائماً ان هناك حاجة اسمها صناعات مغذية
    يعني تويوتا تويوتا مش هي اللي مصنعة مكونات التكييف
    احنا عندنا في فولكس بنجيب كباسات ساندن الياباني - مش عارف تويوتا بتجيب انهي كباسات
    والثلاجة وخلافه هتلاقيها اما فاليو او vdo دة طبعا بالنسبة لفولكس
    مش عارف تويوتا ايه نظامها او بتتعامل مع مين
    في النهاية قصة التكييف دي بتعتمد علي الشركات المغذية وبالأضافة إلي انها بتختلف من نطاق جغرافي لأخر يعني التكييف الحلو في مصر اكيد ضعيف في السعودية واللي حلو في اوروبا اكيد سئ في مصر والخليج لأنك تعرف تماما ان قوة التكييف تعتمد في الأساس علي المناخ الخارجي

    نرجع بقي للابيزا انا حاسس انها بترجع لورا مش بتطلع لقدام
    يعني ابيزا 92 احلي ابيزا في الدنيا وكانت منافسه للجولف ايامها دلوقتي بقت تنافس البولو
    وده راجع ان الشركه الام عندها Icons مش عايزها تجيب حاجه جمبها تاثر علي شعبيتها زي الجولف
    معلش انا أسف
    جبت الكلام دة منين ؟؟؟؟؟؟
    دة رأي شخصي ؟؟؟
    ازاي الأبيزا بترجع لورا ؟؟؟ ازاي احلي ابيزا موديل 92 ؟؟؟؟ ازاي الأبيزا كانت بتنافس جولف ؟؟؟
    للأسف الشديد المعلومات دي كلها مش سليمة
    اولاً الأبيزا جيل بعد جيل بتطور وكمان بتطور جوة نفس الجيل
    الأبيزا 92 كانت قبل الشراكة مع فولكس وكانت تعتمد علي تصميم ايطالي وتقترب جداً جداً جداً من الأونو (فيات) وكانت تتميز بعزل صدأ لا مثيل له
    ولكنها كانت بالظبط زي الفيات وبتفتح شاسيه لو حد عطس وهو قاعد جواها

    اما ان الأبيزا بتنافس جولف
    فدي معلومة أثبتنا خطأها بكل الأدلة والبراهين المدعومة بالأرقام والقياسات والتجارب وانا شخصياً رفعت المقاسات من علي اكثر من سيارة سيات سواء سيارتي او سيارات الأعضاء في القسم وكريم تفضل مشكوراً برفع المقاسات من علي الجولف والبولو بجانب طبعاً قياسات بعض الثوابت في السيارة زي الدنجل واجزاء العفشة والقنطرة وما إلي ذلك
    بالأضافة إلي البحث الدقيق والتحري عبر الأنترنت
    فلا نجد اي تطابق بين الأبيزا والجولف
    والأبيزا فئة والجولف فئة اخري
    الليون هي التي تنافس الجولف
    الأبيزا تنافس بولو

    نرجع بقي لمشكله الكورولا و السيول و العزل..... من الصور و معلومات حضرتك انك في السعوديه
    ودي سيول السعوديه يعني ربنا يعفي الجميع... واكيد انت تعرف ناس تانيه حصلهم اكتر من كده مليون مره



    عشان بس ميحصلش لبس ان شويه مياه من المطر عندنا هتعمل كده
    لا دي مش مشكلتي وماليش فيها

    وفي الاخر تقبلو تحياتي

    يا فندم احنا اتشرفنا جداً بالنقاش معاك
    نورت الموضوع وشكراً بجد علي الأضافات وعلي رد حضرتك

    تحياتي

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  2. #72

    الصورة الرمزية Hunting_Eagle

    رقم العضوية : 63536

    تاريخ التسجيل : 27Feb2010

    المشاركات : 790

    النوع : ذكر

    الاقامة : 6th of October

    السيارة: 2014 Kia Cerato

    السيارة[2]: Mazda 6 Ultra

    دراجة بخارية: No

    الحالة : Hunting_Eagle غير متواجد حالياً

    افتراضي -

    اقتباس المشاركة الأصلية كتبت بواسطة syd مشاهدة المشاركة

    قصد كلامي
    ان الثقافة المتوارثة عن اعتمادية الياباني عموماً والكوري اصلها في موديلات الثمانينيات والتسعينيات واوائل الألفية الثانية لبساطة السيارة وقلة التعقيد
    لكن الأوروبي كان واخد خطوة جريئة ومنزل تكنولوجيا جديدة وللأسف كأي تكنولوجيا جديدة وارد يكون ليها مشاكل في البداية
    وللأسف شربها الأوروبي ونفد منها الكوري والياباني ونزلها بعد ماخلاص اتظبطت واتعرف حلولها فين وازاي نتفاداها
    والنتيجة
    الأوروبي كثير الأعطال
    الأسيوي اعتمادي

    تحياتي
    انا اعتقد ان معظم النقاط ممكن يبقى فيها هات و خد .. انما فعلا عند الحديث عند الاعتمادية و خصوصا بين تويوتا و فولكس فاجن .. فالموضوع محسوم لصالح تويوتا

    ومش موديلات الثمانينات و التسعينات و أوائل الألفية بس .. لأ لحد دلوقتي .. و بقارق كبير لصالح تويوتا

    حتى في المستقبل .. ما اعتقدش الموضوع هيختلف كتير .. لأن ده هو اللي بيأكل تويوتا عيش .. خد عربية دور و اركب و انسى .. خصوصا في الموديلات الصغيرة .. بردو على عكس فولكس فاجن .. ادعى ربك ان الفتيس ما يضربش لحد ما توصل 30 الف كم

    "سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"


  3. #73

    الصورة الرمزية yasser100

    رقم العضوية : 73467

    تاريخ التسجيل : 20Jun2010

    المشاركات : 2,015

    النوع : ذكر

    الاقامة : cairo

    السيارة: Brilliance fsv 2010

    السيارة[2]: Fluence E3S 2014

    الحالة : yasser100 غير متواجد حالياً

    افتراضي -

    مجهود رائع و مقارنه قويه و معلومات جديده بالنسبه لى فى التوليدو . الاوروبى فعلا ضاغط الفتره الللى فاتت متمثل فى فولكس و اوبل و رينو و بيجو بعد ما كان لهم السبق فى اكتشاف التكنولوجيات و الاوبشنز الجديده و اخد المخاطره على عاتقهم و نالت من سمعتهم لفتره و اتذكر هنا الميجان بتكنولجياتها اول ما نزلت و ما نالها مقابل المجازفه التكنولوجيه وقتها فى 2004 و اتخدت من طرف الاسيويين على الجاهز الان و لكن زى ما بيقولوا الدهن فى العتاقى . دى حقيقه

    تحياتى لكل القائمين على المقارنه و المعلقين عليها

    اللهم بارك لنا فيما رزقتنا


  4. #74

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    اقتباس المشاركة الأصلية كتبت بواسطة hunting_eagle مشاهدة المشاركة
    انا اعتقد ان معظم النقاط ممكن يبقى فيها هات و خد .. انما فعلا عند الحديث عند الاعتمادية و خصوصا بين تويوتا و فولكس فاجن .. فالموضوع محسوم لصالح تويوتا

    ومش موديلات الثمانينات و التسعينات و أوائل الألفية بس .. لأ لحد دلوقتي .. و بقارق كبير لصالح تويوتا

    حتى في المستقبل .. ما اعتقدش الموضوع هيختلف كتير .. لأن ده هو اللي بيأكل تويوتا عيش .. خد عربية دور و اركب و انسى .. خصوصا في الموديلات الصغيرة .. بردو على عكس فولكس فاجن .. ادعى ربك ان الفتيس ما يضربش لحد ما توصل 30 الف كم
    محدش علق علي اعتمادية تويوتا او شككنا فيها
    انا بتكلم علي اعتمادية الأوروبي
    بتكلم علي سابق خبرة مع عربيتي الأبيزا والجولف لأحد أصدقائي
    حقيقي والله العربيات دي حتي لو فيها ايه - بتمشي وتوصلك لحد بيتك معزز مكرم
    اتذكر أحد الأعضاء في قسم سيات جي بعربيته بطرمبة مية مكسورة من الريست علي طريق اسكندرية القاهرة الصحراوي وروح بعربيته لحد الهرم
    صلح الطرمبة والعربية ماشية زي الفل وحتي ماضربتش جوان
    انا شخصياً خالع اسطوانة دبرياج من عربيتي فيها سوستة مكسورة وناطرة من مكانها والعربية كانت ماشية زي الفل وبتعض بس معايا في اول وريفيرس
    الأوروبي مشكلته الحقيقية في صياناته الكتيرة المتقاربة للأمانة
    ماينفعش تفوت مواعيد الصيانات
    لي تجربة سيئة مع عربية اخي فيكترا 96 محرك 2000 ايكوتك وفتيس اوتوماتيك
    العربية زي الفل لا غبار عليها بس الفتيس عمل معاه اكتر من مشكلة ولكن اخي قيادته عنيفة لأكتر مما تتخيل - وهو نفسه حارق 3 فتايس اوتوماتيك في دايو ليجانزا 2000 ايكوتك
    وبالتالي اشك في اعتمادية الأوبل لأن يبدو القاسم مشترك بينهم وهو اسلوب القيادة التي لا يتحمله اي ناقل حركة علي الأطلاق

    عدم اعتمادية الأوربي تأتي في الصيانات بشكل غير سليم او بقطع غيار غير اصلية
    لكن لو عملت الصيانات المطلوبة في أوقاتها وبقطع غيار اصلية ستستمتع بسيارة لا مثيل لها في متعة القيادة

    تحياتي لشخصكم الكريم

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  5. #75

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    اقتباس المشاركة الأصلية كتبت بواسطة yasser100 مشاهدة المشاركة
    مجهود رائع و مقارنه قويه و معلومات جديده بالنسبه لى فى التوليدو . الاوروبى فعلا ضاغط الفتره الللى فاتت متمثل فى فولكس و اوبل و رينو و بيجو بعد ما كان لهم السبق فى اكتشاف التكنولوجيات و الاوبشنز الجديده و اخد المخاطره على عاتقهم و نالت من سمعتهم لفتره و اتذكر هنا الميجان بتكنولجياتها اول ما نزلت و ما نالها مقابل المجازفه التكنولوجيه وقتها فى 2004 و اتخدت من طرف الاسيويين على الجاهز الان و لكن زى ما بيقولوا الدهن فى العتاقى . دى حقيقه

    تحياتى لكل القائمين على المقارنه و المعلقين عليها
    الف شكر علي متابعتك وتقديرك المجهود

    بالظبط دة اللي انا بتكلم فيه
    الأوروبي له السبق في كل التكنولوجيات الحالية وطبيعي اي تكنولوجيا جديدة لازم يظهر لها عيوب مع الأستخدام
    مش معني كدة ان الأوروبي بيجرب في عملائه - بالعكس
    الأوروبي بيختبر كويس اوي
    ولكن في النهاية التجربة الحقيقية مع الملاك هي الفيصل

    علي سبيل المثال
    في السوفت ويير
    وليكن مايكروسوفت ويندوز
    بعد لما مايكروسوفت بتعمل اصدار جديد للويندوز بيدخل حاجة اسمها Microsoft Quality Labs - المبرمجين والتيسترز Testers بيختبروا نظام التشغيل الجديد - بيفرموه بمعني ادق
    وبعد كدة بينزلوا نسخة بيتا وتنزل الأسواق مجاني عن طريق الداونلود من علي موقع الشركة او بتبعت نسخ للبارتنرز Partners بتوعها
    بتظهر عيوب
    بيعدلوها وينزلوا نسخة تانية وثالثة كمان بيتا
    وفي الأخر يستقر بيهم المطاف إلي نسخة RC Release Candidate يقوموا يطلقوا عليها اسم تجاري وتنزل Final Release في الأسواق
    المتوقع طبعا انها تخلو من المشاكل لأنها اتجربت مرة في معامل مايكروسوفت و3 مرات ينزلها نسخ بيتا وتتعدل
    ومع ذلك تظهر مشاكل اخري
    سواء مشاكل عدم توافقية او سيكيوريتي او اي نوع من انواع الباجز Bugs المشهورة
    يقوموا يفضلوا يدعموا Support نظام التشغيل بشوية Updates وباتشز Batches وهوت فيكس Hot fix وينزلوا سيرفيس باك 2 و 3

    أنا اسف علي التطويل في المثال

    بس دة الواقع اللي بيحصل مع اي نيو تكنولوجي
    xp كانت اعتمادية جداً بس مرت بنفس المراحل اللي ذكرتها سابقاً لأن دة Behavior لازم يمر بيه اي نظام تشغيل واي نيو تكنولوجي

    رينو عملت كدة مع ميجان
    وعلي حد علمي من أ/ تامر محمد ان ابتداء من موديل 2008 نزل سوفت ويير جديد للكنتورولر ظبط الأداء وقلل جداً المشاكل

    وهتفضل طول العمر هي دي المشكلة الأبدية
    في تطوير وتحديث وتكنولوجيا جديدة = في مشاكل وتحسينات وتعديلات واعطال

    ومشكلة الأوروبي انه مابيهمدش - اول لما يحل مشاكل التكنولوجيا الحالية - ينزل بتكنولوجيا جديدة بمشاكل جديدة

    عايز تستمتع بالتكنولوجيا الجديدة - تحمل المخاطر والأعطال الجديدة علي الصنايعية والتوكيل نفسه
    خايف من الأعطال وعايز اعتمادية - اركب موديل قديم في الأوروبي او عربية مش بتطور بسرعة موديل حديث وليكن اسيوي

    تحياتي لحضرتك

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  6. #76

    الصورة الرمزية iUsef

    رقم العضوية : 149367

    تاريخ التسجيل : 29Sep2013

    المشاركات : 461

    النوع : ذكر

    الاقامة : مصر

    السيارة: كورولا

    السيارة[2]: كورولا

    الحالة : iUsef غير متواجد حالياً

    افتراضي -

    هههههههه وحد الله في قلبك يا استاذ سيد انا مش عارف ليه انت واخد الكلام علي قلبك كده احنا كلنا هنا بنتعلم من بعض وانت بسم الله راجل منسق اد الدنيا و اكيد معلومات حضرتك في قسمك اعلي مني بكتيييييير و الخلاف لا يفسد للود قضيه رايك خطأ يحتمل الصواب و رائي صواب يحتمل الغلط وفي الاخر كلنا مش عالماء ذره ولا كلام انبياء ولو كان كده كنا مجيناش نتقابل في المنتدي و نتعلم من بعض




    اقتباس المشاركة الأصلية كتبت بواسطة syd مشاهدة المشاركة
    تمام
    بس ان شاء الله تحتمل الصواب في جزئية التوليدو
    لأني حافظ تاريخها عن ظهر قلب بالأضافة إلي انه تاريخ وليس تقييم شخصي فأكيد ان شاء الله صواب

    شكراً علي البدايه

    للأمانة كان في موديل قبلها بس كان لسة في أول سيات مع فولكس وفيما بعد أتاخد واتعمل منه نسخة صيني (شيري a11)
    أنا ذاكر الكلام دة كله في رأس الموضوع


    ايوه يا باشا انا قريت كلام حضرتك في اول الموضوع بس انا بتكلم علي نفسي اول ما مره اخد بالي ان في عربيه اسمها توليدو وكانت منافسه البورا


    يا فندم
    يا استاذي
    يا سيدي الفاضل
    احنا مش بنقول كلام مرسل
    في أسس بنتكلم من خلالها وليس اي كلام
    التوليدو مبنية علي منصة platform a4
    الجولف مبنية علي منصة platform a4
    البورا مبنية علي منصة platform a4
    الأوكتافيا مبنية علي منصة platform a4
    الأودي مبنية علي منصة platform a4
    a4 (pq34)
    نظرة عن كثب: كل ما تريد معرفته عن منصات مجموعة فولكسفاجن



    طب يعني ايه منصة ؟؟؟؟ او بلاتفورم platform
    المنصة هي مجموعة اجزاء ومكونات للسيارة تشمل الشاسيه ووضعية تركيب المحرك وآلات الجر ونظم التعليق والفرامل وبيت المحرك (الحوض) والهيكل العام للسيارة

    عارف يعني ايه منصة ؟؟؟
    يعني لو فكيت المحرك من العربية دي تركبه في العربية دي علي نفس القواعد بدون تعديل
    يعني تفك الكرسي وتركبه في عربية من نفس المنصة
    يعن تفك باب وتركبه في عربية تانية من نفس المنصة
    يعني تفك تابلوه

    يعني من الأخر كل العربيات المبنية علي نفس المنصة هي عربيات متطابقة وليست حتي متشابهة
    جميع قطع غيار جولف 4 سواء في المحرك او الفرامل او العفشة تركب دون ادني مشكلة في التوليدو mk2 والأوكتافيا a4 والأودي a3 والعكس بالعكس في جميع السيارات المذكورة

    هههههه مش بقولك بتقفش بسهوله انا حاسس انك هتزنبني علي الحيطه..... يا باشا ان عارف ان في حاجه اسمها platform وحضرتك مشكور عرفتني انك عارف... حتي صحيح مش ال platform دي اللي خات مرسيدس a class الجديده شبه ال platform بتاعة ال b class عشان كل اللي انت قلته ده
    شوفت بقي انا شاطر ازاي بس مش معني كده انك ممكن تقارن اوكتافيا بجولف لان الاحتياجات مختلفه لكل واحد:)

    طب ليه فولكس عملت كدة ؟؟؟
    اولا فولكس صارفة كتير علي التصميم والتطوير
    لما تعمم نفس المنصة (المصروف عليها كتير) علي عدد كبير من السيارات يبقي كأنها قسطت التكلفة علي عدد كبير من العربيات وماحملتوش كله عربية واحدة (وليكن الجولف 4) وبالتالي
    هتلاقي انتاج ضخم (وفيه تنوع ما بين أودي وسيات وسكودا وفولكس) قصاده مبيعات ضخمة قصاده سعر منافس لأني ماحملتش مصاريف تصميم وتطوير علي سيارة واحدة
    ثانياً تضمن انتشار وتوافر قطع غيار

    فاكر فيلم احمد حلمي بتاع كل نفسك قبل ما حد يجي ياكلك eat your self
    دة مبدأ تسويقي مهم جداً وهو الأستحواذ علي حصة سوقية كبيرة وفي النهاية كل المشاركين في السوق تحت مظلتك وبيصبوا العائد عندك
    يعني انا عملت مقارنة بين توليدو ورابيد
    ناس حبت التوليدو وناس حبت الرابيد وفي الأخر الأتنين واحد والأتنين عند فولكس سواء
    تشتري رابيد تشتري توليدو الأثنين بتوعي والأثنين هيشتروا قطع الغيار بتاعتي اللي عليها علامة فولكس


    بالنسبه بقي ل eat your self احب اعرف حضرتك ان دراستي تسويق ودعايه و اعلان وشغال في التسويق والنظريه دي ممكن استخدمها في كيس شيبسي او تلاجه او حتي كيس مسحوق غسيل و اشهر ناس عاملين كده procter & gamble , unilever زي تايد و اريل كده لاكن عربيات صعب اوي

    بالنسبه بقي ليهم هما متولدوش من نفس الاب و الام هما شركات كبيره وزي كل شركه كبيره هدفها انها تكبر اكتر بيعملو استحوذات علي بعض عشان تقلل المنافسه و تستفيد من الامتيازات المختلفه للبلاد زي الضرايب و اسعار الايدي العامله و المكونات و كده ولاكن علي سبيل المثل الاسكودا السوبرب و الباسات الاتنين tsi 1.4 السوبرب مش نازله اوتوماتيك عندنا ليه ميعرفوش؟؟؟ ولا خايفين انها تاثر عليها؟؟؟
    غير كده الشركه الام بقت هي المسؤله عن دراسه كل الاسواق و هي تقول بقي في بلاد مثلاً زينا مش عايزين dsg , tsi فطبعا ينزلها عربيه بالموتور القديم و الفتيس القديم بارخص الاسعار عشان يكسب الشريحه اللي فقدها من التغيير ده ولو الناس عايزه tsi dsg اهي الرابيد موجوده


    انا كمان والله مستغرب نفس استغرابك
    بس عموماً هي من وجهة نظري كان ليها هدف
    اولا معروف ان النسخة الهاتشباك من التوليدو تطرح في الأسواق تحت اسم ليون - زي بالظبط الi30 الهاتشباك بتاعة الألنترا
    اعتقد انه كان تمهيد للأستقلال بالليون كمنتج وحيد لا علاقة له بالتوليدو
    لأن هتكتشف ان الليون من نفس الجيل دة كانت انجح ليون وتشبه التوليدو جداً حتي في المظهر الخارجي كسيارتين هاتشباك


    ياااااااااااااااااااااااا اه اخيراً قلت حاجه صح :018a1d~146: بس انا حاسس انك بتحب سيات حتي النخاع وبدافع عنهم حتي وانت مش مقتنع
    لان مش من المنطقي انك تغير فئه عربيه عشان تعمل استقلال لعربيه تانيه كان لغاها احسن


    لا
    هنا اسمحلي اعدل علي كلام حضرتك
    توليدو لما رجعت مارجعتش مكانها الطبيعي اللي كانت فيه
    للأسف الشديد سيات كان عندها موديل اسمه قرطبة ودة كان النسخة السيدان من الأبيزا
    لسبب ما لا اعرفه توقف هذا الموديل منذ 2009 وسبب فراغ في فئة السيدان الصغيرة او الsubcompact - فلما رجعت التوليدو رجعت عشان تسد هذا الفراغ ونزلت التوليدو من فئة الcompact إلي فئة الsubcompact
    وفي المقابل اكتفت شركة سيات بتقديم الليون هاتشباك والليون استيشن واجن كبدائل في فئة الكومباكت compact
    وعموماً التوليدو والرابيد والاوكتافيا بيعتبروا ليفت باك وليس هاتشباك لكونهم يجمعوا بين الشكلين شكل الهاتشباك والزجاج الخلفي بيرتفع مع باب الشنطة وشكل السديان في كون ليها شنطة حتي لو صغيرة.


    عدل يا باشا برحتك..... بس هو ده اكتر حاجه بتدايقني في مجموعه فولكس ان في عربيات بتختفي زي الكوردوبا راحت فين الله اعلم زي الاوبل فيكترا مع ان المفروض الاسم لما ينجح باستفيد بنجاحه مش العكس بموته
    بالنسبه بقي ليف باك او هاتش باك الاتنين صح يا باشا زي color w colour وانا عارف انك هتعترض
    skoda octavia review | autocar
    و العنوان skoda’s practical and spacious family hatchback takes a step up in size
    اي خدمه يا سيد باشا


    دي حقيقة كما ذكرت سالفاً
    فعلا التوليدو فئة الرابيد بالظبط وحتي مبنية معاها علي نفس المنصة
    وفئة البولو السيدان (النسخة السيدان من البولو الهاتشباك) وكما ذكرنا فهي تحل محل القرطبة اللي كانت النسخة السيدان من الأبيزا
    مصدقك يا باشا من غير حلفان


    هي ماشية في طريقها دي صح
    لكن مالها سيات ؟؟؟
    بتقدم سيارات في كل فئة من اول الميني والسيتي كار لحد اكبر شريحة والفارهة
    بس للأسف الشديد مش بتنزل مصر

    لا يا باشا اسمحلي في تهيسس معين من الشركه و بصراحه رائي لازم يفكروا في السيجمانت بتاعتهم تاني وتتقسم احسن من كده
    واظن برضه ان معندهمش فارهه


    طبعاً الأرقام دي صحيحة لأنها اكيد منقولة
    وانا مش بشكك فيها
    بس يا باشا المبيعات مش هي مربط الفرس
    لو بتتكلم في مبيعات يبقي تقارن الكورولا بالفيرنا
    لو المبيعات القليلة ليها سبب خفي زي المبيعات الكبيرة ماليها سبب خفي (كا اوضحته حضرتك يكمن في الأعتمادية)
    يبقي اكيد الفولفو مخبيين علينا حاجة احنا مانعرفهاش - او عربياتهم معيوبة وعشان كدة مبيعاتها قليلة
    ارقام المبيعات مؤشر والجودة مؤشر تاني خالص - الأتنين لا علاقة لهم ببعض تماماً
    كأنك بتتكلم في المقارنة بين الوزن والسرعة دة معيار يتقارن بيه ودة معيار اخر للمقارنة
    هتقارن مبيعات تويوتا يبقي نقارنها بمبيعات فولكس
    هتقارن جودة تويوتا واعتماديتها نقارنها بجودة واعتمادية فولكس
    لكن تويوتا احسن عشان مبيعات - يبقي فولفو اسوء عشان مبيعات 1+1=2

    لا ياباشا الشركات كلها المبيعات ليها مربط الفرس انت فاهم يعني ايه اني عرفت ارضي احتياجات 10.0000.000 واحد دي حاجه مش سهله بس مش معني كده انها مرسيدس ولو ياعم الباسات لقيتها في يوم من الايام بتمن الكورولا ساعتها هجيب كورولا برضه عشان ال dsg :)
    هههههه انا بهرج اكيد لا ساعتها هجيب طبعاً باسات بس كل الحكايه ان كل واحد ليه احتاجات ممكن يضحي بالجوده العاليه قصاد جوده معقوله وسعر كويس وده مش عندنا بس ده في العالم كله


    كل شركة من شركات المجموعة بتصنع حاجتها لنفسها فيما عدا ما يخص المنصة كما ذكرت من قبل
    يعني مثلا الصاج والخوارج من تصميم كل شركة لنفسها
    التصميم الداخلي ممكن كل شركة تصنع لنفسها او ممكن احد الشركات تصمم حاجة وتديها لباقي الشركات في المجموعة
    يعني وارد جداً تلاقي قطعة في الجولف وعليها علامة سيات بدل علامة فولكس وبالتالي نفس القطعة في سكودا هتلاقي عليها علامة سيات وكذلك في أودي
    والقطعة اللي بتتركب في كل الموديلات بتلاقي عليها علامات المجموعة كلها
    الخلاصة انك ممكن تلاقي علامة فولكس وعلامات المجموعة ودي هتلاقيها made in germany وممكن تلاقي علامة سيات والعلامات ودي هتلاقيها made in spain

    اه طبعاً انا عارف وفي حاجات بتبقي من نفس المصنع وكل قطع الغيار بيبقي عليها كل اللوجوهات بتاعة الجروب زي الفلاتر و التيل وخلافه



    لا معلش
    مفيش حاجة اسمها اكيد
    قولي طب حتي ارقام وبعدها قولي اكيد
    دة الراجل لسة كان مشير فيديو لتسارع الكورولا وتسارع الأوكتافيا (نفس المحرك اللي في التوليدو)
    يبقي ماتقوليش اكيد
    اه انا معاك ان تكنولوجيا dual vvti حلوة مفيش كلام - بس علي فكرة فولكس كانت نزلتها مرة في الجولف بس كانت من غير dual كانت vvt
    بس ماهي عملت ايه بالdual vvti؟؟ بردو مطلعة ارقام تقترب جداً جداً جداً من محرك التوليدو الmpi ال8 صباب sohc
    يعني تويوتا ماعملتش حاجة بال16 ولا بالdual vvti ومحرك سينجل 8 صباب متعدد النقاط جاب نفس ارقامه تقريباً وهتلاقيه اخف وبيوفر اكتر كمان

    بلاش الله يخليك تتكلم بجد في الحاجات اللي المانيا متميزة بيها
    المحركات والماكينات والكلام دة
    سيب الشحم والزيت لأصحابه
    كلمني في كاسيت صوته عالي - كلمني في تكييف - كلمني في اي حاجة اليابان تقدر تلعب او تنافس فيها وبلاش المحركات عشان دي لعبة الألمان

    معلش يمكن انت عندك حق فعلاً بيقولو علي فريق الكورة الالماني الماكينات الالمانيه وفعلا مواتيييييير انسسسسسسسي من الاخر بس مش معني كده ان اليابانيين برياله وتقولي بس سيب الزيت و الشحم لناسه هههههههههههه للعلم يعيني فعلا اليابانيين هابليين الاوروبيين بالمواتتير ولولا ان اوروبا علت شروط البيئه وادت مهله عشان الشركات الاوروبي للتطوير وتقليل نسبه الوقود و العواديم مكنتش فولكس طلعت tsi هي دي المواتيير يا باشا بس للاسف انه 95 و اقل من كده مش بيديك نفس الاداء
    علي العموم الموتور 122 حصان torque figure of 157nm وموتور الفولكس 105 حصان العزم 148/3800 n*m/rpm



    بص يا باشا
    معروف دائماً ان هناك حاجة اسمها صناعات مغذية
    يعني تويوتا تويوتا مش هي اللي مصنعة مكونات التكييف
    احنا عندنا في فولكس بنجيب كباسات ساندن الياباني - مش عارف تويوتا بتجيب انهي كباسات
    والثلاجة وخلافه هتلاقيها اما فاليو او vdo دة طبعا بالنسبة لفولكس
    مش عارف تويوتا ايه نظامها او بتتعامل مع مين
    في النهاية قصة التكييف دي بتعتمد علي الشركات المغذية وبالأضافة إلي انها بتختلف من نطاق جغرافي لأخر يعني التكييف الحلو في مصر اكيد ضعيف في السعودية واللي حلو في اوروبا اكيد سئ في مصر والخليج لأنك تعرف تماما ان قوة التكييف تعتمد في الأساس علي المناخ الخارجي

    يعني فولكس متعرفش تويوتا بتجييب التكييف منين ؟؟؟؟؟ والله هي مش فارق معاها وشايفا انها كده تمام

    معلش انا أسف
    جبت الكلام دة منين ؟؟؟؟؟؟
    دة رأي شخصي ؟؟؟
    ازاي الأبيزا بترجع لورا ؟؟؟ ازاي احلي ابيزا موديل 92 ؟؟؟؟ ازاي الأبيزا كانت بتنافس جولف ؟؟؟
    للأسف الشديد المعلومات دي كلها مش سليمة
    اولاً الأبيزا جيل بعد جيل بتطور وكمان بتطور جوة نفس الجيل
    الأبيزا 92 كانت قبل الشراكة مع فولكس وكانت تعتمد علي تصميم ايطالي وتقترب جداً جداً جداً من الأونو (فيات) وكانت تتميز بعزل صدأ لا مثيل له
    ولكنها كانت بالظبط زي الفيات وبتفتح شاسيه لو حد عطس وهو قاعد جواها

    اما ان الأبيزا بتنافس جولف
    فدي معلومة أثبتنا خطأها بكل الأدلة والبراهين المدعومة بالأرقام والقياسات والتجارب وانا شخصياً رفعت المقاسات من علي اكثر من سيارة سيات سواء سيارتي او سيارات الأعضاء في القسم وكريم تفضل مشكوراً برفع المقاسات من علي الجولف والبولو بجانب طبعاً قياسات بعض الثوابت في السيارة زي الدنجل واجزاء العفشة والقنطرة وما إلي ذلك
    بالأضافة إلي البحث الدقيق والتحري عبر الأنترنت
    فلا نجد اي تطابق بين الأبيزا والجولف
    والأبيزا فئة والجولف فئة اخري
    الليون هي التي تنافس الجولف
    الأبيزا تنافس بولو

    يا باشا رائي شخصي وازواق وزي منت شايف زوقي علي اد حاله:)

    لا دي مش مشكلتي وماليش فيها

    ههههههههههههههههههههههههه هههه طب الحمد لله


    يا فندم احنا اتشرفنا جداً بالنقاش معاك
    نورت الموضوع وشكراً بجد علي الأضافات وعلي رد حضرتك

    انت اللي نورت القسم عندنا بالموضوع الجميل ده

    اخر حاجه بس احب اضفها ان الايفون مش بيهنج علي شان التكنولوجيا فيه مش متطوره زي سامسونج بس كل الحكايه ال ios او السيستم بتاع ابل اقوي و احلي من الاندرويد لاني بستخدم كمبيوتر ابل وعارف السيستم كويس مش زي الويندوز مثلاً كل شويه بتشيل و تحط فيه

    تحياتي

    الحمد لله


  7. #77

    الصورة الرمزية yasser100

    رقم العضوية : 73467

    تاريخ التسجيل : 20Jun2010

    المشاركات : 2,015

    النوع : ذكر

    الاقامة : cairo

    السيارة: Brilliance fsv 2010

    السيارة[2]: Fluence E3S 2014

    الحالة : yasser100 غير متواجد حالياً

    افتراضي -

    اقتباس المشاركة الأصلية كتبت بواسطة syd مشاهدة المشاركة
    الف شكر علي متابعتك وتقديرك المجهود

    بالظبط دة اللي انا بتكلم فيه
    الأوروبي له السبق في كل التكنولوجيات الحالية وطبيعي اي تكنولوجيا جديدة لازم يظهر لها عيوب مع الأستخدام
    مش معني كدة ان الأوروبي بيجرب في عملائه - بالعكس
    الأوروبي بيختبر كويس اوي
    ولكن في النهاية التجربة الحقيقية مع الملاك هي الفيصل

    علي سبيل المثال
    في السوفت ويير
    وليكن مايكروسوفت ويندوز
    بعد لما مايكروسوفت بتعمل اصدار جديد للويندوز بيدخل حاجة اسمها microsoft quality labs - المبرمجين والتيسترز testers بيختبروا نظام التشغيل الجديد - بيفرموه بمعني ادق
    وبعد كدة بينزلوا نسخة بيتا وتنزل الأسواق مجاني عن طريق الداونلود من علي موقع الشركة او بتبعت نسخ للبارتنرز partners بتوعها
    بتظهر عيوب
    بيعدلوها وينزلوا نسخة تانية وثالثة كمان بيتا
    وفي الأخر يستقر بيهم المطاف إلي نسخة rc release candidate يقوموا يطلقوا عليها اسم تجاري وتنزل final release في الأسواق
    المتوقع طبعا انها تخلو من المشاكل لأنها اتجربت مرة في معامل مايكروسوفت و3 مرات ينزلها نسخ بيتا وتتعدل
    ومع ذلك تظهر مشاكل اخري
    سواء مشاكل عدم توافقية او سيكيوريتي او اي نوع من انواع الباجز bugs المشهورة
    يقوموا يفضلوا يدعموا support نظام التشغيل بشوية updates وباتشز batches وهوت فيكس hot fix وينزلوا سيرفيس باك 2 و 3

    أنا اسف علي التطويل في المثال

    بس دة الواقع اللي بيحصل مع اي نيو تكنولوجي
    xp كانت اعتمادية جداً بس مرت بنفس المراحل اللي ذكرتها سابقاً لأن دة behavior لازم يمر بيه اي نظام تشغيل واي نيو تكنولوجي

    رينو عملت كدة مع ميجان
    وعلي حد علمي من أ/ تامر محمد ان ابتداء من موديل 2008 نزل سوفت ويير جديد للكنتورولر ظبط الأداء وقلل جداً المشاكل

    وهتفضل طول العمر هي دي المشكلة الأبدية
    في تطوير وتحديث وتكنولوجيا جديدة = في مشاكل وتحسينات وتعديلات واعطال

    ومشكلة الأوروبي انه مابيهمدش - اول لما يحل مشاكل التكنولوجيا الحالية - ينزل بتكنولوجيا جديدة بمشاكل جديدة

    عايز تستمتع بالتكنولوجيا الجديدة - تحمل المخاطر والأعطال الجديدة علي الصنايعية والتوكيل نفسه
    خايف من الأعطال وعايز اعتمادية - اركب موديل قديم في الأوروبي او عربية مش بتطور بسرعة موديل حديث وليكن اسيوي

    تحياتي لحضرتك
    شكرا على ردك و متفهم المثال طبعا

    اللهم بارك لنا فيما رزقتنا


  8. #78

    الصورة الرمزية jdmm

    رقم العضوية : 156711

    تاريخ التسجيل : 28Feb2014

    المشاركات : 30

    النوع : ذكر

    الاقامة : الكويت

    السيارة: هوندا

    السيارة[2]: شفرولية

    الحالة : jdmm غير متواجد حالياً

    افتراضي -

    اقتباس المشاركة الأصلية كتبت بواسطة Karim Ibiza مشاهدة المشاركة
    هل معنى كلام حضرتك ان مقياس الأعتمادية هو الانتشار؟؟؟ يبقى كده مفيش اعتمادية بعد اعتمادية الفيرنا والدليل على كده انتشارها فى الملاكى والتاكسى فى كل محافظات مصر والسيارة الاكثر مبيعا كمان وسعر اعادة بيع كويس جدا

    انا مقدرش اتكلم عن الكورولا التسعينات لأن دى الطفرة اللى حصلت لتويوتا بعد الكريسيدا اللى وقفوا انتاجها لأن لقوا ان قطع الغيار اللى بتتصنع ليها مش استهلاكية (يعنى معمرة لأقصى درجة) وبالتالى دى بتخسرهم وبالتالى انا معاك ان تكييف الكورولا التسعينات هو من افضل انظمة التكييف فى كل المصنعيين

    حضرتك دخلت الابيزا الجديدة فى المقارنة مع انها لاتمت بـ صلة للتوليدو اللى احنا بنتكلم عليها ولا حتى بالابيزا الخارقة بتاعتى لأن الابيزا الجديد 1.2 تربو وفتيس dsg لكن التوليدو تيبترونك وموتور na و 1.6 زى الكورولا والابيزا الخارقة بتاعتى كانت برده 1.6
    وبصراحة انا بستغرب على اللى بيشترى عربية زيرو وبيفكر هيبيعها ازاى قبل ما يشتريها ويقولك مش هعرف ابيعها, يا عم ما ان شاء الله عنها ما اتباعت, ما تتمتع بالعربية وخد خيرها وبعدين ابقى فكر فى البيع, وبعدين الشعب المصرى من النوع العيشرى اللى بيحب يخلل العربية معاه وميبعهاش غير لما يفقد فيها الامل ويكون عمرها الافتراضى انتهى, لكن فيه فئة من الناس بتحب تغير وتجرب اى موديل ينزل جديد والفئة دى من الناس نادرا لما بيشترى زيرو لأنه عارف انه هيخسر فيها طالما كسرت الزيرو وبالتالى بيتجه للمستعمل اللى هو كسر الزيرو عشان ميخسرش ويبيع بنفس السعر اللى اشترى بيه
    وبالنسبة لصديق حضرتك اللى معاه الابيزا وبيدلل عليها عشان الفتيس بيرزع, هو غلطان من الاول انه اشترى عربية ميعرفش بتتساق ازاى وكان المفروض انه يجيب الكورولا الاسطورة ام فتيس اوتوماتيك 4 نقلات عشان بتمشى لوحدها وصيانتها ببلاش عشان اساسا قطع غيارها وتقفيلها على قده (بقولك غيرت التيل الفبريكة وخرطت الطنابير على 19.000 تقولى اعتمادية)

    انا مش بحاول اقنع حضرتك ان تكييف الابيزا 98 افضل تكييف فى الوجود لكن انا أكتر واحد اقدر احكم على النقطة دى لأنى ركبت العربيتين واكيد مش بهجص لأننا مش صغيرين على الكلام ده

    ولو حضرتك مش عايز تتدخل تكييف الابيزا فى الموضوع, مفيش مشكلة, انا برده ركبت أودى a4 موديل 2001 وتكييفها أفضل من الكورولا 2013, وتكييف النيسان فى التيدا والصنى برده كان أفضل من الكورولا 2013

    الفكرة مش ده تكييف تويوتا يبقى حلو ولا ده تكييف ألمانى يبقى عيان
    الفكرة فى الميكانزم بتاع التكييف وشكل دورة التكييف اللى اختلفت عن التويوتا بتاعت زمان

    وردا على سؤال حضرتك بتاع الفرق بين التوليدو والكورولا فى استهلاك البنزين والسحب الخ......
    بالنسبة لأستهلاك البنزين الموضوع محسوم من قبل اى شىء لصالح التوليدو واى واحد عنده خلفية ولو بسيطة عن مواصفات المواتير هيعرف ان استهلاك البنزين للواحد كامة نص الـ 2 كامة

    بالنسبة لقوة السحب برده اى حد عنده خلفية عن المواتير هيشوف عزم التوليدو 153 @ 3800 rpm والكورولا 154 @ 5600 rpm هيعرف ان الفرق بين العربيتين يكاد يكون مش ملحوظ خصوصا كمان مع اختلاف انواع الفتايس ده هيخلى لو فيه فرق يكون للتوليدو لأن لو هنتكلم على فتيس الـ 2013 ده 4 نقلات وطلعته بطيئة جدا وقصيرة واول ما بينقل الرابع على الـ 160 بتريح, ولو هنتكلم عن الـ cvt معروف ان مشكلة فى طلعته البطيئة لكن ميزته انه مش بيريح بين النقلات لأنه نقلة واحدة ومفيهوش نقلات

    بالنسبة لاعادة البيع دى انا اتكلمت عليها وبستغرب على شعبنا اللى بيدور هيبيع العربية ازاى من قبل ما يشتريها مع انه متأكد انها مش هتطلع من تحت ايده غير وهى مفرفرة (ثقافة شعب) زى بالظبط اللى بيبيع عربية كلها بارومة ومفيهاش حتة سليمة ويطلب فيها سعر عالى عشان دواخل فابريكة

    بالنسبة لتكلفة الصيانة برده دى حاجة من ضمن ثقافة الشعب العبقرى اللى عنده اعتقاد راسخ فى دماغه ان الألمانى صيانته غالية, الموضوع ده موضوع نسبى, يعنى المفروض الموضوع يتقاس بـ انت هتاخد ايه باللى انت بتدفعه, مثال صغير: عربية والدى الله يرحمه كانت لادا وكان مبسوط بيها قوى عشان كان معتقد نفس الاعتقاد بتاع تكلفة الصيانة وقطع الغيار, لما انا جبت الابيزا اكتشفت ان فيه قطع غيار فى الابيزا ارخص من اللادا وكمان كانت بتعيش اكتر
    لكن احنا مشكلتنا اننا عايشيين على السمع وبس, لكن مفيش حد جرب وكله مستنى التانى يجرب

    قوة الوكيل فى مصر اكيد لصالح التويوتا بس برده مش عشان هى تويوتا, ولكن عشان توكيل سيات اتغير بعد ما كان تابع للشركة الهندسية للسيارات اللى هى توكيل بورش وده كان سبب عدم انتشار السيات طوول الفترة اللى فاتت
    واحد معاه توكيل بورش هيشغل باله بأى حاجة تانية ليه
    لكن التوكيل الجديد نتمنى انه يعوض كل اللى عمله الوكيل القديم من عدم اهتمام بالدعاية

    بالنسبة لوسع الصالون الداخلى ده مش محتاج مقارنة لأن صالون التويوتا ضيق سواء فى الامام او فى الخلف ووضعية القيادة متعبة
    للأمانة الـ 2014 اوسع سيكا من الـ 2013 لأنهم غيروا شكل الطابلوه وقصوا منه كتير لغاية ما خلوه زى بتاع التويوتا الميكروباص

    بالنسبة للجنط الـ 17 فى التوليدو فأحب الفت نظر حضرتك ان ده أوبش زيادة, يعنى لو حضرتك مش بتعرف تمشى بجنط 17 فى مصر يبقى تقدر تاخد الفئة اللى قبلها بالجنط الـ 16 + ان المقياس مش موضوع 17 يبقى بلالين والـ 15 يبقى عملى, المقياس فى مقاس الكاوتش ومساحة البروفيل بتاع الكاوتش نفسه

    بالنسبة لأنتشار العربية فى مصر دى نقطة انا اتكلمت عليها فوق وقولت لو على الانتشار يبقى الفيرنا تكتسح

    بالنسبة للشكل الداخلى والخارجى: دى أزواق ولولا اختلاف الازواق لبارت السلع

    حضرتك قولتلى قبل كده ان التوليدو تنافس الالنترا ومجموعة عربيات تانية ودلوقتى بتقول ان الكورولا نازلة تنافس السيراتو!!!! هو حضرتك متعرفش ان الألنترا نسخة من السيراتو مع اختلاف العلامة والشكل الداخلى والخارجى؟؟؟!!!!

    ملخص كلامى:
    -احنا شعب اتعود يحكم على الشىء بالسمع والسمعة من غير ما يدى لنفسه فرصة انه يجرب ويكون ليه رأى خاص بيه
    -كلامى كله من منطلق تجارب شخصية ولمدد طويلة (يعنى مش مجرد انى ركبت عربية ايجار لمدة يومين وجاى اعمل بيها مقارنة)
    -كل شخص وليه وجهة نظره ولازم تحترم لأنه كل واحد بيدور على العربية اللى تلبى احتياجاته وبالتالى انا لما بفضل الألمانى على اليابانى ده مش عشان الألمان دوول ولاد خالتى, لكن عشان انا عارف ان الصانع الألمانى بيحط فى اعتباره مواصفات الأمان والقوة والمتانة والاعتمادية ومتعة القيادة فى العربيات اللى بيصنعها والكماليات والزيادات دى بتيجى بعد كده
    -اذا اختلفت معايا فى نقطة يبقى اثبتلى واثبتلك بالتجارب الشخصية واللينكات او بأى وسيلة اخرى ماعدا انك تقولى كلمة (طول عمرنا عارفين)
    -أرجو ان محدش من الأعضاء يشكك فى كلام حد غير لما يكون جرب بنفسه عشان ده اسمه فتى

    تحياتى للجميع
    مجرد تصحيح

    فتيس ال 4 نقلات

    180 على وضعية D بالنقلة الثالثة بدون مشاكل حتى لو الهواء ضدك
    190 - 195 على وضعية 3

    كورولا 2010 1.6 = 105 حصان vvti
    كورولا 2011+ 1.6 = 122 حصان dual vvti

    ونسخة 2011+ 1.6 قوية جداً تطلع على جيتا 2.0 2011
    Toyota Corolla VS Volkswagen Jetta - YouTube

    وكرأي وتجربة شخصية للكورولا 2013 1.6 لاأظن الاوكتافيا 1.6 mpi تجاري الكورولا 1.6 2011+ 4نقلات خصوصاً على سرعات عالية أو مابين 40-100

    الكورولا رتم قيادتها هاديء وليس ديناميكي تشعر ببطء حتى على سرعات عالية


  9. #79

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    Smile -

    اقتباس المشاركة الأصلية كتبت بواسطة iUsef مشاهدة المشاركة
    هههههههه وحد الله في قلبك يا استاذ سيد انا مش عارف ليه انت واخد الكلام علي قلبك كده احنا كلنا هنا بنتعلم من بعض وانت بسم الله راجل منسق اد الدنيا و اكيد معلومات حضرتك في قسمك اعلي مني بكتيييييير و الخلاف لا يفسد للود قضيه رايك خطأ يحتمل الصواب و رائي صواب يحتمل الغلط وفي الاخر كلنا مش عالماء ذره ولا كلام انبياء ولو كان كده كنا مجيناش نتقابل في المنتدي و نتعلم من بعض
    لا اله الا الله، محمد رسول الله

    والله مش واخده علي قلبي ولا حاجة
    بالعكس
    انا شكرتك علي مشاركتك في موضوعي المتواضع وانك شرفت الموضوع بمشاركتك فيه

    وبالفعل كلنا بنتعلم من بعض والمعلومات اللي عندي كلها اكتر من نصها من هنا في المنتدي علي شوية خبرة علي بحث في الأنترنت
    وان شاء الله مفيش اصلا خلاف

    أسمحلي ارد عليك
    :-)


    هههههه مش بقولك بتقفش بسهوله انا حاسس انك هتزنبني علي الحيطه..... يا باشا ان عارف ان في حاجه اسمها platform وحضرتك مشكور عرفتني انك عارف... حتي صحيح مش ال platform دي اللي خات مرسيدس a class الجديده شبه ال platform بتاعة ال b class عشان كل اللي انت قلته ده
    شوفت بقي انا شاطر ازاي بس مش معني كده انك ممكن تقارن اوكتافيا بجولف لان الاحتياجات مختلفه لكل واحد:)
    انا مش بقفش بسهولة ولا حاجة
    وعلي فكرة لما بعمل اقتباس براعي في الرد اني هرد علي حضرتك واني هاخد كلامك طرف خيط اكمل عليه
    وبناء عليه بتكلم باستفاضة عشان لو حد غيرك وغيري قرا البوست يستفيد ويبقي عارف الكلام علي ايه
    لأن ثق تماما كل حرف بنكتبه هنا في المنتدي في الاف الناس بتقراه وبتستفيد منه وبترجعله حتي لو بعد سنين
    والدليل علي كدة الموضوعات القديمة في المنتدي من 2007 هتلاقي عدد المشاهدات تخطي الألاف
    اكيد مش في لحظتها لأن في الوقت دة كان عدد اعضاء المنتدي لسة صغير لأنه تم أنشاءه في 2007
    وبالتالي كل موضوع وكل مشاركة بتتقري ألاف المرات بعد ما تتكتب

    والهدف هو انه اقول لحضرتك ان التوليدو تنافس بجدارة الجولف 4 والأودي A3 وطبعاً الأوكتافيا A4

    وفولكس عاملة تشكيلة حلوة من مجموعتها
    الفولكس: السيارة الكاملة اللي بتقدم فيها كل جديد وطبعا بتخلي ليها السبق علي الأقل سنة عن باقي المجموعة (سيات وسكودا)
    السيات: السيارة الرياضية اللي بتقدم فيها تكنولوجيا متقدمة ولكن بسعر اقل شوية وتجهيزات اقل شوية عن السيارات التي تحمل شعار فولكس
    السكودا: السيارة الأقتصادية اللي بتقدم بعض من تكنولوجيا فولكس وبسعر منافس جداً عن السيات وعن الفولكس
    الأودي: السيارة المترفة اللي فيها كل تجهيزات فولكس وبسعر اعلي لأنها تخاطب شريحة اعلي من فولكس بتجهيزات ومستوي خامات يمكن اعلي من فولكس نفسها.

    بالنسبه بقي ل eat your self احب اعرف حضرتك ان دراستي تسويق ودعايه و اعلان وشغال في التسويق والنظريه دي ممكن استخدمها في كيس شيبسي او تلاجه او حتي كيس مسحوق غسيل و اشهر ناس عاملين كده procter & gamble , unilever زي تايد و اريل كده لاكن عربيات صعب اوي

    بالنسبه بقي ليهم هما متولدوش من نفس الاب و الام هما شركات كبيره وزي كل شركه كبيره هدفها انها تكبر اكتر بيعملو استحوذات علي بعض عشان تقلل المنافسه و تستفيد من الامتيازات المختلفه للبلاد زي الضرايب و اسعار الايدي العامله و المكونات و كده ولاكن علي سبيل المثل الاسكودا السوبرب و الباسات الاتنين tsi 1.4 السوبرب مش نازله اوتوماتيك عندنا ليه ميعرفوش؟؟؟ ولا خايفين انها تاثر عليها؟؟؟
    غير كده الشركه الام بقت هي المسؤله عن دراسه كل الاسواق و هي تقول بقي في بلاد مثلاً زينا مش عايزين dsg , tsi فطبعا ينزلها عربيه بالموتور القديم و الفتيس القديم بارخص الاسعار عشان يكسب الشريحه اللي فقدها من التغيير ده ولو الناس عايزه tsi dsg اهي الرابيد موجوده


    تمام
    ماختلفناش
    الهدف في الأخر واحد
    ابيع لكل الناس من كل الشرايح وكل الفئات

    ياااااااااااااااااااااااا اه اخيراً قلت حاجه صح :018a1d~146: بس انا حاسس انك بتحب سيات حتي النخاع وبدافع عنهم حتي وانت مش مقتنع
    لان مش من المنطقي انك تغير فئه عربيه عشان تعمل استقلال لعربيه تانيه كان لغاها احسن



    انا حقيقي بحب سيات جداً وفولكس جداً جداً جداً
    وعموماً الشركة لم تعلن عن سبب تغيير فئة التوليدو وانا في البداية وضحت ان دة رأيي الشخصي

    عدل يا باشا برحتك..... بس هو ده اكتر حاجه بتدايقني في مجموعه فولكس ان في عربيات بتختفي زي الكوردوبا راحت فين الله اعلم زي الاوبل فيكترا مع ان المفروض الاسم لما ينجح باستفيد بنجاحه مش العكس بموته
    بالنسبه بقي ليف باك او هاتش باك الاتنين صح يا باشا زي color w colour وانا عارف انك هتعترض
    skoda octavia review | autocar
    و العنوان skoda’s practical and spacious family hatchback takes a step up in size
    اي خدمه يا سيد باشا


    يا استاذي الفاضل
    انا مش عارف انت ليه واخدها معايا تحدي
    انا وضحت انا ليه بكتب بأستفاضة (عشان غيرك وغيري لأن ملايين بيزوروا نايل موتورز شهرياً وموضوعاتنا بتظهر في نتايج بحث جوجل فالكلام لازم يبقي واضح جداً وكلير جداً)

    الأوروبيين ليهم عقلية عجيبة شوية
    فعلا في قمة مجد فيكترا بعد السيارة الرائعة Vectra C غيرت الBrand name وسميتها Insignia
    وليه سيات وقفت قرطبة ؟؟؟؟؟ رغم نجاحها الساحق
    بس هي عموماً وقفت قرطبة ونزلت توليدو
    وقبلها وقفت توليدو واستبدلتها بليون
    اكيد ليهم خطة غير معلنة او لم تصل إلي علمي حتي الأن

    لا يا باشا اسمحلي في تهيسس معين من الشركه و بصراحه رائي لازم يفكروا في السيجمانت بتاعتهم تاني وتتقسم احسن من كده
    واظن برضه ان معندهمش فارهه


    عندهم فعلا كل الفئات
    ولو قولتلك الرينج بتاع سيات فعلا مبهر
    مثلا
    عندهم عربية اسمها مي Mii دي عربية صوغنتوتة ومحندقة فئة mini car او urban car
    تنافس الi10 والspark بس للأسف لو نزلت ثمنها هيعدي ال100 مستريح
    فبالتالي مش هتنافس نهائي وهتتركن علي الرف

    عندهم عربية كبيرة ولارج اسمها Alhambra او الحمرا نسبة لقصر الحمرا في اسبانيا
    بس عاملة زي الأوتوبيس ولو نزلت مش هتنافس نهائي لأن عندك موديلات في فولكس مكتسحة الفئة دي

    وعندهم الفارهة المترفة Exeo
    SEAT Exeo 2012 - فئة بذاتها
    دي نازلة تنافس الأودي A4 ومبنية علي نفس المنصة بتاعتها وفيها كمية تجهيزات خيالية
    نزلت في الكويت وبعض دول الخليج لأرتفاع سعرها واكيد لو نزلت مصر محدش هيركبها لأنه مش هيفهمها وهيعتبرها عربية عادية وهيفضل الياباني والكوري عليها



    لا ياباشا الشركات كلها المبيعات ليها مربط الفرس انت فاهم يعني ايه اني عرفت ارضي احتياجات 10.0000.000 واحد دي حاجه مش سهله بس مش معني كده انها مرسيدس ولو ياعم الباسات لقيتها في يوم من الايام بتمن الكورولا ساعتها هجيب كورولا برضه عشان ال dsg :)
    هههههه انا بهرج اكيد لا ساعتها هجيب طبعاً باسات بس كل الحكايه ان كل واحد ليه احتاجات ممكن يضحي بالجوده العاليه قصاد جوده معقوله وسعر كويس وده مش عندنا بس ده في العالم كله
    يا باشا انا قولتلك وجهة نظري في موضوع المبيعات
    مش معني ان رقم المبيعات كبير اني احسن من اللي رقم مبيعاته اقل
    طب ما بناء علي ردك السابق بي ام ومرسيدس هما مش اول 2 او حتي الثاني والثالث
    معني كدة ان تويوتا احسن منهم ؟؟؟!!! ولا حتي فولكس احسن منهم ؟؟
    بما انك في التسويق
    اكيد عارف انك ازاي تقدر توصل بالمنتج بتاعك لأكبر عدد من العملاء ومش معني انك وصلت لعدد اكبر انك انجح او بتقدم منتج احسن من اللي مبيعاته اقل
    ولا ايه ؟؟؟
    انا مثلا شغال في شركة ما وللأمانة في شركات اصغر من شكرتي بكتير بتبيع اكتر من شركتي بكتير
    بس السعر علي حساب الجودة
    هما بيبيعوا بسعر اقل بجودة اقل
    بس مش معني ان عدد عملائهم اكتر انهم احسن
    ولا ايه ؟؟؟

    معلش يمكن انت عندك حق فعلاً بيقولو علي فريق الكورة الالماني الماكينات الالمانيه وفعلا مواتيييييير انسسسسسسسي من الاخر بس مش معني كده ان اليابانيين برياله وتقولي بس سيب الزيت و الشحم لناسه هههههههههههه للعلم يعيني فعلا اليابانيين هابليين الاوروبيين بالمواتتير ولولا ان اوروبا علت شروط البيئه وادت مهله عشان الشركات الاوروبي للتطوير وتقليل نسبه الوقود و العواديم مكنتش فولكس طلعت tsi هي دي المواتيير يا باشا بس للاسف انه 95 و اقل من كده مش بيديك نفس الاداء
    علي العموم الموتور 122 حصان torque figure of 157nm وموتور الفولكس 105 حصان العزم 148/3800 n*m/rpm


    لا محدش قال ان اليابانين بريالة
    بس دة دي بالذات مافيهاش نقاش
    انت كأنك عايز تقولي ان ايطاليا بتصنع عطور احسن من فرنسا
    في حاجات مسلم بيها وغصب عني وعنك وعن اي حد هما الأفضل في الحتة دي ومالهمش منافس
    معاك ان هوندا ممكن تعمل محرك ابن لذينة - نيسان - تويوتا
    بس بردو Still ألمانيا يعني المحركات والمواتير والماكينات
    ومعاك طبعاً ان اتجاهم حالياً لمحركات اصغر عشان نسبة العادم واستهلاك الوقود ودة اللي خلاهم يتربنوا المكاين ويركبوها علي قتايس سريعة بعدد غيارات اكتر
    ودة سر النجاح
    ان افضل اعلي بالهورس باور والتورك واقلل في السعة
    زي انتل ما عملت في المعالجات بتاعتها قللت في الترددات وزودت في الكور وفي النهاية تديك اداء اعلي بحرارة اقل واستهلاك للطاقة اقل

    انت اللي نورت القسم عندنا بالموضوع الجميل ده

    اخر حاجه بس احب اضفها ان الايفون مش بيهنج علي شان التكنولوجيا فيه مش متطوره زي سامسونج بس كل الحكايه ال ios او السيستم بتاع ابل اقوي و احلي من الاندرويد لاني بستخدم كمبيوتر ابل وعارف السيستم كويس مش زي الويندوز مثلاً كل شويه بتشيل و تحط فيه

    تحياتي


    انا كمان كنت من مستخدمي الأبل
    للأسف الأندرويد بيسموه hungry resources application ودة لأنه بيستهلك كمية رامات وبيهلك بروسيسور بزيادة اوي عن الios
    بالأضافة انه بيعمل كلاتشينج بين الهارد ووير وبين الos ودة بيستهلك بردو resources كتير
    عكس الios اللي بيدي instructions مباشرة للهارد ويير وبالتالي بيوفر resources

    لكن انا قصد كلامي علي كمية الحساسات اللي في الغالب بتخنقك وبتقفلها
    لو حركت الموبايل يمين يبقي صامت ولو شمال يبقي بيرد ولو لفوق يفتح الرسايل وحاجات عجيبة
    انا شخصياً كرهت نفسي لما غيرت الأيفون بسامسونج من بطئ وكل شوية سايلنت وقارفني دة غير الخصوصية وكلام كتير مش مجاله هنا

    بجد انت انسان محترم
    وانا من اسعد الناس اني اتناقشت معاك مناقشة هادفة محترمة والخلاف بينا كان علي مستوي راق
    وبردو احسن مواتير الألماني

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  10. #80

    الصورة الرمزية Karim Ibiza

    رقم العضوية : 125812

    تاريخ التسجيل : 07Jun2012

    المشاركات : 2,519

    النوع : ذكر

    الاقامة : Dammam-KSA

    السيارة: Lada 2105 1984 Sold

    السيارة[2]: Ibiza 6K 101 HP

    دراجة بخارية: لا يوجد

    الحالة : Karim Ibiza غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة Hosam_Optrawy مشاهدة المشاركة
    الموقف دا حصل مع إتنين زمايلى من كام شهر برضه , كورولا 2011 وصنى الشكل القديم 2011 ياباني , كانوا معديين على نفق والدنيا زحمه والمياه كانت عاليه , لقوا المياه داخله عليهم وإتغرقوا مش عارفين يعملوا إيه

    وإتبهدلوا لحد مانشفوا المياه وكانوا هايتجننوا دا حصل ازاى
    الحمد لله انى مش لوحدى اللى حصلى كده عشان الناس تصدق

    اقتباس المشاركة الأصلية كتبت بواسطة inspiron مشاهدة المشاركة
    اهدوا يا جماعة كده وصلوا علي النبي...الخناقات في المنتدي ده علي ماركات العربيات زادت معرفش ليه..مع إنهم كلهم 4 فرد كاوتش ماشيين بستر الله.

    المهم..بعد إمتلاك كورولا 2013 وعدد من العربيات الأوروبي لا بأس به الحمد لله.

    حقائق :-
    ---------
    - الكورولا أسوأ عربية امتلكتها في كل العربيات اللي ركبتها.
    - الكورولا علي سرعة 60 كم الفرامل موقفتهاش مع إنها abs ودخلت في عربية قصادها

    تصدق وتأمن بالله انى حصلى نفس الموقف ومرضيتش أحكى عليه عشان محدش يقولك "اتكلم على اى حاجة تانية فى الكورولا الا الاعتمادية والتكييف والفرامل"
    انا لبست فى عربية وقفت فجأة قدامى فى الاشارة وانا على سرعة 40!! يعنى العربية ملحقتش تنقل الغيار الثانى, والمسافة ما بين ما رجلى لمست الفرامل لغاية ما لبست كانت حوالى 5 متر واللى وقفنى العربية اللى انا لبست فيها, كانت كورولا برده, بس الحمد لله الخبطة جت عندى فى لوحة الارقام والطبق اللى تحتها ونخذة فى الاكصدام وهو الاكصدام عنده اتقطع من عند السلاح الحديد اللى شايل الاكصدام فوق العاكس بالظبط

    في النهاية إحنا شعب غلبان صحيح بس يستاهل اللي يجراله..عشان يروح يدفع 165 ألف جنيه في عربية زي الكورولا دي وأنا واحد منهم ومشيت بالمثل بتاع إن فاتنا الياباني...ويسيب عربية ألماني تنطحها نطح وبنفس سعرها :)

    Finally,,German cars are the best
    اقتباس المشاركة الأصلية كتبت بواسطة iUsef مشاهدة المشاركة
    الموتور و الفتيس
    موتور تويوتا 1600 DUAL VVTI و الفتيس ال CVT اكيد اكيد احلي من موتور فولكس 1600 MPI و الفتيس التيب ترونيك

    المفروض والبديهى والاكيد انه يكون أفضل لأن ده 16 صباب و 2 كامة و Dual VVTI و 122 حصان والتانى 8 صباب و MPI و 105 حصان
    لكن الحقيقة غير كده, ولو حضرتك امتلكت عربية ألمانى قبل كده أو أى عربية أوروبى هتعرف ان الفيصل فى المقارنة بين اوروبى واسيوى مش فى الأرقام, الفيصل فى الأداء الفعلى على أرض الواقع
    لأن زى ما انا ذكرت قبل كده ان طريقة قياس المواتير بتختلف من أسيا لأوروبا
    والدليل على كده ان الـ 122 حصان بتوع الكورولا فى المواتير الألمانى بيطلعوا عزم 170 نيوتن مش 154 و الفرق بين عزم الكورولا والتوليدو 1 نيوتن لصالح الكورولا رغم تفوقها فى عدد الصبابات والكامات والأحصنة


    نرجع بقي لمشكله الكورولا و السيول و العزل..... من الصور و معلومات حضرتك انك في السعوديه
    ودي سيول السعوديه يعني ربنا يعفي الجميع... واكيد انت تعرف ناس تانيه حصلهم اكتر من كده مليون مره



    عشان بس ميحصلش لبس ان شويه مياه من المطر عندنا هتعمل كده


    الحمد لله ان أحد الأعضاء المشاركين فى الموضوع قال ان ده حصل لأتنين من صاحبه داخل نفق فى مصر


    مش محتاج أرد على باقى النقاط اللى حضرتك ذكرتها لأن SYD رد عليها
    اقتباس المشاركة الأصلية كتبت بواسطة Hunting_Eagle مشاهدة المشاركة
    انا اعتقد ان معظم النقاط ممكن يبقى فيها هات و خد .. انما فعلا عند الحديث عند الاعتمادية و خصوصا بين تويوتا و فولكس فاجن .. فالموضوع محسوم لصالح تويوتا

    ومش موديلات الثمانينات و التسعينات و أوائل الألفية بس .. لأ لحد دلوقتي .. و بقارق كبير لصالح تويوتا

    حتى في المستقبل .. ما اعتقدش الموضوع هيختلف كتير .. لأن ده هو اللي بيأكل تويوتا عيش .. خد عربية دور و اركب و انسى .. خصوصا في الموديلات الصغيرة .. بردو على عكس فولكس فاجن .. ادعى ربك ان الفتيس ما يضربش لحد ما توصل 30 الف كم

    ياسيدى الفاضل حضرتك محسسنى ان موضوع الأعتمادية ده قراّن وان حرام نقول غير كده
    بقولك غيرت تيل الفابريكة وخرطت الطنابير على 19,000 كيلو ولو مش مصدقنى اجيبلك الفاتورة بتاعة التوكيل
    أى عربية لو محافظ عليها وبتعمل صيانتها فى مواعيدها وبتجيبلها قطع غيارها الأصلية هتقدر تعتمد عليها طول عمرك, والعكس صحيح, لو معملتش كل الكلام ده يبقى هتقع منك حتى لو كان إله العربيات هو اللى مصنعها, وعلى سبيل المثال أحد الأعضاء القدامى فى المنتدى معاه لانوس وعداد الكيلو معدى الربع مليون وأهى اسمها كورى, أظن مفيش اعتمادية أكتر من كده

    بس أنا هقول لحضرتك على مقياس للأعتمادية أفضل من ده:
    فيه كام بيجو 504 وكام مرسيدس 200 وكام فيات 128 وكام بيتلز وكام ميكروباص فولكس ماشيين فى شواريعنا لغاية دلوقتى؟؟!!!
    فى المقابل كام عربية أسيوى من نفس الجيل سواء كانت تويوتا أو غيرها من الماركات اليابانى او حتى الكورى؟؟؟!!!!
    متهيألى أقدم كورولا ممكن تشوفها ماشية فى شوارع مصر هى العيون موديل 98 لأن الموديل اللى قبله رغم انه كان من انجح الموديلات إلا انه انقرض وحتى لو لسه الموديل ده موجود فـ على العموم هو يعتبر من جيل التسعينات, يعنى حتى محصلتش الثمانينات, فى حين ان كل العربيات الاوروبى اللى انا ذكرتها ولسه ماشية لغاية دلوقتى أحدث واحد فيهم هى الـ 128 لأنها نزل منها ثمانينات و تسعينات والبيجو والمرسيدس والبيتلز كلهم سبعينات

    عن أى اعتمادية تتكلمون!!
    مشاركتى دى هتكون بصفتى أحد ملاك تويوتا كورولا موديل 2013 واعتبروا النقد اللى فى المشاركة انه نقد بنٌاء وليس لمجرد ان بطلع فيها القطط الفاطسة

    العربية معايا من الزيرو ودلوقتى الحمد لله عامل بيها 30,000 كيلو بدون أى مشاكل فى الموتور أو الفتيس

    من زمان وانا بسمع عن التويوتا وعراقتها وتكييفها واعتماديتها وكان نفسى امتلك اى عربية تويوتا عشان استفاد بكل المميزات دى علما انى كنت راكب قبلها ألمانى وقبلها يابانى وقبلها روسى وقبلها إيطالى وده باين فى توقيعى

    لغاية ما جت الفرصة واستلمت كورولا 2013 زيرو من الشغل اللى انا شغال فيه, وتوالت المفاجئات:
    تكييف
    عزل صوت
    أداء موتور
    وضعية قيادة

    دى الحاجات اللى علقت عليها بمجرد ما ركبت العربية ودايقتنى وبلاش أقول ابيزا عشان فيه ناس هنا بتستغرب كتير
    بس هقول انى كان معايا نيسان تيدا 2007 وكنت مستلمها فى 2010 وكانت عاملة 84,000 كيلو وكانت أفضل من الكورولا فى النقاط دى

    المفاجئة الثانية بتاعت دخول المياه:
    العربية كانت لسه بكياسها ونزلت لقيت المنظر ده بعد يوم مطر مستمر





    طبعا اتقفلت قفلة ما يعلم بيها إلا ربنا واتشائمت من العربية وروحت للتوكيل وانا مشمر رجل البنطلون وسايق حافى فى عز السقعة عشان البانيو اللى انا قاعد فيه وقالولى انى مش لوحدى اللى حصلى كده وانهم ميعرفوش ايه السبب واكتفوا انهم رفعوها على كوريك وفكوا الـ 4 طبات من تحت العربية عشان تصفى المياه العايمة وقالولى ان الموكيت واللباد لسه شارب مياه ولازم اوقفها فى الشمس وافتح الابواب عشان تتهوى!!!!

    لما فكيت الفرش كله عشان اطلع الموكيت برة العربية واهويه لقيت المنظر ده







    وده كان سبب دخول المياه, فـ حين ان فى الباب الامامى المنظر مش كده



    طيب ليه معملوش ورا زى قدام؟؟!! هلى دى حاجة تفوت على شركة عريقة زى تويوتا وبالأخص الكورولا اللى الشكل ده متغيرش من 2009؟؟!!! بالذمة مش حاجة تقهر؟؟!! انا بتصور نفسى وانا اللى شارى العربية دى من دم قلبى مش مستلمها من شغلى, ده أنا كنت ممكن أروح فيها

    المفاجئة الثالثة:
    تغيير التيل وخرط الطنابير عند 19,000 كيلو (والفاتورة موجودة للى مش مصدقنى) ومش عربيتى انا بس اللى حصلها كده, واحد زميلى مستلم عربيته معايا وغير التيل على 21,000 كيلو بس مخرطش طنابير

    المفاجئة الرابعة:
    ألبس بالعربية على سرعة 40 وجايب أخر دواسة الفرامل والعربية مش عايزة تقف!!!!

    ولكم التعليق

    أرجو ان اللى يعلق ويعارضنى فى أى حاجة انا كاتبها يكون ركب حاجة غير الكورولا أو التويوتا عموما عشان يبقى كلامه بناء على تجارب وليس على سمعة شركة

    وشكرا

    Karim Samy - Business Development


    Fiat 128 Model 1983 1100cc
    Lada 2105 Model 1984 1200cc & 1300cc
    Nissan Tiida Model 2007 1600cc
    SEAT ibiza 6k Model 1998 1000cc AER , 1400cc AEX & 1600cc AFT
    Toyota Corolla Model 2013 1600cc



 
صفحة 8 من 12 الأولىالأولى ... 3 4 5 6 7 8 9 10 11 12 الأخيرةالأخيرة

المواضيع المتشابهه

  1. سيات توليدو قريبا جدا فى مصر
    بواسطة YahiaAshraf في المنتدى ســـيات
    مشاركات: 5
    آخر مشاركة: 18-08-2013, 10:11 PM
  2. سيات توليدو 94 معدلة
    بواسطة sayedbahria في المنتدى ســـيات
    مشاركات: 0
    آخر مشاركة: 08-06-2012, 05:26 AM
  3. سيات قرطبه ولا توليدو
    بواسطة MGB98 في المنتدى بيـــع و شــــراء
    مشاركات: 3
    آخر مشاركة: 15-04-2011, 04:50 PM
  4. سيات توليدو 1994
    بواسطة einstein28 في المنتدى ســـيات
    مشاركات: 1
    آخر مشاركة: 01-08-2009, 12:30 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2