سيات توليدو Vs تويوتا كورولا

**Karim Ibiza** · 25-05-2014 11:17 AM

المشاركة الأصلية كتبت بواسطة Hunting_Eagle

يا فندم حتى قبل 2010 و قبل نزول ال DSG اساسا

يعني حضرتك حط التقارير دي على اللي في المشاركة السابقة هتطلع بنتيجة المفروض ما يختلفش عنها اتنين

في العشر سنين الأخيرة .. تويوتا اعطالها من اقل الأعطال .. و فولكس فاجن اعطالها من اكتر الأعطال

سيبك من تويوتا .. المفروض اي شركة تبقى زيها .. انا بشتري عربية بمبلغ طائل علشان تشتغل و ما تفتحش بوقها ..

طيب فولكس ايه ؟! عشر سنين و لسه في نفس المستوى ؟!

التقرير ده اي شركة هتهتم بيه .. لأنه بيمثل السوق الأمريكي .. اكبر سوق في العالم .. و حلبة المصارعة بين شركات السيارات

موضوع اني لغيت كلام حضرتك عن اللانوس و غيرها .. فا انا حبيت اجيب صورة عامة .. مش عربية بعينها .. شركات قصاد شركات .. انا مثلا كان عندي لانوس و بعتها لان كان فيها مشكلة و مش عارف اصلحها .. فمش عايز الموضوع يخرج عن مساره

و موضوع عربيات السبعينات و الثمانينات .. فممكن نتفق او نختلف مش هتفرق .. انا مش فارقة معايا عربية موديل السبعينات شغالة و لا لأ .. اللي يهمني اللي هروح اشتريها جديدة هتشتغل معايا ازاي

يا فندم أولا Industry average نفسه قل من 155 ل 133

يعني كل الشركات معدل اعطالها قل .. مش فولكس فاجن بس

غير كده تويوتا في 2010 كانت 128 مش 104 و قلت ل 114 .. يعني تويوتا تحسنت اكتر كمان

تويوتا كانت 104 فى 2012 وبقت 114 فى 2014

بردو النتيجة النهائية تظل كما هي .. موقع متاخر لفولكس و متقدم لتويوتا

كويس اوي و متفق معاك تماما

تعالى نطبق ده على أرض الواقع و في السوق المصري

تويوتا عملت فتيس و لقت انها مش قده .. قامت راجعة للفتيس ابو 4 نقلات لحد ما دخلوا ال CVT في الموديلات الجديدة

انا كمستهلك مصري استفدت ايه .. فتيس عادي و شغال الى ان يشاء الله

فولكس عملت فتيس و لقت انه مليان اعطال .. قامت مكملة في طريقها و عايزة تخليه احسن .. كويس

انا كمستهلك مصري استفدت ايه .. فتيس رائع و بيبوظ و توكيل زي سكودا بيدي سنتين ضمان !!!!

سنتين ضمان ؟! هيونداي اللي احنا بنتريق عليها السنة اللي فاتت كانت منزلة عربية ضمان مدى الحياة

اللي عايز اوصله في النهاية ان التكنولوجيا لو ما قدمتش استفادة ما تبقاش تكنولوجيا تبقى وجع راس

انا بسمع تعليق لطيف على ال DSG من الملاك .. اقلبه مانيوال في الزحمة !! يعني انا شاري عربية اوتوماتيك علشان الزحمة .. ولما تكون الدنيا زحمة اقلبها مانيوال .. لا تعليق

تحياتي لحضرتك

أعتقد أن حضرتك مش هتقتنع وأنا كمان مش قادر أقتنع لأنى بصراحة زى ما ذكرت قبل كده انى جربت اليابانى والألمانى والروسى والايطالى والنتيجة انى بقيت بحب الألمانى وبعده اليابانى ولكن كمان مش أى يابانى, يعنى لكزس نيسان هوندا سوباروا لكن غير كده مفيش حاجة فى اليابانى تناسب احتياجاتى وترضينى,وحتى الألمانى عندى درجات, يعنى بالنسبة لى فى المقام الأول تيجى BMW وبعديها تيجى أى حاجة فى فولكس جروب ودى وجهة نظرى الشخصية وبعيدا عن أى دراسات واحصائيات, رغم ان زى ما حضرتك قولت ان JD دراساته بتكون على السوق الأمريكى لكن فى النهاية كل أعضاء نايل موتورز مصريين ومفيش فيهم أمريكان وبالتالى الاحتياجات والأزواق والأمكانيات المادية وظروف التشغيل كلها مختلفة.
العربيات عندنا بتموت وبتصحى تانى والدليل على كده المشارح اللى ماشية فى شوارعنا لغاية دلوقتى وبيتعملها عمرة موتور مرة واتنين وتلاتة وتعمل حادثة وتشيس ويسمكرها ويشتغل بيها تانى ويبيعها كمان ودى حاجة مش موجودة فى أمريكا, العربية لما بتعطل بيبيعها ويجيب غيرها لأن مصارف صيانتها أغلى من ثمنها
كل بلد وليها ظروفها وليها مقايسها, يعنى لو روحت بلد تانية هتلاقى النتائج مختلفة والدليل على كده برنامج Top Gear, هتلاقى دايما فيه أختلاف بين معايير التتقيمات فى النسخة الأمريكية وبين الأسترالية وبين البريطانية وفى الأول وفى الأخر متستبعدش ان يكون ده أسلوب من أساليب الـ Marketing اللى بيدفع فيها فلوس كتير عشان الشركة تسوق لعربيتها بشكل غير مباشر ويستغلوا مصداقية البرامج دى عند الناس فى انها تزود مبيعات عربياتهم
أنا من النوع اللى مش بحب أمشى على خطى الأجداد أو على السمع بس, أنا بحب أجرب وأقيم بنفسى حسب احتياجاتى ورغباتى ولولا اختلاف الاذواق لبارت السلع

بالنسبة لجزئية الفتيس انا ليا فيه تعليق:

حضرتك بتقول تويوتا عملت فتيس ولقت انها مش قده قامت راجعة للفتيس ابو 4 نقلات لحد ما دخلوا الفتيس فى الموديلات الجديدة!!!!

فى البداية لازم نفرق بين اللى أخترع وبين اللى أخد على الجاهز
اللى أخترع فكرة الفتيس الـ CVT نفسه كان Leonardo Da Vinci سنة 1490!!!!! ومن ساعتها والفتيس بيلف على كل شركات السيارات وكل شركة بتطوره بما يناسب عربياتها والفتيس ده أول ما نزل فى عربية كان فى مرسيدس سنة 1886 وبعدها نزل فى عربيات كتير وكل شركة منهم كانت بتحط التاتش بتاعها
كل عربيات نيسان من 2013 CVT وقبلها سوزوكى فى 2010 وقبلها سيات فى 2009 وقبلها اللانسر فى 2008 وغيرهم.....

والمرة اللى تويوتا حبت تخترع فتيس عملت الـ MMT وزى ما حضرتك قولت لقت نفسها مش قده ومش قادرة تحتوى مشاكله او تعالجها فرجعت للفتيس التقليدى اللى مفيهوش مشاكل وفضلت انها تتفرج لغاية لغاية ما تشوف فتيس يكون مفيهوش مشاكل تاخده وتركبه فى عربياتها على الجاهز

تويوتا ماشية بمبدأ أمشى جنب الحيط واللى نعرفه أحسن من اللى منعرفوش وأنا بصراحة مش بحب المبدأ ده

طول ما انت مش بتغلط يبقى عمرك ما هتتعلم وطول ما أنت مش بتتعلم يبقى هتفضل متأخر بسنيين ضوئية

لكن لما فولكس تعمل فتيس DSG يبقى ده اسمه أختراع واتصرف عليه فلوس كتير عشان يطلع للنور ولما يطلع فيه عيوب وتحاول تصلحها وتعالجها و تصر انها تكمل يبقى Respect وانا كمستخدم لازم يكون عندى ليها Loyalty لأنى واثق انها هتاخدنى للـ Next Level وهتخلينى مختلف ومميز عن اللى راكب عربية فيها تكنولوجى من القرن اللى فات وانها هتفضل ورا الفتيس ده لغاية ما يبقى بدون مشاكل, وعموما ركيب الألمانى مش هيفرق معاه الخسارة قد ما هيفرق معاه انه يبقى راكب عربية فيها تكنولوجيا مش اى حد يقدر عليها, والدليل على كده ان فيه ناس خسرت كتير بسبب موضوع الفتيس وكان رد فعل بعضهم انه مصمم على العربية وحاببها على كده والبعض الأخر باع عربيته وبرده جاب عربية تانية ألمانى بس بفتيس تيب ترونيك.

وبعد كل ده أكتشفنا ان المشكلة فى المستخدم وليس فى اللى صنع الفتيس, والنقطة دى ردا على كلام حضرتك عن انى جايب عربية اوتوماتيك عشان فى الزحمة اقلبها مانيوال

الـ DSG أصلا مش فتيس اوتوماتيك, ده فتيس مانيوال بتحكم ألى فى الدبرياج
يبقى بالتالى المستخدم اللى عايز عربية اوتوماتيك مش هينفعه الفتيس ده لأنه ببساطة مش هيوفى احتياجاته
لكن ده ينفع واحد عايز عربية مانيوال بس بدون دبرياج

فى النهاية دى كلها وجهات نظر بتختلف من شخص لأخر و ولا الأهلاوى هيبقى زملكاوى ولا الزملكاوى هيبقى أهلاوى

تحياتى لحضرتك

**Karim Ibiza** · 25-05-2014 11:20 AM

المشاركة الأصلية كتبت بواسطة inspiron

فقط للتنويه

أول تيل فرامل غيرته في الكورولا كان علي 15000 كم
أول تيل فرامل غيرته في الأوكتافيا كان علي 30000 كم

أول طنابير غيرتها في الكورولا كانت علي 27000 كم ( أمامية )
أول طنابير غيرتها في الأوكتافيا كانت علي الـ 84000 كم :)))))))))))))

وأنا اللى كنت مفكر نفسى مفترى ومغير التيل على 19,000

**SYD** · 25-05-2014 12:29 PM

المشاركة الأصلية كتبت بواسطة Karim Ibiza

أعتقد أن حضرتك مش هتقتنع وأنا كمان مش قادر أقتنع لأنى بصراحة زى ما ذكرت قبل كده انى جربت اليابانى والألمانى والروسى والايطالى والنتيجة انى بقيت بحب الألمانى وبعده اليابانى ولكن كمان مش أى يابانى, يعنى لكزس نيسان هوندا سوباروا لكن غير كده مفيش حاجة فى اليابانى تناسب احتياجاتى وترضينى,وحتى الألمانى عندى درجات, يعنى بالنسبة لى فى المقام الأول تيجى BMW وبعديها تيجى أى حاجة فى فولكس جروب ودى وجهة نظرى الشخصية وبعيدا عن أى دراسات واحصائيات, رغم ان زى ما حضرتك قولت ان JD دراساته بتكون على السوق الأمريكى لكن فى النهاية كل أعضاء نايل موتورز مصريين ومفيش فيهم أمريكان وبالتالى الاحتياجات والأزواق والأمكانيات المادية وظروف التشغيل كلها مختلفة.
العربيات عندنا بتموت وبتصحى تانى والدليل على كده المشارح اللى ماشية فى شوارعنا لغاية دلوقتى وبيتعملها عمرة موتور مرة واتنين وتلاتة وتعمل حادثة وتشيس ويسمكرها ويشتغل بيها تانى ويبيعها كمان ودى حاجة مش موجودة فى أمريكا, العربية لما بتعطل بيبيعها ويجيب غيرها لأن مصارف صيانتها أغلى من ثمنها
كل بلد وليها ظروفها وليها مقايسها, يعنى لو روحت بلد تانية هتلاقى النتائج مختلفة والدليل على كده برنامج Top Gear, هتلاقى دايما فيه أختلاف بين معايير التتقيمات فى النسخة الأمريكية وبين الأسترالية وبين البريطانية وفى الأول وفى الأخر متستبعدش ان يكون ده أسلوب من أساليب الـ Marketing اللى بيدفع فيها فلوس كتير عشان الشركة تسوق لعربيتها بشكل غير مباشر ويستغلوا مصداقية البرامج دى عند الناس فى انها تزود مبيعات عربياتهم
أنا من النوع اللى مش بحب أمشى على خطى الأجداد أو على السمع بس, أنا بحب أجرب وأقيم بنفسى حسب احتياجاتى ورغباتى ولولا اختلاف الاذواق لبارت السلع

بالنسبة لجزئية الفتيس انا ليا فيه تعليق:

حضرتك بتقول تويوتا عملت فتيس ولقت انها مش قده قامت راجعة للفتيس ابو 4 نقلات لحد ما دخلوا الفتيس فى الموديلات الجديدة!!!!

فى البداية لازم نفرق بين اللى أخترع وبين اللى أخد على الجاهز
اللى أخترع فكرة الفتيس الـ CVT نفسه كان Leonardo Da Vinci سنة 1490!!!!! ومن ساعتها والفتيس بيلف على كل شركات السيارات وكل شركة بتطوره بما يناسب عربياتها والفتيس ده أول ما نزل فى عربية كان فى مرسيدس سنة 1886 وبعدها نزل فى عربيات كتير وكل شركة منهم كانت بتحط التاتش بتاعها
كل عربيات نيسان من 2013 CVT وقبلها سوزوكى فى 2010 وقبلها سيات فى 2009 وقبلها اللانسر فى 2008 وغيرهم.....

والمرة اللى تويوتا حبت تخترع فتيس عملت الـ MMT وزى ما حضرتك قولت لقت نفسها مش قده ومش قادرة تحتوى مشاكله او تعالجها فرجعت للفتيس التقليدى اللى مفيهوش مشاكل وفضلت انها تتفرج لغاية لغاية ما تشوف فتيس يكون مفيهوش مشاكل تاخده وتركبه فى عربياتها على الجاهز

تويوتا ماشية بمبدأ أمشى جنب الحيط واللى نعرفه أحسن من اللى منعرفوش وأنا بصراحة مش بحب المبدأ ده

طول ما انت مش بتغلط يبقى عمرك ما هتتعلم وطول ما أنت مش بتتعلم يبقى هتفضل متأخر بسنيين ضوئية

لكن لما فولكس تعمل فتيس DSG يبقى ده اسمه أختراع واتصرف عليه فلوس كتير عشان يطلع للنور ولما يطلع فيه عيوب وتحاول تصلحها وتعالجها و تصر انها تكمل يبقى Respect وانا كمستخدم لازم يكون عندى ليها Loyalty لأنى واثق انها هتاخدنى للـ Next Level وهتخلينى مختلف ومميز عن اللى راكب عربية فيها تكنولوجى من القرن اللى فات وانها هتفضل ورا الفتيس ده لغاية ما يبقى بدون مشاكل, وعموما ركيب الألمانى مش هيفرق معاه الخسارة قد ما هيفرق معاه انه يبقى راكب عربية فيها تكنولوجيا مش اى حد يقدر عليها, والدليل على كده ان فيه ناس خسرت كتير بسبب موضوع الفتيس وكان رد فعل بعضهم انه مصمم على العربية وحاببها على كده والبعض الأخر باع عربيته وبرده جاب عربية تانية ألمانى بس بفتيس تيب ترونيك.

وبعد كل ده أكتشفنا ان المشكلة فى المستخدم وليس فى اللى صنع الفتيس, والنقطة دى ردا على كلام حضرتك عن انى جايب عربية اوتوماتيك عشان فى الزحمة اقلبها مانيوال

الـ DSG أصلا مش فتيس اوتوماتيك, ده فتيس مانيوال بتحكم ألى فى الدبرياج
يبقى بالتالى المستخدم اللى عايز عربية اوتوماتيك مش هينفعه الفتيس ده لأنه ببساطة مش هيوفى احتياجاته
لكن ده ينفع واحد عايز عربية مانيوال بس بدون دبرياج

فى النهاية دى كلها وجهات نظر بتختلف من شخص لأخر و ولا الأهلاوى هيبقى زملكاوى ولا الزملكاوى هيبقى أهلاوى

تحياتى لحضرتك

انا كنت عايز أقول كدة بردو
السوق الأمريكي وتقيماته حاجة
والواقع اللي في مصر واللي الناس عايشاه وضع تاني
طب ما في كل التقييمات ميتسوبيشي أقل من فولكس او اكثر في عدد الأعطال
هل دة هيقنع المصريين اللي مجربين اللانسر

وعايز اضيف ان فولكس اول شركة في العالم تعمل فتيس dual clutch قبل أوبل وقبل اي شركة اخري جربت تعمله
ومشاكل DSG كلها تعتبر مشاكل استخدام - او انا بطلق عليها مشكلة عدم ملائمة
فتيس DSG في الأختبارات قبل الأطلاق متجرب لمسافة 2,000,000 كم
طبعا رقم مش قليل وصعب توصله قبل 50 سنة شغل بالعربية فحت ردم بمعدل 40,000 كم في السنة
وان شاء الله مشاكله تنتهي قريباً لأن اعرف ان شركة فولكس لما بيحصل وفتيس بيبوظ في اي حتة في الدنيا بتاخده عندها (او علي الأقل بتعرف ايه مشكلته) وتختبره وتشوف سبب المشكلة فين وتبدأ تجد حلول ليها

تحياتي للجميع

**inspiron** · 27-05-2014 03:07 AM

المشاركة الأصلية كتبت بواسطة sala7

كريم باشا
1- ياعم انت ايه اللي جابك تويوتا اساسا ؟
2- يا كريم الاوربي الفرز التالت بيتقارن باللي زيه فرز تالت .
3- التويوتا لو دخلت في عمود على سرعة 80 السواق هيموت مع SRSاللي هما فرحنين بيها
3- التويوتا الفرز الاول على وزنها ده كفاية عليها موتور 30 حصان هيخليها تطير في السما كمان . (مش امان بالمرة) حتى لو صنعوها سفنج من جوة
3- التويوتا الفرز الاول احسن تقفيل و عزل فيها في العربيات العالية فقط (جيب).
3- التويوتا العربيات الجيب زي (برادو - فوتشونر - لاند كروزر ...الخ) شوية ميه صغيرين على ملف (يارب سلم على اللي في العربية) .
3- التويوتا الفرز الاول في 2009 - 2010 (مش متذكر السنة بالظبط) امريكا بنفسها سحبت عربيات تويوتا كرولا و رجعتها بلدها (مشكله فرامل و تعليق)
3- التويوتا احسن عربيه فيها هي (الميكروباصات) .
3- التويوتا عملت lexus علشان تضحك بيها علينا .
4- التويوتا و الياباني عموما اقل خبطه حلوة فيه و بعد التصليح العربية بتفضل واخده الشكل المكعبر و بيبان انها متصلحه لكثرة الحامات في جسم العربية و الشاصي اللي بيصعب ببساطه تبديلها بقطع اخرى جديدة.
5- التويوتا الفرز الاول بقالها 13 سنة مش عارفين يعملوا حتى الكرولا حلوة .

ياراجل ده صديق ليا معاه تويوتا 2010 و متذكر الموقف جدا واحد بياخد غرزه من قصادة على الطريق لمسه بس في الغرزه وش التويوتا بقا كفته و التاني ولا جراله اي حاجه

في النهاية ده رأيي الشخصي ، و اسف للناس ملاك التويوتا و لكن هي دي الحقيقة

احنا بقا يا بتوع الفرز التالت خلينا كدا في الفرز التالت ، مش عارفين نركب التويوتا لانها اعلا من مستوانا . احنا غلابة يا عم كريم

إنت مشكلة هههههههههههههههههه

**yasser100** · 27-05-2014 10:15 AM

المشاركة الأصلية كتبت بواسطة sala7

شوف يا صديقي .. انا من زمان عاوز اتعرف عليك و الله و عاوز اعرف اسمك علشان اناديك بيه بعد كدا

المهم عاوز اعرفك مشكله فينا كشعب مصر
احنا شعب نمطي جدا جدا
لو واحد شاف تاكسي مركته (ابو السنونو) يبقا هي دي الماركة اللي تستحمل و اعرف ابيعها بعدين و ما اخسرش

احنا بنفكر قبل ما نشتري الحاجه هنبعها ازاي و بكام علشان ما نخسرش ، ماشيين بمثل اللي نعرفه احسن من اللي منعرفوش
القليل مننا اللي بيتجرا و يروح يشتري اللي يستمتع بيه مش اللي يعرف يبيعه بعدين بدون خسارة
انما سيبك بقا من مفهوم (السحب - و النضافة - و التقفيل - و العزم ... الخ) علشان واحد من الشعب المصري العظيم يطلع و يقول الاوربي فرز تالت ..... ياااااارجل
يعني الاهرمات دي تبقا فرز ايه .. على اساس انها اختراع يعني
احنا مصنع حلوان الحربي اللي كان بصنع سلاح بقا بيصنع حلل ياراجل ... ياراجل ده بيقول على الليون بتعتي فرز تالت ياراجل ...... مفتري ههههههههههه
طيب يقول ايه بقا على الاودي a8l الفرز التالت و touareg الفرز التالت و exeo الفرز التالت و ...... الى اخره من الفرز التالت اللي بنزل مجهز بكل الافشخنات و الاحتياطات الامنية علشان يكيفك
بص انا كل ما بقعد افتكر العربية lf-a اللي عملتها lexus و دخلت المنافسه و خسرت من اول المنافسة بقول لسه الاوربي الفرز التالت بخير
احنا معندناش اساسا صناعة علشان احنا المصريين نقييم حاجه صنعها ناس غيرنا
اللي غيظني اوووي بقا ان الناس بردوا كلها ملمومة على الموضوع بردوا و بتتناقش في الصميم

بص يا صديقي انا حاليا مستمتع جدا و راشق في عربية اودي a8 l و معنديش استعداد اعكنن نفسي بمقارنة مع عربية فرز اول زي التويوتا

انا مع معظم كلام حضرتك . بس ما تظلمش الشعب . الامكانيات و الحاله الاجتماعيه و الاقتصاديه هيه اللى بتحدد اتجاه تفكيره و شراه . اكيد هو عارف انه الاودى حلوه و انه الالمانى حلو . بس هو النهارده بيشترى عربيه فى حدود ال 200 الف و ما يعرفش اذا كان ممكن يتوفر المبلغ ده معاه و لا ﻻ لما ييجى يشترى تانى او ممكن يتزنق لاى سبب و يضطر يبيع عربيته لانه المستقبل ادامه مجهل تماما . اللى يشتريه النهارده الله اعلم يعرف يشترى تانى بكره و ﻻ ﻻ . يعنى بيفضل انه يكون فى الامان . غير اوروبا و امريكا بيكون عارف انه بعد 5 سنين انه هايشترى عربيه تانى و احسن . فاعذروا المستهلك المصرى

**sala7** · 27-05-2014 01:50 PM

المشاركة الأصلية كتبت بواسطة yasser100

انا مع معظم كلام حضرتك . بس ما تظلمش الشعب . الامكانيات و الحاله الاجتماعيه و الاقتصاديه هيه اللى بتحدد اتجاه تفكيره و شراه . اكيد هو عارف انه الاودى حلوه و انه الالمانى حلو . بس هو النهارده بيشترى عربيه فى حدود ال 200 الف و ما يعرفش اذا كان ممكن يتوفر المبلغ ده معاه و لا ﻻ لما ييجى يشترى تانى او ممكن يتزنق لاى سبب و يضطر يبيع عربيته لانه المستقبل ادامه مجهل تماما . اللى يشتريه النهارده الله اعلم يعرف يشترى تانى بكره و ﻻ ﻻ . يعنى بيفضل انه يكون فى الامان . غير اوروبا و امريكا بيكون عارف انه بعد 5 سنين انه هايشترى عربيه تانى و احسن . فاعذروا المستهلك المصرى

ههههه برده حضرتك ايدت رأيي و رجعت تاني على الفكر النمطي
يا عم الحج ربنا سبحانه و تعالى اخفى عنك المستقبل علشان تبدتي تفكر و تشتغل و ا تشغلش نفسك ببكره لان بكره ده ربنا بس هو اعلم بيه
ما تجيش تقول اعذر مستهلك .. لانك ببساطه بتتكلم عن شعب و دولة
بص يا صحبي ربنا يرزق الجميع و ينبسط .. بس بلدك اصلا عوزاك ديما انسان مش مبسوط و متخلف - اعذرني لا اقصد التجريح اطلاقا - انا بقصد متخلف حداثة و زمن و تطور

انت تعرف ان التويوتا ماسكه سعرها مش في مصر بس و في الخليج كمان .. لان العالم كله بيصنع للعرب في الاساس مقارنه بالاوربي اللي سعره بينزل
يقوم واحد معاه 200 يروح يجيب تويوتا مع انه ممكن يركب عربية بنفس الرقم او اقل شوية بس اوربية
مع فارق ان معظم الاوربي بينزل فيه امكانيات عن الاسيوي

انا لما بدخل على يا جدع على مواقع بيع السيارات المستعمله في مصر بموت على نفسي من الضحك . بتلاقي واحد على سبيل المثال كاتبلك اعلان كالاتي :
- لانسر 2008 سوبر اكشن كاملة اوتماتيك !!!!! عارف بقا المفروض كامله دي يعني ايه
يعني فيها (abs - فتحة - جنوط - full bodykit - كراسي كهربا - multifunction - اف1 ) لكن ده تلاقيه كاتبلك (ريموت كنترول - مريات كهربا - سبويلر - اريال - زجاج فاميه - بطارية جديدة - كاوتش جديد ) فاضل يكتبلك ورق حائط و نجفة في الصالون

في البلاد اللي هي خارج حدود مصر لما بيجي يقولك اوبشن بيكون كالتالي :
- جنط اكبر من الاستندارد .
- سبويلر اوريجنال .
- فتحة سقف .
- كراسي كهرباء .
- حسسات مطر .
- مريا ضم .
- مثبت سرعة .
- تحكم F1 .
- ميموري للمقاعد .
- مكيف هواء تحكم منفصل .
- مصابيح ضباب (خلفي - امامي ) كما في الاوربي الفرز التالت .
- مصابيع جهة واحده عند الوقوف على الطريق ( زي اللي موجوده في الاوربي الفرز التالت) .
- نظام ملاحة .
دي تقريبا معظم الوظائف اللي المفروض لما اجي اقول اوبشن اقول 80% منهم

امتى هنفكر نبسط نفسنا و مش مشكله الفلوس ؟؟؟؟
اللي معاه 200 الف ده كدا انسان عارف يعيش و يقدر
الل معاه يجيب عربية مهما كان سعرها يبقا عارف يعيش لان العربيه مجرد اوبشن في الحياه

فهمت يا صحبي

دمتم بود

-

-

-

الموضوع: سيات توليدو Vs تويوتا كورولا

LinkBack

أدوات الموضوع

عرض

-

-

-

-

-

المواضيع المتشابهه

سيات توليدو قريبا جدا فى مصر

سيات توليدو 94 معدلة

سيات قرطبه ولا توليدو

سيات توليدو 1994

الكلمات الدلالية لهذا الموضوع

المفضلات

المفضلات

ضوابط المشاركة