عاجل: أشترى frv كروس ولا سانديرو ؟ للأهمية

السادة أعضاء المنتدى الكرام، والخبراء ..

بحثت كثيرا وعانيت حتى توصلت لأفضل خيارين مناسبين بشكل ما .. ربما فقط من وجهة نظرى وتكون خاطئة.. فأنا أبحث عن سيارة شبابية عائلية، داخل المحافظة، قليل السفر والتجوال.

وقررت أن أشترى أحد السيارتين بعد مراعاة نتيجة إستشاراتكم بالموضوع، والإستفادة من خبراتكم ومعلوماتكم عن مميزات/ عيوب كل منهم.

FRV كروس مانيوال 2014

السيارات الجديدة | بريليانس | FRV كروس 2014 - ContactCars.com

==

سانديرو مانيوال 2014
السيارات الجديدة | رينو | سانديرو 2014 - ContactCars.com


إمكانياتى المالية ليست كبيرة حيث أنوى دفع مقدم فى حدود 25-30 الف جنية من قيمة السيارة، وأقوم بتقسيط المبلغ المتبقى، أيضا لو لديكم معلومات عن معرض او طريقة تقسيط فى مدينة المنصورة، ولديها تسهيلات ومتعاونون فى التعامل أكون شاكر .

فى انتظاركم .

منتظر يا شباب

راى وعن تجربة للسانديرو الستب واى الشكل الجديد عربية محترمة جدا وفيها كماليات مهمة ومش موجودة فى عربيات فى فئتها زى البلوتوث والمثبت وبصراحة كفاية انها اوروبى بس يستحسن ان حضرتك تروح تركب العربيتين وتشوف هتستريح لمين اكتر مع العلم ان الكروس شكلها قدم اوووى السانديرو لسه أول سنة

البريلانس اكثر شبابية وكماليات
لكن الاعتمادية وقطع الغيار وسعر اعادة بيع هتكون في صالح السانديرو
انا مش شايف فرق كبير بينهم خصوصا ان السانديرو الجديدة شكلها اتحسنت
عن نفسي برجح السانديرو توكيل محترم وهتكون منتشرة اكتر

الف شكر يا حبايب على النصيحة، انا عندى ميول للسانديروا بالفعل، خاصة وانى بحب الفرنساوى فى كل حاجة ;)

لكن كنت محتاج اعرف ايه هى عيوبها مثلا ؟ هل فيه مشاكل زى خشونة فى الفتيس، صوت عالى او فى المكنة، والعفشة خشنه ولا ناعمة، ظروفها مع المطبات والطرق المكسرة انتوا عارفين شوارع البلد كلها بقت مكسره.. سحبها بالتكييف ومن غيره ؟ يعنى شوية معلومات كدا لو تكرمتوا ؟

اقتباس:

---

المشاركة الأصلية كتبت بواسطة abo adam

الف شكر يا حبايب على النصيحة، انا عندى ميول للسانديروا بالفعل، خاصة وانى بحب الفرنساوى فى كل حاجة ;)

لكن كنت محتاج اعرف ايه هى عيوبها مثلا ؟ هل فيه مشاكل زى خشونة فى الفتيس، صوت عالى او فى المكنة، والعفشة خشنه ولا ناعمة، ظروفها مع المطبات والطرق المكسرة انتوا عارفين شوارع البلد كلها بقت مكسره.. سحبها بالتكييف ومن غيره ؟ يعنى شوية معلومات كدا لو تكرمتوا ؟

---

للأسف حضرتك محدش جاب اى تقرير عن تجربة رينو ستيب واى 2014 خااااااالص ولو حضرتك دخلت حتى على قسم رينو هنا فى المنتدى هتلاقى كل الريفيوهات عن ستيب واى 2012 والجميع معجب بارتفاع السيارة عشان المطبات وبوسع الصالون من جوه وباختلاف الشكل الجديد للتابلوه بالنسبة لموديل 2014 لكن الكل برضه مضايق من خشونة فتيس موديل 2012 وكان فى اقتراح من بعض الاعضاء بتغيير نوع زيت الفتيس ليصبح اقل خشونة ولكن لم يتم اضافة اى تعليق بعد كده عن تغيير زيت الفتيس او عن تجربة قيادة موديل 2014 للاسف

كرأي فقط اميل للرينو

ساندريو افضل و الستيب وأي كمان حلوه

frv تتفوق في شيء واحد فقط وهو الموتور والباقي تتفوق فيه الستيب واي .

نيو سانديرو بقت حاجه تانيه