طفل سنة و نصف دائما يخبط راسه في الارض

**ahmedsehimy** · 22-05-2014 08:12 AM

السلام عليكم يا احلى اعضاء

انا عندي مشكلة مع ابني الوحيد, هوة عنده سنة و نصف و ما شاء الله نشيط جدا و ذكي بس في نفس الوقط عصبي جدا.
مشكلته انه دائما ما يخبط راسه في الحائط او الارض لو مثلا طلب مني اني اقوم اجيبله حاجة و انا مش راضي و يقعد يعيط في الارض بس بدون دموع. المشكلة في انه بيخبط راسه في الارض كتير جدا لدرجة انها احيانا بتزرق. في ناس قالتلي وديه حضانة يفرغ طاقته وفعلا هوة بيروح حضانة من شهر و نص علشان يلعب هناك اكتر و يفرغ طاقته بس موضوع ضرب راسه في الارض لسة مستمر و متحسنش بس غير انضباط مواعيد نومه.

انا مش عارف ايه حل الموضوع ده, و مدايقني جدا اني اشوف ابني كدة و انا مش عارف اساعده....يا ريت لو حد عنده تجربة مريرة زيي يفيدني افادكم الله

شكرا مقدما

**mostafa3000** · 22-05-2014 08:17 AM

حضرتك لازم تعرضة علي اخصائي

**محمود سامح** · 22-05-2014 08:45 AM

نفس المشكلة عند ابنتى طفلها عصبى جدااا وكمان بيرمى اى حاجة فى ايده غير النكسير جيل مدمر

**Ayman_Amer** · 22-05-2014 09:20 AM

قد يكون لديه آلم بسبب عضوي لا يتحمله
اكشف علي الاذن والاسنان

**أبو_يوسف** · 22-05-2014 09:46 AM

عندي نفس المشكلة....ابني عمره سنتين ونصف وليه 3 اخوات بنات اكبر منه وبيعمل نفس الكلام دا ولو طلب حاجة عنده استعداد يفضل يعيط 10 ساعات ويتمرمغ في الأرض... ولو شغلته في حاجة تانية يخلصها ويرجع يكمل عياطه تاني!!
وكمان بتبقى المشكلة الاكبر لما بيكون بيقول حاجة واحنا مش فاهمينها..
بس اعتقد الموضوع بيبقى ليه علاقة بالارهاق لانه احيانا كتير بينام بعد الحركات بتاعته دي

**احمد المصرى** · 22-05-2014 09:46 AM

اول حاجه اوع تنفز ليه طلب وهو بالطريقه دى لازم يتعلم ان يطلب براحه علشان يتنفزله الطلب

**أبو_يوسف** · 22-05-2014 10:31 AM

أنا فكرت في موضوع الحضانة دا برضه مع اني مش مع ان الطفل يروح للحضانة بدري بس هو عنده شوية طاقة وشقاوة .. ومع ذلك بيتكسف من الناس اللي مش بيشوفها على طول .. ميرضاش يسلم عليهم وكدا.. الموضوع هايحتاج اخصائي ولا عادي يا جماعة؟

**احمد المصرى** · 22-05-2014 10:48 AM

المشاركة الأصلية كتبت بواسطة timtim

أنا فكرت في موضوع الحضانة دا برضه مع اني مش مع ان الطفل يروح للحضانة بدري بس هو عنده شوية طاقة وشقاوة .. ومع ذلك بيتكسف من الناس اللي مش بيشوفها على طول .. ميرضاش يسلم عليهم وكدا.. الموضوع هايحتاج اخصائي ولا عادي يا جماعة؟

انا شايف ان الموضوع عادى وراىى الشخصى انه دلع علشان ياخد ال هو عايزه وبس بس برضوا انا مش دكتور انا بتكلم من وجهه نظرى

الموضوع: طفل سنة و نصف دائما يخبط راسه في الارض

LinkBack

أدوات الموضوع

عرض

-

-

-

-

المواضيع المتشابهه

لما سواق الميكروباص يخبط عربيه الشرطه

للخبراء فى بيع وشراء الاراضى هل بواكى الارض تباع ام البيع فقط بحجة الارض؟

الراجل كل مايفتح بابه يخبط العربية

مسمار الأسبراتير راسه بايظه اعمل ايه؟

الكلمات الدلالية لهذا الموضوع

المفضلات

المفضلات

ضوابط المشاركة