استشارة في شراء سيارة

**خالد الخليفة** · 22-05-2014 12:17 PM

أعضاء المنتدى الكرام ..

أنا عضو جديد معاكو وبفكر خلال الشهرين الجيين أنضم لنادي أصحاب السيارات :)

بس طبعا أول ما فكرت في الموضوع قلت ارجع لكم عشان تنصحوني ..

أولا أنا لسه ما بعرفش أسوق وهتعلم السواقة .. فعايز أعرف رأيكم في موضوع التعليم .. أتعلم في مدرسة ولا أشوف حد يعلمني بعربيته ؟؟ أنا ليه صديق عنده تاكسي ممكن أخليه يعلمني عليه .. يا ريت أعرف رأيكم

ثانيا .. أنا معايا دلوقت حوالي 15000 جنيه .. بس خلال الكام شهر الجيين ممكن أحصل حوالي 40000 ..
عايز أعرف رأيكم .. أبدأ بحاجة بسيطة دلوقت بالمبلغ اللي معايا .. ولا استنى لما احوش شوية وأجيب حاجة كويسة علطول ؟؟

وإيه أول عربية تنصحوني أبدأ بيها وفي حدود كام ؟؟

مع العلم إني مش بحب مشاوير الميكانيكية كتير واستهلاكي للعربية هيبقى أغلبه مشاوير داخل المدينة فقط ومش كتير .. يدوب أروح بيها الشغل 20 دقيقة رايح جاي كل يوم .. ده لو الطريق سالك :)

أرجو ما تبخلوش عليه بردودكم .. وشكرا لمساعدتكم مقدما :)

**ahmedteam** · 22-05-2014 12:39 PM

لو جبت حاجه بال 15 هتكون قديمه و هتتعبك و هتكرهك فى السواقه و العربيات و سهل اى حد يشتغلك علشان خبرتك قليله

فى حدود ال40 ممكن تجيب حاجه زى اكسنت او لانوس 1 تتعلم فيها و قطع غيار رخيصه و متوفره

اهم حاجه الحاله علشان متتعبش حتى لو العربيه اغلى من تمنها 1000 و لا حتى 2000 متجيش حاجه جنب قرب الصنايعيه و وجع القلب

**shiko85** · 22-05-2014 01:34 PM

المشاركة الأصلية كتبت بواسطة خالد الخليفة

أعضاء المنتدى الكرام ..
أنا عضو جديد معاكو وبفكر خلال الشهرين الجيين أنضم لنادي أصحاب السيارات :)
اهلا بك فالمنتدى
بس طبعا أول ما فكرت في الموضوع قلت ارجع لكم عشان تنصحوني ..

أولا أنا لسه ما بعرفش أسوق وهتعلم السواقة .. فعايز أعرف رأيكم في موضوع التعليم .. أتعلم في مدرسة ولا أشوف حد يعلمني بعربيته ؟؟ أنا ليه صديق عنده تاكسي ممكن أخليه يعلمني عليه .. يا ريت أعرف رأيكم
مدرسة المرور علشان الرخصه + تاكسى بتاع صاحبك بعد كده
ثانيا .. أنا معايا دلوقت حوالي 15000 جنيه .. بس خلال الكام شهر الجيين ممكن أحصل حوالي 40000 ..
عايز أعرف رأيكم .. أبدأ بحاجة بسيطة دلوقت بالمبلغ اللي معايا .. ولا استنى لما احوش شوية وأجيب حاجة كويسة علطول ؟
استنى لحد ما تجمع المبلغ ده و تقدر تشترى اكسنت او لانوس 98 او 99 و فالفتره دى اتعلم السواقه
او ممكن تشترى عربيه صغيره زى الماروتى او عربيه صينى بـ 19 او 20 الف مؤقتا و تمشى نفسك شويه لحد ما ربنا يكرمك ان شاء الله و تجيب عربيه كويسه و موديل حديث شويه
وإيه أول عربية تنصحوني أبدأ بيها وفي حدود كام ؟؟
مع العلم إني مش بحب مشاوير الميكانيكية كتير واستهلاكي للعربية هيبقى أغلبه مشاوير داخل المدينة فقط ومش كتير .. يدوب أروح بيها الشغل 20 دقيقة رايح جاي كل يوم .. ده لو الطريق سالك :)
لو انا مكانك اشترى زى ما قلت ماروتى او عربيه صينى (كان عندى فروته 2006 و كانت ممتازه و موفره فالبنزين و فيها تكييف و كماليات كتير)
أرجو ما تبخلوش عليه بردودكم .. وشكرا لمساعدتكم مقدما :)
انا تحت امرك

**خالد الخليفة** · 22-05-2014 01:38 PM

تسلم يا أحمد ..

يعني كده رأيك أستنى كام شهر وأجيب أكسنت أو لانوس تكون حالتها كويسة وكماليتها معقولة

طيب بالنسبة لتعليم السواقة .. أروح مدرسة ولا أشوف صديق يعلمني ؟؟

وبالنسبة للرخصة .. أبدأ فيها من دلوقت ولا استنى اما اقرب اشتري العربية ؟

**خالد الخليفة** · 22-05-2014 01:42 PM

ألف شكر ليك يا أستاذ شيكو ..

حضرتك أفدتني جدا ..

يعني كده أنا ممكن أشوف حاجة ماروتي أتعلم فيها واخد بيها الرخصة وبعدين أنتظر لحد ما اجيب حاجة حديثة وتعيش .. انا مش من النوع اللي بيحب يغير كتير اصلا ..

وبالنسبة لمدرسة المرور .. دي مدرسة تبع إدارة المرور ؟؟ يعني تبع الداخلية ؟؟ عشان كده الرخصة هتبقة أسهل

وألف شكر على تعبك معانا يا ريس :)

**shiko85** · 22-05-2014 02:00 PM

المشاركة الأصلية كتبت بواسطة خالد الخليفة

ألف شكر ليك يا أستاذ شيكو ..
العفو
حضرتك أفدتني جدا ..
الحمد لله
يعني كده أنا ممكن أشوف حاجة ماروتي أتعلم فيها واخد بيها الرخصة وبعدين أنتظر لحد ما اجيب حاجة حديثة وتعيش .. انا مش من النوع اللي بيحب يغير كتير اصلا ..
بالظبط كده, بدل ما تدفع كل اللى معاك فعربيه موديل 98 او 99 و انت كل استخدامك للعربيه 20 دقيقه فاليوم
ماروتى مناسبه جدا او عربيه صينى لو محتاج تكييف و كماليات و هتكون موديل احدث من الماروتى
وبالنسبة لمدرسة المرور .. دي مدرسة تبع إدارة المرور ؟؟ يعني تبع الداخلية ؟؟ عشان كده الرخصة هتبقة أسهل
بالظبط, استخراج الرخصه هيكون اسهل معاهم ان شاء الله
وألف شكر على تعبك معانا يا ريس :)
يا باشا مفيش تعب ولا حاجه