-
عاجل جدا للأهمية
السلام عليكم ..
شباب انا رحت من شوية اشترى ستيب واى ، من التوكيل، مكانتش موجودة وقالولى هتحجز وتستلم خلال شهرين، وانا مستعجل على العربية، فسألت لو فيه سانديرو وتكون أسرع، كان موجود عنده سانديرو لونها أبيض، اللى هى من غير سنسور ، فا توكلت على الله وحجزت، وبعد ما مشيت، فكرت فى اللون والسينسور وقلت اعدل الحجز وكلمته بعد ساعه مش اكتر، طلبت انى اعدل الحجز لـ سانديرو أسود وارقى الحجز للنسخة اللى بعدها.. لكن هو عمال يقولى هيحصلى مشاكل وانا سجلت انها اتحجزت ووو وبيحاول يقنعنى انها افضل من اللون الاسود بكتير وانه دة احسن ليا ، وانه مش هيفرق معاه فى اى حاجة غير انه هيعمله مشاكل فى الالغاء ووو .. وطلب انى اروحله تانى ونتفاهم قلتله حاضر هجيلك .. بعد 5 دقايق اتصل تانى قالى انا كدا هأجل الموضوع مع البنك ومش هعمله النهاردة لحد لما تدينى قرارك النهائى فحاول تجيلى فى اسرع وقت وو حسيت انه اسلوب ضغط بالتأخير فى حالة تغير الحجز عشان استمر فى نفس الحجز ومبدلش، لدرجة انى قلتله انت كدا بتخلينى أقلق.. وهو دلوقتى منتظر انى اروحله عشان نشوف الوضع هيمشى ازاى وكدا وهعمل ايه كقرار نهائى.
رأيكوا الكلام دة عادى ولا ايه ؟ وهل اللون الابيض فعلا زى ما بيقول احسن من الأسود ؟ وهل ممكن يكون العربية فيها عيب عشان كدا متمسك انى مغيرش الحجز بعربية تانية ؟
اتمنى الرد فى اسرع وقت
-
ما زلت انتظر رأى الخبراء نظرا لضيق الوقت
-
اللون الاسود جميل بس مشكلته انه بيلم تراب جامد واى خدش بيبان فيه لو اى لون تانى اعتقد هيكون عملى اكتر لكن لو انت عايز الفئة اللى بعده اكيد هيكون افضل وسيبك من كلامه والله اعلم
-
يا عم مالكش دعوه برأينا انت بتشتري بفلوسك هات الي انت عاوزه ماتبقش تحس انك ملوي دراعك انت الي تختار
ومبروك مقدما
-
يا عم مالكش دعوه برأينا انت بتشتري بفلوسك هات الي انت عاوزه ماتبقش تحس انك ملوي دراعك انت الي تختار
ومبروك مقدما
-
ابيض ايه بس هتبقى زيك زي التاكسي ^^
وبعدين لو مستعجل هاتها من اى معرض لكن بلاش ابيض ومادام معاك تجيبها كاملة هاتها ومتسمعش كلامه تلاقيه عايز يخلص منها
-
انا عمرى ما شوفت سانديرو لونها ابيض وحاسس انها مش هاتبقى حلوه
-
لو عايز نصيحتي اشتري اللون و الفئه اللي عاجبينك و لو حتي هتنتظر افضل مليون مره من انك تجيب حاجه مش مقتنع بيها لمجرد الاستلام الفوري. لو مكانك اسأل عند الموزعين المعتمدين زي السبع او الطارق و لو لقيت عندهم يبقي اشتري منهم اما لو قالولك انتظر زي التوكيل ابقي ارجع للتوكيل بس أحجز الفئه و اللون اللي انت عايزهم . نصيحه اخيره ابعد عن اللون الابيض و الاسود
-
متجبش لون مش مقتنع بيه
صدقني هتكون متضايق قدام
Content Relevant URLs by
vBSEO 3.6.0 PL2