هي ممكن جداً تكون تشيكي فعلا
للتاكد من بلد المنشأ راجع بيانات اوراق الشحن المثبتة علي الزجاج الامامي
عرض للطباعة
احب بس استفاد من خبرة حضرتك فى انهى مواقع ممكن تكون ثقه؟
هو فعلاً يمكن اغلب او كل المواقع الأنجليزى بتحط الفوكس احسن عربيه سواقه و بعديها الجولف غالباً
بس كتير بيدوا الأكتافيا تقييم عالى فى كل حاجه معادا الهاندلنج علشان هيا مش معموله تكون رياضيه و فعلاً الدركسيون vague جداً
parkers.co.uk مثلاً مدى الأكتافيا 3 نجوم فى الهاندلينج زى الأنسجنيا زى البيجو ال508 و يمكن زى الأسترا مش فاكر
تانى حاجه على موضوع الفتيس
من بحثى فى الفورمز بره من ملاك العربيات اوروبا و امريكا فى ناس كتير معندهاش مشاكل فى الدى اس جى و فى ناس تانيه عندها مشاكل عادى فعلشان كده الموضوع مش عامل زى مصر مثلاً و فى ناس عامله بعربياتها كتير جداً من غير ادنى بوظان و فى ناس باظ بعد 5000 كيلو علشان كده ممكن التقييم ميلحقش يواجه مشكله يكتبها
اخر حاجه انا عندى فضول اعرف ايه كانت مشاكل الفولفو و كانت موديل كام؟ :)
والله يا باشا معنديش مواقع معينة أنا بقيت بجرب العربيات بنفسي واحكم انا....لأن في الأخر أنا اللي هشتري مش الموقع. بس اي موقع مش إنجليزي او الماني هيكون محايد النفروض.....لأن الألمان بيطلعوا حاجتهم احسن حاجة برضه.
المشكلة إن الDSG في الUK إتعمله Recall والمفروض انه يذكر حاجة زي كده.
الفولفو والله يا باشا مفهاش مشاكل بجد يعني هما عطلين بس اللي حصلوا معانا (وفي ظل انها كانت زيرو موديل 2012 عيب ان يظهر عطل فيها).
اولا ًإحنا كنا حاطين في دماغنا حاجة علي كلام الreviews ولقينا حاجة تانية.......العربية مش مريحة زي المتوقع خالص وبتهبد هبد بسيط. يعني الاسترا أريح منها في العفشة فعلاً.
العجل كان كل شوية بالونة من اقل نقرة او حفرة والجنط لازم بعديها يستعدل لأنه خفيف جداً وبيتني من أقل نقرة. ده حتي الوالد مرة كان بيعدي من واحد وخبط طوبة صغيرة في الشارع العجلة اللي قدام شمال نامت عالأرض.....وطبعا من ساعتها وهو زعل منها عشان نزل هو يغير الإستبن (عجلة صغيرة مش ككبيرة).
الدريكسيون كان تقيل ودايما في إهتزازات والعربية علي الNeutral بتروح لما تزود بنزين ودي مش حاجة حلوة في عربية المفروض انها تنافس المرسيدس وسعرها كان 318000 !!!!.
العربية بتلف علي واسع اوي اوي اوي وبتحسسك بحجمها.....علما بإننا كان عندنا مرسيدس e200 قبلها ومكنتش بتحسسنا بحجمها خالص وبتلف علي ضيق كأنها عربية هاتشباك. وكنا غيرنا المرسيدس علي اساس إن الفولفو هتبقي زيها بس بأوبشنز أكتر بكتير.....وندمنا.
الفتيس بقه ده كان حاجة جنان......بينقل حلو في الupshifts وناعم وجميل.....بس في الdownshifts بقه كانت بتتأخر اوووووووووووويييييييييييي ييييييييييييييييييييييي.... ..يعني لما تكون ماشي علي 100 مثلاً وتدوس جامد عشان تسقط النقلات الموتور بيزيد ويوصل ل4200 لفة بس العربية مش بتتحرك غير بعدها بفترة ممكن توصل ل2 أو 3 ثانية وده كان بيدايق أوي يعني وممكن يبقي خطر في بعض المواقف.
الدريكسيون حجمه كبير جداً وسمكه كبير وأنا لما كنت قاعد كان الفرق بين الدريكسيون ورجلي كان 1.5 سننتي مثلاً ويمكن ده سببه ظبطت الوالد بقه بس كان قريب اوي من رجلي(الفخدتين).
الأعطال بقه:
أول عطل كانت العريبية مش بتدور من أول مره وده كان سببه البطارية !!!!!! بس عربية مكملتش سنة تجيب بطارية !!!!! و البطارية كانت سايلة و80 امبير والغريب إنها مصنوعة في ألمانيا !!!!!.
تاني عطل: كان الوالد سافر وساب العربية خمسة ايام....ولما رجع يدورها العربية دارت بس قعدت تترج جامد اوي وبتبرجل وكأنها علي 2 سيلندر بس.......فقفلها ودورها تاني ونفس الحكاية.....فجاب الونش عشان يوديها التوكيل وبعد مجه الونش قال يجرب يدورها مرة كمان......دارت عادي جداً ولا كأن في حاجة حصلت !!!!!!!! ولحد النهاردة محدش عارف كان فيها إيه.
بس هي كانت تجربة وحشة الصراحة وأنا أنصح بالS60 أصلاً لأن فرق الحجم الداخلي مش كبير وهي نفس الشكل من جوه أصلاً.
يمكن يكون عشان كان قبلها المرسيدس وإحنا كنا حاطين توقعات عالية بس هي بالنسبالنا متتقارنش بالمرسيدس خاااااااااااااالصصصصصصصصص .
والوالد قعد في الإنسيجنيا وقالي أنها مريحاه اكتر بكتير من الفولفو بس هو قرر انه مش هيجيب عربيات كبيرة تاني خلاص.
و أسف علي الإطالة واي إستفسار انا تحت أمرك.
وأحب أوضح للأمانة اني مكنتش بحبها برضه.....لأني منت عارف انها اساساً فورد مونديو.....موتور فورد وفتيس فورد وعفشة فورد وشاسيه فورد......فولفو معملتش حاجة غير الشكل وحبة اوبشنات للأمان زي الcity safety.
والفورد لا تستطيع ان تقارب المرسيدس في اييييييي شييييييييييءءء. وده كان سبب رفضي لأنه يجيبها أصلاً بس هو عجبته الأوبشنز الكتيرة مقابل السعر القليل نسبيا.
و طبعاً المواقع كانت مفهمانا إن المونديو دي حاجة لا يعلي عليها كالعادة والفولفو قريبة من المرسيدس والكلام ده......بس انا متأكد اللي هيركب الفولفو ويركب المرسيدس هيقول نفس كلامي......الفرق كبير فعلاً.
يا باشا مشكور جداً على الشرح الوافى ده
و فعلاً محدش يتخيل كده على الفولفو خالص غير بعد التجربه الى حضرتك ذكرتها
المهم ان فى كل حته كانت الأس 60 بتقارن فى الثبات و كده بالbmw e90 وش
و معاك حق فى جزء ان المواقع مش بالدقه زى مانت تجرب بنفسك
شفت اول فئة الي ب ١٩٠ في الليثي . مفيهاش جنوط و عجلها ١٥!!!!!! طاسات. مفيهاش. مالتي فانكشن و لا بلوتوث و لا شاشة ولا سنسور خلفي ولا مرايات ضم ولا فتحات تكييف خلفية ولا مثبت سرعة ولا usb . المصيبة بقا ان الاوكر و المرايات نازلة بلون اسود مش بنفس لون العربية زي الرابيد كده . طبعا مع مقارنة الفئة دي مع استرا او كورولا فهي خاسرة بالثلث مش فاهم ازاي نازلة بعجل ١٥!!!
حضرتك متأكد ؟ لتكون دي خليجي ولا حاجة !!!
وكام سؤال برضو مهم ,
هي فيها تكييف تاتش ديوال زوون ولا لأ ؟
فيها انوار ليد ؟
فيها فوج لايت ؟
فتيس و دركسيون جلد ؟
معقولة مفيهاش ولا حاجة كدة وب 190 الف !!! هتنافس ازاي في الفئة السعرية دي !!
طيب و الفئات التانية اسعارها ايه و امكانياتها ايه , ياريت توضح
يا حبيبي ضمان وكيل والله و دي نفس المواصفات الي الوكيل قالهالي في التليفون بس كان قايلي فيها مرايات ضم. هي فيها ليد خلفي فقط دركسيون عادي مركزتش فيه و نفس كاسيت الفاتزيا البيزلاين القديمة . تقريبا فيها فوج بس مش متأكد بس الاكر و المرايات شكلها عرة آوي شبه الرابيد او البولو سيدان تكيف تاتش ايه !! لول بقلك اكر سودا تقولي تكييف تاتش ازاي لما تاني فئة ام ٢١٥ نازلة بتكييف مانيوال حتبقي اول فئة تاتش؟!!! التكييف مانيوال طبعا!!