لو هنقارن الكورولا اعلي فئة بالاوكتافيا تاني فئة الكورولا تزيد 7 ايرباج وسنسور امامي واوتوبارك وكاميرا خلفية وسمارت كي
عرض للطباعة
لو هنقارن الكورولا اعلي فئة بالاوكتافيا تاني فئة الكورولا تزيد 7 ايرباج وسنسور امامي واوتوبارك وكاميرا خلفية وسمارت كي
خلاصة المناواشات اللى فى الموضوع من وجهة نظرى :
1- الأوكتافيا و كل سيارات فولكس واجن جروب عربيات مفيش عليها اى كلمه تتقال غير انها ممتازه و مشاكل الفتيس هى العيب الوحيد اللى هز مبيعاتها و ثقة الناس فى اعتماديتها .
2- الرجوع للفتيس ال 6 سرعات = اعتماديه اكثر = اختيار امثل بالنسبه حتى لبلد زى مصر طرقها ضايعه
3- اللى بيقول معايا ضمان - انت ازاى تحس عربيتك لسه زيرو و هى متفككه من تحت و مغيره فتيس ؟؟!!
4- ربنا يبارك للناس كلها فى مالها و يسترها علينا كلنا - بس العقل زينه
5- التكنولوجيا لو كانت هتخسرنى فلوسى و متريحنيش - يبقى ملهاش اى لازمه
6- اللى ركب عربيه من عربيات فولكس واجن و اسكودا هيفهم يعنى ايه فولكس واجن و ازاى العربيات دى معموله صح
تحياتى و انا شايف ان اختيار المحرك ال 1600 هيرفع مبيعاتها جامد بالأضافه ان الفانتازيا كانت با mpi و الناس كانت بتعشقها زى ال a5 لما نزلت
يعنى خلاص الاوكتافيا هتنزل بالموتور القديم ال mpi و الفتيس اتستبترونك عادى و باى باى dsg ???!!
كنت استقريت على الكورلا كده الحسبه باظت
طب مواصفات الموتور 1600 ايه يا رجاله 8 ولا 16 صباب وكم حصان وراكب فى عربيات قبل كده ولا اول مره
عودا حميدا اوكتافيا 7
بكده بقى الاستهبال فى سعر الفانتازيا هيقل شويه
شكرا اوي علي المعلومات الجامدة دي
العقل زينه
يعنى نقدر نقول ودائعا لل DSG , واهلا بفتيس الفانتازيا !! ولا الموتور بس الى اتغير و الفتيس زى ما هو dsg ??
موتور ١٦ فألف وفتيا ستيبترونيك ٦
معلش يا جماعه بس انا كمالك للأكتافيا التربو الحمد لله رب العالمين عاوز بس اقول كام حاجه
اولاً اسلوب الحوار بتاع لبس و مش لبس مش ظريف و بيزعل بعض الناس هنا من ملاك العربيه
ثانياً فى حاجه الناس مش عمللها حساب نهائى فى الكلام ان فى حاجه لمحبى العربيات بجد اسمها الأستمتاع بالقياده و بالعربيه يعنى الموضوع مش كلوا فلوس و بيع و خلاص و السوق عاوز يركبك ايه غصب عنك
التربو فى الأكتافيا و الأداء الموازى ل2400 سى سى على الأقل حط العربيه فى فئه تانيه خالص و المقارنه الطبيعى بتكون مع البى ام أف 30 او الفلفو الأس 60 و البيجو 508 و الأنسجنيا
واضح حتى ان اول ما حوار ال1600 ظهر الناس بدأت تقارن بالكرولا و السيراتو و العربيات التقليديه اوى لان خلاص مينفعش تقارن ببسات او بى ام او غيرهم مثلاً
الناس زمان كانوا بيدفعوا فلوس و اعتماديه و صيانات مخصوصه علشان يركب تربو لعربيتوا و ياخد الأداء ده و معندوش مشكله خالص و هو مستمتع
اعرف ناس كانوا كل اسبوعين تلاته عند ميكانيكى بى ام و عادى علشان يفضل راكب بى ام مع ان نفس الشخص كان ممكن يقلبها و يركب كرولا او النترا و خلاص و يبقى زيرو اعطال
و حتى اقتصادياً لا مقارنه فى توفير البنزين بين المواتير الtsi و العاديه
اخيراً الله اعلم بالغيب فى ايه , لو الفتيس محصلش فى حاجه مع الناس ان شاء الله رب العالمين هتكون الفرق الطبيعى بين التربو و ال1600 زى فرق الأسترا التربو و العاديه كده ايام ما كانت التربو بتنزل بس ده للى ساق و جرب و فاهم,
و ربنا يبارك للجميع فى عربياتهم و يسعدهم يا رب و يحفظهالهم لان فعلاً الجميع تعبان اوى فى الفلوس دى و الحمد لله.
يا فندم و الله انا فاهم حضرتك و عارف ان المفروض الفئه الطبيعيه بتاعت الأنسجنيا و كده هى الباسات
بس فى حاجه
الحجم بتاع الأكتافيا مع المواتير دى كمان بيرفعها شويه للفئه دى
يعنى مثلاً حضرتك ادخل اى رفيو بره مصر عن الكتافيا 3 هتلاقيهم كاتبين انها مقاربه اوى اوى من فئة الباسات بسبب المساحات و الحجم و مش محطوطه مع الفئه الأصغر بتاعت السيفيك و الكرولا و غيرهم
يعنى الخلاصه تقدر تقول هى فى النص مع انها اقرب شويه للأعلى من وجهة نظرى عن الأصغر و تقدر حضرتك تقعد فى الأكتافيا و تقعد فى الكرولا الجديده الى انا بعتبرها احسن اليبانى حالياً و شوف المقارنه و الأحساس.
يعني دلوقتي يا جماعة مواصفات a7 الجديدة هي هي القديمة عدا الموتور والفتيس بس ولا
يعنى فيه شحنه ١٦٠٠ اتسلمت ؟؟؟
ده يفسر ان عدد ال a7 مؤخرا فى الشارع زاد عن الاول و بقى ملحوظ ...
طبعا بكده مبيعات الفانتازيا ... حتكرر مع ال a7 ال ١٦٠٠ :)
تصرف سليم و واقعى من الوكيل ...
تحياتى ...
أنا شايف ان الموتور ١٦٠٠ هيرجع الانتشار تاني للاوكتافيا
وطبعا مهما كان اداء ال ١٤٠٠ افضل لكن يغور بمشاكلة
اغلبية ملاك الاوكتافيا من فئة عمرية لا تهتم بالشد والحرق
احلى خبر سمعته هو نزول a7 بالموتور والفتيس القديم !!!!!!!!!!!!!!!!!
مبروك لعشاق هذه السيارة
يا بهوات انا شايف انكم مكبرين الموضوع شوية
لييييييييييه؟
اولا موضوع dsg ممكن يكون سبب مهم في قرار الوكيل استيراد اكتافيا بالموتور القديم المحدث والفتيس الاعلي اعتمادية ستيبترونك 6 نقلات
لكن انا شايف ان من اهم اسباب القرار ده انه مش قادر يبيع في الشريحة السعرية اللي كانت فيها العربية (240-280 الف) وكان المنافسين المباشرين بيجو 508 - اسجنيا - استرا - جيتا - باسات خصوصا مع نزول فئة اولي من باسات ب 239 الف فقط يعني ارخص من اكتافيا (((وكملحوظة الحكاية دي عمرها محصلت ولا في اي دولة ان يكون في باسات ارخص من اكتافيا))) وده دليل قاطع علي جشع الوكيل
وبالتالي قرار النزول بالموتور والفتيس قرار اقتصادي بحت علشان ينزل بالمنافسة في الفئة السعرية الاقل (كرولا النترا سيراتو) ويلعب علي كلمة الماني وتشيكي
المهم:
انا مبحبش اتسرع في احكامي وحستني شوية علشان اقارن واحكم
واتاكد من بلد المنشا خصوصا ان الموديل ال 1600 ده مبيتعملش ال في الهند وروسيا
علي كل حال انا شايف ان a7 بالموتور والفتيس الاقدم حتكون اقل من الفانتازيا
ليه؟
ليه؟
لان الفانتازيا كانت مالتي لينك والاكتافيا الحالية تورشن بيم
وفي ظل ثبات الموتور والفتيس يبقي ايه الفرق؟؟؟
تحياتي
يا فندم الاسترا فى حجم الاكتافيا ازاي بس؟ و بعدين انا عموما بتكلم على المساحات الداخليه و الوسع اكتر من بره
و ممكن حضرتك تقولي الباسات و المونديو مثلا اكبر فى الحجم اد ايه؟
ممكن بردوا تبص بصه هنا
Skoda Octavia Hatchback Review | What Car?
ده الي لاقيتو في السريع بصراحه حاليا و شوف التارجت برايس تيم بيقول على الحجم ايه
ان العربيه مقاربه لحجم المونديو عن الفوكس و كده يعنى اكبر من السي سجمنت العاديه و ده قصدي
و عموما في النهايه ده مش بيت القصيد يعني انا بتكلم على باكجد كامله من عربيه و جوده و موتور كانت الناس طبيعي بتقارنها مع العربيات التربو و كده
حاليا بال١٦٠٠ خلاص بقت عاديه زى اي كرولا او سيراتو بس اجود فى الخامات و خلافه
بالنسبه للسعر زي ما بيقول الاخ موحا هى فعلا مرتفعة السعر عن المفروض بس طبعا ده لان التوكيل عارف ان في مميزات مش موجوده فى عربيات كتير تانيه زي الوسع و الشنطه و الارتفاع و نظام المعلومات مع ان قطع غيارها اظن ارخص من ال٥.٨ و الاوبل و الباسات
مع العلم انها كانت بتبداء من ٢٢٣ مش ٢٤٠ الف
بالنسبه للتعليق العام بتاع الموتور بتاع شد و حرق و ملوش لازمه و العربيه مش بتاعت شباب و كده هل الناس الي معايا هنا فوق الخمسين مثلا مجرد استفسار
انا شخصيا مواليد ١٩٨٢ و بسوق عادي شويه هادي و شويه جري من غير حرق ولا حاجه
احب اضيف بس ان الموتور الاقوى مش علشان الحرق و الشد
فايدة القوى علشان لما كل اسرتك تركب و تحمل شنط او تولع تكييف تلاقي موتور تحت رجلك يسعفك فى الطريق
انا كنت راكب يمكن من احسن مواتير ال١٦٠٠ فى السوق و كان مع الاسره و التكييف بتبقي بطه بلدي و بحرق فعلا على الغيارات علشان اجاري سرعه الطريق ولو شنط سفر كمان انسى
نفس السبب الي بيخلي اي حد يجيب ١٦٠٠ بدل ١٣٠٠ سي سي مثلا
نفس السبب للي بيجيب اس ٦٠٠ مرسيدس مثلا او ٣٢٠ بي ام مثلا مع ان ممكن ٣١٦ كفايه و يخلي الباقي علشان مسر و شكرا ؛)
انا شاب وبجرى وبحرق وامتلك a7 تربوووووووووووووووو
انا مش عارف فى حاجة بجد غريبة
اشتريت العربية التربو الشباب هنا فى النتدى هتخرب هتلبسها الفتيس ربنا يعينك قلت ربنا يستر
نزلت 1600 لقيت برده الى معاه هيلبسها واخر تغور واخر عجوز الى بيركبها
بجد حاجة غريبة هوه فيه ايه بس ياجماعة
احنا هنا ياجماعة مش منتدى سوق سيارات احنا شباب حابة تركب سيارات لعشق السيارة وليس للتجارة ولكن للافادة
والسؤال هل موتور ال1600 هيبقى مثل التربو
طيب هوه عزم السيارة والتقنية الاحدث مش شئ مهم عند اختيار السيارة
الى اشترى التربو الله يباركله والى هيشترى ال1600 ربنا يبارك له
الأوكتافيا:
طول : 4859
عرض : 1814
إرتفاع : 1462
الاسترا:
الطول : 4658
العرض : 1814
الإرتفاع 1500
الأسترا في نفس الحجم ويكاد يكونوا يالميللي.
لو حضرتك قصدك ان الموقع ده مدي الأوكتافيا خمس نجوم يعني فهو كان مدي المرسيدس سي كلاس نجمتين بس !!!!!!!!! فهو موقع ليس بمقياس نهائي.
فكل المجلات اللي بتكتب تقارير عن العربيات يكاد يكونوا كدابين وإحنا كنا ضحايا الكلام ده عشان الوالد قبل ميجيب الفولفو الs80 دخل عالنت برضه والمواقع دي وجابها علي اساس كلامهم وطلعت مقلب !!!!! كانوا بيقولو تنافس المرسيدس والبي أم و الحوارات دي وهي لا تعرف تنافس دي ولا دي ولا تقرب منهم حتي. وكانت أول عربية في تاريخنا تتباع في أقل من سنة.
الخلاصة إن الأوكتافيا عربية جميلة وممتازة بس الفكرة إن سعرها مش في محله ولا هي بتلعب في الفئة بتاعتها أصلاً, خصوصاً إن في منافسة شرسة عالفئة دي من أوبل وفولكس وفورد.
يا فندم انا متكلمتش على الخمس نجوم خالص
انا بتكلم على تعليق فريق الموقع الي بيرشح انهى احسن فئه من ناحية السعر من وجهة نظروا من فئات العربيه المختلفه و هما كاتبين انها اقرب حجما للمونديو من حجم الفوكس
بردوا نفس الكلام في مواقع اخرى زي pareker.co.uk
عموما انا باكد تاني انني انا و المواقع دي نقصد المساحات المتوفره داخليا
Leg room
Head room
Boot space
كل ده الاسترا لا تقارن بيه خالص اولا
ثانيا كل ده مقارب و ساعات اوسع من بعض العربيات المصنفه اعلى فى الفئه
كون العربيه فى مصر مبالغ شويه فى سعرها فده انا متفق معاه فعلا بس متنساش الاسترا التربو كانت سعرها ايه في مصر
و السيفيك الهاي لاين التركي بفوق ال٢٠٠ الف فبصراحه كل الاسعار استهبال رسمي
المفروض اننا احنا ئل نحدد عايزين أيه من العربيه ئل عايزين نركبها والموضوع كله تباديل وتوافيق وكل منا له أحتياجاته التي تختلف عن الأخرين حتي مع اتحاد الشكل فكل سلعه مباعه لها زبونها .
فيا ريت الكل يستمتع بأختياره لنفسة بدل ما الواحد وهوا بيشتري بيكون بيفكر في ئل هيشتريها بعديه .
معلش اوضح تانى و اعلق على اخر جزء من الكلام
نفس الى قولتوا من كام بوست
الموتور الاقوى مش للشد و الجرى بس والا كان كفايه اوى 1200 سى سى لاى عربيه
لما يبقى مع حضرتك الاسره فعلاً و مع تكييف و لو شنط فى الشنطه ال1600 بيكون بطه بلدى
فرق كبير اوى و انت معاك كل ما سبق و بتحاول تعدى ترلا مثلاً و لا بتهدى لمطب و تزود تانى لسرعه الطريق انك تتدوس عادى و تلاقى عزم على كل النقلات او انك تدوس جامد و تسقط نقلات علشان تجارى الطريق
انا بالهوندا كنت لما بعوز اجرى شويه غالباً بحرق ل6000 لفه مثلاً علشان احس بجرى و كده
بالأكتافيا فعلاً لا داعى لاكثر من 4000 او 4500 على اى نقله تكون 160 او كم180
ما شاء الله و لا قوه الا بالله
فالحرق بالعكس على الموتور الى مش قادر و الموتور التربو اوفر بكتيييييير فى البنزين كمان
و لكل واحد حرية الاختيار :)
و شكراً
كده انا فهمتك ومتفق معاك.
بس برضه حكاية السعر مبالغ فيها. الاسترا التيربو كانت أعلي حاجة في الاسترا و أخر سعر ليها كان 230 للسيدان و230500 للهاتش. بس موتورها 1600 تيربو 180 حصان و230 نيوتن من 2200-5500 RPM. وبتجيب ال0-100 في 7 ثواني. ممكن تخش عالyoutube تشوف التسارع بنفسك. ولو خدت بالك محدش إشتري الاسترا التيربو تقريباً, انا مشفتش غير إتنين لحد الأن.
سعر الأوكتافيا بينافس الباسات و الإنسيجنيا أول فئة. والإتنين أعلي من الأوكتافيا. طب إزاي هتنافس بالسعر ده ؟؟؟؟
الأسترا كانت من 0 الى 100 فى 8.9 ثانيه من كتالوج العربيه
و الأكتافيا فى 8 ثواثى علشان العزم اعلى و العربيه اخف و الدى اس جى
لا اختلف ان الأكتافيا غاليه صح و داخله قرب سعر الأنسجنيا مع ان فرق 20 الف مش قليل بردوا
و متنساش ان السيراتو وصلت لقرب ال200 الف جنيه يعنى بتمن او اغلى من الأسترا كوزمو
من احسن الأسعار فى مصر السيات الليون الجديده بصراحه
و اليبانى بردوا مبالغ فيه جداً
يعنى الكرولا ب 215 و حجز مش عارف 4 شهور ده طبيعى بردوا مقارنة بسعر الأنسجنيا و الباسات اول فئه؟
الكتالوج كاتب فعلاً 0-100 في 9 ثواني للتيربو.....بس عالفيديوهات وأرض الواقع في 7 بس.
و كان قايل إن العادية من 0-100 في 13.3 ثانية بس علي ارض الواقع في 11 بس.
مش عارف ليه الكتالوجات بتكتب تسارع مش حقيقي !!!!!!!.
هو لو دخلنا في موضوع التسارع فده شغلانة كبيرة....مثلا الأوكتافيا 250 نيوتن بس من 1500-3500 rpm بس...يعني بيمتد 2000 لفة بس بعد كده بيقل بعد ال3500 لفة.
الأسترا 230 نيوتن متر بس من 2200-5500 يعني بيمتد 3300 لفة, فده معناه إن ال250 نيوتن بتوع الأوكتافيا بيبقوا موجودين في الأول بعد كده بيقلوا....الاسترا موجودين متأخر شوية بس بيفضل معاك لحد الأخر, وده اللي مديها تسارع عالي وبالذات عالسرعات العالية. يعني مثلا من 100-200 الاسترا هتبقي اسرع من الأوكتافيا.
بس ده طبعاً كلام ملوش لازمة لأن محدش هيدفع فوق ال200 ألف جنيه في عربية عشان يلعب بيها.
الياباني طبعاً اسعاره فوق بطريقة غبية بس متنساش ان الياباني معاه سمعة الإعتمادية اللي بتفوق اي ألماني. فبيستغلوا ده عشان يرفعوا السعر.
هو يا فندم حضرتك بتتكلم على الأسترا بالموتور ال SIDI ولا الى كانت فى مصر بالموتور القديم؟
بص بردوا هنا على نتايج الدينو بتاع ال1400 الى فى الأكتافيا ال140 حصان
VW GOLF VII 1.4 TSI (122 Hp - 140 Hp) 2012 –›, dyno testing, performance auto
و بص هنا الباور بينزل اد ايه على كام ار بى ام و لاحظ ان الفعلى على الدينو وصل 271 NM
http://www.supersprint.com/public/fi...-serie-836.pdf
استأذنك فى فيديو بتاع استرا ستوك من 0 الى 100 فى 7 ثوانى :)