بغض النظر عن النقاشات الحادة اللي ممكن توصل الي تجريح الاعضاء لبعضهم اللي كنت اتمني ميكونش موجود في الشهر الكريم لأن في النهاية هي عربيات حديد في حديد و اللي بيبقي المعاملة الحسنة مبينا و بين بعض .
العضو الفاضل JapRulez مقلش حاجة مش صحيحة او تحامل علي السيارة و لو حضرتك بصيت علي ال JD Power فعلا مش هتلاقي ان السكودا موجودة في تقيمات السيارات الاكثر اعتمادية و بالمناسبة هتلاقي الفولكس فاجن في التقييم بس هتلاقيها تقييم اقل من المستوي المتوسط في الصناعة و ده كلام بالارقام و الاحصائات من مكان موثوق فيه تماما ال JD Power و الراجل مقالش حاجة غير كدة ولا قال انها مش ركوبة و لا مفيهاش متعة قيادة و لا اي شئ اخر.
2014 J.D. Power Vehicle Dependability Study Released – Cars Getting Less Reliable?
محدش عاب في السكودا ولا قال انها و حشة او مفيهاش متعة القيادة بالعكس حضرتك اللي تحاملت علي عربيات تانية وقلت انها تضربها 100 مرة و انها افضل من الكورولا الجديدة طبعا و ممكن تكون حضرتك فعلا مركبتش الكورولا او الهوندا و بتحكم عليها بمجرد السمع !!!
اتمني حضرتك تقولي السكودا افضل من الكورولا 100 مرة ازاي بنقاش موضوعي مبني علي واقع و تجربة و بالمناسبة انا حافظ العربيتين و جربتهم بنفسي و عامل مقارنات مبينهم تفصيلية :)
هستني حضرتك توضحلي ازاي السكودا افصل 100 مرة
تحياتي لحضراتكم و سعيد جدا بالنقاش المتحضر البناء ,
و كل سنة و حضراتكم طيبين