من ناحية تنافس، فهى حتنافس. موتور الأوكتافيا التربو جامد برضو خصوصا مع الفتيس الdsg
المحركين عامة قريبين من بعض أوى.
لكن الإنسيجنيا فئة أعلى بلا شك وفى رأيى اشيك والأهم تستاهل ثمنها، لأن الأوكتافيا مغالى فى سعرها وخاصة 1.4
عرض للطباعة
تنافس ازاى والماتور 1400 والتاني 1600 استحالة تشد معاها فالاخر ف فرق 30 حصان وف فرق سعة ماتور
يبقى ازاى تنافس فالسرعة ؟
الأوكتافيا 1.4 بيطلع عزم 250 نيوتن عند 1500 حتى 3500 rpm
الإنسيجنيا 1.6 بيطلع عزم 260 نيوتن عند 1650 حتى 4250 rpm
ازاى بقى الأوكتافيا حتعوض الفرق ده
اقول لك.....
أولاً هى أخف فى الوزن تقريبا 200/250 كيلوجرام
ثانياً وثالثا ورابعا الفتيس الDSG أسرع كتير الصراحة عن الفتيس الاوتو العادى بتاع الإنسيجنيا
وده خلى الأوكتافيا على الورق تجيب من زيرو الى 100 حوالى ثانية اسرع من الإنسيجنيا. إنما السرعة القصوى فى صالح الإنسيجنيا بسبب القدرة الحصانية ومجال عمل التربو الأكبر
الى بيحدد قوة التسارع هو العزم مع وزن العربيه و ده فى صالح الأكتافيا لانها اخف و فارقه 10 نيوتن متر بس عن الأوبل
تانى حاجه فعلاً الفتيس علشان مانيول اساسا اسرع بكتير فى النقلات و مش بيضيع عزم من الى رايح للعجل عكس فتيس ال Tourqe converter التقليدى الى فى الأوبل
تمام يعنى ع السرعات العالية وفقا لكلامكم الانسيجنيا تكسب هتجيب 240 مستريح اما الاوكتافيا اخرها مثلا 220 مظبوط كده ؟وانما كبادء تسارع فالاوكتافيا هتطلع منها فقط فالبداية
بالنسبة للاوبشن قليل ع 190 الف ج ؟؟!!!
انا بصيت ع الدركسيون مفهوش مالتي وصغير قوي ولا فيها مخدع
معلش انا عايز اعرف الناس اللي بتدفع 190 الف ف عربية فاضية بالمنظر ده هل بيدفعوا عشان الماتور ابو 110 حصان ولا بيدفعوا عشان خاطر اسم سكودا وانه لو فكر يبيع يلاقي اللي يشترى ولا عشان اى حد يقدر يتعامل ف صيانتها وانها مش معقدة ميكانيكيا ؟؟؟
ع مااعتقد من وجهة نظري بالماتور mpi 110 اللي هينافسها الاسترا والكورولا والفولينس والامبريزا صح كلامى ولا ؟؟؟