يا جماعه لو سمحتوا هتجنن خلاص وبقالى 3 شهور محتار معايا 86000 وقدامى لانسر 2008 بومه ايرباج واى بى اس اوتوماتيك وقدامى النترا 2008 اوتو .. الاتنين على 86000 ..اشترى اييييييييييييييييييييييه
عرض للطباعة
يا جماعه لو سمحتوا هتجنن خلاص وبقالى 3 شهور محتار معايا 86000 وقدامى لانسر 2008 بومه ايرباج واى بى اس اوتوماتيك وقدامى النترا 2008 اوتو .. الاتنين على 86000 ..اشترى اييييييييييييييييييييييه
النترا
طب ممكن تقولى يا شيكو مميزات الالنترا عن اللانسر فى ايه؟؟
شوف الحاله الاول وثانيا خليك نجم وقول لاصحاب العربيه اجربهم والي ترتاح فيها اتوكل علي الله .
ملحوظه عامه العربيتين دول بزات ماسكين فلوس بزياده اوي يعني الانسر كانت ب118 زيرو بقيت 130 وده بيعمل عائد علي المستعمل انا شايف تبعد عن الموديلن دول خالص لاني حاسس في يوم مش هتلاقي الفلوس دي وعلي العموم في بدائل تاني وممتازه زي الاوبترا عربيه ممتازه وهتلاقي بالسعر ده موديلات 2010 بره وجوه زيرو ولييك كامل الحريه واتمنالك كل توفيق
Akid lancer puma .. the best in this range ..
بص تقريبا الــ 2 زى بعض فكل حاجه البومه تزيد شويه فالثبات + الـ abs + airbag بس و الألنترا نعومه و سواقه مريحه و ممتعه
فالأخر المسأله كلها اذواق و انا لو مكانك اختار النترا و مش شرط يكون ده الأختيار الأفضل بس مش كل حاجه بالحسابات
اهم حاجه حالة العربيتين ايه ؟
الانترا 2008 اوتو ماشيه 55000 ورشه جابين نظافه فابريقه جوه وبره معادا الجانبين
اللانسر 1600 2008 فيها ماشيه 80000 رشه جانبين نظافه
الاتنين أحسن من بعض لكن الانترا اللعب فيها أقل من لانسر. فيه لانسر كتير ملحوم و ملعوب في اساسه.
انا الصراحه بحب النترا عن اللانسر وبحسها افخم منها بكتير
اختار الحاله الانضف الكم الاقل الصيانات تكون فى التوكيل اللى مش محتاجه مصاريف
فى الاخر اللى ترتاحلها
طبعا اهم حاجه الاستخاره و بنا يوفقك
لانسر
النترا أحسن
طب انا كده احتارت اكتر يا شباب تقريبا كده النص بالنص بين اللانسر والالنترا
الانترا اشيك و اقل انتشار و جرااية
بس خفيفة شوية
العربيتين حلويين و معروفين
اللي تعجيك اشتريها
لو انا هاخد الالنتراا
أولا سعر 86 ألف علي العربيتين .. كتير شويه بما إنهم موديل 2008
انا معايا الإلنترا ونفس الموديل .. والبومة كعادة شعب مصر كله ركبها او إمتلكها .. فهديك رأيي بدون تحيز
الإلنترا :
-- صاروخ جري .. عفشه ناعمه جدا .. إقتصاديه واعتماديه .. شكلها أشيك (رأي شخصي واذواااق)
-- بتهبط من الخلف لو محمل 3 عالكنبه اللي ورا .. تفتقد الي عوامل الأمان ... ثباتها ضعيف علي السرعات فوق الـ 140 .
البومة:
- إعتمادية وإقتصادية - أكثر ثباتا علي السرعات العالية - تتميز بعوامل أمان أكثر من الإلنترا.
-- ليست لها عيوب قوية تذكر غير إنها عربية مملة ههههه :) :)
لو مشاويرك معظمها داخل المدينه وسواقتك عاقلة هات الإلنترا.
لو بتسافر كتير وعوامل الأمان شئ اساسي بالنسبالك هات البومة.
أتمنالك التوفيق.
بص اميل للانســر
بس المشكلة ان قلقان تاخد عربية مش سليمة
خصوصا انهم كتيررر
هات الحاله الافضل و لو الاتنين متساوين هات الالنترا اوسع و اسرع و انعم
هو ممكن سؤال رفيع و اقتراح اتخن شوية ؟
انا مستحرم مبلغ زى ده فى عربية مستعملة و الله اعلم باللى فيها
ماتفكر تدفعهم مقدمه لعربية زيرو و باقى الاقساط هايكون بسيط
بص النترا لمليون سبب :
1- الألنترا اوفر فى مصاريف التشغيل و قطع الغيار و الصيانه
2- اوفر كتييييييييير فى استهلاك البنزين و اسأل اللى معاه لانسر هيعيط و يقولك بتسحب كتير فى 1600
3- الألنترا باور كهرباء يعنى مفيش حمل على الموتور و دا توفير فى الأستلاك بالنسبه للبنزين و التكييف ممتاز بردو بس على عكس كدا فى اللانسر لما تلف الباور و انت واقف تحس الموتور مكلبش و بيبذل مجهود
4- النترا تصميم و عربيه اتعملت بعد تصميم شاسيه البوما ب 5 سنين و 5 سنين فى عامل السيارات اجيال بتظهر و اجيال بتختفى
5- الألنترا اوسع و افخم و تصميمها عصرى اكتر من البوما و احكم بعينك
6- انت اللى هتركب بس البوما مبقتش زى زمان لأنها تصميم 2001 و احنا فى 2014
الألنترا 2006 يعنى بالعقل الفرق باين
7- سعر اعادة بيع الهيونداى افضل درجتين من اللانسر
و ربنا يوفقك للخير ان شاء الله