طبعاً في إيداع من الـ atm في البنك الأهلي بس مش فكل الماكينات. بس هتلاقي الماكينات دي موجودة فحتت كتير وطبعاً الماكينات الموجودة في الفروع نفسها بتدعم الإيداع.
عرض للطباعة
آه ماكينات البنك الأهلي فيها إيداع وأنا شفت ده بنفسي
كده بنسبة كبيرة يبقى الاهلى ان شاء الله، بس هل اقدر اودع واسحب وانا بره مصر من الحساب الجاري ولا لا؟
Iban هو رقم تعريفي دولي لكل رقم حساب لك لا يتكرر فى اي بنك فى العالم - عشان يمنعول غسيل الأموال و عشان يعرفوا البنك و الفرع و تفاصيل العميل
مش كل الدول بتشتغل بيه و مش كل البنوك فى الدول بتشتغل بيه - و اللى مش شغال بيه بيبقى بالتحويل السويفت العادي تكتب كود البنك و بيانات العميل و خلاص
البنك الأهلي مشكلته انه دايما زحمة زحمة زحممممة و أعتقد ان الانترنت بانكنج مش زي ال cib أو ال hsbc
ياريت لو حد عارف فروع مش زحمة يدلينى عليها سواء فى المعادى او المعادي الجديدة او التجمع او اي حتة
بنوك مصر مش شغالة بالـ IBAN
مصر شغالة بالـ Swift Code وده بيطلب بس في الشيكات والتحويل البنكي Wire transfer
أول مرة أسمع انو بيطلب عند السحب بالـ ATM ثانيا الـ IBAN ده رقم طويل جدا ييجي 20 رقم معقول هيطلبو منو وهو بيسحب من الـ ATM أكيد لأ طبعاً.
أعتقد انك ممكن تسحب عادي من أي بنك في العالم والتحويل بيتم فوراً وبيخرجلك الفلوس بعملة البلد اللي انت فيها بعد تحويلها طبقا لسعر العملة وقت السحب بس بيبقى فيه عمولة عالية لأنه يعتبر تحويل دولي.
بس للعلم بصراحة أنا مجربتش أسحب بكارد البنك الأهلي برة مصر بس جربت أسحب بكارد لحساب ليا فأمريكا من الـ ATMs اللي في مصر وشغالة عادي جداً.