الارتقاء بنوع زيت الموتور

**Islam_galal** · 16-07-2007 10:27 AM

السلام عليكم

لدي معلومة ارجو ان تفيدكم فقد لاحظت اسئلة كتير علي زيت الموتور و كل واحد نفسه يعمل احسن حاجة

اولا: الزيوت من الشركات العالميه زي موبيل ، اسو ، كالتكس ، شل ، ... لها درجات زي تعبرعن المواصفة العلمية مثلا oil 5w-40 و ده المهم

نفس المواصفه ايا كان الاسم التجاري تؤدي الي نفس الاداء ولو فيه زيت سمعته ساءت كما يقال حاليا عن mobil xhp & mobil 1 فذلك لعدم ثبات الجودة في المصنع انما المواصفة الاساسية واحدة و بالتالي الاختيار الافضل ان يتم علي اساس السمعه الحاليه.
و علي اساس السعر الارخص و هذا للشركات العالميه فقط - المصري لأ (مصر للبترول - الجمعيه التعاونية ....)

ثانيا: الارتقاء بنوع الزيت من زيت عادي الي زيت تخليقي بعد ان يكون المحرك عمل لفترة علي الزيت العادي عادة ما يؤدي الي ان المحرك يخف شويه و يدخن و ذلك لأن الزيوت العادية (مكونة من hydrocarpons) مع الوقت تكون طبقة علي مكونات المحرك و بالتالي الخلوصات تتغيرمع الوقت و عند استخدام زيت تخليقي بعد ذلك (مكون من مواد كيماوية) تذوب هذه الطبقة و الخلوصات تصبح اوسع و تسمح باختلاط الزيت بعملية الحتراق

سأحاول في الفترة القادمة توضيح معاني مواصفة زيت علميه و وضع المقابلات من الزيوت لكل الشركات العالمية

**mohamedfadel** · 16-07-2007 12:39 PM

شكرا جزيلا علي هذا الموضوع الشيق جدا و نتمني ان تكمله لكي تعم الفائدة

**معاذ الشرباصى** · 16-07-2007 11:31 PM

طيب, دلوقت انا بستعمل موبيل 1 فى عربية بولو 99

و الموتور عامل 200 الف كيلو ما شاء الله

فى ناس بتقولى كفاية تخليقى, و استعمل العادى

هل ده صحيح؟

انا مستريح مع الزيت التخليقى عامة ايا كان نوعه, لكن هل الاصح انى استعمل التانى؟

**khalid_adel** · 17-07-2007 02:08 AM

والله لو الموتور بتاعك لسه كويس خلاص خليك في موبيل 1 احسن من العادي
انا بسمع وشفت ان اللي بيغير للزيت العادي ده اللي موتور عربيته خف اوي ومحتاج نص عمره (وش سلندر او جوانات ) وده لان الزيت العادي لزج اوي وتقيل فبيعمل طبقه جوا الموتور وبيظبطه شويه ( علاج مؤقت يعني )

**Hossam_Hassan** · 17-07-2007 11:29 AM

هوه الشل الأصفر تخليقى و لا عادى؟

**عبدالرحمن** · 17-07-2007 12:24 PM

انا اللى اعرفة فى موضوع الزيوت دة ان الزيوت المعدنية افضل بكثير من الزيوت التخليقية !

بس مين معدنى ومين تخليقى فى السوق للاسف معرفش !!

**Islam_galal** · 17-07-2007 12:47 PM

السلام عليكم

الزيوت النخليقية أفضل بكثير من الزيوت المعدنيه من حيث اداء المحرك و لكنها اسوء بيئيا
هناك دراسة قديمة لا أذكر الأرقام بالضبط و لكن تقريبا لو سيارة زيرو مشت 200000 كم بزيت موبيل 1 فتكون حالة الموتور كما لو كان مشي 2000 كم بزيت موبيل XHP

المهم طالما الزيت التخليقي شغال من البداية فمفيش مشكلة و لكن لو الموتور اتعملتله عمرة او نصف عمرة فأعتقد الأفضل استخدام زيوت معدنيه

**h_hezzah** · 17-07-2007 01:32 PM

المشاركة الأصلية كتبت بواسطة عبدالرحمن

بس مين معدنى ومين تخليقى فى السوق للاسف معرفش !!

ببساطة اعرفها من سعر الزيت.
التخليقى اقل حاجة ب175 والمعدنى مابيزدش عن 80
بس التخليقى يعيش فى الموتور كذا مرة قد المعدنى. مشكلته الوحيدة عندنا ان التراب عالى فبيتوسخ بسرعة، وده اللى بيخلى الناس تغيره كل 10 الاف.

انا اعرف ان فيه عربيات بتوصى بتغير الزيت لفترات تصل ل30 الف. بس طبعا الجو عندهم يسمح بكده.

المهم التخليقى اللى اعرفهم هنا هما: Mobil 1, Shell Helix Ultra, Total Quartz 9000 وفيه كالتكس وامارات بس ماعرفش اسمهم ايه.

وفيه Shell Helix Plus ده شبه تخليقى (متسألنيش يعنى ايه غالبا خلطوا شوية تخليقى على شوية معدنى :lol: )

**Hossam_Hassan** · 17-07-2007 03:07 PM

طيب لو عربية لانوس 99 عاملة 170000 كم بس الموتور حالته كويسة، استعملها عادى و لا تخليقى؟

الموضوع: الارتقاء بنوع زيت الموتور

LinkBack

أدوات الموضوع

عرض

-

-

-

-

المواضيع المتشابهه

حملة الارتقاء بمنتدى السوزوكي... طفح الكيل

محتاج رأيكو ياجماعة بنوع الكويتش للسيراتو....؟؟؟؟

هل يتاثر الماتور بنوع الزيت لوسمحتم النصيحة؟

Bmw E30 الارتقاء ميكانيكياً لتوفير أداء خارق.!

هل ممكن أغير الطنابير بنوع آخر ؟

الكلمات الدلالية لهذا الموضوع

المفضلات

المفضلات

ضوابط المشاركة