تحذير واجب من الأندرويد !!

**ahmedfouad** · 23-05-2014 03:07 AM

السلام عليكم ورحمة الله وبركاته

تعمل بعض اجهزة التليفون المحمول بنظام الاندرويد
ومن ضمن متطلبات التشغيل عند تشغيل التليفون لاول مرة
ان يكون ليك حساب على ال Gmail
وغالباً بنعمل الحساب ده عبارة عن باسورد + يوزرنيم
لحد كدة مفيش مشكلة

امال ايه المشكلة ؟
المشكلة انى لما دخلت من على الكمبيوتر على حسابى فى جوجل (Gmail)
لاقيت كل الصور والفيديوهات اللى مصورها بالتليفون المحمول
موجودة على صفحتى الشخصية على حساب جوجل بتاعى
بالنسبة لى كانت صدمة بصراحة
وده حصل لان فى خاصية فى التليفون
اسمها التزامن الالى (Auto Sync)
موجودة فى قائمة (ِِAccounts and sync setting)
ودى مهمتها تحديث بياناتك على حساب جوجل بتاعك
بمجرد ما تغير اى معلومات على التليفون
او تنزل اى صورة او تضيف اى رقم تليفون ..
تتعدل فوراً طبقاً للموجودة على التليفون اول باول
ولتجنب ده الغى خاصية التحديث الالى دى
بحذف علامة الصح اللى عليها فى الاعدادات

هى مش معمولة للتجسس
هى معمولة علشان لو فقدت التليفون او ضاع
ممكن تسترجع صورك وارقامك وبياناتك
تقدر تقول يبقى عندك نسخة احتياطية من ملفاتك وارقامك وصورك
بس انا مش بحب ده بصراحة
الهدف من الموضوع
تنبيه الشباب هنا لانى اتصدمت لما لاقيت صورى وصور الاولاد على جوجل
وانا مش عارف مين ممكن يخترق حسابى ده !!

**automea** · 23-05-2014 11:19 AM

ربك ستااااااااااااار :)

**K.Ossama** · 23-05-2014 11:40 AM

بعد ما الأندرويد بيطلب بيانات google account أول مرة، بيسأل برضو على خاصية الsync and backup.

**adelghanem** · 23-05-2014 01:16 PM

طيب ممكن الغاء هذه الخاصيه؟

**د.محمود صلاح** · 23-05-2014 02:53 PM

auto camera upload
بيعمل كده ال
google plus
dropbox
copy
وطبعا كله بيتلغي في الخيارات

**FAR!D** · 13-06-2014 02:11 PM

وعندك كمان ارقامك بالكامل مع جوجل و مكانك
و الواتس و الفيس و الفايبر و إلخ كل دول معاهم نسخه من ارقامك
لو عايز الدقه و انت بتثبت تطبيق بص في صلاحياته و حتعرف انك مخترق اد ايه

**ibrahim sallam** · 14-06-2014 01:23 PM

فيه مزامنة gmail

وتحتها المزامنه التلقائيه متوقفه المس للتشغيل وامام مربع ومش عليه علامة صح

اللي انا فهمته ان انا لو علمت صح على المربع بكده ممكن ينشر اي حاجه على الفون زي ما حصل على حضرتك

ولا انا كده فهمت غلط؟

طيب تقولنا الاعدادات علشان نتلاشى مثل هذا

عندي بالعربي