اى حد اشترى حاجه من الخليج . هل فى جمارك على الكاميرات؟؟؟؟

**iwantes350** · 23-05-2014 03:21 AM

السلام عليكم ورحمه الله وبركاته

انا ان شاء الله هشترى nikon d5200 من السعوديه وفرق السعر بينها وبين مصر 1000 جنيه
دلوقتى قريبي هيشتريها من هناك وهايجبهالى مصر هل هيدفع جمارك وهو داخل بيها ولا لآ او اى مصاريف تانى معلش انا مستعجل عشان بصراحه لو هيدفع جمارك اشتريها من هنا وخلاص بس ب5250 جنيه

والله حاجه تقرف بجد الجمارك دى .. ربنا يصبرنا

**svneleven** · 23-05-2014 07:43 AM

خليه يفتح الكاميرا و يطلعها من العلبة بتاعتها و يحطها في الجراب و يخلي العلبة فاضية يعني يعمل أنها استعمال شخصي بتاعته عشان ما حدش يرخم عليه و علي فكرة ممكن ما حدش يكلمه أساسا لكن الاحتياط واجب.

**محمد مجدى** · 23-05-2014 10:44 AM

لا ياباشا دى تعتبر استخدام شخصى ؛ لكن لو بعتهالك بالبريد يبقى تخلى بالك وتنبه عليه انه يشيل الفاتورة احسن تدفع مبلغ محترم زى ماحصل معايا

**amrezzat82** · 23-05-2014 10:52 AM

باشا أتأكد ان ليها ضمان معترف بيها فى مصر - عشان لو حصل حاجة لا قدر الله تعرف تصلحها او ترجعها و إلا يبقى انت معملتش اي حاجة و الفرق راح على الفاضي
و على فكرة لازم تخليها مفتوحة و فى شنطة ايدك و مش بالعلبة بتاعتها عشان تبقى مستعملة فعلا شخصي

**KemozTanta** · 23-05-2014 11:51 AM

المشاركة الأصلية كتبت بواسطة svneleven

خليه يفتح الكاميرا و يطلعها من العلبة بتاعتها و يحطها في الجراب و يخلي العلبة فاضية يعني يعمل أنها استعمال شخصي بتاعته عشان ما حدش يرخم عليه و علي فكرة ممكن ما حدش يكلمه أساسا لكن الاحتياط واجب.

بالظبط كدا ، ناس كتير بتعمل الموضوع دا في موبايلات و برفانات ، وعشان ع الاقل متتسرقش من عمال الشنط ! ممكن حد يفتح العلبة ويسرق الكاميرا او الموبايل ويسيب العلبة زي ماهي وحصلت مع ناس اعرفهم.
وبالنسبة للجمارك هيعدية اصله راجع مش معاه 4 ولا 5 كاميرات
ليها اصدقاء بينزلوا بلاب واتنين وثلاثه وبيعدوا بيهم مفيش مشكلة.. لكن الكمية المبالغ فيها عن الاستخدام الشخصي طبعا هتقف وتتجمرك

**Secret-Man** · 23-05-2014 12:58 PM

نصيحه اشترى Nikon D5300 وقارن بينهم فرق شاسع والسعر مش فارق كتير

**حسام الغرباوي** · 23-05-2014 02:12 PM

عادي جدا حتي لو دخلها بالعلبة مفيش اي مشكلة لانها تدخل ضمن سلع الاستخدام الشخصي ومحدش يقدر يفتح بوقة معاه

**Batman372** · 23-05-2014 04:55 PM

مفيش اى مشكله حتى لو بالعلبه و مبرشمه لسه لم تفتح ...
الكلام ده للكاميرات بجميع انواعها و العدسات و الموبايلات و اللاب توب و الباد ...
اكتر من جهازين من نفس النوعيه ... ممكن الجمرك يغلس ... غير كده يعتبر استخدام شخصى حتى لو جديد ...
تحياتى ...