يبارك لك ربنا ياللى تساعدنى

السلام عليكم
مش عارفة ابتدى ازاى بس خلاص انا جبت اخرى والله ابتديت اكلم نفسى وكرهت اليوم اللى قلت اجيب عربية فيه:36_1_31:دوخة وبهدله وفلوس وكله على الفاضى
كان حلم عمرى اجيب عربية فيورا وكنت مقتنعه بيها جدااااااا ولما جبتها كرهت نفسى وكرهتها

انا بصراحه اخطات لانى اشترتها غميضى لانها من واحد معرفه وقلت مش معقوله ح تكون الحاله كده
بس هى للامانه قعدت معايا اسبوع تقريبا كويسه وبعدين ابتدت الحوارات من بطارية وقفت وتغيير بوجيهات ماشى دى حاجات بسيطه بس وقفت البطاريه تانى بعدها بكام يوم ثم ابتدى المشوار من اول ما غيرت محطة البنزين
وعنها العربية بقت مش بتسحب على المطلع قالوا احتمال بنزين مخلوط وبعدها غيرى ديسك واسطوانه بعدهم معلقه الفتيس اتكسرت بعدها بوجيهات سن قصير وطقم كهرباء وسلك الكهرباء
فلتر بنزين ورداخ بنزين كهرباء
العجل شيع :018a1d~146: كمان كاوتشة الكوبلن متقطعه والشحم خرج منها
وطبعا الفاصل بين كل حاجه البطاريه تفصل واجرى ياواد اشحن البطارية
وللعلم البطارية جديدة وجبت لها بطارية تانية برده هو يوم واحد مش دورتها البطارية راحت
وكهربائى نصاب منه لله غيرلها المايه مع انها مش كملت شهر
اخرحاجه بقى كهربائى جديد قال محتاجه دينامو جديد استعمال
ملحوظه والله العظيم العربية كل ده جرى لها وهى واقفة مكانها لمدة شهر ونص يادوب خرجت
مشوار واحد خفيييييف جدا نقول نص ساعه

السؤال دلوقتى انا اعمل ايه اغير الدينامو فعلا ولا اروح لحد يشوف الكتاوت دى ويعمله صيانه
واشترى كبلن جديد ولا اغير الكاوتشة بس

وخصوصا ان العربية محتاجه شغل فى العفشة لانى اكتشفت بعد ما اشترتها ان الشاسيه مفتوح وملحوم بورده ده كلام الاساتذه الفنيين طبعا:00020191: كل واحد منهم يقول لى معلش يا استاذه متزعليش منى ح اقولك ..... ويفحمنى باللى اكتشفه

اه يانى

ومعلش باعتذر على الاطاله وشاكره جدا لاى ردود

كلها حاجات بسيطة
انتى محتاجة كهربائى محترم وعنده ضمير مش اكتر

بالنسبة للكوبلن هيتكشف عليه ولو كويس الكاوتشة هتتغير
بالنسبة للبطاريتين تقريباً عندك مشكلة فى دائرة الشحن
اما الشاسيه فمحتاجة سمكرى
والبوجيهات مين قالك ركبى سن قصير ؟
هل العربية بتقطع لما بتركبى السن الطويل ؟
بمعنى هل البوجيهات بيجى عليها زيت ؟
لو بيجى عليها زيت يبقى الموتور خفيف
وربنا معاكى
ولو عاوزة تستفسرى عن اى شئ اتفضلى

ربنا معاك وان شاء الله يرزقك خيرا منها

معلش هو ده العادى بتاع المستعمل بشدة لازم ايدك فى العربية على طول ومع الوقت هيبقى عندك خبرة ممتازة فى العربيات وربنا يرزقك باحسن منها

اقتباس:

---

المشاركة الأصلية كتبت بواسطة ahmedfouad

كلها حاجات بسيطة
انتى محتاجة كهربائى محترم وعنده ضمير مش اكتر

بالنسبة للكوبلن هيتكشف عليه ولو كويس الكاوتشة هتتغير
بالنسبة للبطاريتين تقريباً عندك مشكلة فى دائرة الشحن
اما الشاسيه فمحتاجة سمكرى
والبوجيهات مين قالك ركبى سن قصير ؟
هل العربية بتقطع لما بتركبى السن الطويل ؟
بمعنى هل البوجيهات بيجى عليها زيت ؟
لو بيجى عليها زيت يبقى الموتور خفيف
وربنا معاكى
ولو عاوزة تستفسرى عن اى شئ اتفضلى

---

ربنا يبارك لك اشكرك على الرد بس هى دى فعلا المشكله الاقى فين المحترم اللى عنده ضمير ؟؟؟
هو فعلا العربيه من البداية كانت بتنتش وعلشان كده غيرنا البوجيهات للسن القصير ولو انها افتكر حل مؤقت وفعلا الميكانيكى الاخير قالى ان الموتور خفيف سنه بسيطه بس يستحمل وبعدين يبقى نغير طقم شنابر

ودائرة الشحن دى اللى انا مش فاهماها يعنى انا لو غيرت الدينامو ح تتحل ولا هو اساسا التوصيلات نفسها فيها تسريب كهرباء ومش موضوع دينامو

ولازم اشترى دينامو ولا ممكن نشتغل فيه صيانه بس مؤقتا لحد ما افهم المشكله فين بالضبط لانى لما بسال قالوا لى تغيرى الدينامو لما يتحرق خالص

ربنا يبارك لك معلش بتعبك معايا

اقتباس:

---

المشاركة الأصلية كتبت بواسطة automea

ربنا معاك وان شاء الله يرزقك خيرا منها

---

يارب يرزقنا جميعا الخير

اقتباس:

---

المشاركة الأصلية كتبت بواسطة ahmedsrs

معلش هو ده العادى بتاع المستعمل بشدة لازم ايدك فى العربية على طول ومع الوقت هيبقى عندك خبرة ممتازة فى العربيات وربنا يرزقك باحسن منها

---

الحمدلله على كل حال انا فعلا اتعلمت كتييييييييييير

اقتباس:

---

المشاركة الأصلية كتبت بواسطة pioustoallah

السلام عليكم
وعليكم السلام ورحمة الله وبركاته
مش عارفة ابتدى ازاى بس خلاص انا جبت اخرى والله ابتديت اكلم نفسى وكرهت اليوم اللى قلت اجيب عربية فيه:36_1_31:دوخة وبهدله وفلوس وكله على الفاضى
كان حلم عمرى اجيب عربية فيورا وكنت مقتنعه بيها جدااااااا ولما جبتها كرهت نفسى وكرهتها
انا بصراحه اخطات لانى اشترتها غميضى لانها من واحد معرفه وقلت مش معقوله ح تكون الحاله
حضرتك غلطانه فعلا بس الحمد لله
بس هى للامانه قعدت معايا اسبوع تقريبا كويسه وبعدين ابتدت الحوارات من بطارية وقفت وتغيير بوجيهات ماشى دى حاجات بسيطه بس وقفت البطاريه تانى بعدها بكام يوم ثم ابتدى المشوار من اول ما غيرت محطة البنزين
وعنها العربية بقت مش بتسحب على المطلع قالوا احتمال بنزين مخلوط
كان بيحط بنزين كام و حضرتك بتحطى بنزين كام ؟؟
لان لو بيحط 80 ليها ظبط كهرباء و الــ 92 ليه ظبط تانى
بعدها غيرىت ديسك واسطوانه بعدهم معلقه الفتيس اتكسرت بعدها بوجيهات سن قصير وطقم كهرباء وسلك الكهرباء فلتر بنزين ورداخ بنزين كهرباء
العجل شيع :018a1d~146: كمان كاوتشة الكوبلن متقطعه والشحم خرج منها
ده العادى فعربيه مستعمله بقالها 20 سنه او اكتر و كان لازم حضرتك تعملى حسابك ان كل الحاجات دى هتتغير كده كده
وطبعا الفاصل بين كل حاجه البطاريه تفصل واجرى ياواد اشحن البطارية
وللعلم البطارية جديدة وجبت لها بطارية تانية برده هو يوم واحد مش دورتها البطارية راحت
وكهربائى نصاب منه لله غيرلها المايه مع انها مش كملت شهر
اخر حاجه بقى كهربائى جديد قال محتاجه دينامو جديد استعمال
دائره الشحن هى اللى فيها مشكله مش البطاريه - غيرى الدينامو و ان شاء الله المشكله هتتحل
ملحوظه والله العظيم العربية كل ده جرى لها وهى واقفة مكانها لمدة شهر ونص يادوب خرجت
مشوار واحد خفيييييف جدا نقول نص ساعه
معلش, الحمد لله ربنا ستر محدش يعرف كان ممكن يحصل لحضرتك ايه لو خرجتى مشوار بالعربيه و هى بالحاله دى, صح ؟؟

السؤال دلوقتى انا اعمل ايه اغير الدينامو فعلا ولا اروح لحد يشوف الكتاوت دى ويعمله صيانه
واشترى كبلن جديد ولا اغير الكاوتشة بس
انا شايف ان الكهربائى التانى بيفهم عن الأول, غيرى الدينامو و خليه يكشف على دائره الكهرباء كلها
اشترى كبلن جديد اضمن
وخصوصا ان العربية محتاجه شغل فى العفشة لانى اكتشفت بعد ما اشترتها ان الشاسيه مفتوح وملحوم بورده ده كلام الاساتذه الفنيين طبعا:00020191: كل واحد منهم يقول لى معلش يا استاذه متزعليش منى ح اقولك ..... ويفحمنى باللى اكتشفه
موضوع منتشر فعلا فيها و فالـــ 128
اه يانى
ممكن اعرف العربيه موديل كام و بكام ؟؟
ومعلش باعتذر على الاطاله وشاكره جدا لاى ردود

---

محتاجه حد قريبك يكون بيفهم في العربيات يتعامل مع الصنايعيه
مبدئيا علشان ماتتعبيش نفسك وترمي فلوسك علي الارض
لاءن كل صنايعيه مصر حراميه ونصابين
بما ان حضرتك سيده هاتكوني فرصه ليهم للاستغلال
والعربيه مش هاتشتغل كويس لحد ما تكرهيها

افضل حل انك تبيعى العربيه علشان فتحت بقها بطريقه غبيه جدا وشوفى حاله تكون نظيفه عن كده
مع ان الفيورا تعتبر من اقل العربيات القديمه اعطال ومشاكل بس اللى معاكى دى شكلها هلكانه خالص

اقتباس:

---

المشاركة الأصلية كتبت بواسطة pioustoallah

ربنا يبارك لك اشكرك على الرد بس هى دى فعلا المشكله الاقى فين المحترم اللى عنده ضمير ؟؟؟

حضرتك منين ؟ لو قريبة من مدينة نصر فى رضا الكهربائى فى الحى السابع ممتاز

هو فعلا العربيه من البداية كانت بتنتش وعلشان كده غيرنا البوجيهات للسن القصير ولو انها افتكر حل مؤقت وفعلا الميكانيكى الاخير قالى ان الموتور خفيف سنه بسيطه بس يستحمل وبعدين يبقى نغير طقم شنابر

اساليه لو محتاج تركبى (كراسى للبوجيهات)
وهى عبارة عن قاعدة نحاس
البوجيه بيتربط فيها قبل ما يتركب فى الموتور
(تقدرى تقولى وسيط بين البوجيه والموتور )
ومفتوحة من تحت بس الفتحة مخرمة زى الشبكة كدة
علشان تعمل حاجتين
اولا
تخلى خليط الوقود والهواء يدخلوا للبوجيه علشان لما تحصل الشرارة يحصل الحريق
وثانياُ
فى نفس الوقت بيمنع الزيت من انه يوصل للبوجيه والموتور شغال لما بيكون الموتور خفيف
فمايقطعش كهرباء وبالتالى الموتور يعمل بانتظام

وحطى زيت شنبر لو مش هتعمليها دلوقتى بيظبط الموتور شوية وحل مؤقت للمشكلة
وزيت الشنبر بيتضاف لزيت الموتور عادى وبيبقى حوالى نص كيلو وطبعاً بنقلل زيت الموتور نص كيلو علشان الزيت الزيادة غلط على الموتور

يعنى انا لو غيرت الدينامو ح تتحل ولا هو اساسا التوصيلات نفسها فيها تسريب كهرباء ومش موضوع دينامو

مكونات دائرة الشحن الكهربائى بيكشف عليها ويحدد المشكلة فين

ولازم اشترى دينامو ولا ممكن نشتغل فيه صيانه بس مؤقتا لحد ما افهم المشكله فين بالضبط

الكهربائى هو اللى هيحدد

ربنا يبارك لك معلش بتعبك معايا

---

شكرا على رد حضرتك

كان بيحط بنزين كام و حضرتك بتحطى بنزين كام ؟؟
لان لو بيحط 80 ليها ظبط كهرباء و الــ 92 ليه ظبط تانى

انا بحط بنزين 80 يجوز اخويا لما مون العربيه حط حاجه تانيه لانه مش كان فيه بنزين فى اليوم ده

ده العادى فعربيه مستعمله بقالها 20 سنه او اكتر و كان لازم حضرتك تعملى حسابك ان كل الحاجات دى هتتغير كده كده

انا معاك طبعا كل حاجه ولها عمر افتراضى بس اشمعنا الحاجات دى انتهى عمرها انتهى فى نفس الوقت انا اللى كنت بحس بيه ان الاخوه الفنيين اللى اتعاملت معاهم كل اللى همهم انهم يكبروا الموضوع علشان يطلع من الليله بسبوبه حتى لو خسر لى حاجه تانيه بس مش فاهمه الناس تعمل كده مع انهم كل اللى رحت لهم ماشاء الله شغالين مولعينها

دائره الشحن هى اللى فيها مشكله مش البطاريه - غيرى الدينامو و ان شاء الله المشكله هتتحل

شوف رنا كرمنى بكهربائى ابن حلال والعربية دارت وقال الدينامو زى الفل ورفض يعمل اى حاجه فيه لدرجة انى مش مصدقاه لان اللى قبله عملى البحر طحينه

معلش, الحمد لله ربنا ستر محدش يعرف كان ممكن يحصل لحضرتك ايه لو خرجتى مشوار بالعربيه و هى بالحاله دى, صح ؟؟
ده كرم من ربنا محدش يعرف الخير فين
اشترى كبلن جديد اضمن
ده حصل فعلا

موضوع منتشر فعلا فيها و فالـــ 128

لما الموضوع منتشر ليه كل واحد يشوف كده يبقى كانه ح يبكى من كتر ما انا صعبانه عليه دى حاجه انا مش فاهماها

ممكن اعرف العربيه موديل كام و بكام ؟؟

موديل 86 واخدتها ب 12000

اقتباس:

---

المشاركة الأصلية كتبت بواسطة hugan

محتاجه حد قريبك يكون بيفهم في العربيات يتعامل مع الصنايعيه
مبدئيا علشان ماتتعبيش نفسك وترمي فلوسك علي الارض
لاءن كل صنايعيه مصر حراميه ونصابين
بما ان حضرتك سيده هاتكوني فرصه ليهم للاستغلال
والعربيه مش هاتشتغل كويس لحد ما تكرهيها

---

هو ده اللى حصل فعلا عندك حق

اقتباس:

---

المشاركة الأصلية كتبت بواسطة j a g u a r

افضل حل انك تبيعى العربيه علشان فتحت بقها بطريقه غبيه جدا وشوفى حاله تكون نظيفه عن كده
مع ان الفيورا تعتبر من اقل العربيات القديمه اعطال ومشاكل بس اللى معاكى دى شكلها هلكانه خالص

---

كلام حضرتك سليم بس انا ابيعها ازاى وهى حالتها كده ح اخسر فيها كتييير يبقى لازم اخليها معقوله شوية وبالتالى لازم اصرف عليها يعنى خسارة تانيه يبقى على الاقل استنفع بيها شوية لحد ما اشوف ح اتصرف ازاى

شكرا لاهتمام حضرتك استاذ احمد انا من اسكندرية وولاد الحلال دلونى على كهربائى من قريب من الهانوفيل وهو كتر خيره مصر جدا ان الدينامو سليييييم تماما ولو كان الدينامو شحنه ضعيف كانت العربية وقفت لما شال القطاش من البطارية ومع انى شاكه لانها بتعمل حركات قلة اصل لو مش دورتها لمدة يوم بس هو بيحلف لى ان العربية دائرة الكهرباء بتاعتها سليمه

والله اعلم مش عارفه مش مصدقاه ؟؟؟؟؟
بس الصراحه العربيه من امبارح ماشية زى الفل:018a1d~146:

اما بالنسبة لكراسى البوجيهات وزيت الشنبر ح اعمل بفكرة حضرتك باذن الله فى خلال الفترة اللى جاية

هو فيه مشكلة صغنتته شوية انا كانت معلقة الفتيس اتكسرت مش منى والله المهم الاستاذ الميكانيكى غيرها ومن بعدها الفتيس بينزل زيت دورت على الاويل سيل ده ولما لقيته الميكانيكى التانى بعد اللى صلح المعلقة قالى ده مش الاصلى وتعبنى فى تركيبه وبالتالى ركب القديم وطبعا هنا كمية الزيت اللى بيتسرب زادت ولما سالته قالى عادى ولا يهمك كل اسبوعين روحى حطى ربع كيلو:8954[1]:

اقتباس:

---

المشاركة الأصلية كتبت بواسطة pioustoallah

شكرا على رد حضرتك
يا فندم العفو
انا بحط بنزين 80 يجوز اخويا لما مون العربيه حط حاجه تانيه لانه مش كان فيه بنزين فى اليوم ده
حضرتك اتأكدى من اخويكى
انا معاك طبعا كل حاجه ولها عمر افتراضى بس اشمعنا الحاجات دى انتهى عمرها انتهى فى نفس الوقت انا اللى كنت بحس بيه ان الاخوه الفنيين اللى اتعاملت معاهم كل اللى همهم انهم يكبروا الموضوع علشان يطلع من الليله بسبوبه حتى لو خسر لى حاجه تانيه بس مش فاهمه الناس تعمل كده مع انهم كل اللى رحت لهم ماشاء الله شغالين مولعينها
لان اللى بيبع عربيه مستعمله فيها مشاكل بيروح يخلى الميكانيكى و الكهربائى يعملوا شويه حاجات علشان العربيه تمشى و تدور و الزبون يتخم فيها
زى قشر الموز اللى بيتحط فالتيس و شحن البطاريه قبلها و تدوريها فتره طويله علشان لما الزبون يجيى يشوف العربيه و يدورها تدور علطول و نصب كتير تانى :M_yes[1]:
و طبعا اكيد الأخوه الفنيين اللى حضرتك بتقولى عليهم لازم يكبروا الموضوع لان واحده اللى راكبه العربيه و عارفين ان معظم الفتيات او السيدات معندهمش خبره كافيه فالعربيات فسهل يستغلوهم
شوف رنا كرمنى بكهربائى ابن حلال والعربية دارت وقال الدينامو زى الفل ورفض يعمل اى حاجه فيه لدرجة انى مش مصدقاه لان اللى قبله عملى البحر طحينه
طيب الحمد لله و ربنا ينتقم من اللى قبله
ده كرم من ربنا محدش يعرف الخير فين
تمام و الحمد لله على كل شئ
ده حصل فعلا
كويس جدا
لما الموضوع منتشر ليه كل واحد يشوف كده يبقى كانه ح يبكى من كتر ما انا صعبانه عليه دى حاجه انا مش فاهماها
اكيد علشان حضرتك تعتقدى ان العربيه فيها مصيبه و عيب نادر و انه هيعمل مجهود خرافى علشان العيب يتصلح و طبعا المجهود الخرافى هيكون له مقابل مادى كبير
موديل 86 واخدتها ب 12000
يعنى كل ده فالعربيه و تتباع بــ 12 الف !!!!
حضرتك كان ممكن تزودى شويه و تشترى عربيه صينى موديل حديث و كماليات كتير و اكيد النتيجه كانت هتكون احسن من كده
بس الحمد لله كل شئ نصيب و ربنا يعوضك و يرزقك ان شاء بعربيه تانيه احسن

---

راى متواضع اخلصى منها وريحى دماغك واضح حضرتك شربتى مقلب من صاحب العربيه وحاولى تجيبى حاجه جديدة وتريحى بالك

اقتباس:

---

المشاركة الأصلية كتبت بواسطة pioustoallah

هو فيه مشكلة صغنتته شوية انا كانت معلقة الفتيس اتكسرت مش منى والله المهم الاستاذ الميكانيكى غيرها ومن بعدها الفتيس بينزل زيت دورت على الاويل سيل ده ولما لقيته الميكانيكى التانى بعد اللى صلح المعلقة قالى ده مش الاصلى وتعبنى فى تركيبه وبالتالى ركب القديم وطبعا هنا كمية الزيت اللى بيتسرب زادت ولما سالته قالى عادى ولا يهمك كل اسبوعين روحى حطى ربع كيلو:8954[1]:

---

زيت الفتيس فى منتهى الاهمية
لازم تشوفى حل .. ده اويل سيل ب 5 جنيه اللى معندوش ضمير !!!
وممكن تلاقى نفسك داخلة فى فتيس الله لا يقدر
اتحركى فى الموضوع ده لانه مهم للغاية
ومن رايى ما تبيعيش العربية خلاص ده نصيبك
لكن اعملى الاهم ثم المهم
وتحت امرك فى اى سؤال
لانك لو بعتيها هتخسرى فيها
وبعدين هتحتاجى تكملى على تمنها
ومش هتلاقى حاجة نظيفة فى السعر ده
طب وليه كل ده
ربنا معاكى

اقتباس:

---

المشاركة الأصلية كتبت بواسطة هانى ظرف منصور

راى متواضع اخلصى منها وريحى دماغك واضح حضرتك شربتى مقلب من صاحب العربيه وحاولى تجيبى حاجه جديدة وتريحى بالك

---

هو انت معاك حق ..... هو انا فعلا شربت مقلب بس فى الاول والاخر العربية دى رزقى اللى بعتهولى ربنا وياعالم الخير فين .... زى ماهو المقلب اللى عمله فيا رزقه بردو :evil: مش كده ولا اييييييييييه

اقتباس:

---

المشاركة الأصلية كتبت بواسطة ahmedfouad

زيت الفتيس فى منتهى الاهمية
لازم تشوفى حل .. ده اويل سيل ب 5 جنيه اللى معندوش ضمير !!!
وممكن تلاقى نفسك داخلة فى فتيس الله لا يقدر
اتحركى فى الموضوع ده لانه مهم للغاية
ومن رايى ما تبيعيش العربية خلاص ده نصيبك
لكن اعملى الاهم ثم المهم
وتحت امرك فى اى سؤال
لانك لو بعتيها هتخسرى فيها
وبعدين هتحتاجى تكملى على تمنها
ومش هتلاقى حاجة نظيفة فى السعر ده
طب وليه كل ده
ربنا معاكى

---

انا مش عارفه اساسا شكل الاويل سيل ده ايه اللى انا اشتريته حاجه نحاس كده سورى يعنى شبه قلب الحنفيه العادى ب 20 جنيه والله جبتها وطلعت زى ما بيقولوا شغل بلدى والمشكله انه فعلا مش موجود انا لفيت عليه كتير بس شكلى بقى ح اكثف البحث اكتر والله المستعان بس هو انا عايزة افهم زيت الفتيس مين بيقيسه وممكن انا اقيسه ولا لازم فنى

كلام حضرتك بخصوص العربيه سليم % وان شاء الله ربنا يرزقنى انا وهيا واحدة واحدة

عملتى ايه؟