بفكر اجيب ساجا اتوماتيك بس خايف!!

**bob_kozy2015** · 23-05-2014 01:00 PM

بفكر اجيب ساجا اتوماتيك بس ناس خوفونى من قطع الغيار و الصيانة و اسعارها
هل من تعليق ؟؟؟

**hugan** · 23-05-2014 02:45 PM

شوف اي بديل يكون له انتشار
الساجا واقعه في مبيعاتها

**S O P H O S** · 03-06-2014 06:01 PM

بصيت علي لوجان الجديدة ؟

**ahmedfathi** · 06-06-2014 02:38 AM

المشاركة الأصلية كتبت بواسطة hugan

شوف اي بديل يكون له انتشار
الساجا واقعه في مبيعاتها

اولا الساجا هى افضل سياره فى فئتها .. يعنى تمنها فيها زى ما بيقولوا يعنى مفيش قرش هيترمى ع الارض

ثانيا موضوع الانتشار ده حضرتك جانبك الصواب فيه ....انا من اوائل الناس اللى ركبت ساجا فى مصر من يناير 2010 والعربيه فعلا قعدت بتاع سنتين مش معروفه لكن دلوقتى انا بقيت اتكعبل فيها كتير جدا

قطع الغيار بقت موجوده فى محلات كتير بره التوكيل وباسعار اقل من النص بمراحل فى شارع دمشق والتوفيقيه

واخيرا بحمد ربنا انه وفقنى لاختيارها ولو رجع بيا الزمن تانى كنت هشتريها بردو وناوى ان شاء الله لما ربنا يكرمنى واشترى حاجه عاليه مش هأبيع الساجا ان شاء الله لان خساره عربيه زى دى الواحد ممكن يفرط فيها

**Omar Mahmoud** · 06-06-2014 02:41 AM

المشاركة الأصلية كتبت بواسطة ahmedfathi

اولا الساجا هى افضل سياره فى فئتها .. يعنى تمنها فيها زى ما بيقولوا يعنى مفيش قرش هيترمى ع الارض

ثانيا موضوع الانتشار ده حضرتك جانبك الصواب فيه ....انا من اوائل الناس اللى ركبت ساجا فى مصر من يناير 2010 والعربيه فعلا قعدت بتاع سنتين مش معروفه لكن دلوقتى انا بقيت اتكعبل فيها كتير جدا

قطع الغيار بقت موجوده فى محلات كتير بره التوكيل وباسعار اقل من النص بمراحل فى شارع دمشق والتوفيقيه

واخيرا بحمد ربنا انه وفقنى لاختيارها ولو رجع بيا الزمن تانى كنت هشتريها بردو وناوى ان شاء الله لما ربنا يكرمنى واشترى حاجه عاليه مش هأبيع الساجا ان شاء الله لان خساره عربيه زى دى الواحد ممكن يفرط فيها

اتفق معاك

**sharawy77** · 10-06-2014 09:27 AM

أنا برده بفكر أجيبها أتوماتيك..هل هي لسه متاحة ولا الشكل الجديد نزل؟ و الأوتوماتيك يتاعها حد جربه؟ كويس ولا فيه مشاكل ؟

**Eng.Osama.Afifi** · 12-06-2014 06:34 AM

عربية زي الفل ... توكل على الله ولا تقلق

أنا العربية معايا بقالها أقل من 3 سنين ... كل 4 أيام بسافر رايح جاي الأسكندرية ( شغلي هناك ) ... العربية ثبات ممتاز تحكم كويس جدا ... إستهلاك البنزين مش وحش ولا حلو ... بس تحت المتوسط مقارنة بعربيات تانية ... ماتور قوي فعلا ... الفتيس أنا بسقط نقلات بيه ( رغم إنه أتوماتيك ) ... التكييف رائع ... العزل فوق المتوسط ولكن مش عاجبني أوي ... التقفيل محصلش معايا فيه أي مشكلة ( هيا موديل 2012 بس أنا جايبها آخر 2011 ) بتبقى حاجات هبلة ... التوكيل زي الزفت في مواعيده وقطع غياره وهوا ده عيبها ... بس أنا بطلت أتعامل مع التوكيل وبقيت بتعامل مع مراكز معتمدة من التوكيل وصراحة زي الفل ... زي أوتو ماجد في جسر السويس ... ناس شغلهم زي الفل ومحترمين جدا ... وأرخص بكتير من التوكيل ...

وموضوع قطع الغيار بتاع التوكيل ... إنت بتتذل بس لو لا قدر الله عندك حاجة في العربية عايزة تتغير في الضمان ... يعني بيقرفوك شوية عقبال لما الحاجة تيجي ... غير كدة لو حاتجيبها من برة موجودة بكثافة ماتقلقش

وفيه جروب على الفيس بوك لقطع غيارها الاصلية والهاي كوبي ... والحاجة بتجيلك لحد البيت

وأبقى دور على جروب الساجا على الفيس بوك ... حتستفيد منه كتير ... أنا معنديش فيس بوك في الشغل كنت حاطيطلك اللينك ... بس دور عليه حتلاقيه