المساعد اليمين اتعوج - كيا سيراتو 2014 - الرجاء المساعدة

**islam6064** · 23-05-2014 02:24 PM

السلام عليكم ورحمة الله وبركاته

انا حاصلى حادث العربية خبطت فى رصيف و طلعت فوقه و الكاوتش فرقع و الجنط اتعوج
المهم طلعت بالعربية على التوكيل غيرو مقص و باره يمين و قالولى اظبط زوايا
و انا بظبط زوايا ..... الفنى قالى المساعد اليمين عايز يتغير عشان ملوح درجتين و نص عن الناحية التانية و قالى ممكن استعدله بالزرجينه عند اى حد بتاع مساعدين بره التوكيل

فأنا عاوز رأيكو .... هل المساعد لازم يتغير ولا ينفع استعدله و خلاص علما بأن العربيه لسه مجبتش 2000 كم.... الحاجه التانيه هل ينفع امشى عليه كده شويه ولا لازم يتغير فورا ........ وشكرا و جزاكم الله خيرا

**ahmedamgad18** · 23-05-2014 10:28 PM

اعتقد انك لو مشيت على المساعد كده حيأثر على الكاوتش وممكن يتاكل الكاوتش .... وكده سوف تقوم بتغيير المساعد وفردة الكاوتش ؛ فى رأى العربية لسه جديدة ... حاول تستعدل المساعد لو امكن وبعد كده تتاكد من ظبط الزوايا ان المساعد رجع لطبيعته ... لو منفعش غير المساعد بواحد اصلى واشترى دماغك .

**a7medsh3rawi** · 23-05-2014 10:36 PM

لازم يتغير وبعد كدا تظبط زوايا
لان لو استعدلته هيبوظ تانى مع المطبات والملفات

**islam6064** · 24-05-2014 01:27 AM

المشاركة الأصلية كتبت بواسطة a7medsh3rawi

لازم يتغير وبعد كدا تظبط زوايا
لان لو استعدلته هيبوظ تانى مع المطبات والملفات

طب لازم يكون التغيير فورى ولا يمكن استنه عليه شويه شهر كده ولا حاجه ..... خصوصا انى مش حاسس بأى مشكله فى السواقه العاديه

**eng.m7md.ali** · 24-05-2014 01:34 AM

التغيير هو الحل .. الاستعدال هيتم بس هيرجع تاني بعد فترة

**akmm** · 26-05-2014 11:25 AM

اى مساعد في النيا شوط الحركه فيه زى شوط البساتم في الموتور ............ بمعنى انه مش هيكون مظبوط في الحركه السريعه خاصه عن الارتداد بعد زوال المؤثر الانضغاطى وهو عمق او علو المطب مع وزن السياره ................. ولن تكون الحركه انسيابيه او بالسرعه المطلوبه ................ لابد من تغييره .

**a7medsh3rawi** · 26-05-2014 11:42 AM

المشاركة الأصلية كتبت بواسطة islam6064

طب لازم يكون التغيير فورى ولا يمكن استنه عليه شويه شهر كده ولا حاجه ..... خصوصا انى مش حاسس بأى مشكله فى السواقه العاديه

امشى عليها براحتك بس ما تزودش عن شهر
لانه هيأثر على الياي ونقشة الكاوتش

يعنى لو ظغطت الجنب اللى فيه المساعد بايدك لتحت بيطلع صوت
او العربيه بتتحرك بسهوله ولا بتلاقى مقاومه وبتتحرك لفوق وتحت وتثبت بعد كدا
لو جنب العربيه حركته لاسفل واعلى مظبوطه زى الجنب السليم
خلاص ما فيش قلق وممكن ما يتغيرش الا لو جاب زيت