محتار بين ix35 الفئة الاولى والفئة التانية

من يومين كنت انا واخويا فى الزقازيق بنسأل على اسعار العربيات علشان اخويا عايز عربية زيرو
واحنا بنلف لقينا هيونداى فتحت فرع فى الزقازيق جنب بنك cib فدخلنا نسألى على اسعار الالنترا
فلقيت ix35 الفئة الاولى واقفة وشدت انتباهى وخصوصا انى كنت عاوز حاجة زى كدة وكنت ناوى على الداستر بس مكنش فيها اوتوماتيك
فقعدت اتفرج على ix35 وعجبتنى اوى خصوصا علوها على الارض ووسعها ووسع الشنطة الخلفية شكلها الجميل من جوة ومن بره وشوفت الفرق بينها وبين باقى الفئات
لما سالت منودب المبيعات عن السعر قالى
الفئة الاولى 202 الف واستلمها بعد عشرة ايام
والفئة التانية 224 الف وتسليمها هيطول لان دى الى عليها الاقبال
انا شوفت الفروق بين الفئتين وشايف ان كماليات الفئة الاولى مرضية وكويسة خصوصا ان الفرق حوالى 22 الف جنية
فانا بفكر اجيب الفئة الاولى
بس هل كماليات الفئة التانية تستحق الاهتمام علشان الواحد يدفع الفرق ويستنى علشان كماليات الفئة التانية وهى
الجنط 17
والتكييف الديل
وحساسات الرجوع
ومقابض الكروم الداخلية والخارجية
وسخانات المقاعد
وطى المرايات كهربيا
والاشارات فى المرايات
وحوامل السقف
ومقاعد من الجلد والقماش
مخادع الراس النشظة
مرأة داخلية ذاتية التعتيم
حساس الاضاءة الاوتوماتيك
مثبت الشرعه
والدريكسيون والفتيس من الجلد

مع العلم ان فى كتير من الكماليات دى ويمكن معظمها مش لازمانى زى مرايات الضم واشارات المرايات وسخانات الكراسى ومراية التعتيم ومثبت السرعه وحساس الاضاءة والمقاعد الجلد والقماش

والى عاجبنى التكييف الديل والجنط 17 ومقابض الكروم وحوامل السقف

فهل استنى واجيب الفئة التانيةوادفع الفرق ولا اجيب الفئة الاولى واوفر الفلوس

مفيش مقارنه اساسا بين الداستر وال اي اكس
بس في فرق كبير في السعر
عموما
ال اي اكس حاليا في راءي افضل عربيه في فئتها
افضل من القشقاي واسبورتاج
الكماليات الزياده اساسيه عند البعض ومش مهمه عن البعض
شخصيا لو مكانك هاشتري اول فئه
طالما فيها الكماليات الاساسيه اللي محتاجها من العربيه

الفئة التانية افضل لو مش
هتتزنق في الفلوس

اقتباس:

---

المشاركة الأصلية كتبت بواسطة AHMED12345678

الفئة الاولى 202 الف والفئة التانية 224 الف
كماليات الفئة التانية هى
الجنط 17 - مقابض الكروم الداخلية والخارجية - حساسات الرجوع - طى المرايات كهربيا -الاشارات فى المرايات - حوامل السقف - مقاعد من الجلد والقماش - مخادع الراس الشنطة - مرأة داخلية ذاتية التعتيم - الدريكسيون والفتيس من الجلد - مثبت السرعه
دى كلها حاجات ممكن تتركب بس بكام ؟؟ و هى لو ركبتها بره هتكون بنفس الجوده و الكفاءه ؟؟
الأجابه لأ
تكييف الدبل - سخانات المقاعد - حساس الاضاءة الاوتوماتيك
مهم جدا و مش هتعرف تركبهم
لو تقدر تدفع الفرق يبقى خساره لو اشتريت الفئه الأولى
لما تدفع 202 الف و بعد شويه تلاقى انك محتاج تكييف خلفى هتعمل ايه ؟؟
محتاج مثبت سرعه هتعمل ايه ؟؟
هتركب فرش جلد بكام ؟؟
تقول يا رتنى كنت اشتريت الفئه التانيه ؟؟
انا بقولك نصيحه, و لو انا مكانك مش هتردد ثانيه واحده فانى اشترى الفئه التانيه

---

شوفوا يار جاله
الفكرة ان الواحد وهو بيشترى بيكون عايز يجيب اعلى كماليات
وانا جربت الموضوع ده فى السيراتو وانا بشتريها وكنت عايز كل الكماليات واعلاها
بس بعد فترة مبقتش حاسس بالكماليات دى ويمكن معنتش بستعملها معظمها كمان
وساعات بقول لنفسى اية لازمته الفرق الى دفعته فى الكماليات دى وهى مش لازمانى او مش بستعملها

الفكرة ان الواحد ساعه الشراء بتكون زى المثل الشعبى مبيقول بتكون السكينه سارقاه
وانا مش عايز اكرر الغلط تانى وخصوصا ان لما قعدت فى الفئة الاولى حسيت انها ارضتنى جدااااا

كمان فى نقطة تانية حسيت بيها بعد شرائى السيراتو وهى ان كل ما الكماليات ترتفع كل ما نفقات صيانه العربية ترتفع
يعنى فى مرة واحد ابن حلال كسرلى مراية السيراتو وعلشان هى كهرباء وباشارة وضم لقيت سعرها جديد اصلى 1300 جنية
فى حين المراية الكهرباء باشارة بس من غير ضم اصلية كان سعرها 500 جنية
والمراية الكهرباء من غير اشارة ومن غير ضم كان سعرها اقل كمان
وكمان فى فرق سعر بين الكاوتش مقاس 16 والكاوتش مقاس 17
وغيره طبعا
غير كمان انى ركوبى للعربية مش كتير بس انا محتاجها عالية علشان طرق ومطبات الشرقية عندنا زى الزفت
ومحتاجها واسعه علشان اسرتى والسفر وتشيل شنط ونقعد مرتاحين من غير ما احمل هم المطبات والطرق المكسرة

اقتباس:

---

المشاركة الأصلية كتبت بواسطة AHMED12345678

شوفوا يار جاله
الفكرة ان الواحد وهو بيشترى بيكون عايز يجيب اعلى كماليات
وانا جربت الموضوع ده فى السيراتو وانا بشتريها وكنت عايز كل الكماليات واعلاها
بس بعد فترة مبقتش حاسس بالكماليات دى ويمكن معنتش بستعملها معظمها كمان
وساعات بقول لنفسى اية لازمته الفرق الى دفعته فى الكماليات دى وهى مش لازمانى او مش بستعملها
طيب جرب تركب سيراتو تانيه كماليات اقل و شوف احساسك ايه
الحاجه طول ما هى عندك ممكن فعلا تقعد فتره من غير ما تستخدمها بس فيوم لما تحتاجها و تلاقيها مش عندك هتزعل جدا

---

مهو انا لو كنت جبت السيراتو من الاول بكماليات اقل
مكنتش هحس بحاجة
ههههههههههههههههههههههههه هه

اقتباس:

---

المشاركة الأصلية كتبت بواسطة AHMED12345678

مهو انا لو كنت جبت السيراتو من الاول بكماليات اقل
مكنتش هحس بحاجة
ههههههههههههههههههههههههه هه

---

هههههههههههههه
كلام سليم بس كنت هتشوف الكماليات عند حد تانى :M_yes[1]:

انا رأيي طالما مش هاتفرق معاك الكماليات الزياده يبقى وفر فلوسك وهات الفئه الاولى

تصدق لسه معدي من هناك ومخدتش بالي منه هو فتح فين بالظبط ؟

ومواصفات الفئه الأولى ايه ؟

اقتباس:

---

المشاركة الأصلية كتبت بواسطة M!SHO

تصدق لسه معدي من هناك ومخدتش بالي منه هو فتح فين بالظبط ؟

ومواصفات الفئه الأولى ايه ؟

---

النهاردة الجمعه وغالبا قافل النهارده
مكانه بعد بنك cib بحوالى 50 متر تقريبا فى نفس صف البنك

كماليات الفئة الاولى
باور ستيرنج
جنوط سبور 16
4 زجاج كهربائي
كمبيوتر رحلات
تعديل كرسي السائق في 6 اتجاهات
مسند يد من الجلد
مسند يد خلفي مع حامل للاكواب
مساند راس امامية وخلفية متحركة
امطانية طي المقاعد الحلفية
مقاعد من القماش
عجلة قيادة قابلة للامالة والامتداد
مرايات كهربائية
سنتر لوك
ريموت كونترول وانذار
تكييف يدوي
سخانات في الزجاج الخلفي
مخرج كهرباء 12 فولت
فتح تانك البنزين من الداخل
راديو AM FM CD USB iPod / 6 سماعات
اريال خارجي
فرامل ABS
ايموبليزر
2 ايرباج
فوانيش شبورة امامية وخلفية
لمية ستوب بالسبويلر الخلفي
شبكة امامية من الكروم
مالتي فانكشن
تحكم في مستوى ارتفاع الفوانيس الامامية
اسبويلر خلفى بلمبه استوب
عداد الحرارة والبنزين ديجيتال

ويمكن فى حاجة تانى اكون ناسيها

اقتباس:

---

المشاركة الأصلية كتبت بواسطة ahmed12345678

النهاردة الجمعه وغالبا قافل النهارده
مكانه بعد بنك cib بحوالى 50 متر تقريبا فى نفس صف البنك

كماليات الفئة الاولى
باور ستيرنج
جنوط سبور 16
4 زجاج كهربائي
كمبيوتر رحلات
تعديل كرسي السائق في 6 اتجاهات
مسند يد من الجلد
مسند يد خلفي مع حامل للاكواب
مساند راس امامية وخلفية متحركة
امطانية طي المقاعد الحلفية
مقاعد من القماش
عجلة قيادة قابلة للامالة والامتداد
مرايات كهربائية
سنتر لوك
ريموت كونترول وانذار
تكييف يدوي
سخانات في الزجاج الخلفي
مخرج كهرباء 12 فولت
فتح تانك البنزين من الداخل
راديو am fm cd usb ipod / 6 سماعات
اريال خارجي
فرامل abs
ايموبليزر
2 ايرباج
فوانيش شبورة امامية وخلفية
لمية ستوب بالسبويلر الخلفي
شبكة امامية من الكروم
مالتي فانكشن
تحكم في مستوى ارتفاع الفوانيس الامامية
اسبويلر خلفى بلمبه استوب
عداد الحرارة والبنزين ديجيتال

ويمكن فى حاجة تانى اكون ناسيها

---

ياباشا وفر فلوسك كده رضا قوي
عند اعاده البيع بيكون علي الاساسي بدون الاضافات

انا شايف ان الفئه الأولى كماليتها كويسه ينقصها بس فتحات التكيف الخلفيه

خليك في الفئه الأولى ،٢٠ ألف مبلغ كبير برده

مع احترامى لكل شخص هنا اعترض الكماليات وقال ان الفئة التانية مالهاش لازمة وان الكماليات مالهاش لازمة انا اقول ليهم لا الكماليات بتفرق زى
مراية التعتيم الداخلية
الفامية الجانبى والخلفى
فرش الجلد
التكيف الدوال زون
الجنط ال 17 وبيفرق فى الثبات
مثبت السرعة والسفر على الطرق الطويلة / مش مهم اوى
جودة الخامات والتقفيل الداخلى للسيارة ودا من وجهه نظرى مهم جدا جدا جدا

طب حاجة تانية لكل شخص بيقول ان الكماليات مالهاش لازمة عشان المصاريف احسن لية يشترى اسبرانزا تيجو على الاقل قطع غيارها ارخص من هيونداى وهيونداى ix 35 مش رخيصة فى قطع الغيار ودا عن تجربة يعنى فانوس الشبورة ب 523 عند غبور عشنا وشفنا الكورى بئة له قيمة

ومع احترامى لحضراتكم جميعا احنا بنركب عربيات ال 5 سنين وعربيات متوسطة يعنى خامات وجودة نص نص مش بنركب مريسيدس او بى ام مثلا اول فئة او تانى فئة الى ترضى فا كل ما عليت فى العربيات الكورى كان افضل

اقتباس:

---

المشاركة الأصلية كتبت بواسطة temoon

مع احترامى لكل شخص هنا اعترض الكماليات وقال ان الفئة التانية مالهاش لازمة وان الكماليات مالهاش لازمة انا اقول ليهم لا الكماليات بتفرق زى
مراية التعتيم الداخلية
الفامية الجانبى والخلفى
فرش الجلد
التكيف الدوال زون
الجنط ال 17 وبيفرق فى الثبات
مثبت السرعة والسفر على الطرق الطويلة / مش مهم اوى
جودة الخامات والتقفيل الداخلى للسيارة ودا من وجهه نظرى مهم جدا جدا جدا

طب حاجة تانية لكل شخص بيقول ان الكماليات مالهاش لازمة عشان المصاريف احسن لية يشترى اسبرانزا تيجو على الاقل قطع غيارها ارخص من هيونداى وهيونداى ix 35 مش رخيصة فى قطع الغيار ودا عن تجربة يعنى فانوس الشبورة ب 523 عند غبور عشنا وشفنا الكورى بئة له قيمة

ومع احترامى لحضراتكم جميعا احنا بنركب عربيات ال 5 سنين وعربيات متوسطة يعنى خامات وجودة نص نص مش بنركب مريسيدس او بى ام مثلا اول فئة او تانى فئة الى ترضى فا كل ما عليت فى العربيات الكورى كان افضل

---

الفئة الاولى بتنزل زجاج فامية خلفى وجانبى واتفرجت عليها بنفسى فى المعرض وكان الفامية موجودفى الفئة الاولى وكان موجود كمان ف الفئة الاولى اسبويلر خلفى بلمبة استوب
بالنسبة للفرش الجلد ممكن اركبة بره وبأحسن من خامة الفابريكة كمان
مثبت الشرعه مش محتاجة لان سفرى قليل

الفرق يعتبر فى الجنط 17 والتكييف الدوال ومش حاسس انهم يستهلوا فرق 23 الف جنية

بالنسبة للتيجو فمع احترمى لملاكها فالفئة الاولى فى الاى اكس برده لا تقارن بالتيجو

الخامات والتقفيل واحد فى كل فئات الاى اكس

هو جنط تحفة شفت ع الفئة التالتة وفئة تانية بس مش عارف هل هيا الفئة الوسط ولا الأولى
أنا ف رأي ٢٢ الف كثيرة ع الحاجات دي ولو عايز اوبشن اشتري سيراتو مثلا الفئة اللي فيها مفتاح بصمة بس هتخسر الارتفاع
كمان ف رأي ان الفامية مهم وما دام العربية نازلة بيه حتى في الفئة الأولى فده شيء كويس ف حد ذاته
وممكن تشوف الاسبورتج اعتقد تفرق شوية ف المميزات
يعني فيها مثبت سرعة وحساس مطر وبلوتوث وشكلها جميل برده

خليك فى الفئة الاولى ووفر فلوسك
بس هو سؤال ممكن بعد كام سنه اركب الجنط 17

حضرتك ئل بتحدد أحتياجك من الكماليات أيه وحضرتك لوشايف ان معظمها مش ذو أهميه بالنسبه لحضرتك يبقي أكيد لو دفعت فرق ال 22 الف هتحس انك خسرتهم لأنك من البدايه محدد مدي عدم أهميه الكماليات الزيادة
يعني أنا عربيتي بفتحة سقف وبصراحة كان نفسي اجبها لما جبتها بقيت زي حالتك موجودة في العربيه وأحيانا كثرة بستمتع بيها بس الأغلب بتبقي مقفولة وعلي فكرة كدة كدة هتضطر تركب فرش للعربيه علشان تحافظ علي الأصلي وذلك بعد ما تاخد زهوة الأصلي في البدايه .
لو شايف ان الموضوع ما يستهبش الفرق ، متخسرش فرق السعر في حاجات انت شايف انها مش مهمه .
تحياتي .

انا عندي راي ممكن ميعجبش ناس كتير...وممكن يعجب ناس كتير ايضا...لكن انا هقوله وامري لله...
1-السيارة موضوع النقاش ب 200: 224 الف يعني مبلغ مش بسيط ...يعني لازم احصل بهذا المبلغ على اقصى اشباع ممكن ..لانك مش بسهولة ممكن تعوضه..
2-سيارة متوسطة كورية الصنع.
3- سعر مبالغ فيه جدا ومعروف ليه(جمارك وضرايب ودمغات واكراميات ..اه مش ناسي انا في مصر...الخ ) وشوف سعرها في دول الخليج كام.
4-سمعة الوكيل سيئة جدا وياريت مننساش تجارب ومشاكل بعض الاعضاء مع التوكيل اللي مش بيحترم عملائة...
5-اعادة البيع ممكن تخسر جامد.

انا لو معايا المبلغ ده هيكون احتيارتي كالاتي:
1-bmw 523 m 2005:2007 طبعا السيارة مفيش فيها كلام يعيبها قطع الغيار الغالية جدا.
2-ميستسوبيشي باجيرو مو 2003:2006
3-فولفو سيارة اوربي محترمة جدا وافضل safety class .
4-بيجو 508 من افضل السيارات في رايي..وابشن كثثثثثثثثثير جدا.. ناهيك عن الفخامة ..
5-فولكس فاجن جيتا ..حيث انهم اعطو ضمان مدى الحياه على الفتيس ال dsg مش متاكد من المعلومة.
6-اوكتافيا a7

الخلاصة ..لو معاك مبلغ محترم خليك في الاوربي افضل من الكوري وافخم واكثر احتراما في الشارع ...(مجرد راي)
واسف على الاطاله
تحياتي

اقتباس:

---

المشاركة الأصلية كتبت بواسطة mummy_47

انا عندي راي ممكن ميعجبش ناس كتير...وممكن يعجب ناس كتير ايضا...لكن انا هقوله وامري لله...
1-السيارة موضوع النقاش ب 200: 224 الف يعني مبلغ مش بسيط ...يعني لازم احصل بهذا المبلغ على اقصى اشباع ممكن ..لانك مش بسهولة ممكن تعوضه..
2-سيارة متوسطة كورية الصنع.
3- سعر مبالغ فيه جدا ومعروف ليه(جمارك وضرايب ودمغات واكراميات ..اه مش ناسي انا في مصر...الخ ) وشوف سعرها في دول الخليج كام.
4-سمعة الوكيل سيئة جدا وياريت مننساش تجارب ومشاكل بعض الاعضاء مع التوكيل اللي مش بيحترم عملائة...
5-اعادة البيع ممكن تخسر جامد.

انا لو معايا المبلغ ده هيكون احتيارتي كالاتي:
1-bmw 523 m 2005:2007 طبعا السيارة مفيش فيها كلام يعيبها قطع الغيار الغالية جدا.
2-ميستسوبيشي باجيرو مو 2003:2006
3-فولفو سيارة اوربي محترمة جدا وافضل safety class .
4-بيجو 508 من افضل السيارات في رايي..وابشن كثثثثثثثثثير جدا.. ناهيك عن الفخامة ..
5-فولكس فاجن جيتا ..حيث انهم اعطو ضمان مدى الحياه على الفتيس ال dsg مش متاكد من المعلومة.
6-اوكتافيا a7

الخلاصة ..لو معاك مبلغ محترم خليك في الاوربي افضل من الكوري وافخم واكثر احتراما في الشارع ...(مجرد راي)
واسف على الاطاله
تحياتي

---

مع كامل تقديرى لرأى حضرتك المحترم ، اتفق مع حضرتك فى موضوع السيارات الاوربى كونها سيارات محترمة وليها برستيج فى الشارع ، لاكن برضة السيارات الكورى اصبحت متقدمة جداً خاصة الموديلات بعد عام 2010، واصبحت منافس لا يستهان بة فى مجال السيارات بما فى ذلك السيارات الاوربى ، واصبحت تمتلك حصة بيعية فى السوق الاوربية والامريكية لها وزنها، كما ان هناك شركات سيارات كورية اصبح ليها مصانع فى اوروبا (مثل مصنع هيونداى فى التشيك وال بينتج فئات ix) ، بمعنى مينفعش نتكلم لسة عن جودة وتقدم السيارات الكورى واحنا فى عام2014 الموضوع دى خلص ، المقارنة فى الوقت الحالى متجهة للسيارات الصينى.
بالتالى فنصيحة حضرتك فى تفضيل السيارة الاوربى اتفق معها لاكن لو بنقارن سيارة زيرو و موديل نفس السنة او سنة ماضية او اثنين على اكثر تقدير، لاكن اختلف معاك فى ان الواحد يسيب الهيونداى ix35 زيور موديل 2015 (ذات منشاء اوربى) ويشترى عربية مستعملة موديل 2005 : 2003 يعنى عدى عليها 9: 11 سنة كونها اوروبى او باجيرو .

بالنسبة لسمعة الوكيل السيئة جداً ، واعادة البيع الممكن تخسر جامد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اكيد حضرتك تقصد وكيل غير غبور وسيارات غير الهيونداى والكيا !!!!!!!!!!!!!!!!!!!!!!!!!!!

اقتباس:

---

المشاركة الأصلية كتبت بواسطة ahmed12345678

من يومين كنت انا واخويا فى الزقازيق بنسأل على اسعار العربيات علشان اخويا عايز عربية زيرو
واحنا بنلف لقينا هيونداى فتحت فرع فى الزقازيق جنب بنك cib فدخلنا نسألى على اسعار الالنترا
فلقيت ix35 الفئة الاولى واقفة وشدت انتباهى وخصوصا انى كنت عاوز حاجة زى كدة وكنت ناوى على الداستر بس مكنش فيها اوتوماتيك
فقعدت اتفرج على ix35 وعجبتنى اوى خصوصا علوها على الارض ووسعها ووسع الشنطة الخلفية شكلها الجميل من جوة ومن بره وشوفت الفرق بينها وبين باقى الفئات
لما سالت منودب المبيعات عن السعر قالى
الفئة الاولى 202 الف واستلمها بعد عشرة ايام
والفئة التانية 224 الف وتسليمها هيطول لان دى الى عليها الاقبال
انا شوفت الفروق بين الفئتين وشايف ان كماليات الفئة الاولى مرضية وكويسة خصوصا ان الفرق حوالى 22 الف جنية
فانا بفكر اجيب الفئة الاولى
بس هل كماليات الفئة التانية تستحق الاهتمام علشان الواحد يدفع الفرق ويستنى علشان كماليات الفئة التانية وهى
الجنط 17
والتكييف الديل
وحساسات الرجوع
ومقابض الكروم الداخلية والخارجية
وسخانات المقاعد
وطى المرايات كهربيا
والاشارات فى المرايات
وحوامل السقف
ومقاعد من الجلد والقماش
مخادع الراس النشظة
مرأة داخلية ذاتية التعتيم
حساس الاضاءة الاوتوماتيك
مثبت الشرعه
والدريكسيون والفتيس من الجلد

مع العلم ان فى كتير من الكماليات دى ويمكن معظمها مش لازمانى زى مرايات الضم واشارات المرايات وسخانات الكراسى ومراية التعتيم ومثبت السرعه وحساس الاضاءة والمقاعد الجلد والقماش

والى عاجبنى التكييف الديل والجنط 17 ومقابض الكروم وحوامل السقف

فهل استنى واجيب الفئة التانيةوادفع الفرق ولا اجيب الفئة الاولى واوفر الفلوس

---

رأى الشخصى لحضرتك ، ودى لانى كنت فى نفس حيرتك منذ عام تقريباً وانا بشترى العربية .... العربية ممتازة فى جميع فئاتها ، وانسب فئة هى الفئة الثانية لان الفرق عنها والفئة الاولى يستاهل ، علماً بان الفئة الاولى فى الموديل الجديد اضافوا ليها زجاج ملون وغيروا شكل الجنط واحتمال حاجات تانية،لاكن المعيار النهائى بيرجع لحضرتك من الدرجة الاولى وهى استعدادك تدفع الفرق ولا لأ. وطبعاً فرق الفلوس موش قليل خاصة لوبتدفع كاش ، يمكن لو يتدفع قسط موش هتحس بية اوى.
وللامانة هناك فروق فى الفئة الثانية عن الاولى ملهاش ضرورة ملحة( بمعنى تانى ممكن تستغنى عنها) ، مثل سخانات الكراسى ، مثبت السرعة ، حساس المطر وحساس النور،،،.
وبرضة موضع الفروقات بيختلف حسب احتياج وتعود حضرتك (المهم عندى ، موش ضرورى يكون مهم عندك).

وفى الاخر ما تزنقش نفسك فى الفلوس ، كلة واحد ،،،،،،،،،،

حضرتك طلبت النصيحة و بصراحة النصيحة فى مجال السيارات لا تعتبر نصيحة و لكن تعتبر راى و وجهة نظر و انا هحط نفسى مكان حضرتك فانا لو بفكر انا هحط ايه و انا عاوز ايه يعنى انا بحب الكماليات و حضرتك مش مهتم بيها و لكن متفقين على الاساسيات و فى الاخر القرار الاول و الاخير لحضرتك اما بقى و جهة نظرى كماليات و ابشن كيا افضل من هيونداى فى السوق و علشان كده لو بختار هحط الاتى طالما حاطنا نفسنا فى الكورى هختار: كيا كارينز فئة 195 او 210 حسب الفلوس و بعدين كيا سبورتاج 208 او 224 لكن ix 35 استبعدها علشان كماليتها مش منافسة بصراحة و دى و جهة نظرى

شوفوا يا رجالة الوضع كالتالى
بأمر الله عندى مقدرة ماديه انى اجيب الفئة التانية
بس الفكرة انى عندى عربيتين
كورولا 1300 سى سى موديل 2006 مانيوال والاكر يدوى كمان مش كهربا
وسيراتو 2011 اوتوماتيك كامله فتحة سقف
وبسيب السيراتو وباركب الكورولا مع انها مانيوال ومعدومة الكماليات علشان عالية وبتعدى من على اى مطب مهما كان عدد الى راكبين فيها وعفشتها ناعمة وواسعه من جوه وبسوق وانا مرتاح ومطمن من موضوع المطبات
اصل طرق الشرقيه حاجة كده العياذ بالله منها
وطريق شغلى هو كمان حاجة تطفش
فانا مفتون بالعربيات العالية
علشان كده الكارينز الجديده خارج حساباتى لانها مش عاليه عن الارض رغم ان كمالياتها اعلى وسعرها ارخص من الاى اكس
بالنسبه للسبورتاج فشكلها مش عاجبنى ودى أذواق
اما السيارات الاوروبى فهى سيارات محترمه بس مفيهاش الى انا عاوزة
ان شاء الله نويت ادور على حاجة كسر زيرو الفئة الاولى او التانيه
وإذا ملقتش كسر زيرو هجيب الفئة الاولى زيرو إن شاء الله

اقتباس:

---

المشاركة الأصلية كتبت بواسطة tiggosaid

مع كامل تقديرى لرأى حضرتك المحترم ، اتفق مع حضرتك فى موضوع السيارات الاوربى كونها سيارات محترمة وليها برستيج فى الشارع ، لاكن برضة السيارات الكورى اصبحت متقدمة جداً خاصة الموديلات بعد عام 2010، واصبحت منافس لا يستهان بة فى مجال السيارات بما فى ذلك السيارات الاوربى ، واصبحت تمتلك حصة بيعية فى السوق الاوربية والامريكية لها وزنها، كما ان هناك شركات سيارات كورية اصبح ليها مصانع فى اوروبا (مثل مصنع هيونداى فى التشيك وال بينتج فئات ix) ، بمعنى مينفعش نتكلم لسة عن جودة وتقدم السيارات الكورى واحنا فى عام2014 الموضوع دى خلص ، المقارنة فى الوقت الحالى متجهة للسيارات الصينى.
بالتالى فنصيحة حضرتك فى تفضيل السيارة الاوربى اتفق معها لاكن لو بنقارن سيارة زيرو و موديل نفس السنة او سنة ماضية او اثنين على اكثر تقدير، لاكن اختلف معاك فى ان الواحد يسيب الهيونداى 2015 ix35 زيور موديل 2015 (ذات منشاء اوربى) ويشترى عربية مستعملة موديل 2005 : 2003 يعنى عدى عليها 9: 11 سنة كونها اوروبى او باجيرو .

بالنسبة لسمعة الوكيل السيئة جداً ، واعادة البيع الممكن تخسر جامد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اكيد حضرتك تقصد وكيل غير غبور وسيارات غير الهيونداى والكيا !!!!!!!!!!!!!!!!!!!!!!!!!!!

---

اشكر حضرتك على تفهم وجهة نظري واسمحلي اتفق مع حضرتك واختلف في بعض النقاط :

1- بالنسبة ان الكوري منتشر في اوربا ..متفق معاك طبعا والياباني ايضا منتشر بكثرة في العالم كله مش اوروبا فقط ..وذلك لان السيارة الكوري او الياباني سيارة عملية جدا ومفيهاش تعقيدات الاوربي ..بالاضافة لرخص ثمنها نسبيا عن الاوربي...

2-السيارة الاوربي بتحب انها تجعل قائدها مميز ...يعني شركات المرسيدس والبي ام والاودي وفلوكس دائما بتنظر من هذا المنطلق(كيف تجعل قائدها مميزا عن غيره من السيارات ..يعني لو انا بركب كوري مش هحس اني مميز -لكن لو راكب مرسيدس او بي ام ...فورا هتحس بالفرق بينك وبين السيارة اللي جنبك)

3-بالنسبة ان الواحد يسيب الهيونداى ix35 زيرو موديل 2015 (ذات منشاء اوربى) ويشترى عربية مستعملة موديل 2005 : 2003 يعنى عدى عليها 9: 11 .( هل ممكن حد يختلف ان BMW523-525 2001 مش هقولك 2005 فيها امكانيات واوبشن ممكن ميكونش موجود في ال ix35 ناهيك عن قوة الموتور والاتزان الخرافي الذي لا جدال عليه- هل ممكن حد يختلف على موديلات المرسيدس البنز والتي اكتسحت السوق من 1985:1994 اللي بتتباع مستعملة بمبلغ قد يتعدى ال 120:140 الف)


4- بالنسبة للوكيل .. افهم من كلام حضرتك ان توكيل غبور ممتاز

اقتباس:

---

المشاركة الأصلية كتبت بواسطة mummy_47

اشكر حضرتك على تفهم وجهة نظري واسمحلي اتفق مع حضرتك واختلف في بعض النقاط :

1- بالنسبة ان الكوري منتشر في اوربا ..متفق معاك طبعا والياباني ايضا منتشر بكثرة في العالم كله مش اوروبا فقط ..وذلك لان السيارة الكوري او الياباني سيارة عملية جدا ومفيهاش تعقيدات الاوربي ..بالاضافة لرخص ثمنها نسبيا عن الاوربي...

2-السيارة الاوربي بتحب انها تجعل قائدها مميز ...يعني شركات المرسيدس والبي ام والاودي وفلوكس دائما بتنظر من هذا المنطلق(كيف تجعل قائدها مميزا عن غيره من السيارات ..يعني لو انا بركب كوري مش هحس اني مميز -لكن لو راكب مرسيدس او بي ام ...فورا هتحس بالفرق بينك وبين السيارة اللي جنبك)

3-بالنسبة ان الواحد يسيب الهيونداى ix35 زيرو موديل 2015 (ذات منشاء اوربى) ويشترى عربية مستعملة موديل 2005 : 2003 يعنى عدى عليها 9: 11 .( هل ممكن حد يختلف ان BMW523-525 2001 مش هقولك 2005 فيها امكانيات واوبشن ممكن ميكونش موجود في ال ix35 ناهيك عن قوة الموتور والاتزان الخرافي الذي لا جدال عليه- هل ممكن حد يختلف على موديلات المرسيدس البنز والتي اكتسحت السوق من 1985:1994 اللي بتتباع مستعملة بمبلغ قد يتعدى ال 120:140 الف)


4- بالنسبة للوكيل .. افهم من كلام حضرتك ان توكيل غبور ممتاز

---

وهنا ياسيدى يكمن الاختلاف فى وجهات النظر ويبقى السؤال ؟
تفضل تشترى عربية كورى زيرو موديل السنة ، ولا تشترى عربية اوربى مستعملة موديل 9: 11 سنة فاتت - فى نظير انك هتركب اوربى.
البعض هيختلف معاك والبعض هيتفق ..........
تجربتى الشخصية خلال الشهرين الماضيين وقبل ما اشترى السيراتو كنت رايح للجيتا 2004: 2006 واتفقت فعلاً على عربيتين ودفعت عربون (الحمد لله خسرتة كلة لما رجعت فى البيعة فى المرتين)..... ودى لانى شوفت الزيرو افضل حتى لو اقل درجة ، خاصة لما يكون الزيرو النيو سيراتو موش هتحس بفرق مؤثر زى ما حضرتك متخيل.
الحمد لل الله وبفضل الله انا ركبت الاوربى اكتر من مرة (اوبل وبولو وابيزا وفورد وباسات وفيات ) وكمان ركبت بفضل الله تعالى يابانى (سوزوكى وتويوتا) و صينى (تيجو و 620 و 516) - دى غير سيارات اخواتى ووالدى الكنت بركابها ساعات.
ودى خلى عندى شيىء بسيط من التجربة والحكم على السيارة (فى حدود تجاربى المتواضعة)
وفعلاً الكورى خاصة بعد موديلات 2010 ما بقاش بعيد أوى عن الاوربى . للدرجة انك تشترى مستعمل موديل 9: 11سنوات فاتت افضل من كورى زيرو وكمان ال ix35 اوفر ياباشا.
لاكن فى النهاية دى رأى الشخصى والبيختلف معايا فية ناس كتير.
بالنسبة لغبور عن تجربتى معاة مينفعش نقول علية سيىء جداً ، لاكن ممكن نقول فى ناس كانت ليها تجارب سيئة معاة. ومعتقدش ان التجارب دى اكتر بكتيييييييير من تجارب باقى التوكيلات حتى الاوربى.
فى النهاية اشكرك على حسن الحوار واسف لانى موش متفق معاك فى موضوع الكورى ، لانى من الاخر لو اتفقت معاك يبقى هولع فى العربيتين ال حلتى ،،، ودى ما يرضكش يا باشا .
مشى موضوع الكورى المرة دى ، و هعوضهالك فى حاجة اكبر.

اكتر حاجه تفتقدها الفئه الاولى هي الحساسات الخلفيه.....مع العلم انك ممكن تركبها بره بس هتخرم الاكصدام

لو مش هتبيع قريب يعنى مش اقل من خمس سنين يبقى الفئة التانية وش

فرأي الفئة التانية بصراحة