شكرا لنقل التجربه وربنا يباركلك فيها
رقم العضوية : 160512
تاريخ التسجيل : 22May2014
المشاركات : 34
النوع : ذكر
الاقامة : اﻷسماعيلية
السيارة: نيسان صني 2014
السيارة[2]: لايوجد
الحالة :
السلام عليكم انا معايا نيو صني سوبر صالون من يناير 2014 ومكنتش بتكلم عن العربيه عشان لقدر احكم عليها كويس ومسمعش لكلام حد لان مفيش حد يقدر يحكم علي العربيه غير اللي ركبها وجربها ومشي بيها كتير انا هتكلم عن تجربه 4شهور و10000 ك يعني تجربه سفر ومشي جوه البلد وسرعات مختلفه وعلش لو هتكلم كتير شويه ف البدايه انا حجزت مع اوتو ايجبت ابو رواش واستلمت بعد شهرين وكان التاخير بسبب التكييف التاتش لان عربيتي من اول العربيات اللي بالتكييف التاتش المهم انا اختارت العربيه بعد دراسه لمده شهرين قبل الحجز ومتابعة للمنتدي وطبعا انا شوفت وقرات العجب عن العربيه والاراء المتناقضه ما بين التشكير والشتيمه العربييه عملت بيها 1000 ك وحجزت ف مودرن موتورز المطار دهبت ف الميعاد المحدد قابلني مهندس الأستقبال وسألني عن اي مشاكل قولتله لا مجرد صوت ف الفرامل الخلفيه مع ترك رجلي عن الفرامل واحده واحده طبعا انا كنت عارف ان الصوت ده طبيعي ف الأوتوماتك لأن انا ركبت لانسر والنترا بتوع اصدقائي كان فيهم نفس الموضوع بس انا من كتر الكلام بتاع المنتدي كنت موسوس المهم غيرت زيت 5000 بناء علي نصيحه احد الأعضاء استلمت العربيه بعد الصيانه المعروفه للجميع والمهندس اكدلي ان الصوت طبيعي جدا لغايه ال 5000 ك العربيه انا مبسوط منها ومستمتع بيها انا واسرتي جدا ثانيا صيانة ال 5000 نفس موضوع الحجز ونفس الأستقبال الجيد ونفس المركز لأنه اقرب حاجه من الأسماعيلية بس كان في هنا مشكله التكييف مكنش شغال انا اتأخرت عن الميعاد ساعه وعقبال ما استلمو العربيه بقت الساعه 3 حطيت زيت 10000 وغيرت الفلتر المهندس جالي اليساعه 4وربع وقالي العربيه هتبات قولت ليه قاللي عشان التكييف لازم العربيه تخش علي الجهاز وهتفضل من ساعه لساعه وربع طبعا انا مسكتش وقابلت المهندس مدير المركز راجل منتهي الأحترام قولتله الناس عايزه تروح عشان الميعاد انا زنبي ايه قاللي حقك واللي انت تشوفه ولو عايز الناس تفضل تشتغل ف العربيه مفيش مانع انا طبعا قولتله لا عشان كام سبب كده الأول انا اللي جاي متاخر والثاني عشان مينفعش اخللي صنايعي يشتغل غصب عنه والثالث قولت اكسب واحده واتعرف عندهم المهم رجعتلهم بعد يوميين واللي حسبته لاقيته افضل استقبال من اول موضظغف الأستقبال مرورا بمدير المركز وحتي الصتايعي بتاع التكييف لما عرف ان العربيه بره طلع استلمها وكتب عليها مهمه جدا قولت بالمره اتأكد من موضوع الفرامل فرصه بصراحه الناس ظبطو العربيه تمام ثالثا صيانه ال10000 المره دي قولت اغير للسبع حجزت ودهبت ف الميعاد نفس الأستقبال او افضل شويه ومنظم وبصراحه حسيت ان المهندسين اللي ف السبع بيفهمو اكتر قولت برضه اقولهم علي الصوت زيادة تأكيد استلمو العربيه ودخلت وانا بحب اعمل شويه علاقات شوفت المهندس اللي بيجرب العربيات قولت اسأله عن شويه فنيات بالنسبه للفرامل والصوت قاللي نفس الكلام طبيعي وقاللي لو ركبت جنط اكبر يخرج العفشه من الضمان بعد ساعة خرجت العربيه واتغسلت والتقرير ان العربيه زي الفل فعلا انا كنت عارف كده استلمت العربيه وقابلت مدير المركز المهندس محمد غريب كان واقف بره قولت وانا راكب العربيه اسمعه الصوت قاللي ده عشان التيل علي شكل قبئاب وحاجه تانيه كده ف الطنابير مش فاكرها المهم ان كلامه مطابق لكلام واحد زميلي شغال ف غبور انا اطمنت واكدلي علي ان الكاوتش لازم يكون 33 قدام و30 ورا عشان ده الأستندر بتاع العربيه مشيت بالعربيه العربيه حسيت بجد انها ماسكة نفسها وصلت محطة توتال ف العاشر وحطيت منظف الرشاشات قاللي يفضل لغاية 10000 ك انا هقول ملاحظاتي عن العربيه بما يرضي الله المميزات 1- واسعه جدا 2- السحب ممتاز بعد الصيانات 3- وسائل الأمان ممتازه ومش موجوده ف العربيات بنفس السعر 4- توكيل محترم 5- عفشه ناعمة 6- اقتصاديه ف البنزين العيوب 1- عدم الثبات بعد 130 يعني شوية هوا بحس ان العربيعه بتتمرجح وممكن يتعالج شويه يتعريض الجنط او الكاوتش 2- التانك صغير يعني بحتاج افول كتير اما من ناحيه الشكل انا عن نفسي العربيه عجباني شكلها جدا واكتر من عربيات بيتكلمو عنها هنا كتير وبعدين انا قبل ما اشتري العربيه شوفتها كويس ومكسبتهاش او حد جبهالي هديه مثلا يعني متفاجئتش بيها انا شوفتها وشوفت العربيات التانية وممكن اللي كان يشدني شويه الكيا الريو بس انا مبحبش الكيا وبعدين الصني عائليه اكتر والنيسان ليها اسم كبيييييييييير وتوكيلها وخدمة ما بعد البيع اسف ع الأطاله بس ياريت اكون افدت احد ملحوظه منتدي البيجو فيه مشاكل عن ال 301 برضه التيل والطنابير والبوجيهات وعدم الثبات واللي مش مصدق يخش يشوف كلام ملاكها علي موقعهم وشكرا
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
شكرا لنقل التجربه وربنا يباركلك فيها
رقم العضوية : 133042
تاريخ التسجيل : 03Jan2013
المشاركات : 1,426
النوع : ذكر
الاقامة : cairo
السيارة: بيجو 301
السيارة[2]: اوبترا 2013
الحالة :
كلام معقول جدا ...ربنا يبارك فيها
اللهم ارنا الحق حقا و ارزقنا اتباعه
و ارنا الباطل باطلا وارزقنا اجتنابه
رقم العضوية : 150948
تاريخ التسجيل : 01Nov2013
المشاركات : 1,317
النوع : ذكر
الاقامة : الأسكندرية
السيارة: بيجو 301 MT
السيارة[2]: بيجو 206
الحالة :
ألف مبروك الصيانة و السيارة
إختيار جيد
ربنا يبارك لك فيها
بس للتصحيح مشكلة ال301 تيل و بوجيهات
لكن مفيش حاجة في الطنابير
و يا ريت لو تقولنا غيرت ايه فصيانة ال10000 و كلفتك كام إجمالي (قطع غيار-زيت-مصنعيات-ضريبة)
مشكلة ال301 مش مشكلة سيارة..دي مشكلة وكيل
و أظن وجود مراكز خدمة متخصصة و توفر قطع غيار خارج الوكيل هيحل أي مشكلة متعلقة بالسيارة
بالتوفيق للجميع
رقم العضوية : 3105
تاريخ التسجيل : 10Nov2007
المشاركات : 1,884
النوع : ذكر
الاقامة : Kafr El-Sheikh
السيارة: Nissan Sunny 2014
السيارة[2]: 128- اكسيل - فيرنا
الحالة :
الف مبروك وشكرا على التقرير الحيادى
Dr Ibrahim Saad
رقم العضوية : 160512
تاريخ التسجيل : 22May2014
المشاركات : 34
النوع : ذكر
الاقامة : اﻷسماعيلية
السيارة: نيسان صني 2014
السيارة[2]: لايوجد
الحالة :
الله يبارك فيك عموما المشاكل قريبه من بعض القصد ان مفيش عربيه تخلو من المشاكل والموضوع أنا معايا عربيتي مبسوط منها وأكيد حضرتك مبسوط من عربيتك أنا مغيرتش حاجه عشان أنا كنت غيرت زيت وفلتر ف صيانه ال5000 وكانت التكلفة بالضريبة حوالي 450 اما بالنسبه لصيانة ال 10000 بالضريبة وهي10% دفعت 192 جنيه
رقم العضوية : 160188
تاريخ التسجيل : 14May2014
المشاركات : 40
النوع : ذكر
الاقامة : helwan
السيارة: لا يوجد
السيارة[2]: لا يوجد
الحالة :
ربنت يباركلك فيها يا استاذ ابو سيف وشكرا على التقرير الرائع
بس ممكن تكلمنا اكتر عن تجربتك مع العربيه على الطريق فى المدينه وفى السفر من نحيه السحب وهل العربيه استجابتها ضعيفه على الاول والتانى زى ما سمعنا من بعض الناس وايه اخبار ثباتها على السرعات العايه وملاحظات حضرتك علي العربيه عموما واسف على الاطاله :)
رقم العضوية : 160512
تاريخ التسجيل : 22May2014
المشاركات : 34
النوع : ذكر
الاقامة : اﻷسماعيلية
السيارة: نيسان صني 2014
السيارة[2]: لايوجد
الحالة :
بص ياباشا العربيه داخل المدينة والله ممتاز كعفشه وسحب علي سبيل المثال لو كنت واقف ف اشاره بدون مجامله أول عربيه بتطلع بس الكلام ده كان عكس كده تماما قبل ال5000 اﻷولي وطبعا الكلام يفسر مدي اﻷستجابه امابالنسبه خارج البلد ف السفر هيه فعلا خفيفه بعد140أو أقل يعني العربه شويه هوا يمرجحوهابس برضه استجابتها وتسارعها ممتاز والفرامل جيده جدا تجربتها وأنا علي سسرعة 120 واستجابت كويس جدا
رقم العضوية : 150948
تاريخ التسجيل : 01Nov2013
المشاركات : 1,317
النوع : ذكر
الاقامة : الأسكندرية
السيارة: بيجو 301 MT
السيارة[2]: بيجو 206
الحالة :
بسم الله ما شاء الله
يعني إجمالي الصيانتين 642 جنيه
الله يخرب بيتك يا توكيل بيجو
أول صيانة 2500 مجانية
لكن صيانة ال10000 اللي فيها تغيير زيت على الأقل بيغيروا
زيت
فلتر زيت
فلتر هواء
فلتر تكييف
تطلع دافع 800 جنيه على الأقل
و لو دخلت في موضوع التيل (و ده الغالب) يبقى الصيانة 1500 مستريح
و للأسف أنا شكلي هكون من سعداء الحظ اللي هيغيروا تيل لأن الطاسات مهببة و أنا يدوب عامل 1000 كيلو
و قال ايه تيل محافظ على البيئة
الله يخرب بيتك يا توكيل بيجو
أكيد آداء العربية بيتحسن بعد التليين
و كونها خفيفة بعد ال140 مش قضية
في الفئة السعرية دي ....أكيد أنت مش مستني أكتر من كده
أنا بفكر في الصني لوالدي إن شاء الله
و عايز آخد رأيك
بعيداً عن الشكل الخارجي و بعض الأبشن اللي متهمش راجل كبير (بلوتوث-تكييف تاتش-جنوط-كمبيوتر رحلات-...)
مين أفضل مع مراعاة فارق السعر (صني الشكل الجديد و لا القديم)؟؟؟؟!!
رقم العضوية : 3105
تاريخ التسجيل : 10Nov2007
المشاركات : 1,884
النوع : ذكر
الاقامة : Kafr El-Sheikh
السيارة: Nissan Sunny 2014
السيارة[2]: 128- اكسيل - فيرنا
الحالة :
بص ياباشا
الشكل القديم افضل من الجديد فى
الصاج
الثبات
قوه الموتور
لكنه فى المقابل يفتقر الى عوامل الامان ايرباج واحد بس ومفيش مانع للسرقه ولا فرامل اى بى اس وكمان الصالون ضيق شويه
الجديده
صاج اخف
ثبات اقل
موتور اقل لكنه موفر
تمتاز بالصالون الواسع جدا
عوامل امان 2 ايرباج وفرامل اى بى اس و اى بى ا
مانع للسرقه
دا الفرق بينهم وطبعا تقدر تحدد انت ايهما افضل
Dr Ibrahim Saad
المفضلات