الموضوع: حادث بسيط تانى مره فى شهر واحد .

السلام عليكم يا اصدقائى الافاضل

من كام اسبوع كنت راكن جنب الموقع وفجأه العمال بتكلمنى انزل الحق ونزلت لاقيت عربيه ربع نقل دبابه داخل في عربيتى من ورا استغربت يعنى صحرا اصلاً ومفيش غير عربيتى انا وهو والكوميدى انو بيقول مخدتش بالى وانا بركن ايوا والله مش كوميدى جداً والنتيجه كبس الاكصدام الخلفى حاجه بسيطه وشرخ فبره حليه سفليه والحمد لله انها عاليه ومش الافيكترا كانت بقت كارثه وقلت اروح اظبت عند حد بتاع فيبر بس مفيش وقت .

نيجى لليوم كنت فى الموقع صباحاً ومشيت فى طريقى لجامع لصلاة الجمعه كان فى كمين قبل طريق القرى فى الغردقه ولسه بهدى عشان فى مطب البهوات عملينو بكبل كهربا واسمع صوت كأنو انقجار والعساكر بتوع الكمين بيجرو ارهاب وكده وبعدها اللى فضلو لاقيتهم بيقولو طيب اقف على جنب معلش نزلت لاقيت تاكسي فيرنا او اللى كانت فيرنا دخل فيا منغير فرامل ونازل معلش الفرامل هربت منى الكلمه المتخلفه وطبعاً اللى فى الكمين خلاص جت سليمه وطبعاً الخساير كانت الاكصدام دخل سنه صغيره من الجنب والتاكسي مش متخيل الكبوت وصل للنص والاكصدام وقع والريداتير اتكسر والمراوح الخ فقلت خير يغور بس بعد ما مشيت مش عارف كنت حاسس المفروض كنت دفعتو حاجه تربيه له بس من الصوت اللى حصل كنت متخيل كارثه بس لمى نزلت لاقيت الدنيا تمام عندى وعندو تمام برضو وقررت ان شاء الله مش هنزل من 4x4 تانى دى بلد بجد محتاجه مدرعه الجايه هتكون رانجلر عشان حتى الاكصدامات حديد يعنى حاجه كده زى بتوع زمان والحمد لله على قد كده