استفسار بخصوص طقم دبرياج دايو ماتيز

سلام عليكم

دلوقتى انا معايا دايو ماتيز 2000
بصراحة انا كنت مشتريه العربية من صاحبها , كان زميلى فى الشغل و قالى على كل اللى فيها و خدتها فعلا ظبط فيها كل اللى كان ناقصها .. بس موتورها فعلا كان كويس و كان عامل 97 الف كيلو
المهم انا بتعامل مع ميكانيكى كبير فى السن و محترم و مش نصاب بس مبحسش انه شاطر اوى كل لما اقوله على عيب فى العربية يقولى لا مش مهم لا نستنى شوية لا ماعرفش اية
هو من النوع اللى بيحب يغير الحاجة لما تبوظ خالص و تجيب اخرها
اخرر مرة روحت له علشان سحب العربية كان وحش جدا قالى لا تمام مافهاش حاجة و انا عالدائرى فجاة لاقيت ادامى عربية عطلانة و انا اول ما جبت العربية كانت ممكن تجرى لحد 140 طبعا مع سوء السحب بقى اخرها 100
المهم بحاول اخر من العربية العطلانة دة فرملت و باخد الشمال لاقيت مقطورة جاية فى طريقها بسرعة جدا ورايا و السواق ايدو عالكلاكس كان هيشيلنى :( لان لما العربية فرملت و جبت التانى و بدوس بنزين العربية مكنتش عاوزة تسحب و تقلت جدا . بس الحمدلله عديت بمعجزة

و روحت لميكانيكى تانى قولتله كشف و قالى عاوزين نغير فلتر الهوا (مع انى مغيراه من 10000 بس )
و الوبجيهات برضة متغيرة من فترة مش كبيرة قالى هى فعلا متغيرة بس نوع وحش
و قالى كمان عاوزين نغير طقم دبرياج ...

المهم غير لى الحاجات دى و خد مصنعية 200 جنية

اللى انا خايفة منه ان العربية كان سحبها وحش فعلا بس مكانتش بتترج و هى طالعة علشان نغير طقم الدبرايج
و كمان سالت صاحبها لانها كانت بتاعتة من الزيرو قالى الطقم اللى فيها الاصلى بتاعها
و اللى انا اشتريتو نوع اسمه فاليو ب 425 جنية و بصراحة قلقانه منه


:( مش عارفة بصراحة اعمل اية
و هل كدة مصنعيتة كتير و لا عادى ؟؟؟
ياريت تفيدونى و اسفة جداااااااااا للاطالة :(