الموضوع: إلى ملاك الميــجان - محتــار بين الميجــان و البــورا

ما انا قرات كل ده و استفدت حقيقى كتير و يمكن اللى محببنى اكتر فى العربية هو المواضيع الجميلة اللى حضراتكو عاملينها بس انا الحاجه اللى مخوفانى انى لسه بدرس و مش حقدر اغير العربية قبل خمس سنين فانا خايف انها تفتح بقها و تبقى عبأ عليا
شكرا لاهتمامك و يا ريت لو فى أى افادة فى البورا

أشكرك بشدة يا سيد أحمد على ذوقك و أخلقك ، و يا رب دايماً كدة في مودة و يقدرنا نساعد بعض

بالنسبة لصاحب السؤال ..
واضح من كلام حضرتك طالما بتقارن بين الميجان و البورا يعني حضرتك بتتكلم في مستعمل مش زيرو ، يعني مشكلة إعادة البيع في الميجان مش هتكون مشكلي معاك إن شاء الله ، لأنك هتكون جايبها رخيصة أصلاً و مش هتنزل تاني أكتر من كدة ، يمكن كمان تكسب فيها لو قعدت كام سنة ذي ما بتقول .
لو عايز نصيحتي في الشراء ، أنا رأيي .. و بمنتهى الموضوعية هات بورا ، ليه ؟ .. حضرتك ذي ما بتقول لسة بتدرس و قلقان من مصاريف الصيانة ، الميجان عايزة صيانة دورية محترمة و لزم في التوكيل ، معناه إن لزم بشكل دوري منتظم تكون عامل حسابك على مبلغ للصيانة ( و دة مش المود بتاع الطلبه أو على الاقل أنا مكنتش كدة زمان :) ) ، البورا المستعمله مش هتقلق توضيح لمركز برة التوكيل خصوصاً إن في ناس كتير فهم فيها
أخيراً بالنسبة للكماليات أكيد الميجان فيها حاجات أكتر بس مش إلي بتكون مهمة في الفترة دي من العمر ، يعني الكاست بتاعها جامد جداً صحيح ، بس إنت مثلاً هتكون عايز حاجة أشد فيها GM و subwoofer و zero power مثلاً ، يعني خسرت الميزة إلي في قصة العربية الرائع بس أخدت صوت أقوى ، كمان الستير مثلاً مش مهمة بالنسبه لك قوي ، جنوط ممكن تلقيها في البورا بسهولة أو تركبها ، حساسات نور و مطر .. مش متهيألي إن دول بالأهمية دي لأنك نادراً ما هتستعمل حساس النور و المطر مش مغرق بلدنا :)
الفرق في رايي فقط هو إن قوة الموتور نقطة قوية في صالح الميجان و الشد و الجاري بيها هيكون أحسن من البورا و فتحت السقف في الميجان روعة و شبابية قوي و كمان هتكون أحدث شوية من البورا والالبورا هتكون أغلى حبتين
غير كدة تقريباً هما متساويين بالنسبة لك ، شياكة التابلوه واحدة تقريباً و الشكل الخارجي في الاتنين رياضي ، دي ألماني متجمعة في أمريكا اللاتينية و دي فرنساوي متجمعة في تركيا ، أسعار قطع الغيار قريبة من بعض في السعر
يا رب أكون وضحت وجهة نظري كويس ، و لو ليك أي إستفسار اتفضل و احنا تحت أمرك :)

تحياتي

مبروك عالطالرة يا احمد باشا وشكرا لاهتتملمكم جدا يا جماعة, روحكم الطيبة عاجبانى اوى
انا كل اللى عايزه هو عربية محترمة و مريحة خلاص الواحد عدى مرحلة الجرى خصوصا انى كان معايا فيرنا و لسه عامل بيها حادثة اول رمضان.
انا مقتنع بالميجان وناوى باذن الله احافظ على مواعيد الservice
بس الميجان كلها sensors و دى بتتاثر بالتراب و طبعا مصر ما تتوصاش
بالمناسبة ايه رايكوا فالc4

لو ناوى فعلا تحافظ على الصيانة فعلا يبقى خليك فى الميجان
و بلاش حكاية الـ C4 لإن توكيلها ز العرب و سمعته مش كويسة