بطاريات كوبا كورى. ايه رايكم فيها.

يا شباب انا اشتريت امبارح بطارية كوبا كورى 55 امبير بدل البطارية الاصلية اللى كانت فى العربية وقعدت معايا 4 سنين زى الفل. المهم عاوز اعرف لو حد جربها يقولى عاملة ايه معاه. وعلى فكرة انا اشتريتها ب 375 بالقديمة.

هى نوع مجهول للدرجة دى. يعنى 19 مشاهدة ولا تعليق واحد.

تحياتى ............... وعن نفسى اول مره اسمع عنها ليه مجبتش الانواع المعروفه وهى كتيير .

بالتوفيق ويارب تطلع كويسه .. بس كان عندك فارتا و AC Delco افضل بكتير جدا .. انا معايا سيراتو هاى ﻻين ولسه مغيير البطاريه وجايب ديليكو ب 470 بالقديمه ..

ولا عمري سمعت عنها
بس انا مبجيبش غير كلورايد بطاريه مريحاني وشغلها عالى وسعرها معقول

أنا بشكر حضراتكم على الرد. انا بصراحة كنت جايب فارتا قبل كده وقعدت معايا سنة ونصف وكانت فى عربية دوجان وفى العربية الفيليشيا كنت بستخدم كلورايد سائلة وكانت رائعة الصراحة وبتقعد معايا من 3-5 سنين تخيلوا. المهم انا دلوقتى معايا نيو اكسنت 2010 والبطارية بصراحة قعدت معايا 4 سنين الاشهر زى الفل. فقلت اجيب بطارية كورى وروحت توكيل هانكوك اللى فى شارع شبرا فقالى عندى نوع كورى ب 375 ج بالقديمة و تركى ب350 ج فقلت اتكل على الله واجيب الكورى واخدت عليها ضمان سنة وقالى انها انتاج يناير 2014 ومعاها ضمان سنة.
بس انا مشعارف اعرف فين تاريخ انتاجها بس انا لقيت رمز عند الموجب بتاع البطارية 4ad242.
حد من حضراتكم يعرف ايه الرمز ده.

تاريخ الانتاج هتﻻقيه علي ورقه الضمان .. ده في الديلكو كده مش عارف اﻻنواع التانيه اخبارها ايه ..

البطاريات الكورى متقلقش منها
شرط
مكتوب عليها من فوق فى جدول ارقام 1 2 3 4 5 6 7 8 9 سنين

دى معمرة فقط

لو معليهاش جدول من 1/9 سنين دا تبقى اقتصادية ومش هتعيش الا بالصدفة

فعلا عليها جدول بالعرض فيه ارقام من 1 الى 12 تقريبا.