العربية بقى فيها مشاكل كتير بتبطل وعزمها ضعيف
اشتريت عربية هونداى اكسنت مانوال 2010
وانا بفحصها قبل الشراء قالوالى فى سلك من اسلاك البويجهات الاربعة عايزة يتغير والعربية كانت ماشية كويسة وعزمها كويس جدا / للعلم العربية مستعملة ومغيرتش فيها حاجة
وبعد فترة بدأت المشاكل تظهر فيها وعايزك تدلونى ابدأ بايه واغير ايه علشان الميكانيكية والورش ما يعلبوش بيا خاصة ان العربية فيها شغل كتير ومش عايز اصرف فى الاولويات
مشاكل العربية اللى بدأت تظهر
1. دواسة الدبرياج لقيتها بدأت تبقى مهوية شوية يعنى تضغط عليها تلاقيها بتتحرك معاك
2. العربية بدأ يبقها سحبها وحش قوى يعنى مثلا لو انا ماشى فى سكة عالية لفوق شوية ابقى على خمسين وجايب الرابع او الخامس تبقى ماشية مخنوقة ومش راضية تسحب اجيب التالت تفر عادى وتسحب كويس واول ما اخلص الطريق العالى تمشى عشرة على عشرة وتسحب كويس
امبارح كنت طالع من جراج بدروم وطلعته عالية كنت طالع على التانى العربية فضلت تقل تقل وكركركت لغاية ما بطلت ومطلعتش عير على الاول
3. ساعات لما ابقى واقف فى اشارة واطلع على التانى العربية تكركر وتنتش لغاية ما تبطل وما تمشيش كويس غير لما اجيبها على الاول
4. العربية بقت بتبطل منى كتير وانا واقف فى الاشارات او الزحمة
5. عداد الا rpm بدأت احس انه زاد شوية لما بمشى على 120 بيوصل على 3.5
6. العربية وهى واقفة مع التكييف ال rpm بيبقى اقل من 1
مع العلم ان العربية لما بتمشى على الطريق سحبها بيبقى كويس وممكن توصل ل 160 من غير مشكلة، ودائما لما الاقى مشاكل فى العزم التالت هو اللى بيظبط العربية
اجوكم انتظر مساعدتكم
