واحد صاحبي معاه 50 الف جنيه بيفكر يعمل بيهم مشروع ومحتار يفتح مشروع ايه ؟؟
هو من الزاويه الحمرا (القاهره)
حد عنده اقتراحات حلوة ؟؟؟؟؟؟؟؟؟
عرض للطباعة
واحد صاحبي معاه 50 الف جنيه بيفكر يعمل بيهم مشروع ومحتار يفتح مشروع ايه ؟؟
هو من الزاويه الحمرا (القاهره)
حد عنده اقتراحات حلوة ؟؟؟؟؟؟؟؟؟
هو بيفهم فى ايه
عربية فول (مش بهزر) هتجيب ال 50 الف وزيادة في اقل من سنة
مصنع بلاستيك صغيّر.
من المهم فعلا هوه بيفهم فى ايه او خبرته السابقة كانت فى ايه وكمان المنطقه بتاعته موجود فيها ايه ونشوف حاجه مش مكررة فى نفس المنطقة .
شوف الموقع ده هيفيدك جدا جدا
https://howistart.com/
محل كشري .. اه والله
يختار مكان فيه زحمة وصنايعية كتير
ايجار محل
كام تلفزيون كام بالي استيشن عربية بلياردو وبنج
وعيش
محل كبده صغير كده بس بلاش يدبح قطط ويوكلها للعالم .. اصل فى ناس كتير بتعمل كده
صاحبي انطوائي شوي ياجماعه مش مختلط بالناس اوي وهو طالب بيدرس في كليه تجاره لسه
وخبراته في النت فقط يعني فوركس , ادسنس , منتديات , وورد بريس ... الخ
غير كده معندوش خبرات على ارض الواقع
ممكن يفتح محل صيانه لابتوبات وكومبيوترات ويملى المحل بضاعه ولو يعرف يعمل شبكه نت
صاحبك يعرف قبل اى شئ ان باكو الشاى فيه 10 قروش والعمليه بتجمع ؟! الشاى كمثال مش شرط يفتح بقالة لكن لتوضيح المعنى
هي دي افكار المشاريع؟ فول وكشري وشاي؟؟؟؟؟؟؟؟؟؟؟
يفتح سايبر :)
اولا لازم بيحدد هو حيفتح فين .....يعنى فى منطقه سكنيه او منطقه جامعات ومدارس او منطقه صنعيه
ثانيا يشوف المنطقى دى ناقصها ايه.....يعنى لو منطقه فيها مدارس يشوف هل فيها محل تصوير ولا لا هل فيها سوبر ماركت او مكتبه
يعنى من الاخر يشوف ايه اللى مش موجود و يحاول يوجده علشان مشروعوا يكسب.
عموما فى حاجات كتير
يعنى ممكن محل فيه مكنة تصوير او مكتيه فيها اقلام وكشاكيل محضرات وفيها مكنة تصوير.....ودى حاجات زى الاصول يعنى مش حتبوظ من الركنه ولو الموضوع فشل ممكن يبيعوهم لمحل تانى
ممكن محل ادوات كمبيوتر يعنى ماوس على كيبورد على اسطوانات وحاجات من دى....ودى بردوا اصول لا تفسد مع الزمن
ممكن يفتح حضانه ويجيب مدرسه وداده ......مشروع مربح جدا وبيلم فلوسه علطول ....اهم حاجه يتميز عن الحضانات اللى حوليه ويفتح فى شهر سيبتمبر لان شهور الصيف بتكون تقريبا ميته.
متفق مع الأخ مصطفى. هو ليه كل الأفكار معتمدة على المشاريع الاستهلاكية مفيش افكار لمشاريع انتاجية خالص؟
يحولهم دولارات و ينام عليهم لغاية أما يشوف الحال حيبقى إزاى مع الرئيس الجديد اللى محدش عارف مين هو لغاية دلوقتى -بس أنا عارف مين هو - ده طبعا لو صاحبك عايز يستثمر فلوسه فى حاجة تفيد المجتمع و تفيد نفسه و تبقى إضافة
أما لو مش فارقه معاه يعمل حاجة عليها القيمة فعندك مشاريع كثيرة جدا تتفق مع طبيعة و مزاج و هوايات المصريين و الأمثلة كثيرة
عربية كبدة هوهو
بنيكة موبيلات أمام أى محكمة
أى حاجة صينى من تجار الجملة و يفرشها على تريسيكل و يبيع
بنيكة تركيب عطور و سبريهات
يااخونا ماهي دي المشاريع اللي تتعمل بدون خوف بسبب الخسارة لاقدر الله
الاكل اكتر حاجة مربحة
بس لو عايز حاجة بجد ويفهم في التجارة والاستيراد والتصدير ..يسافر عالصين يجيب بضاعة اياً كانت شايفها هتمشي في مصر ويبيعها .. الموضوع ده مربح جداً
يا جماعه ايه الاضافه فى بزنس كشرى و كبده و بلاى ستشن
البزنس يعنى تجاره و التجاره اشكال كتير
و اى مشروع فى رسك و يقل الرسك مع الخبره فى المشروع او المجال
يعنى ناخد الكشرى كا مثال
لو هو مشتغلش فى الكشرى عمرو
يبقى مش على درايه ازاى يجيب ارخص و افضل الخمات
يعمل اد ايه شان ميخسرش و يرميه
هو عارف الصناعيه هتعمل فيه ايه و هكذا
ده غير البلديه و الصحه و الكهربا و كل ده
فهمت ايه المقصود برسك البزنس
انا بقول يعمل عصارة او فرن لو كان في الميزانية
صاحبك منطوي يبقى مش هينفع يعمل حاجه
للأسف هي دي الحقيقه ومن واقع الحياه يعني
ايا كان السوق اللي هيدخله عايز واحد مدقدق على رأي احمد مكي ولسانه حلو ومتكلم
والتجاره عموما انت هتعرف تسوق ايه مش شوية فلوس هتجيبلك ايراد
الا لو فيه حد ثقه شغال تاجر ويقدر يشغل فلوسه معاه على اتفاق مسبق بالربح والخساره
وبس كده
انا مدايقتش من اي تعليقات بتنقدني الا تعليقك
صحيح الشيطان يعظ
عموما انا كل اللي بقوله ان اللي انتم بتقولوه دا مش مشاريع وسيبوكوا بقي من الحاجة السهله وشغل الكابي بيست بتاع المصريين دا
تخيلوا ان توكة الحزام ممكن تبقي مشروع
تخيلوا ان شوية حبر علي شوية بلاستيك بيعملوا قلم ممكن يبقوا مشروع
تخيلوا ان في حاجات بسيطة جدا وابسط من اللي ذكرته ابسط مما تتخيلوا بنستوردها من الصين
انا مش هقوله روح صنع لوحدك بس لو تعاون مع 2 او 3 زيه هيلاقوا مجالات كتير لمشاريع ممكن يعملوها
و في الاخر الرزق دا بتاع ربنا
معاك حق بس احنا خلاص عايشين فى مجتمع استهلاكى وبس. انا برضه نفسى اعمل مشروع صغير ان شاء الله كمصدر دخل بس بعيد عن الأفكار المعتادة وبراس مال مشابه
فيه حاجات ممكن تبقى بسيطة زى مثلا المنتجات اليدوية زى اللى بتتعمل فى معارض الشباب بتبقى بتكلفة بسيطة وبتجيب عائد كويس بس بتكون عايز مكان وعمالة ماهرة
اولا صحبك منين فى الزوية الحمرا انا من الزوية الحمرا ثانيا فكرة محل اكل ايا كان كشرى فول وطعمية كبدة كدة انسا لاءن الزاوية فيها محلات اكل كتير لدرجة غبية وفيها 4 عربيات فول بينافسوا بعض منافسة شديدة منهم عربية فول بتاعت واحد اسمو عصام دة مشهور لدرجة متتخيلهاش فى ناس بتيجى من الحدايق والوايلى وشبر يفطروا عندة الماءمور بتاع قسم الحدايق بيبعت يجيب فطار من عندة الزاوية تقريبا كلها بتفطر من عندة د مقفل على كل محلات الفول بس هوا جامد جدن بصراحة ثانيا محلات الكبدة نفس النظام فى واحد اسمو ملك الكبدة فى شارع بورسعيد على اول الزاوية دة بردو خطير بيبقا علية امم وواحد تانى جوا المنطقة دة برد مستحوز جامد اسمو صلاح دة غير الى متوزعين فابلاش موضوع الاءكل دة والملابس بردك كتير اوى فى الزاوية والوايلى وكلة بيروح يجيب من شارع 10 وشارع الجزائر وسوق غزة الى مش موجود فى الزاوية فعلا محل عصير يكون بيعمل قنبلة وعصير البوريو والكلام دة مفيش ولا واحد فى الزاوية بيعمل اى حاجة من الحاجات دى محلات العصير كتير بس النوع دة مش موجود ...يجيبلوا بتاع 3 صنايعية من الى بيعملو الحاجات دى وياخد محل يوضبة كويس واهم حاجة النظافة وتكون الوجها بتاعت المحل مليانة بلفواكة وكدة ويعمل بقا القنابل والحاجات الحلوة دى الى هيا عبارة عن اى حاجة حلوة موجودة فى طبق وهتشتغل معاة حلو علشان مش موجودة فى الزاوية ...وشغل السيبرات والبلياردو دة فاكس فى الزاوية
وموضوع الكشرى برضوا فى الزاوية مش هيبقا تمام لاءن الزاوية فيها 3 فروع سيد حنفى وفرع الاءمبراطور ومحل كبير اسموا ابو شريف