السلام عليكم
ايه رائيكم بصراحة في الرينو سانديرو ستيب واى الجديدة 2014
وفين المعارض اللي بتوفر العربية دي
وايه رائيكم فى قطع الغيار وفي العربية كلها
ارجوووو الافادة
السلام عليكم
ايه رائيكم بصراحة في الرينو سانديرو ستيب واى الجديدة 2014
وفين المعارض اللي بتوفر العربية دي
وايه رائيكم فى قطع الغيار وفي العربية كلها
ارجوووو الافادة
السلام عليكم
السيارة رائعة من وجهة نظري وانا حجزتها من 15 يوم تقريبا + معفاة من الجمارك يعني بتشتري سيارة بأقل من سعرها ب 20 الي 25 الف علي الاقل
بخصوص المعارض للاسف تقريبا دلوقتي صعب تلاقيها معروضة اول ما نزلت كانت موجودة بالمصرية والتوكيل وشوفتها اكثر من مرة وهي بالحقيقة احسن من الصورة بكثيرررر
يوجد منها فئتين فئة تقريبا ب 98900 ودية الي الكاسيت سي دي عادي ودية لما حجزت مكنتش متوفرة للحجز
والتوب لاين ب100900 ودية فية النفيجيشن وشاشة تاتش رائعة 7 بوصة
في المعارض هتلاقي سعرها من 103 الي 105 الف
من رأي متشتريش الا من التوكيل اضمن وارخص وافضل
اتصل 16202 وقولهم انت منين وقولهم عايز اقرب معارض للتوكيل ليك وروح للمعارض الخاصة بيهم يمكن تلاقيها
بخصوص صورها في جروب في الفيس كان واحد منزل صورها من الخارج والداخل ودة لينك الصور
https://www.facebook.com/RenaultStep...type=1&theater
ملحوظة دية صور للفئة الي ب 98900 تقريبا الفئة الي 100900 تختلف في الشاشة ال 7 بوصة تاتش
واكيد اول ما استلمها هعمل تقرير مفصل عنها ان شاء الله
تمام يا رياسه الله يباركلك
ان شاء الله هنزل التوكيل والمصرية ومحمد ذكى يوم الخميس ان شاء الله
والعربية عجبانى جدا ولو مش لقيت في المعارض 2014 بالشاشة الـ 7 بوصه
هبقى احجز من التوكيل بقى مشكله التوكيل معايا ان الاستلام بعد 3 شهور
ايه الفرق بين شاشة الفئة الاولى والتانية ؟؟
وشكرا بجد لاهتمامك وزؤقك
عفوا ياباشا
بخصوص الحجز من المعارض من وجهة نظري حرام تشتري فئة المفترض سعرها يكون 98900 بسعر 104 او 105 ودة شئ راجع لك
بخصوص الفرق بينهم انا لما حجزت كانت الي موجودة بالتوكيل بكاسيت سي دي عادي زي الصور الي جروب الفيس بالضبط وقالي دية غير متوفرة للحجز وكان سعرها 98900 تقريبا
التوب اللاين ودية المتوفرة للحجز سعرها 100900 والفرق بينهم ان دية فيها شاشة نفيجيشن 7 بوصة تححفة وبصراحة مشفتهاش في معارض بس شوفتها علي اليوتيوب رائئعة
دة الفرق الوحيد بين الاثنين لا نة قالي الي من غير الشاشة بتقل 2000 جنية
بخصوص المعارض تقريبا عشان زي ما قلت بالموضوع السابق ان العربيات الي بشاشة تاتش ونفجييشن بتاخد وقت ومش موجودة بالمخازن وبالتالي المعرض بيقولك مش بتنزل لانة لو قالك استني شهرين ونص اكيد تروح تحجزها من التوكيل دايركت والله اعلم
المهم يعني ان معرضين التوكيل الي في الاسكندرية اكدولي عكس كلام المعارض تماما واني هستلمها بشاشة نفيجيشن دون دفع اي مصاريف اضافية
بخصوص الاستلام في التوكيل من شهرين الي شهرين ونص
ومتنساش لو اشتريتها من معرض واستلمتها اعملنا تقرير مفصل عنها وعن تجربتك لها :wink14:
بالتوفيق ان شاء الله
:018a1d~146:
اكيد يا كبير هعمل تقرير
بس بيني وبينك انا مش عايز استعجل الحمد لله الفلوس يعتبر جاهزة
وبصراحة كلامك مقنع والافضل طبعا التوب لاين بس مشكلة التوكيل الانتظار
بصراحه كتير اوى شهرين وتلاته عشان استلم ان شاء الله نازل الخميس
وهشوف الدنيا كده فى المعارض وعلي الله الاقي التوب لاين هجيبها من غير كلام لان 3 شهور كتير اوى
واتصلت فعلا بالتوكيل وقؤلتله مفيش استلام اقل من كده او حجز اسرع قالى لا .. سدها فى وشى بصراحه
بجد مش عارف اشكرك ازاي كلامك كده عرفنى راسى من رجليا معلش يا ابن والدى تعبتك
دي فلوس هتندفع وجاية بالعافية الحمد لله
عندك حق طبعا وعلي فكرة لما تشتري اي حاجة شوف البدائل عشان تكون مقتنع مئة بالمئة يعني شوف اي عربية من رينجها من 90 ل 120 مثلا انا عن نفسي دورت كتير مع اني كنت حددت الاستيب واي بس عشان تكون فرحان بالي معاك لازم تشوف البدائل وتعرف انك اخترت احسن بديل وبخصوص موضوع وقت التسليم عندك حق فعلا مدة التسليم كبيرة بس انا عن نفسي مش مستعجل + بصراحة مش بثق في المعارض وفية تجارب لناس كثير سيئة معاهم + انا والدي واخويا اشتروي زيرو من التوكيل فقولت ابقي زيهم وبلاش معارض وخصوصا زي ما انت قولت المبلغ الواحد تعبان فية ومش مستاهلة تسرع وبصراحة التوكيل ناس محترمة جدا ومش بتوع لف دوران وحورات زي المعارض
بالتوفيق ان شاء الله
وفرصة سعيدة ياباشا
ان شاء الله ده اللي هيحصل وربنا يسهل والاقى التوب لاين لامتا احجز من التوكيل وخلاص
انا اها هشوف بدائل بس ان شاء الله ميه فى المية ستيب واى
الف الف مليون شكر يا غالي وربنا يباركلك
انا اسعد والله يا حبيب الباشا
السلام عليكم
الرجاء من اى شحص اشترا السيارة يقولنا كويسة واية عيوبها
وايه اخبار التوكيل وبيسلم بعد الحجز باد اية وقت
وشكرا